Elephant Kitchen (已搬遷) 新店位置

每個星期都會食一次三文魚估唔到今日去到停咗業了話說係內部裝修有消息透露已經唔係之前嗰個肥哥哥廚師了我諗都冇人整得好食得多佢（有點失落）上星期仲食緊佢個雞扒一啲都察覺唔到佢哋要結業，雖然個女侍然有時係串串地不過我食慣左知道佢嘅性格係咁都冇乜感覺最主要係去享受美食但係今日去到知道已經結業了真係有啲失望，希望有緣再遇肥哥哥廚師啦！

平時好少寫食評，每次寫者係🍀得非常好或好差。这小店就是属于前者。今次倍家人行完一條BB级但好多打卡点郊游徑城門水塘後行落石離，見此小店，馬上幫親，因价钱合理。午餐由60_95元不等。叫了三款意粉，全部調較得十分惹味。可能因為有cream阕係，但去尖沙咀食一碟質素意粉要200元冇得走鸡！最令人感動就是杯奶茶好以baby塊面。另一半就話略為冇茶味但同意超滑。去吧，这小店冇得輸。✅但如果下次有小食就perfect了。

一去到就俾女服務員嘅態度嚇親，咁串嘅？點解仲有人嚟食㗎？我哋叫咗一份香煎胡椒雞扒伴薯泥，非常之好味，好有心機去煎塊雞扒，塊雞扒無論係調味到烹調都非常之出色，攞硬100分。另外叫咗一份燒深海銀雪魚，一樣咁出色如果要同雞扒比較會輸少少，不過佢非常之抵食，我相信如果係出面既餐廳可以賣到$268甚至乎更高嘅價錢，但係佢只係$95，真係超級抵！食食吓飯突然聽到女服務員發出溫柔嘅聲音講唔該～ 當堂打咗個冷震⋯⋯

小店裝修普通，位置少少迫，之前聽聞女店員服務態度差，但我又唔覺特別差，好正常，可能佢態度有改善，吸返客？叫左個紅酒燴羊膝，煎牛排，每個餐會跟一小杯湯同沙律，佢既湯係非常濃稠，好夠味，感覺係好精華既一杯濃湯咁。佢個沙律既醬係蜜糖芥末醬。紅酒燴羊膝，一上菜，好大，啲羊肉好淋，一切勁易分離，紅酒味少許，羊肉無乜羊味，但勝在羊膝肉非常嫩，而且，非常鍾意佢既配菜，紫薯泥，好有紫薯味，香甜，軟糯綿。煎牛排既生熟度亦非常到位，有牛味，而且擺盤都好美觀，有機會下次一定會再來食的。

喜歡幫襯小鋪，lunch hour等左一陣，都幾快，上餐都算快：）Lunch set, 加左沙律（自家製芥末蜜糖醬), 一杯份量，味道特別，可以一試。要左大啡菇黑松露意大利飯，好大碟，好creamy, 菇嘅份量多到每一啖都有😋 食左一半已經好飽，夠兩個人share！ 另外朋友食龍蝦汁意大利粉，都係creamy，多汁，多海鮮🦞。野飲飲洋甘菊茶，正常茶包☕️整體都抵食，味道較濃！環境尚算舒服

其實已光顧了很多次, 最近因疫情關係, 小了幫襯. 上星期跟幾個同事去食 lunch, 味道仍然 keep 到, 好好味, 但女待應服務態度真的不好受. 心很想支持, 但請那位小姐.....改善一下態度, 你的語氣及表情, 出賣了你的不友善. 支持小店, 真心欣賞廚師手藝.推介: 雞排, 西冷, 煎魚 

野食係幾好食，不過黎左幾次，次次個女侍應態度都好差！想拎杯水飲下，點知個侍應話唔提供茶水，水都冇得飲啖！仲要一食完就遞張單埋黎叫人埋單，食個飯都要受氣，有冇搞錯呀。

呢間小店有得食鱈魚扒，勁大份，好厚好飽，食唔曬要外賣打包走人，旁邊沙律菜新鮮，而且用上芥末醬好特別，仲飲左杯茶，好香。朋友個份白汁意粉都好多，一樣打包，而且火腿都好厚，抵食！

中午，外賣的那位女侍應，態度極度惡劣，食物也不是了不起，辣肉腸意粉似臘腸，好普通，中午，外賣的那位女侍應，態度極度惡劣，食物也不是了不起，辣肉腸似臘腸，好普通，只是在四周也是茶餐廳只是在四周也是茶餐廳下，算是有一間西餐廳。牛用不新鮮，煙三文魚更甚，試了一口便掉了，餐湯太咸，唯一正常的是意大利粉，講真，態度差，我只是想買個飯，卻要受氣，食個外賣啫，在這樣的環境下，還如此態度，我的選擇多的是 不會再有下一次

今次唔食煎三文魚柳喇，今次試食意粉，嗌左蟹肉溫泉蛋意粉，一嚟到係超大碟，應該兩個人先食得晒。另外又嗌返之前食過既羊柳，每次黎親都係好好味，個餐湯超級真材實料。包埋嘢飲每個人都係百零蚊，好滿足！！

食過咁多間西餐廳 呢間性價比真係極極高牛肋骨出面好小有 酒店食要500-600都一般 係一般尖沙咀 旺角真係真係唔值果個價呢間250一大條 去試都抵食 牛肉味好濃味道 第一次先知呢個牛肉位 原身牛肉味係好濃 油脂味亦幾好 可能我鐘意重口味 希望調味可以濃多小小 不過食牛味 都已經唔錯($250😀)價錢定價已經平過出面好多 食慣肉眼既油香感 可以一試 如果女仔有啲難度 有一部分牛肉會痴住條骨 所以想食到最極致 有啲難搞 要一路切 一路扯 最濃郁嘅肉 就係痴住條骨 呢部分一係硬切 一條攞起成條嚟食 男人最後攞起成條扯牛肉食😍三文魚扒不過不失，但都抵食極度好平 理9你話我打手*個人建議*湯碗同沙律份量可以大小小，同配菜量可以減少，嗰舊紫薯好大舊，胃口唔大都晒咗唔會食得晒。 冷氣都可以開大小小 次次食到出汗

座落於工廠區的一隅，由美國大廚回流主理，尤其推薦三文魚扒，扒的份量異常驚人，但不用100元便可食到，物超所值，午餐時段常常聚集大量人流在店門外，加上內部装修很有格調，值得推介

已經去過幾次，每次都滿載而歸，非常好食。餐湯好似大家咁講，好好飲。配菜都係好有心機嘅製作，當然主菜就更加冇得彈，食過三文魚柳，洋柳，羊仔肉，每一個份量都超大，就係一句，好用心製作嘅一間餐廳，值得大家去試吓

/又一間高汁黃店推介💛依間細細間店淨係等幾張枱仔，防疫措施實施左之後想食依間店都有排排啦😶..🥣燒刺身級三文魚扒 $90佢既三文魚扒一啲都唔細😋唔會話燒到好老，一定係即叫即煎比係食😊主角當然好食，配魚薯泥仲好有心機整💕好少食到紫薯味既薯泥！仲好食過普通薯泥❣️.🥣海鮮龍蝦汁意大利粉 $85次次食佢既意大利粉都食唔完🙈飽到呢😂依個真係好足料！有海蝦🦐，青口，仲有八爪魚🐙見到既時候真係心心眼🤣但原來用八爪魚🐙黎煮意粉🍝係唔入味🤫但過下口癮都唔錯啊🤣.⚠️佢既餐湯好足料😋

食過十幾次，嘢食真係好食又大份。但嗰個唯一女待應(可能係老闆娘?）真係好串，成日對啲客呼呼喝喝，明明啲客就好有禮貌。有次真係忍無可忍，我哋五個人要坐四人枱，叫我哋坐逼啲，咁啱嗰日拎住一袋野(都幾大袋不過可以放枱底)，個待應 : 嘩乜你攞啲咁嘅嘢嚟！？乜料？入餐廳唔俾帶嘢入？之後隔離嚟個幾個四線演員，四個人坐六人枱，之後佢哋嚟多個人，個待應加張枱俾佢哋，五個人坐八人枱，仲話坐得鬆動啲啦！其實我哋喺正隔離，佢就係唔加位俾我哋，成程飯逼住食。如果餐廳有機會睇到呢段食評，唔該真係改一改啲服務態度，嘢食做得咁好，做乜咁做臭個招牌。附近全部都係住宅，亦有好多食肆，競爭好大一做唔好就好快被淘汰。附近有難食過屎嘅餐廳都做咗廿幾三十年都有，就因為有人情味。既然廚房做得咁好，仲有人專程嚟呢個山卡啦地方幫襯，搞搞佢啦。