Donkey & Sheep (已結業)

下雨天相約好友閒話家常，想在銅鑼灣區找一間環境舒適的餐廳，又想價錢合理，就來試試Donkey and Sheep~ 多得街上派傳單的阿姨，打救了有選擇困難症的我們！我和友人都是早收工之人，6:15到來是幾乎包場的狀態，7:30打後都滿座了，下次還是先訂位比較安全⋯一坐低就點了兩個SET~是日餐湯精選沙律非常開胃，味道有夠酸，相信黑醋的份量很足料。我的主菜選了紐西蘭肉眼拼法國鴨肝！肉眼扒的口感鮮嫩，完全不會韌，沒有根位啖啖肉！而且適度的調味不過火，再加上從上面的鴨肝的油份讓牛扒吃下去更加香口！不得不讚一下那片外脆內軟的鴨肝，內層入口即溶，甘香滋味湧上心頭了～牛扒底的薯仔都吸收了牛肉的油份和香味。朋友點的BBQ汁豬肋排配法式薯條，也很不錯呢！我們兩個在搶吃薯條～豬肋排肉嫩不乾身，不會硬柴柴，配上酸甜BBQ醬，開胃又好食。這裡的食物賣相都好吸引而且份量不少呢！點了兩款花茶，為晚餐完美作結~下次在銅鑼灣想不到要吃什麼，我也可能會再到這家...到現在我還在回味那牛扒上的鴨肝呢~~

工作繁忙，晚晚OT 很久沒見媽媽了。 約為食的她去据個扒吧。 餐廳的名字為Donkey and Sheep. 驢子和羊子？好可愛的名字。 餐廳的裝潢 好有大草原的感覺。 牆壁舖上仿草皮， 聽說置身於綠色的環境 會令人有輕鬆和減壓的感覺。 （所以我家都是以綠色為主調） 我倆點配了是日餐湯及精選沙律。田園雜菜沙律普普通通吧。未有驚喜。 餐湯是周打海鮮湯。 湯味夠濃郁，也算足料！ 早知2人都點餐湯啦～ 主菜我倆都點了扒類。 紐西蘭肉眼 拼法國鴨肝 識飲識食精明眼的媽媽點了紐西蘭肉眼 拼法國鴨肝 。 哇...好大塊法國鴨肝啊... 鴨肝的表面煎香了，呈金黃色。 食落很甘香，但不油膩。 紐西蘭肉眼點了六成熟， 裡層仍帶微微嫩， 肉質柔軟而眠腍滑。 無需醮點任何醬汁已經好夠味。 西班牙黑毛豬架 拼日本帶子 我點了西班牙黑毛豬架 拼日本帶子 。黑毛豬架不算很大件那種， 但食落有驚喜。 由於火候控制得宜， 黑毛豬的肉質爽嫩，頗有嚼勁。 嗯...個人覺得它的肉質 有點似豬頸肉的爽脆感覺。 唯一不同是， 黑毛豬的油脂沒

百樂中心位於銅鑼灣時代廣場後的一條細細街道-耀華街，雖然街細，但食店都唔少，而且每逢晚上人流都多到水洩不通，淨係等電梯排都等你半個鐘，百樂中心出名在少少既大廈，食店林立， 仲要好多水準都唔錯，今日我同朋友仔就隨便點了一間餐廳共進晚餐。呢間餐廳感覺別緻，好適合同一班好姊妹上泥把酒高歌。晚餐價格實惠。晚餐餐牌有前菜/餐湯， 主菜， 飲品+$28 甜品價格由＄140到到＄280左右。我點左呢一個日式櫻花蝦胡麻醬沙津份量夠多芝麻汁亦都好足夠，蔬菜清新。紐西蘭肉眼配法國鴨肝廚房控制火喉控制得不錯外面煎到炭燒既感覺內裏保留到肉汁， 肉質紅潤，牛肉味香濃，鵝肝同樣做得外脆內軟，下面薯菜份量十足。一個女仔未必食得晒，好適合同朋友大家share個主菜。+$28 的甜品千層蛋糕咁耐以來都未食過lady M嘅我，為咗解一解我嘅千層蛋糕的渴，點了呢個都幾出色嘅千層蛋糕，忌廉奶味香濃而且細滑。分量同樣夠大。伯樂中心大概已經成為銅鑼灣其中一個食店聚集嘅商業中心，泥過呢到食嗰幾間餐廳都好不錯。各有風格。而呢一間環境舒適價格合理，服務亦都相當不錯啊！

其實如果肯上openrice搵下既話，其實銅鑼灣都好多樓上餐廳值得大家去試下架今次就搵到一間CP值高既樓上餐廳每個套餐都有沙律或湯沙律菜新鮮爽脆，仲有青瓜粒，拌上酸酸既醬汁，夠哂開胃而湯就每日唔同，今次係什菜南瓜湯濃濃既南瓜味，加上其他菜類打成濃湯，夠哂健康大大塊紐西蘭肉眼扒，以大火煎到表面香口，從而鎖住肉汁，內裡五成熟，食落軟腍唔會有殘渣，配上紅酒做底既燒汁，小小紅酒香味同酸味，令大大件既牛扒食完都唔會覺得油膩伴碟既蕃茄仔都有煎香過餐飲我加左$8轉花茶，俾自己放鬆的理由。我揀了《紫露凝香》平時既花茶多數係1款花，而呢度係幾款混合而成。我的《紫露凝香》主要有薰衣草，再混合香蜂葉、茉莉花、 菩提子葉，配合一齊味道唔會搶過薰衣草，但多左幾重香味，入口更順滑，味道帶一點甜。非常推薦大家一試

好難得同女朋友食到午餐，於是搵間坐得舒服，又寧靜既餐廳拍下拖最後搵到呢間樓上舖，見啲食評唔錯，就上左去撐枱腳地方以簡約風格為主，尚算闊落我order左個D&S海三寶跟意粉而女朋友就點左個香草紐西蘭肉眼扒跟飯每個套餐都有沙律同湯品沙律菜新鮮爽脆，仲有青瓜粒，拌上酸酸既醬汁，夠哂開胃而湯就每日唔同，今次係什菜南瓜湯濃濃既南瓜味，加上其他菜類打成濃湯，夠哂健康三寶有香煎帶子、蟹棒同加拿大海膽，稠濃既忌廉汁沾滿每條意粉，“”聲吸入口，順滑彈牙，帶子煎完仍然鮮甜嫩滑加拿大海膽有三片，片片都入口回甘，拌落意粉到一齊食，海膽味令成碟都變成豐厚既味道

百樂中心食肆林立，是搵食的好地方 今次就試了這家Donkey & Sheep 店內座位不多，不會有太多人騷擾，啱晒想搵個地方一邊食野一邊傾偈嘅人聚腳 這裡有set dinner 選擇，Salad 爽脆新鮮，加埋酸醋汁令人好開胃 主菜我叫了我最喜歡的海膽意粉，肥美飽滿的海膽令人唾涎欲滴 加上Creamy 的意大利粉，口感相當順滑 配搭上鱈魚，鮮甜又清新的口感令人不其然地想一口接一口 而且沒有油膩的感覺，食完後都唔覺得滯 另一個主菜是帶子肉眼扒，件扒已經好大一塊 上面擺放了一大粒完整的帶子，帶子又厚又大粒 配合埋嫩滑的牛扒，肉汁豐富，一啲都唔鞋身 底下還墊有幾件薯仔，吸晒肉汁的精華，令薯仔非常入味

Donkey & Sheep黑雨過後的晚上,銅鑼灣街道比往日少人,出名排隊等LIFT等得耐既百樂中心, 7點鐘竟然完全唔洗等,就可上樓LA..真難得!位於百樂中心13樓餐廳名好得意 Donkey & Sheep (驢與羊)到底佢地有咩關係呢? ! 地方細細, 大約容納型20人左右, 但座位寛敝, 坐落舒服,晚餐前菜-主菜-餐飲兩個餐送一個甜品如另加甜品+$28平均約$200 另加一服務費前菜- 日式櫻花蝦乾胡麻醬沙津超喜歡胡麻醬, 好香主菜-西班牙黑毛豬架拼日本帶子$198賣相吸引, 份量十足,帶子半生熟, 煎得好香,底面都有香脆感,黑毛豬非常厚身, 食落啖啖肉, YUMMY~~下面配菜豐富: 薯仔, 蕃茄仔, 西蘭花及翠玉瓜細食既我真係食唔晒...餐飲-- 轉花茶+$8 蘋水相蓬茶到後, 待應話需焗3-5分鐘,平時在出面飲花茶係用茶壺上,今次用可隔水茶杯上,飲落有少少蘋果味, 茶可消滯唔錯甜品--雲石蛋糕重身, 份量十足, 我好飽呀~~

點解間嘢叫驢&羊？我食完都無答案喎想知，就自己嚟問下啦！這個特別可愛的餐廳名字，吸引我前來，餐廳面積不大，容納20人左右，但今晚......我包場了(只在我這一枱)，要好好跟友人歡聚一番。散點還是套餐呢？辛勞工作後，不想思考，點套餐吧。1). 日式櫻花蝦乾胡麻醬沙律最愛櫻花蝦配上車厘茄、新鮮青瓜及疏菜，仲有醒胃麻醬食到舔舔脷2). 紐西蘭肉眼 拼法國鴨肝雖然這不是牛柳，雖然這不是鵝肝，但我充心滿意這個組合。牛 Medium Rare，廚師烹調得恰到好處，外圍灰褐色而且帶點香口，裡面大部份為血紅色。肉眼牛味當然不及西冷，但這肉眼有大理石紋脂肪，中間有塊油花，烹調時油花溶掉，滲向牛肉，美味。鴨肝脂肪比例當然不及鵝肝，但不用擔心，鴨肝入口同樣有溶化感。配菜又幾好喎，有薯仔，多汁茄，翠玉瓜。只係唔鍾意鹽水烚西蘭花。哈哈，掛住食忘了拍照，得返隻吉碟3). 海鹽焦糖咖啡這個特色咖啡要加$8蚊雞啊，絕不後悔，聞到咖啡豆香，有簡單拉花，入口有一丁點咸味，再喝下去會嚐到甜甜焦糖味，有層次，被喝光了4). 雲石蛋糕肚子滿滿，還是想吃點甜品，點兩個套餐會送甜品一客，如果多要一客呢？那就加$28蚊雞吧。放心，

上星期放工後在銅鑼灣大肆Shopping，不經不覺行到肚仔打鼓，於是跟朋友到未曾到過的Donkey & Sheep食晚餐。  由於餐廳以「驢、羊」為名，所以連裝修都以大草原及輕鬆悠閒為主。  地方雖不大，但環境淨潔企理，沒有壓迫感，店員温文有禮，讓人可輕鬆在鬧市中歎番餐。  餐廳提供多款美食，晚上6:00-9:30更有豐富的套餐添！  套餐包括：前菜/湯、主菜、餐飲，更可加錢品嚐是日甜品。  今次跟朋友都叫了套餐。前菜：-左：日式櫻花蝦胡麻醬沙律櫻花蝦有咬口，胡麻醬香濃美味，配合蔬菜夠開胃 右：黑醋汁田園沙律酸味味，開胃又美味  主菜：澳洲草飼連骨肉眼扒(20安士)配喜馬拉雅山粉紅岩鹽 (HKD278) 份量真的很大，我一個人一定食不到，幸好是大胃王朋友的最愛，所以他能駕馭得到。  平日他都會叫7成熟，但今次他有點失望，因這肉眼扒應是8-9成熟，有點靭，而且扒中有筋，有點影響口感，建議叫5成熟較好。 但他對伴菜的薯仔及「喜馬拉雅山粉紅岩鹽」很讚，薯仔外脆內軟，岩鹽能將肉眼扒的肉味提升。  西班牙黑毛豬架拼日本帶子 (HKD198)  賣相吸引，帶子大大粒，薯仔同樣外脆內軟，黑毛豬厚身啖

放工想與朋友好好享受一餐慰勞一下自己，但要在銅鑼灣找到價錢合理又高質數的餐廳也不容易，這家我已經吃了很多次了，至今依然保持水準，七點晚餐時段人比較滿，最好致電ｂｏｏｋ位。在銅鑼灣隨便吃一個意粉最少也要百多元，這裡的價錢也算是公道，晚還有每日限定的菜式，間中也有驚喜。這裡的餐湯非常建議試一下，以南瓜打蓉作為湯底，非常濃郁的南瓜香，質感是綿綿的，清甜的味道，微微的調味已經很出色。這次我點了晚餐的肉眼拼鵝肝，配上薯菜份量都算多，上層的鵝肝外層香脆，咬開後鵝肝溶化在口中，濃濃的甘香溢出，再配上一口五成熟鮮嫩肉眼肉扒，食肉獸得以滿足！五成熟上桌時剛剛好，沒有血水，肉質依然鮮嫩，粉紅色的顏色真的非常吸引，光看已食指大動！朋友點的美國牛柳拼帶子份量看起來會小一點，不過牛肉會比較厚一點，喜歡吃口感的可以選這款，帶子以牛油煎至金黃，配上店家特製的醬汁也挺好吃的。女生飯後當然要品嘗甜品，當中我覺得雲石芝士餅不錯，芝味香濃，軟硬適中，我比較喜吃一有口感的，不是那種泡沫的感覺，吃起來很實在。

通常食開西餐俾人嘅印象都係食唔飽一係就價錢好貴呢間餐廳令我完全改觀位於銅鑼灣嘅樓上鋪非常近地鐵站朋友食過話好食再帶我來呢度食我就點左一個餐有餐湯同沙律沙律嘅菜非常新鮮有青瓜蕃茄生菜等等配上適量黑醋個餐就有牛扒嘅唔好講笑件牛扒真係超大件上面仲要配埋鵝肝鵝肝煎得啱啱好外邊香脆唔會乾身而且有濃郁嘅油香味啱晒鍾意食我乾嘅我夾埋牛扒一齊食牛扒脂肪分佈剛好肥瘦適中而且啲肉都好軟熟加埋啲醬汁食邪惡得來但好好味另外重點左個雞卷味道非常特別係一舊雞卷包住芝士同埋火腿出邊加上炸粉炸出嚟嘅香口得來再加埋芝士口感非常濃郁飲品就叫咗果茶呢度嘅杯非常有特色啲茶可以浸住係個杯入邊唔使另外倒出嚟一個令我好滿意嘅晚餐服務態度亦非常親切同良好而且食物水準非常高一個閨蜜談心嘅好地方

今日難得有手信收 ，當然要揀間好味嘅同朋友一齊食晚餐啦。今次就選擇咗耀華街樓上嘅一間餐廳，好彩今日有訂位，所以一上到去就有得坐。餐廳唔算好大間，但係空間感都夠舒服， 今次我哋叫咗兩個晚餐， 最後每人 大約220蚊 ，都幾飽肚，而且味道畀心目中好味。 我哋今次叫咗一個牛扒 帶子和一個豬扒日本帶子 ，一齊分享！！ 我哋都因為鍾意飲湯嘅關係 ，就叫咗雜菜湯 ，味道唔算十分好濃郁 ，但 蔬菜十分 豐富，整體味道不錯 。而主菜很快就上到檯面上， 豬扒畀心目中 厚身，但 十分軟熟又有豬肉口感。 牛扒 我們叫了七成熟 ，沒想到 十分軟熟 ，很有牛肉香和 少少油脂。 薯仔本身不錯 ，但是比較硬身 ，西蘭花和 翠玉瓜 十分好吃燒得香。帶子解凍不錯有口感。 最後我們叫了飲品， 加8蚊要咗一杯朱古力和一杯咖啡……玫瑰朱古力， 朱古力味不是十分濃郁 ，但是玫瑰很香，而且還有玫瑰乾花 ，整體味道不錯。而我叫的 是海鹽咖啡 ，拉花十分漂亮，好明顯打泡技術不錯， 咖啡味道很濃， 有少許驚喜 。所以整體上 ，在銅鑼灣區寫餐廳每人200左右 這價錢都尚算合理食品質素也不錯。

之前來過這間{Donkey & Sheep}吃午餐, 因為覺得食物質素和環境都不錯, 所以今晚特地約了朋友再到這裡來吃晚飯。草綠色牆配上淺木地板, 給人一種自然放鬆的感覺。門外展示板上除了有餐廳和食物的介紹外, 還有各大傳媒的推介呢! 看餐牌點了「紐西蘭肉眼拼法國鴨肝」($208)和「D&S海三寶(三文魚籽、海膽、皇帝蟹棒)意大利飯」($178)兩個Dinner Set。套餐除了主菜外, 還包括了一客前菜(沙律或餐湯), 和基本餐飲一杯。首先來到的是兩款前菜 - 「日式櫻花蝦乾胡麻醬沙律」和「南瓜餐湯」。因為喜歡胡麻醬, 所以選了這款沙律。蔬果新鮮爽口, 小蕃茄多汁微酸, 櫻花蝦乾咸香也增加了口感, 再配上胡麻醬, 一道滋味開胃的前菜。看著是一碗濃稠的餐湯, 飄著南瓜香, 用湯匙喝一口, 味道沒想像中強烈, 淡淡的讓人不自覺一口接一口。接著是第一道主菜 - 「紐西蘭肉眼拼法國鴨肝」。朋友喜歡吃生一點的, 所以點了三成熟, 不過來到的肉眼應該也有五成熟吧? 還好肉質和口感還是不錯的, 易切有嚼勁, 軟韌適中, 而且味道也不錯。鴨肝外皮香脆, 入口軟嫩多汁, 為這道菜增

總覺得性格差不多的人很容易成為朋友，我就像驢一樣的笨，朋友就像羊一樣的馴，所以我們就走在一起了！這天還相約來到銅鑼灣的Donkey & Sheep食午飯呢！^^由於早到了，所以在門外看看餐牌，剛好有位女士吃完飯出來，她在等𨋢期間跟我閒聊，她說B餐很好吃，所以我也放心走進店內了！餐牌都幾吸引，一個餐價錢由$59-$98，包餐湯或沙律，咖啡或茶。見剛才那位女士說B餐好吃，所以也跟她點了B餐 – 野菌蕃茄汁煙三文魚炸蝦扁意粉。餐湯是粟米湯，樣子平平無奇，不過喝下去暖暖的，每口都是香濃的粟米蓉，味道和口感都很真實，不似罐頭湯，不知是不是真材實料自家制的呢？主菜來了！這個意粉賣相很吸引！除了主角炸蝦和煙三文魚，還有在跳動的木魚絲呢！炸蝦大大隻，吃進口裏很香脆，意粉的汁料有很多蕃茄蓉，味道很清新，伴着煙三文魚的咸香，很快就吃光一整碟了！朋友要了海三寶意大利飯，有大大隻的帶子，日本皇帝蟹棒和海膽，以這個價錢來說都幾足料，朋友說很好吃呢！餐飲加$8可以升級，我要了熱水蜜桃紅茶，味道甜甜的，有着濃郁的水蜜桃味！朋友要了特色咖啡，拉花很美啊！以這裏的環境和食物質素來說，跟同區比較算是性價比高！下次再跟羊羊

終於有時間與友人聚聚晚餐。見友人分享此餐廳，不防訂枱試試....與友人點了兩個晚餐，分別為黑毛豬拼帶著子及鵝肝拼肉眼扒。放碟賣相不錯，但可惜地黑毛豬可能 over cook，入口偏乾及「鞋」，要花點時間及力氣咀嚼。同樣地，上碟賣相不錯，惜肉眼扒似薄切扒，另外也over cook了，五成孰...變成十成....還有份甜品（已沒有意欲拍攝了），千層蛋糕，第一層的皮已厚厚的及超乾的，幸好食店只送了一份給我們，不然會浪費了。仍有可取的，侍應服務態度良好及親切，可補一補用餐食品水平的不足吧。