Dream

营业中

休息中

早前見有人評論叉燒蛋飯，一直好想試的我，不妨食一次。一見到日式叉燒蛋飯的賣相唔差，感覺很足料。-流心蛋-汁煮蘿蔔-5件有厚度的叉燒-一碗飯的份量先試叉燒，叉燒肉質夠腍入味，比較喜歡他們選用的豬肉，很好，唔太肥，有肉味。白飯比較黏身，似選用日本米。蘿蔔軟腍入味，適量的纖維平衡了整份午餐的營養。整體依然覺得環境舒適，服務態度好，可說是給我自己偶然讓心情沉澱一下或和朋友聚會的好地方。

午飯時間，全場靜蠅蠅，一個客都冇Lunch set得5款都整唔掂衛生又差日本叉燒蛋飯只有幾片又瘦又柴叉燒+烚蛋最癲係：用隔夜飯問佢個飯係咪有問題，佢先話再煲食左兩啖 仲發現飯內有隻昆蟲即刻影相send左去食環單價$98未加一 (冇野飲)明太子忌廉意粉意粉硬邦邦，非Al dente，是意粉本身品質差調味非常業餘，現成醬料，屋企都煮得好過佢單價$118未加一 (冇野飲) $200幾蚊貼錢買難受難食到食唔落口附近雖然冇咩食，但行兩步落返去都有其他選擇。希望幫幫大家唔好中伏

慶生飯局四缺一，因閨蜜不便出席。餐廳位置不算便利，人流也不多，但環境十分寧靜，燈光效果亦富情調。水果茶可選冷或熱，兩款茶飲的甜度剛好且富水果及薄荷香，熱的感覺較滋潤而冷的則解暑。酸種薄餅即叫即製，配簡單材料最能嚐出各式食材及薄餅的鮮香。魷魚鬚炸得挺直卻不乾柴，炸漿很薄，魷魚鬚也軟中帶脆，加上微辣的醬汁是一道不錯的前菜。烤雞是預訂菜式因製作需時。經過長時間風乾所以雞皮變得很薄但仍留有濃厚脂香，皮脆肉滑之餘雞味豐盈，是值得回頭的菜式。西式餐食除卻沙律外菜蔬選擇不多，因此點了炒什菌，雖然材料一般但煮功仍是不賴的。

明太子蟹肉炸油條（$108）： 有特色又好味，蟹肉醬的蟹肉份量慷慨，油條其實係自家製酸種麵包炸的，食落外脆內煙韌，十足唔甜版牛脷酥，夾埋食很讚！炸魷魚鬚（$98）：平時酒吧嘅價錢，但用料較講究，魷魚鬚是紐西蘭貨，加上自家調配的炸漿，炸得輕、薄、脆， 賠償是拉差蛋黃醬，很滋味！海味手工意大利粉（$198）：用咗瀨尿蝦乾蝦米瑤柱同埋新鮮優質八爪魚，意粉用蘭王蛋自己整。意粉有咬口，八爪魚鮮甜彈牙，用料是好的，但出嚟效果係個意粉同嗰啲配料唔係好埋冷。食呢種意粉，正常期望係creamy嘅醬汁或者炒得香口乾身，但好可惜呢個意粉做唔到，相對出色嘅前菜，呢個係比較失望。薑汁焦糖燉蛋（$90）：一畢開嘅時候，啲薑味已經撲鼻，燉蛋好滑，加埋夠薑，好好味！開咗支白酒（$488），有冰桶，又會幫我哋斟酒，算唔錯。呢度嘅酒呢係支裝賣，有紅白酒各兩款，冇杯裝賣。另外，自攜酒水開瓶費係100蚊。其實餐廳嘅環境幾舒服, 好啱把酒談心，唯一嘅可惜係佢哋晚上10：00就要閂門，係9：45就要清場嗰種。如果想坐耐啲，最好食午市。

呢間係以前為於油麻地的L1fe，自從知道去係何文田附近開返，叫做Dream，(其實係近旺角東站) 一直都想揾機會去食下，就揀左母親節當日去食，好在事先有訂位，見有人想walk in 都唔成功。食物水準一如以往好，咁啱母親節當晚有pork belly😍😍即係以前嘅阿肥個脆皮腩，keep 到以前水準。燴牛頰肉好淋好入味👍👍水果茶亦都係咁新鮮，真正靠水果本身嘅甜而冇用extra 的糖。意粉好彈牙，唔錯。甜品就揀左心太軟，朱古力味好濃，亦都唔會過甜；伯爵茶戚風蛋糕，以前都成日食呢個甜品，鬆軟的蛋糕配上芝士海鹽奶蓋的少少咸甜，好夾💛💛店員服務都好好，好主動介紹餐牌同斟水👍👍

一家人難得聚首一堂，去左食未食過既西餐Dream，點知一食就覺得太遲去食呢間餐廳，好好味，菜式又特別！空間又闊絡，座位又舒適，岩哂一家大細或者同朋友仔傾下計食下好野relax下。除左主菜，肉類一啲都唔乾好juicy又夠味，甜品同飲品都好出色又多種類，好滿足既一餐！

湯：周打蜆湯 -用新鮮蜆煮的，湯好好味，蜆味十足😋頭盤：脆炸魷魚鬚配個醬汁好特別美味 - 炸漿夠薄目香酥鬆軟。蟹肉他他多士 - 蕃茄味濃郁，配自家製酸種麵包，好得👍🏻露絲瑪利煮蜆 - 蜆肉好鮮甜彈牙，仲有海水味，唔住要飲埋個湯🥹主菜：
烤風乾黃油雞配自家製蔥油醬 – 原來要用3日來風乾一隻雞，（所以最好先預訂）食過佢真係返唔倒轉頭，皮脆肉滑，一D都唔鞋，成隻雞連最鞋嘅雞胸都係鮮嫩肉滑又多汁，每個部位都好入味，未試過的一定要試試！😉慢煮北海道豬配山楂蘋果醬 -肉質嫩滑又不乾，豬肉慢煮得剛剛好，好juice,配埋山楂蘋果醬夠清爽，D配菜都好好味,清曬！阿根廷紅蝦蒜片辣椒手工意粉 - 紅蝦磪實爽口彈牙，個手工意粉好出色，軟硬適中有彈牙，蒜片辣椒夠惹味飲品：
牛油果鳳梨沙冰 - 必飲鎮店之寶！因為太smooth完全唔覺得係沙冰！鳳梨帶出牛油果嘅清新，好滿足！甜品：
慢煮法式焦糖燉蛋 - 普通蛋同蘭王蛋各有千秋，但我較喜愛蘭王蛋，蛋香同口感都好豐富且size大D，出面未必食到。比利時朱古力心太軟 - 朱古力味香濃甜度好適合怕肥的女士，配埋vaillna雪糕一齊食，感覺好正。新鮮雲呢拿芝士蛋糕 -

終於到我試啦！！睇谷友介紹知道L1fe cafe老闆前幾個月喺何文田重開餐廳，以前食過幾次L1fe cafe覺得好好味，知道老闆開新餐廳立即bookmark定，終於今個月有朋友生日，就趁呢個機會去試下。餐廳環境非常好，極開揚又舒服，有好好嘅空間感，而且餐廳冇限時間，可以慢慢同朋友舒服享受聚餐。食物主打係fusion菜式，比起出面其他餐廳好少見，有特式之餘都好好味。一行4人預先訂枱，亦預先 “叫雞” 🤣，因雞雞烤燒需時最少 30分鐘。開揚玻璃窗廚房，睇晒廚房運作，最正係睇到隻雞喺個爐度慢燒，勁期待。另外幾款都好有特色。Overall係一個好好嘅用餐體驗，一定會再有下次！

好耐冇食過一間我咁想打食評嘅餐廳，因為朋友回港探親，推薦我哋嚟哩度食嘢同慶祝生日，冇諗過咁有驚喜！蘑菇湯飲得出每一啖都係蘑菇，好濃郁好味道！墨西哥雞翼應該係即叫即整，因為上枱係熱到放唔到入口🤣雞翼炸得啱啱好，皮脆，入面仲有雞汁，香辣惹味。三文魚他他哩個係menu上面嘅secret dish嚟，有機會係其他野，要問大廚先知當日係乜。由於自己對他他情有獨鍾，諗都冇諗就order，三文魚大大粒絕不欺場，加埋個醬食落好開胃，會想一件接一件咁食。慢煮北海道豬出街真係好怕食豬，一係怕”鞋”二係怕”搔”，不過喺朋友嘅大力推薦下就試下啦。豬肉非常軟稔，我最怕嘅兩樣野都冇，果然冇介紹錯。蘭王cream brûlée哩度嘅cream brûlée分兩個版本，我哋揀咗食蘭王蛋，因為出面應該係食唔到嘅。味道非常特別，比起普通版本更有蛋香，一試難忘。心太軟朱古力流心相當成功，軟滑而且濃厚朱古力味，但係成碟最吸精嘅係眼珠咁大粒嘅藍莓，由於唔食莓類怕酸，但係大到忍唔住食咗粒，好甜好好味！海鹽伯爵茶戚風蛋糕蛋糕鬆軟，滿滿伯爵茶香，加埋海鹽嘅味道好特別，花瓣用咗食用花，非常揼本，手字仲好靚👍🏻多謝朋友推介，全程食得出大

呢間餐廳出名無味精，食材新鮮時令，而且每款菜式都由大廚精心設計，唔會同其他餐廳撞款不特止，而且餐廳不時轉換新菜式，絕對唔會食到悶！我好耐之前已經想食呢間餐廳，不過因為人在外地，所以今次返黎香港一個月，決定唔放過佢，以下嘅相係幫襯2次夾埋嘅合集！佢地由頭盤，湯，主菜，餐飲到甜品都會有廚師精選，即係hidden menu，所以除左menu嘅野，當然要試d唔係時時有嘅野啦！呢度有室內同室外位，室內空間感十足，每張枱距離有1米半以上，完全唔會覺得逼夾，坐得好舒服，滿足倒一家大細，又滿足倒二人世界。室外位好開揚，絕對滿足倒食煙同想chill嘅客人，不特止，仲有一個長形空地俾小朋友任跑都唔係問題，整個場地大小都適合包場開party，annual dinner，各種event.
再黎不得不讚員工同老闆，普通西餐廳嘅價錢，但酒店級(因為廚師老闆真係酒店級)嘅服務態度，佢地非常細心，員工喺每道菜嘅前後都會留意餐桌情況，安排好需要餐具同清理枱面，等客人食得舒服唔會呢咁HEA，如果唔太忙，廚師老闆仲會親自出黎關心客人對食物嘅滿意度，希望從意見中提高食物水準。多謝你睇晒我個食評，一間由內到外再到返內都咁高水準

大滿足好食有質素西餐每道菜配搭得好好，fusion 得呢黎味道又好夾雖然地點唔就腳唔近地鐵站仲要行斜路上，但都值得再去食水果茶🍍🍎🍊🦀個湯好多蟹肉🌹超香玫瑰味牛油🤔個人覺得牛油可以加番d d咸味就更好🧂🥖好似油炸鬼個舊包係自家製ga🦑好食炸魷魚鬚🦑個醬酸酸辣辣🐖慢煮北海道豬🍝咸魚陳皮意粉好得意既配搭好好食味道好夾🍮好creamy 味道好濃🍫朱古力心太軟超濃朱古力🤔心可以再軟d就好

Dream的前身係油麻地的L1fe Cafe，當時既野食亦已經相當出色，雖然家陣menu改左，但甜品同水果茶依然保留住，味道都係同以前一樣咁好味水果茶係會隨住時令而轉入面既部分水果，由於係自家製，所以甜度適中油炸鬼配明太子蟹肉沙律醬：食既時候已經覺得個油炸鬼同平日既好唔同，原來又係自家製既主菜方面，我地叫左北海道豬同咸魚陳皮魚滑配手工意大利麵，個豬好軟熟配蘋果醬食起來好舒服，個意粉就有咸魚既特色味道之餘仲有陳皮既香味Creme Burlee同以前一樣，分普通版同蘭王版，帶朋友去食，當然係叫蘭王版啦！朋友話超滑超濃味心太軟家陣轉左用碟上（以前係用鑄鐵鑊上的），佢唔係大家平日係街食到既心太軟，佢係濃味好多既朋友第一次食，食得出主廚用心製作，同時亦都有好多驚喜，雖然地點係有點隔涉，但絕對值得去食！

朋友由外國回港, 約了一大班朋友食飯, 正苦惱無限時又坐得舒服的餐廳, 就想起了DREAM。雖然位置不算十分便利, 但只要清楚指示在培正對面就輕易搵到由於有17人之多, 所以book枱時先同餐廳溝通好座位安排, 及先預訂好招牌菜: 烤風乾黃油雞, 牛小排 & 戚風蛋糕。前菜都好吸引: 魷魚鬚, 炸漿薄, 又夠香酥, 以後其他店的都放唔到入口明太子蟹肉沙律醬油條, 令人驚喜的配搭, 外貌似油炸鬼但又不會油淋淋, 配上特調沙律醬好醒胃沙嗲牛Taco, 香港人對沙嗲牛的食法只會係茶餐廳的沙嗲牛麵, 跟Taco食係一個新嘗試仲有sourdough flatbread, 口感似薄餅的flatbread, 店員介紹係廚師自家製, 心意之作主菜: 烤風乾三黃雞, 睇社交媒體介紹好多客人都食得好滋味, 果然食評都係真實的! 雞皮得香脆, 唔會見到肥膏, 而雞肉又保持到嫩滑多汁, 連同碟內的配菜都掃清光牛小排, 份量好足! 一條有多於10塊, 意想不到會在碟內見到牛筋, 原來醬汁係用牛筋餚出來的北海道豬, 改變了對豬肉的印象, 原來用慢煮會令到口感好軟身甜品:Cheese cake, 心太軟, Crem

位於何文田既隱世餐廳，環境清幽，店內坐位闊落舒適。我同朋友毎次黎食嘢都唔會失望。今次講下我哋個Brunch Menu , 都好豐富架：牛油果沙冰（飲過你就知有幾正）凱薩沙律配手撕雞 (全部食材配合得天衣無縫）韓式泡菜意大利飯（配搭出奇地夾，腩肉做得非常出色）炸油條配明太子蟹肉沙律醬 (以為油條油淋淋，但原來完全唔油仲外脆內軟）仲要一提佢所有既甜品，都係必試之選！廚師用心的烹調你係會食得出，配合新鮮食材，製作出非常高質既出品。大滿足！

諗住同太太食生日飯，諗極都諗唔到去邊度食，佢嘅要求其實好簡單，無味精加「好食」，Holy …之前去過Dream度食晚飯覺得相當唔錯，就決定去呢間，起碼唔會輸。  太太之前都去過，menu似乎驚喜欠奉，喺社交平台同呢度都出過哂。於是打去問一問有冇啲menu以外嘅食物，我想食Omakase。打電話問一問睇吓有冇啦，職員好細心問我太太鍾意食啲咩食物，跟住我就講返佢都係鍾意食龍蝦鵝肝嗰啲，職員說呢個有啲難度，會再覆我。隔日餐廳有人打比我，佢話可以做到，但要平日晚上先可安排，因製作需時同早上買材料，我連聲講多謝佢啦!到當日，太太問我叫咗啲咩嘢，我話Omakase，交咗比廚搞。頭盤係湯，裡面有舊日本豆腐，上面以為係一塊蝦膏，原來係一塊好薄嘅炸雞皮，相當香口一啲都唔肥膩。第二道菜係好耐冇食過嘅鵝肝配一件芝麻包，外脆內軟，非常可口，入口即溶，加埋沙律菜食完都唔覺太膩。主角出場，大大隻龍蝦，開邊一人一半，但佢係將龍蝦拆肉再加芝士香菇焗，由於龍蝦已拆肉，只需用叉就可以品嚐，非常香口肉質鮮嫩太太食完非常滿意。食完咁豐富嘅晚餐，廚師出嚟問太太食物合唔合心意，  太太大讚龍蝦非常好味，一隻開邊都夠哂兩個人食。廚