Egg O’Clock (已結業)

頭時有幫襯開一路都唔太差，價錢亦有競爭力。但近期發現有個新既職員，佢戴左手套好似好衛生咁，但收錢時唔會除手套，掂完現金後亦都唔會用毛巾之類抺下手。佢咁樣戴手套為咩呢之前個職員會叫你自己找續，即使迫住要掂現金佢都會除手套……見到咁既情況無下次鳥而近期唔知係咪成本問題，由原本既膠盒變成紙袋咁裝食物（我叫既係餐蛋治），返到公司己經透又濕，影響埋食物質素。而佢個整體份量都明顯比以住慳皮左，連塊包皮都食得出比以前差

作為打工仔，返工最緊要就緊係放飯啦！ 食番餐好嘅晏晝，絕對係成日嘅能量來源！喺葵興嘅商廈KCC入面，聽講有間好高質嘅蛋包飯，究竟係真唔係？小編就專誠入去試試！KCC座落喺傳統工業區入面，雖然由葵興地鐵站有天橋接駁，但講真應該都係做附近打工仔生意多。喺商場嘅一樓就有幾間餐廳，今日嘅目標就係度啦！ 店名叫「EGG O’CLOCK」，食哂字咁一睇就知係賣蛋料理。成個menu都係見到蛋嘅元素，唔同配搭嘅蛋包飯、三文治、常餐都有！當中蛋包飯嘅配搭仲好L多，牛肉、魚柳、豬扒、漢堡，你諗到咩都幾乎有齊哂！原條鰻魚蛋包飯 套餐（$75)咁多選擇，唔想諗就揀個最貴嘅！平時去supermarket買條鰻魚都成50蚊啦，蛋包飯跟埋嘢飲都係75蚊，剩係個價都抵啦～ 雖然舖仔細細，但係門口都有堂食嘅檯可以坐低食。唔洗十分鐘，新鮮熱辣就整起，老闆仲好nice提醒食完要自己執返。嘩！雖然係用外賣盒裝，但擺盤真係一啲都唔馬虎－原條鰻魚真係成個盒打斜放先裝得哂，鰻魚煎得微焦，食落帶少少焦香，魚肉都好嫩滑！個蛋包飯真係落足牛乳去整，所以入口好嫩好滑，加埋海量嘅鰻魚汁，送飯真係唔怕唔夠汁！仲要有埋沙律菜，芝麻醬溝埋易入口。

見到佢買蛋飯就有糖巾送，就1100準時去到，叫左個蛋包鰻魚飯，點知唔記得左銀包得60蚊，個女職員都無發脾氣，我問佢邊到有ATM, 佢整住先好禮貌地話我知位置，真係好好既語氣，我真心覺得唔好意思。之後，返轉頭，比錢佢找，因為姐姐唔想用同一對手套，接觸食物又接觸錢，佢遞個兜黎，好禮貌感話：｀唔好意思，介唔介意自己羅.｀我話當然唔介意啦。返到屋企，食呢個飯，蛋同鰻魚果然係絕配，蛋包飯好滑，鰻魚都好厚身，好好味。呢間小店，我絕對會再幫襯。

本次食物：一份蛋牛治，一杯熱奶茶價錢$38蛋牛治麵包鬆軟，沒有林左或發霉。蛋剛熟略有蛋漿(汁)，牛肉剪碎無咁易食到筋，生熟到剛好，不會太生或太老。整體配搭上食物有汁，有可以達到juicy的效果，甜度剛好不是咸牛肉所以不會太鹹。吃起來的口感鬆軟，豐富而有層次。不會太乾旱。奶茶本次故意沒有放糖，茶味夠濃配上花奶，味道順滑而沒有澀口的感覺，及得上老牌茶記的感覺。等候時間約5分鐘多一點，如果不是太多人排隊的話，等候時間可以接受。整體推薦大家支持

拎完咗應援必然要食返個早餐，我食咗個占醬多，早前試過哂不同蛋包飯，真心好味，而且個服務非常滿意，我會用多啲任何時間嚟食，其實食過鰻魚蛋包飯，佢配搭非常好，呢個係我嘅首選，請各位支持Egg o Clock

識得我為食andy哥都知道我係collar🤩同lollytalk🎤嘅fans啦， 一向我都鍾意去唔同嘅小店食嘢飲茶拎應援。今日嚟 到蛋包飯專門店egg o'clock, 首要任務梗係拎candy手幅同 ivy poster 同埋lollytalk嘅poster啦，拎應援不忘食好西！今日唔太餓只係食左下午茶牛肉拼火腿出前一丁～加杯超好味熱華田。食物不過不失～中上水平～重點係老闆好人有禮好傾！大家都係ivyso 同egg fans！又有心制作食物又有心支持搞應援！❤️❤️要再支持！

由於我自己都在葵興附近返工所以都間唔中會幫襯呢間EGG O'clock佢哋嘅蛋牛治、餐蛋麵同埋鰻魚蛋包飯都非常好食今次真係想介紹大家食佢哋嘅餐肉煎蛋早餐,平時我就會揀餐肉煎蛋公仔麵但係今日就食咗餐肉煎蛋米粉~大家睇下兩隻太陽蛋, 個蛋黃大到乒乓波咁大, 咬落口仲要係流心嘅~仲有佢哋嘅午餐肉刀功非常之差厚到差唔多0.5cm, 另外嗰個米粉都算幾彈牙質素ok。平平地30蚊左右有個咁樣質素嘅早餐, 真係抵食。不過如果個早餐可以再跟多一片麵包仔就更加perfect。仲要提提佢個熱奶茶其實都真係幾好飲。

雖然唔係成日嚟，但嚟親都同蛋鐘老闆傾唔停嘅！上至天文，下至地理，佢都可以同你傾得！但我每次嚟，都會有住同一個問題: 其實件鰻魚咁大件，真係諗唔明呢間舖頭點樣維生㗎？加埋個炒蛋又嫩又滑，同飯一齊食真係絶配！大推鰻魚蛋包飯，如果想減醣，仲有椰菜花飯可以選擇添，跟餐仲要有嘢飲，次次食，次次都要下次嚟Encore!!次選就會揀佢個蛋治，個麵包超軟熟，件炒蛋又熱辣辣，真心覺得好好食!!再嚟嘅配腳，當然係佢整嘅多士啦⋯⋯有靚嘅方包，就會出到好嘅多士!!一個真心想做好呢間鋪嘅老闆，自然就會對出品有所要求。

有次買左個雞扒雙拼蛋包飯，睇落賣相唔錯，隻蛋味道ok，但啲雞肉食落去先知伏到爆…雞肉有陣好重嘅味精味，味道超鹹，令我無法接受，而且價錢都唔平…一盒飯加埋飲品，總共70蚊，超級唔抵食，老闆娘服務態度又差…想問一次number到未，有個比我後點餐嘅食客比我先攞到個餐，所以我就驚廚房漏單，就想問一問，點知個老闆娘嘅答覆更令人生厭，語氣仲係好大聲且極之唔耐煩咁反正我唔會再幫親呢間店，大家如果想嘗試嘅話，要小心選擇。

葵興活@KCC, 數間食店, 每間都細細間, 大都以外賣為主, 此間不錯的.招牌蛋牛治: 唔錯的, 側看,足料的. 打開看, 亦足料. 味道也不錯. Black Coffee: 一般.我見到有人點左原條鰻魚蛋包飯堂食, 賣相跟相片一樣. 沒照騙的.坐位4個. CASH ONLY 只收現金

今日心血來潮想食蛋包飯，近近地揀左呢間試下🛎 $72 原條鰻魚蛋包飯鰻魚幾大條，厚肉冇骨👍🏻可以放心大啖大啖咁食鰻魚汁香甜，唔會死咸蛋都幾滑🍳我轉左椰菜花飯，有呢個健康嘅選擇，真係好好🛎 +$3 凍飲🌐 環境/服務小店～位置唔多不過都幾乾淨企理

今次介紹呢間小店位於Lɪғᴇ@Kᴄᴄ，我哋都係第一次過嚟呢邊，首先睇到個Mᴇɴᴜ有得轉椰菜花偽飯，已經好有興趣😳 仲要聽到隔離枱嘅食客話呢間係Kᴄᴄ最好食嘅店鋪，梗係要即刻試吓佢喇😍超級蛋牛治 $47呢個蛋牛治真係好出色，見到麵包連同啲餡都係超厚身🤩 餡料有午餐肉，芝士，蛋，沙嗲牛，食落好滿足🤤 咸咸香香，每種食材都食到本身嘅味道，最特別係佢地嘅牛肉係用沙爹牛，仲要係老闆日日自己醃，非常好味，食一份都夠哂飽😆原條鰻魚蛋包飯 $72+$12用上一整條鰻魚嘅蛋包飯，睇見都和味，我哋加錢轉咗做椰菜花偽飯，鰻魚都幾大條，亦都有魚油嘅香味，椰菜花偽飯加埋燒汁增加咗成個飯嘅口感同味道，配上絲滑又香濃嘅蛋，個感覺幾耳目一新🥰 如果你正值減肥或者生酮飲食，呢個偽飯就啱哂你喇😚蝦蝦蝦蝦蛋包飯 $62顧名思義，一共有四隻吉烈炸蝦，炸衣厚度適中，食得到淡淡蝦味，個飯底有啲驚喜，唔係單單嘅白飯，佢哋仲落咗飯素🤤 令到成件事無咁單調，4隻蝦加埋有飯素嘅蛋包飯，收呢個價錢，性價比真係好高👍🏻洋蔥圈 跟餐+$10外層炸到金黃色，熱辣辣卜卜脆，食到有香香嘅洋蔥味，唔會炸到過哂火，裡面仲保持到適當嘅濕潤，但佢應該日日嘅

上次食過佢地既板燒雞扒蛋包飯好滿意 份量夠大 雞扒煎得好香口 燒汁甜甜地 好好味今次第二次食 好多款都想試 就揀左個精選雜扒蛋包飯 望落賣相好靚 份量同上次一樣咁大份 有一塊雞扒 好大塊 煎得好香口 同上次一樣咁好味 仲有塊漢堡扒 腸仔 火腿 好豐富 炒蛋一樣咁滑 飯有少少飯素 唔係普通白飯 仲有少少沙律菜 好新鮮 好好味整體黎講 呢間餐廳蛋包飯唔錯 價錢合理 仲有其他食物可以下次試下 值得一試

🍴健康椰菜花（偽飯）🥗時下流行減醣低碳飲食，知道位於葵涌KCC內一間食店有椰菜花（偽飯），可減輕負擔，便襯中午時分去試試。📍板煎雞排蛋包飯 （白飯套餐$54，轉椰菜花飯加$12，包罐裝飲品）🐣 雞排煎得外香脆內仍保持肉汁，但有感燒汁過甜，筆者吃不慣過甜的燒汁，可能下次選咖哩汁會較好。滑蛋鮮嫩美味，包裹著椰菜花飯，椰菜花飯乾身不會出大量水份。套餐另有胡麻醬沙律菜作配搭，感覺營養均衡。🔸小總結：以椰菜花飯代替米飯零澱粉質，不易吃胖。套餐份量則足，但始終是菜底，會較易餓。👅 味道：4.2/5💰CP值：4/5🕴🏻服務：4/5🔰餐廳環境：4/5👀回頭率：4.1/5🍽 餐廳：Egg O’Clock🌐地址: 葵涌葵昌路72-76號活@KCC1樓112號舖#foodie #hkfoodie #hongkongfoodie #852food #852foodie #foodstagram #hkfood #hkfoodblogger #hkfoodlover #foodig #hkigfood #igfood #相機食先 #吃貨 #食好西 #葵涌美食 #椰菜花飯