影片
营业时间
今日营业
11:30 - 21:30
星期一至日
11:30 - 21:30
*截單時間: 20:45
以上资料只供参考，请与餐厅确认详情
影片
相片
金沙軟殼蟹三文魚籽海鮮沙律盒子吐司
日韓炸雞拼盤
+1.5K
+73
食家推介
E for Egg是人氣日式Café，採用簡樸木系風，柔和燈光貫穿室內，坐在榻榻米打卡最享受。舒服軟墊上，品嚐厚吐司及甜點，令人甜絲絲。店內的寵物友善專區，開放式格局，搭配綠色的人造草地，適合帶同毛孩，愉快地共進午餐，和瘋狂打卡。金沙軟殼蟹三文魚籽海鮮沙律盒子吐司盒子吐司外層金黃酥脆，包裹著香炸的軟殼蟹和八爪魚粒粒，搭配三文魚籽，鮮香美味，口感飽滿、綿密。滑溜的炒蛋，混合沙律醬，滋味誘人，口感多層次，令人垂涎。 蒲燒鰻魚定食蒲燒鰻魚香氣撲鼻，肥美厚身，外焦內嫩，鋪上紫菜絲。大啖咬下去，蜜甜吸引，把米飯拌合了香甜燒汁及蛋絲，定食跟配熱騰騰的面鼓湯和泡菜，十分滿足。 日式叉燒湯烏冬烏冬湯頭清甜，叉燒肉質軟腍，搭配彈牙的烏冬，掛滿清甜昆布湯汁，讓人暖心滋味。 日式章魚小丸子章魚燒脹卜卜，入口熱燙，內裡填滿章魚粒粒🐙，加上蛋黃醬及海苔，十分惹味。 薯餅拼盤（紫芋薯餅＆南瓜薯餅）炸至金黃的薯餅，外脆內綿軟，紫芋內餡軟綿黏牙，啖啖窩心。南瓜薯餅，充滿純厚南瓜甜香，粉糯濃稠。 抹茶栗子蒙布朗窩夫濃厚細滑的抹茶奶油，香氣濃郁，內裡的窩夫香脆，令人甜入心扉。中心填滿栗子蓉及紅豆，柔軟細緻，配搭驚喜。一次過品嚐到，抹茶的微苦與紅豆的甜香，茶香滑順，內層的窩夫則增加口感，是創新的日式甜品。天使奶油蛋糕卷蛋卷厚身，如戚風蛋糕綿彈，忌廉香甜輕盈，空氣感十足，濃厚的奶油香，帶來甜美享受。 玫瑰花紅茶放在咀邊，已經聞到玫瑰的芬芳，飲一口清新中帶微酸，適合悠閒的午後時光。 開心果特調杯邊沾滿香濃開心果醬，開心果鮮奶加上滑溜豆腐，先嚐濃郁堅果香，再滲出陣陣豆腐清甜，入口厚滑風味。
继续阅读
E For Egg係大圍真係出晒名🤣 係大圍都唔知食左幾多次都係咁愛 依家開到西環都有喇 香港嘅朋友仔非常之有口福啦 佢地啲嘢食真係無得輸 西環分店仲要大左好多 坐得好舒服 最緊要係有Pet Friendly區 毛小孩想一齊用餐都無問題🌈🔖黃金鳳梨韓式炸雞滑蛋盒子吐司88好豐富澎湃嘅toast，配料超多。充滿滑蛋、菠蘿同芝士嘅吐司上放咗三舊甜甜辣辣、非常惹味嘅炸雞。炸雞香脆嘢味；盒子吐司層次豐富，炒蛋香滑，配上菠蘿非常Refreshing，而且吐司本身亦好香牛油味，好正🔖蒲燒鰻魚定食80好抵食，80蚊有沙律、麵豉湯、鰻魚、泡菜及飯。鰻魚肉質結實、厚身，味道濃郁，性價比高。而且跟蛋絲，以及灑有飯素的米飯，同鰻魚非常搭配🔖小食拼盤(日式芝士年糕&酥炸雞軟骨)58芝士年糕好正，煙煙韌韌，而且芝士好軟滑好濃郁。雞軟骨好香，帶少少辣，更加惹味🔖抹茶鮮奶43抹茶鮮奶嘅拉花好靚，而且茶味非常濃郁，唔會畀奶味蓋過，非常好飲嘅一杯抹茶鮮奶🔖開心果特調56好特別嘅嘢飲，底層係香濃嘅開心果奶，而面係一層豆腐。齋飲開心果奶超級香濃，鍾意開心果嘅朋友絕對要試。面層嘅豆腐帶淡淡豆味，攪勻後，味道更有層次，開心果味同豆腐味並存，非常特別🔖雪之巴斯克軟心芝士蛋糕62其實佢係麻糬芝士蛋糕，有一層薄薄嘅麻糬包住芝士蛋糕。麻糬本身有淡淡的甜味，非常煙韌，而芝士蛋糕非常香濃，帶鹹香，一齊食勁正
继续阅读
雞蛋主題Cafe 🌟E for Egg🌟，位於西環嘅分店，地方更大更闊落✨！西環店同樣保留🎋和式嘅打卡座位，亦增設🐈🐕Pet Friendly區域，方便攜帶寵物嘅客人🥰！🌰抹茶栗子蒙布朗窩夫 $96栗子蛋糕加入抹茶粉，入面係滿滿嘅抹茶cream，同埋窩夫，賣相超討好，抹茶控必點！🍰雪の巴斯克軟心芝士蛋糕｜開心果巴斯克芝士蛋糕 $62作為Cafe，E for Egg嘅蛋糕真係有水準！大福皮包埋巴斯克，無減滋味，仲多咗重煙靭嘅口感！開心果巴斯克嘅開心果味超香郁，正！🦀金沙軟殼蟹三文魚籽海鮮沙律盒子吐司 $108原隻軟殼蟹插入厚多士，鹹香又有鮮味，真係既美味又打卡！🐂黑椒十勝牛肉定食配糖心蛋 $80牛肉軟淋味濃，份量又多，勁抵食！☕招牌奶蓋咖啡 $45｜竹炭黑芝麻鮮奶 $42帶少少酒味嘅奶蓋咖啡，十分好喝！竹炭黑芝麻鮮奶係奶蓋芝麻糊，香郁可口！🍤薯餅拼盤｜雞翼拼盤 $58E For Egg嘅炸物真係唔錯，值得一次！
继续阅读
之前朋友係大圍食過一間咖啡店非常推介我去食，但路途有少少遠原來餐廳係港島區開左分店，放工搭地鐵到西營盤就食到，相當方便住港島區嘅朋友仔分店空間非常之大，除左平時嘅座位，仲有榻榻米茶座風格卡位，充滿日本風另外店內仲設有寵物友善專區，大家仲可以帶埋自己心愛嘅毛孩一齊開心用餐餐廳提供多款人氣滑蛋盒子吐司、定食、烏冬、拉麵、小食及甜品，仲有必試嘅蒙布朗窩夫，千祈唔好錯過食物方面 :金沙軟殼蟹三文魚籽海鮮沙律盒子吐司 : 軟殼蟹炸得香脆，吐司軟硬適中又帶少少脆口，入便係滿滿嘅滑蛋，再加埋沙律醬及三文魚籽，口感夠曬豐富雞翼拼盤 : 雞翼拼盤有餃子雞翼及芝麻雞翼，芝麻雞翼炸得皮脆肉嫩，餃子雞翼起骨後釀入雞肉及香蔥碎，咬落啖啖肉，又夠曬 juicy小食拼盤 : 小食拼盤有日式芝士年糕及酥炸雞軟骨，芝士年糕充滿奶香芝士和嚼勁十足，雞軟骨炸得乾身，口感酥脆開心果特調 : 特飲開心果味非常香濃，配搭鮮奶、嫩滑豆腐及杯邊嘅開心果碎，口感豐富，味道有驚喜番石榴靑檸氣泡水 : 氣泡水加入番石榴粒及靑檸，味道清新開胃，一杯小清新飲品黑椒牛舌定食配溫泉蛋 : 將溫泉蛋撈到薄切黑椒牛舌，口感嫩滑又惹味，惹味到可以食多碗飯原條蒲燒星鰻茶漬丼 : 用上原條蒲燒星鰻做主角，味道香甜軟淋，丼飯加上栗米、蘑菇、味素、香蔥、芝麻及脆米，再加入熱茶做茶漬飯，食落暖笠笠栗子蒙布朗窩夫 : 蒙布朗外層係滿滿嘅栗子蓉，內餡係外脆內軟嘅窩夫配上煙韌冰涼的雪米糍，再配上栗子粒，味道及口感都十分豐富竹炭黑芝麻巴斯克芝士蛋糕 : 就快到萬聖節，餐廳推出一個期間限定巴斯克芝士蛋糕，賣相加上棉花糖鬼，非常可愛，芝士蛋糕入便係軟滑嘅竹炭黑芝麻忌廉，味道相當不錯
继续阅读
一直都想去大圍嗰間總店，但係我知道係人氣Cafe排勁耐，所以我冇耐性去排，今日特登過嚟香港大學站附近嘅分店碰吓運氣，我嚟到大概2:30真係有位yeah！🦀 金沙軟殼蟹三文魚籽海鮮沙律盒子吐司$108 新鮮軟殼蟹搭配香脆的沙律，味道非常清新。三文魚籽的鹹香與蟹肉的鮮味相得益彰，食落令人回味無窮。吐司底部吸收了沙律汁，口感豐富，整體非常好味！🩷🧀 香蒜雜菌黑松露拉絲芝士盒子吐司$65 濃郁的香蒜味與黑松露的獨特香氣，令這道菜充滿層次感。而且價錢非常之抵。🍜 地獄豬軟骨湯拉麵（轉烏冬）$78 這碗拉麵的湯底非常濃郁，帶有一絲辣味，豬軟骨煮得非常入味，肉質嫩滑，與烏冬的Q彈口感相得益彰，連嗰半隻嘅糖心蛋都係非常之入味，真係一絲不苟！🐟原條蒲燒星鰻茶漬丼$88 蒲燒星鰻的味道非常鮮美，鰻魚的肉質嫩滑，搭配茶漬飯，清新又不膩。係驚喜嘅意外選擇。🩷🍰 是日-開心果巴斯克芝士蛋糕$62 這個巴斯克芝士蛋糕外脆內滑，開心果的香味令蛋糕更加特別。甜度適中，配合香濃的芝士味，簡直係一個完美的結尾，值得一試！🤎🧊開心果鮮奶咖啡（凍）$52 咖啡的開心果味非常突出，奶香與咖啡的苦味平衡得恰到好處，是一個清新的選擇✨🥛竹炭黑芝麻鮮奶（凍）$42 黑芝麻味道濃郁，竹炭的加入令口感更為獨特，色澤也非常吸引！✨這間餐廳的菜式無論在味道或創意上都非常出色，環境中非常之寬敞舒適，值得再次光顧！
继续阅读