Duke of York

营业中

休息中

Blackthorn is one of my favorite cider, especially on tap. So refreshing, acidic and bubbly. Tastes a bit sweet on first sip with a dry finishing. Best thing to quench my thirst on the hottest days.Duke of York in Sai Kung always serves fresh cider, which I'm sure with the amount of local customers, they have no difficulty in opening new kegs quickly to guarantee freshness👍🏻

A cozy bar in the town center of sai kung. The interior was rather dark but a good ambience for casual drinksThe outdoor tables face a busier road so it’s not the nicest view. Had two beers at a decent price during happy hour, nice place to catch up with friends

都有成年無黎喇 Duke 坐，今晚墨魚團我晨早到達西貢，唯有嘆杯啤酒，順道睇下有無 pool 打啦。發現有兩個捐款箱喎，都係幫狗狗，我捐晒身上所有大餅啦﹗Duke 只有花生或薯片，而且生啤類不多，唯有飲 Stella 啊。西貢區 Happy Hour $38 蚊杯大生啤十分經濟實惠，抵飲呢。Duke 有 Pool 打、有針 board 飛鏢，有大電視可以睇馬睇波。廁所不外借，有三四個洋仔洋女遊完船河衝入黎打算去廁所換衫，不過職員阿嬸三番四次阻止，不準換衫、不準沖涼，勁惹笑﹗厭悶到火都黎，發爛轉場﹗見阿嬸強硬態度及目無表情，都好認真趕客喎。堅技癢，我好想打 pool 啊，有無高手係度呢？最終忍唔住要跟隊。大埔 Vs 西貢戰況激烈啪啪聲，1 勝 1 負平手，和氣收場﹗我夠鐘上船喇，有機會再挑戰。

星期六同朋友去開西貢玩，想揾個地方食野傾下計，經過間酒吧見環境ok又有歌聽就坐底咗。有枱波打有live聽，有戶外枱本身淨係諗住飲下野，但飲飲下想揾啲野食，個waiter同我地講個燒春雞好正唔落味精，咁就試下啦。講真去酒吧叫野食其實對食物質素真係無咩期望...佢地好細心咁準備定膠手套俾我地👍食物未放上枱已經聞到好香，一切入去，塊皮超脆！薄到好似紙咁，食入口超級juicy，唔係講笑！雞胸肉竟然仲超滑！😋😋😋真係估唔到咁好食，平時出面餐廳專食燒雞嘅地方都無佢地做得咁香脆juicy!!另外仲叫咗個白酒汁青口大蝦意粉，雖然價錢同出面嘅中價餐廳差唔多不過超足料！！整體黎講地方舒服食物高水準！！下次會再黎食野！！👍👍👍

duke of york 忽然加了好幾款食品 包括鬼佬吧特色之炸魚 青口意大利粉 特別一題是制作十分認真的燒春雞 又名燒昌雞 (因大㕑叫昌哥)而命名 , 烤雞一食便知花了不少功夫, 一問之下, 吊足8 小時才去烤制, 香草味滲入胸骨內, 以前吃燒雞, 雞脾位必是首選, 但在於燒昌雞而言, 脾位只能排季軍位置. 最好味部份是 雞羅柚, 其次是胸骨, 最後才是雞脾.  下次再吃時, 必定叫兩份, 原隻上, 不用刀叉, 必有另一番風味

這一個重陽天，實在是太過熱了，喝完中國涼茶是不夠的。這時候，正好不用開車，亦是一個人的 Happy Hour。就往巴士站走，來這一家只賣酒，不賣食物的酒吧，飲多一杯鬼佬涼茶，亦即是啤酒。我來時仍未到 1pm，是這一天的第一個客人，我看了一看酒吧tap中有什麼美酒，雖然不外乎都是出名的品牌，但當中有一個品牌是令好多西貢居民都感覺非常 home 的，而這一個品牌的酒種，不是我們常常飲用的 Lager，這一個是氣泡比較密集，麥味亦較為香的，說明是苦酒的Bitter。然而為何我說西貢人會感覺非常 home 呢，Boddingtons 這一個品牌，除了是英國產之外，更是 Manchester 城市的出品，而西貢有純大部份的鄉親，年壯時都是在 Manchester 生活同搵食，固然， Boddingtons 這一個品牌，是深入西貢人的民心的。我只 order 了半 pint，英國人飲酒的指定量度，是以 pint 計算，傳統的一 pint，是 568ml，我要的半 pint 也就是 284ml。在英國，這是女士的 size，今日這是我輕輕為了解暑的細小份量。Boddingtons，只做 Bitter

今晚係出海釣墨魚團，但無咩收獲，全船只得十二隻乍 ~ 所以個個都好肚餓，各團友又落船就各自各去搵食喇 ~我地一行人六個落左船，就立即想到 Duke 喇，都多年無黎。依度有美式桌球打，又有久遺既針 board 豬毛靶飛鏢玩。裝修都好西化，典型消閒鬼佬吧，電視長播住英文體育台囉。步入酒吧幸運地有長大枱剛好，即刻問有咩野食，原來係無小食供應架，只有花生同啤酒，極度失望。最後侍應姐姐都比我地出去買野返黎醫肚，仲比個好 warm 既親切笑容我地添，好 cute。所以我地咪要出去買野食囉。出去買野食又熱又多人排隊，啲人仲要毫無秩序，成日打尖，火都黎呀 ﹗陰功。唯有大家係度飲吓啤酒、食幾舊外賣小食過吓口癮、傾吓計、打吓波啦，休息陣就回家吧。

閏五月下旬‧忽然落波其實這裡的名字，叫「Duke of York」。突然而來的風球，打亂了大好星期天的計劃，一班跑友原本去走長課，之後再落水，但一切都在橫風橫雨的晚上取消了。但出人意表地，天明時又一切都已褪去。望著明朗的天色，一點涼快又微微飄雨，正是夏天練跑的最好情況，亦是難得的練跑濕道的機會，就約埋幾個同樣于想呆在家的跑友，到西貢走一轉。 由西貢運動場出發，走入北潭涌再回西貢運動場，也是一場不短的長課。疏洗完畢，走出西貢運動場，雨忽然越下越大，「不如入去飲杯啤酒。」我說。 這裡是很地道的酒吧，只賣啤酒，就要了生力。沒有什麼泡沫，但冰凍順喉，暢快非常。 坐在木椅子上，舒適悠閒的坐了個多小時，看看手錶，是時候回家了，不知碼頭那邊有沒有新鮮墨魚或魷魚，買些回家炒西芹就正好。 埋單60蚊，下次有雨或放晴，也會再來這裡喝酒的。想看多一點這裡的相片，來這裡：http://gourmetkc.blogspot.com/2009/09/duke-of-york.html

食完海鮮出去行下﹗有大戲做呢﹗見到久違了既整糖公仔阿伯，好多小朋友排哂隊等玩吹波呢﹗其實邊有可能吹得大過個圈架？西貢必到的一間酒吧﹗Duke﹗是一間定情酒吧呢﹗勁多鬼佬在打波，我地兩個就坐在一旁睇港姐總決賽﹗最後三號贏了﹗嘉士伯也飲完了﹗很難得的一個多姿多采的周末﹗很開心呢﹗無計情意結，來一次都係評一次滿分的了﹗

在西貢海旁行左個圈，消化下頭先0係西餐廳狼吞後的滿足感，一場黎到決定飲番杯，當然去番老地方Duke!肥仔阿哥終於都返來，第一次來就係見到佢，酒吧內的桌球台已經搬左出大門口，因為間野較左now直播英超，所以入面加左坐位，無位比人打波。不過個感覺係無左當年0個種打波既熱鬧，人流亦都唔見得多左呢﹗呢間野一向都係殘殘舊舊，有著少少英國小鎮酒吧既情懷，無計，又係情意結，去親西貢都係來呢度﹗唔好問點解，就係鍾意......

係好多英國人係度snooker,睇波同埋傾計ge bar,外間人好似好難投入間bar 同各人的氣氛。