影片
以上资料只供参考，请与餐厅确认详情
同几位朋友行街，行到累就去cafe休息下一上去唔洗等位，环境气氛都唔错但想嗌野食时，侍应反应非常慢，上菜时间也超级慢，明明人已经不算多！！食物由头到尾都唔热，感觉上唔系即叫即制，好像摆左好耐，但上菜又极慢，我地都忍唔住催左一次，然后个碟野好似未煮熟咁！！而且份量非常迷你，我地四个女仔胃口都好细，一开始叫了四人餐仲怕食唔完，点知我地四个食完都觉得唔够食去到饮品先系恶梦，我地叫个四杯野饮无一杯正常！！！最后我地四个都顶唔顺无饮到，食完先走去便利店买野饮一开始比佢咁靓既环境呃左，野食方面差到极点！！自此无朋友介绍既cafe我都唔敢再乱去
继续阅读
星期日同一大班fd出旺角，忘记book位食饭。揾左好耐终于揾到一间唔洗等位的cafe。位置非常非常偏僻，唔系有人带路，我谂我永远都唔会留意到呢间cafe既存在！上到去，已经坐满晒人，原来门口细细，入面都几大间。我地被安排到一个比较入既位置，由于9个人最后得6个，显得张枱超级大。点餐order了一个4人餐+2人餐，心谂6个人应该够食啦，点知出事了。每一份食物既份量都非常迷你，唔好话男仔，我地女仔都唔够饱。前菜有餐汤（青豆忌廉汤）或田园沙律选择，汤我冇饮唔知味道，沙律既酱汁调得唔错。小食有忌廉芝士薯条，平均分一人有两条。热辣辣，明显岩岩炸好，味道就冇咩味。意大利云吞，好大阵番茄味+面粉混合一齐。一般！牛油杂菌，好香好热好好味！可惜每人只有一啖，少食多滋味！格外加钱散叫了鸡翼，超级好味又juice!!抵赞！！主菜鲜虾墨鱼面，因为分量十分迷你，唔够分冇食！卖相唔错。龙虾意大利饭，好大个龙虾壳，虾肉就得3-4旧，味道一般，好普通。牛排，大大块，好juice，7成熟刚刚好！唔错！咸猪手，好巨型，炸到外皮卜卜脆，d肉除了咸味，食唔到香味。饮品全部格外加钱order了特饮。卖相造型全部一流，我杯士多卑利牛奶超级好饮！！埋单1137，但冇一个食得饱。灰！！
继续阅读
与几位知己相约GATHERING, 其中一位朋友推介哩间DREAM CAFE, 位置就系好景后面, 好容易揾 一上到2/F就已经系DREAM CAFE门口, 气氛好正, 好有情调, 好舒适!因为我地好早左就上左去, 加上系平日, 唔洗等已经有位啦~ VERY GOOD 服务员仲好亲切咁介绍食物比我地, 仲帮我地计埋数....因为我地几位都系女士, 食唔到好多野, 选择2人SET, 再叫D小食, 会多D选择同埋抵D太好啦, 唔洗我地谂咁多, 一于跟佢咁叫野食啦@@旁边仲有个蜜糖肠仔, 因为系第一碟放低既美食, 未影相已经比班化骨龙食晒 另外, 见到佢仲有间玻璃房, 够大又够GRAND, 搞PARTY一定好正 ><系旺角, 已经好难揾到D静静地, 舒舒服服咁食下野既地方~所以我同朋友们都十分满意, 仲约定左下次会再黎
继续阅读
昨晚一共5个女仔去依间食，之前完全无食过，系OPENRICE见到D环境相几好咪试下啰！其实块到环境真系唔错，坐得都算舒服！但到了食物那一部份真的很差，我们叫了一个4人餐再另加饮品同小食，但由第一碟到最尾一碟菜全部都不热的，充其量只是移暖而已，味道是还可以的如果是热烘烘的应该会很不错，而且上菜时间很慢，慢到连续3碟都忘记了..还以为我们是全部菜上完啰..而且5个人叫了所有饮品都货不对板，差到极点...!!!!另外是当晚食饭有朋友生日，唯一以为好好啦，可以叫甜品在碟上写HAPPY BIRTHDAY，谁知....D字核突到....= ="真系无必要都不会再去!!!而且那么多客人都是一直见到一名侍应，要到走前才看到原来有另一位存在啰...依间野最差系D食物饮品质素差，如果唔系其实系一个几好的地方！
继续阅读
见同个客喺兆万睇完铺....知道Dream Cafe 新开多间分店喺附近...就同个客上倾埋D细节啦..一行三人去到...哗~咁大嘅..全层楼..比之前2间大好多....职员安排坐咗张大梳化...之后就开始叫嘢食啦...一嚟就叫返个小食试下有冇跌watt先叫咗个安格斯牛柳粒.....比旧铺做得更香..更多汁再叫多个三文鱼沙律......喂又keep到㖞~沙律醋几开胃个客食完个沙律都问仲有冇咩介绍....见之前2样都keep到更喺叫"my 飞佛" 嘅" 卡邦尼" 啦...见到menu 有新嘢个parma Ham pizza .....叫嚟试下啦..不过挂住食冇映相.... 可能食完卡邦尼...觉得parma ham "咸咗D...不过个饼干底好脆..料都多..有8分同事就叫咗个set dinner 意大利饭..仲有个餐汤....都话好正...3个人share 住食...加三杯嘢HKD $ 4XX ....由差唔多7点坐到10点几, 全程冇人烦过, 只系order ,上菜 收碟. 有一大Group 人生日坐喺另一边大房...完全唔嘈...以旺角区 ,静静地,坐得舒服,冇人赶 有得倾下生意嘅地方 嚟计,咁嘅价钱都好难ga 啦. 其实见到仲有好多新菜色....今次试完冇跌watt...下次上嚟试埋其他
继续阅读