Enjoy Eat

营业中

休息中

冇諗過喺九龍城區都可以食到大件抵食又好味嘅西餐，一向九龍城區俾人的感覺都是食泰國菜的，比較少西方的食物，今次食到呢一間真係估唔到有驚喜。價錢又合理，又大碟味道又好味半隻燒乳豬，不是港式的燒豬那種有厚度的脆皮，這款是超薄皮，但又有薄脆的感覺，肉質厚肉，但很柔嫩，鹹味適中，食得多都會比較油膩，但配上醬汁可以把油膩減一半。再配上蜜瓜火腿沙律，蜜瓜清甜爽脆，再配上火腿，火腿果味重煙銀，食落鹹鹹的火腿配上甜甜的蜜瓜

午餐A： 意大利乳豬配薯蓉超大分，呢個係驚喜位，有大約10件左右乳豬，感覺差不多有1/4乳豬，因為食到有手仔，乳豬好脆，味道剛剛好，不會太咸，有南瓜及西蘭花做配菜，感覺上邪惡得來右健康😂午餐H:南瓜千層面對呢個千層面有點失望，因為吃落去味道好似燶味/膠味，不太喜歡。本身自己不討厭吃南瓜，只是南瓜千層面出來的味道no good。千層面有好多芝土，喜歡芝土的會喜歡吃。如果吾係配南瓜會好味d,建議用返肉醬會十分好味。

今日朋友帶左我黎九龍城食野，估唔到系食西餐，一聽黎九龍城都諗起食泰國餐，邊會估到系食西餐，不過真系有驚喜，意想不到，抵食夾大件，還要味道又不錯，門面雖然簡單裝修，沒有奢華隆重華麗的裝置，但內裡整整齊齊坐得舒服一點也不失禮。每一樣菜上台都是熱騰騰，都是剛做好的，上台時間不會太慢，一樣接一樣，不用久等，特別最喜歡牛油香草焗田螺，上台已經嗅到陣陣香草香味撲鼻，配上牛油的咸香，已經很吸引 ，每食一隻田螺必定要配上薯蓉，放進口裡，田螺的煙銀彈牙，鮮甜的，薯蓉軟綿綿令田螺在口腔多了另外一個層次

九龍城一帶是泰國人的集中地，比較多的泰國餐廳及小食，想食泰國菜都會選擇來九龍城的，但今次估不到在橫街有間門面不太起眼的西餐廳，但裡面的食物估不到讓人有難忘的驚喜，現在就不會來九龍城只有泰國餐食，還可有別的選擇來到這一區了。pizza看上去沒什麼太多花巧，沒太多餸，但一定有酒店級的水準，一上台是剛焗出來的，餅底外邊十分脆，但不是像餅乾一樣乾曾曾，因為佢咬落系軟綿綿的，再配上豐富的芝士，一扯開有一條長長的芝士絲，芝士味香濃簡單配上香腸己經很好味，煙煙銀銀，

好朋友搬左去土瓜灣, 果邊D食肆已經試過好多, 而家轉戰九龍城, 呢邊既食肆都好多, 而且夠集中, 呢間多人可以試另一間, 好多選擇.大鄉里既我雖然以為九龍城主要得泰國菜, 但行行下發現都有好多其他菜式, 今晚揀左呢間意大利西餐.響門口已經見到有乳豬食, 全隻要900蚊, 但原來可以要四份一, 呢個份量剛剛合二人份. 乳豬外皮香脆, 表面呈金黃色, 唔會太過火. 一咬入口, 脆到卜卜聲, 脆得黎又唔油膩, 好香口. 皮下脂肪薄薄一層, 入口夠晒香, 但口感唔油. 而肉質保拎到嫩滑, 唔會燒得太乾, 肉味濃香.之後要多個青口帶子意大利飯, 青口肥美飽滿, 漲卜卜, 入口煙韌無渣.帶子夠彈牙, 夠鮮甜, 好有帶子味. 而意大利飯唔算太濕, 腍度剛剛好, 帶點點creamy.

最近公司無咁忙, 多左時間四圍食飯, 約左朋友到九龍城呢間食西餐, 之前食過好味所以再黎幫趁.每人要個主菜, 我既係西班牙黑毛豬扒, 一咬入口, 肉質好嫩, 唔韌.肉汁豐富, 每咬一口D肉汁已充斥住整個口腔, 肉味濃郁. 帶少少脂肪, 更覺香口, 一D都唔膩.朋友要香草煎雞胸, 肉質厚且豐滿, 但食落唔鞋夠滑, 啖啖肉. 煎至香口好開胃, 香草味唔算太濃, 無搶左雞既鮮味.兩款主菜份量都十足, 配埋湯, 飲品夠晒滿足.呢度仲有pizza好出名, 下次會再黎.

今日本身約咗女朋友，佢突然要OT，冇辦法啦，要自己食，我係九龍城行黎去，最後入咗間西餐廳，叫咗個晚餐，香煎智利白雪魚，我本身好鐘意食魚，但冇試過食白雪魚，因為白雪魚本身都好貴，我之前係一田想賣，但我自己賣咗又驚唔知點煎，個碟白雪魚攞過黎，就聞到好香濃魚油味，煎到金黄色，見到都流晒口水我食第一口，好香魚油味，超鮮甜，肉質非常過彈口，可以係話我自己從未試過食到咁好食的魚。下次一定帶埋我女朋友黎試其他……

買野前搵餐廳食午餐, 呢間西餐次次見都好多人, 今日終於有機會試下.午餐由50幾蚊起, 包埋湯同飲品.要個香草煎大蝦配飯, 雖然得一隻蝦, 不過好大隻, 成隻手咁長.煎得好香口, 香草汁清新唔咸, 剛好入味. 大蝦肉質爽口彈牙, 而且蝦頭多膏又鮮甜.而朋友要左香脆乳豬飯, 我要左D黎試下, 個皮好脆口, 好香, 一D都唔油, 咸味適中. 肉質都好夠嫩, 而且啖啖肉, 唔多骨.佢D配菜亦好新鮮, D蔬菜唔會炒到林晒.整體呢間午餐價錢同質素成正比, 下次再試下其他款式先.

閒時四圍覓食, 呢晚走到九龍城, 幾條街都食店林立, 見呢間西餐廳幾多人, 價錢相宜, 店員熱情地招呼入內, 一於試試.想食得清D, 所以要個櫻花蝦蟹肉意大利飯, 意大利飯唔易做得好, 呢度既飯軟腍度適中, 飯一粒一粒, 唔會太濕, 個汁剛剛好, 食落夠creamy. 櫻花蝦同蟹肉夠鮮味, 整個味道都好清新, 加多少少蟹籽, 食落更有口感.即焗蒜蓉包, 上枱已傳來陣陣蒜蓉香味, 好吸引. 個包焗到好脆口, 中間帶軟熟, 蒜蓉夠香但唔會濃到口臭既感覺,好開胃.餐湯有南瓜湯, 南瓜味濃, 仲有一絲絲既南瓜, 杰身足料.全部食物都好滿意, 性價比高.

朋友歐遊完比手信, 近近地去左佢屋企附近既餐廳食晚飯, 見呢間評價唔錯, 一定試下.主菜要左西班牙黑毛豬扒, 份量非常十足. 黑毛豬扒微微煎香, 配上簡單調味, 已夠惹味, 而且肉味夠濃, 帶少少油香, 口感豐富. 雖然係豬扒, 但肉質一D都唔韌, 夠軟腍, 烹調用心, 唔會求其煎熟佢就算數.朋友雖然去完歐洲, 但仍對法式甜品念念不忘, 所以要多個法式梳乎厘, 即整所以時間會耐少少. 梳乎厘焗到好漲卜卜, 唔會太濃, 質感夠Q. 一食入口好滑溜, 夠蛋白香, 唔算太甜, 感覺無咁易漏.整體每種食物都唔錯, 下次會再黎.

九龍城中罕見意大利菜，泰國菜居多，去到九龍城自然會食泰國菜，今次貪新鮮，經過見到吾洗走左去虛。是日餐湯，洋蔥的湯濃郁得黎幾鮮甜，但湯偏油。焗肉醬千層面 $98，普普通通，肉醬多，芝士少。意式香脆乳豬 1/4隻 $248，成隻豬頭上抬好嚇人，皮脆有點肥膏，肉厚紮實，醬汁遜色，香港既燒乳豬仲好食！

朋友新搬黎九龍城, 參觀完新屋一齊落街食晚飯,佢帶我黎左呢間西餐廳, 話唔貴又好味.睇睇餐牌好多選擇, 仲有2人餐, 不過我地唔想食pizza, 所以就咁散叫.要左香煎法國油鴨肶,, 外面煎得夠香脆, 唔會好油. 鴨肶大隻而肥美, 入口保持嫩滑, 唔會好乾. 而且鴨肉味夠濃, 唔洗點太多醬汁都夠味.仲有一份美國肉眼牛扒, 手掌咁大夠實在. 外面煎到微燶夠晒香, 一切已覺肉質好嫩, 食入口唔韌, 唔多筋. 肉味濃郁, 夠juicy. 另外要多款法式焗田螺小食, 焗得好香. 田螺好易就勾出黎, 食得無難度. 食落夠爽口, 無沙好乾淨.

放工後很累，蜜桃小丸子決定偷懶一回不煮飯，去九龍城覓食，今次心血來潮想吃西餐，見到有唔少食客推薦Enjoy Eat，就來試試。差不多七時來到餐廳，只有一枱客人，餐廳唔大，好似得六七枱，因為早嚟，所以兩個人都可以坐到四人枱。見到佢有個二人套餐好似幾抵咁，有湯、沙律、前菜、pizza同意粉或者千層麪，唔想煩就食套餐。是日餐湯係南瓜湯，第一下飲落去嘅感覺係好甜，可能個南瓜本身甜，但南瓜味唔濃，飲到有南瓜籽，勝在夠熱，但可能飲慣咸啲嘅湯，所以唔係幾岩我口味。跟住係Enjoy eat沙律，有啲羊奶芝士、車喱茄、脆麪包、火箭菜，落咗醋，都算足料，味道唔錯。法式焗田螺-啲田螺好細隻，肉質唔夠厚同彈牙，不過個香草汁配埋橄欖油又整得幾香，個底有好多薯泥。全晚最好食應該就係呢碟意大利火腿黑松露野菌長通粉。火腿數量唔多，得兩三片，質量食得出唔係最好，偏淡，肉味唔夠；長通粉就整得幾好，啲黑松露醬好豐富，好香，野菌唔多，主要靠啲黑松露提升成碟菜式嘅味道。四式雜錦芝士薄餅，老老實實，食唔出有邊四式芝士，完全無Mozzarella嘅拉絲，亦無其他芝士例如cheddar或者Parmensan嘅香味，個薄餅底好硬，唔知

放假出街食晚飯多數黎九龍城, 食肆多選擇, 而且附近有停車場.呢間西餐廳之前同朋友食過午餐唔錯, 今晚試下晚餐先.呢度最出名係pizza, 款式幾多, 揀左鮮蕃茄水牛芝士pizza, 餅底屬於薄底, 即焗熱辣辣, 又特別脆口, 入面鬆軟. 有芝士帶少少咸, 蕃茄既清新, 就算食左幾件都唔會覺得太飽晒, 即焗係唔同D.另外仲有呢度出色既甜品, 又係即整, 唔係求期雪響雪柜既甜品.梳乎厘發到漲卜卜, 好靚好吸引.食落好鬆軟, 好香蛋味, 但又唔會太甜, 嗜甜品者可以食兩客.呢度樣樣食物都好用心做, 絕唔馬虎, 小有既良心小店.

好耐都冇黎九龍城呢一區食飯，以前淨係會諗住你九龍城都係為咗食泰國餐先特登過嚟的，但而家會有第二種諗法了，就是這間西餐廳抵食兼大碟，價錢大路中價，但食物質素勝比於價錢，我同個朋友黎食晚餐我叫左烤焗豬排骨配沙律及薯條，上枱見到薯條同主菜分開，平時一般餐廳到時合併的，令到薯條變到林晒，這樣分開很好，薯條能保持乾爽脆口，薯條是粗薯條食炸起來的，所以食落相當可口，豬排骨醬汁葉得好入味，咬落甜甜的，肉質鬆軟，易咬口，唔靭的。