影片
港铁天后站 A2 出口, 步行约3分钟
继续阅读
营业时间
今日营业
13:00 - 22:00
星期一至日
13:00 - 22:00
以上资料只供参考，请与餐厅确认详情
2024年9月9日 星期一今日放工後見餓餓地，就諗住喺天后附近搵嘢食下喺電氣道嘅天橋底下見到呢一間舖好似新開張咗冇幾耐，主打乳酪雪糕，裝修得幾有特色，簡約清新，仲keep住有客人幫襯添餐廳有七款配搭咗唔同配料嘅乳酪雪糕杯提供，同一時間都可以自創想要嘅雪糕杯，價錢都唔算太貴，50幾蚊就有交易，比較特別嘅係見到有牛角杯，乳酪雪糕上面竟然加咗牛角包？好奇心驅使之下就點咗呢一個，再加自己想要嘅配料牛角杯加埋五款配料一共大約$70，屬於合理價錢當店員整好製成品拎俾我嘅時候，當場嚇咗一跳，無諗到咁大杯，而且裝滿晒配料，最特別嘅一定係個牛角包，壓扁咗之後咬落更加鬆化同脆口，裡面仍然見到一層層嘅酥皮，同雪糕一齊食味道更加配合，唔會覺得好油膩另外雪糕加咗蜂蜜之後層次更加豐富，而抹茶麻糬就好煙靭，抹茶味都幾突出，同底層嘅抹茶奶凍又係兩個唔同嘅質感，奶凍入口比較幼滑最後不得不提餐廳自家製嘅杏仁脆片，因為咬落去真係好鬆脆，仲食到一粒粒嘅杏仁，整得好香口食完呢杯雪糕之後返到屋企都仍然覺得好飽，晚餐都唔需要食太多
继续阅读
返工咁辛苦，收工去咗買低脂乳酪雪糕，健康又好味。店舖就係天后地鐵站直行三個街口就到，乳酪雪糕店店名叫“Drool Froyo”乳酪雪糕口感酸酸甜甜、軟滑好味，夠哂消暑，食得好滿足。除咗有4款自選杯選擇，包括有純味杯、滋味杯、滿足杯、牛角杯，另外26款配料選擇：新鮮生果、自家出品、煙煙韌韌、名式餅乾、脆脆 及有9款醬汁選擇[ 牛角杯 $60 ] 配2款配料 + 1款醬汁 (額外配料每款 $5)牛角杯有一塊壓扁咗個牛角包，口感微甜又酥脆，放係中間層嘅醬汁係香甜嘅玫瑰荔枝醬 + 大大粒藍莓，甜甜藍莓又脆口 + 最頂放有咖啡蛋白霜糖。最頂層及低層有軟滑乳酪雪糕包圍住，食落有層次感又滿足[ 滿足杯 $58 ] 配3款配料 + 1款醬汁 (額外配料每款 $5)頂層及低層有軟滑乳酪雪糕，頂層及中間層放有清新口味嘅熱情果醬 + 中間層放有滿滿嘅草莓凍乾，食落口感甜甜脆脆，最頂層配有朱古力麻糬，細細粒又煙煙韌韌，好味道 + 雪糕仲插入三大舊脆卜卜焦糖脆，又脆又甜又好味兩杯乳酪雪糕賣相十分吸引，食之前記得打卡影相先，每一杯都係藝術品，好靚好吸引又好有驚喜
继续阅读
利申夏天我好鍾意食雪糕。有日過開嚟天后經過呢間小店門口有客人喺度等，埋去望原來係賣乳酪雪糕幾特別噃自己又好少食，同朋友一人買一杯試新嘢。等待期間都不斷有客嚟買froyo睇嚟生意唔錯Matcha Garden 抹茶園～Sauce/醬汁・Matcha Milk Spread/抹茶牛乳醬～Toppings/配料・Blueberry/大大粒藍莓・Matcha Mochi/抹茶麻糬・Palmier/蝴蝶酥So Nice- 朋友食呢款，佢話抹茶醬唔算濃郁有茶回甘，抹茶麻糬幾彈牙，個蝴蝶酥夠酥脆，乳酪雪糕幾滑帶乳酸甜味，藍莓都新鮮清甜 Flat Croissant 牛角杯～Sauce/醬汁・Raspberry 紅莓醬 Toppings/配料・Mochi/麻糬・Freeze Dried Strawberries/草莓凍乾- 呢個係我嗌嘅，食完第一感覺係佢哋嘅食材和配料幾新鮮。乳酪雪糕無普通雪糕咁甜膩、佢係酸中有甜所以食落係開胃嘅。加$3嘅紅莓醬亦唔錯，味道唔太人工化、多酸少甜令整體味道清新啲。麻糬都幾煙韌並唔係雪得耐而變硬，草莓凍乾亦耐嚼chewy甜甜酸酸幾得意。最特別又吸睛米係個脆卜卜嘅壓扁牛角酥囉！鍾意食酸嘢嘅人其實幾啱嗌呢款froyo
继续阅读
本身諗住去天后食糖水🍨點知見到有間新開既乳酪雪糕店就轉軚一人叫左一杯乳酪雪糕黎食😋我就叫左個牛角杯，可以自選1個醬+2個醬料我就簡左抹茶醬+抹茶麻糬+蝴蝶酥抹茶控大愛，同抹茶園差唔多，多左個牛角酥雪糕唧到又滿又高，唔會中間得個窿😍扁牛角好大片，咬落好酥脆，仲有啲焦糖係面朋友叫左黃金寶，set好左配搭，岩哂啲選擇困難症既人😆芒果肉+麻糬+杏仁脆片+野生蜂蜜🍯又軟又脆，咬落好有層次，酸酸甜甜又開胃😈
继续阅读
新開張人氣希臘式乳酪店!!除左靚靚外表超岩打卡之外，味道都非常吸引，絕對值得一試!! 🔥- 牛角杯 HK$60 🍦🥐人氣必試牛角杯!!超大熱扁牛角竟然同乳酪雪糕非常夾!!扁牛角即叫即製，暖粒粒充滿焦糖香氣，酥化口感與乳酪順滑質感非常有層次!!香甜朱古力醬淋上酸甜乳酪味道岩岩好，加埋朱古力好伴侶香蕉配搭超經典!!麻糬控必加麻糬粒粒，有不同味道選擇花多眼亂!!
继续阅读