Espresso Alchemy

营业中

休息中

唔講唔知道原來美麗華有間高質素嘅咖啡店，今日都係同朋友行完無印良品先知道！差唔多到lunch hour，人流開始多我哋叫咗杯matcha latte同一杯黑啡，走甜嘅matcha latte更加飲到抹茶甘香，黑啡喺口中嘅回甘令人回味。朋友叫咗一份雞胸沙律，本身我真係冇抱任何期望，我本身就唔鍾意食雞胸。不過呢個係驚艷嘅，真心出色，食過返唔到轉頭食唔返普通嘅雞胸肉🙂‍↔️🙂‍↔️原來係用咗慢煮嘅方法，令到雞胸鎖住肉汁，裏面都仲好嫩滑，加上青醬嘅獨特香氣，好快就K.O.咗呢一盤雞胸！我嗌咗Pesto Chicken, Cheese Panini，都係冇失望，依然係青醬配合雞肉，加埋芝士同烘到外脆內軟嘅panini，飽腹感滿分！

每次去街要諗食咩都好頭痛，老公同朋友都知道我最愛嘅cafe係Espresso Alchemy，所以都會suggest去食，勁有愛XD今日唔係去荃灣店，而去咗尖沙咀美麗華店 (原來Espresso alchemy喺尖沙咀都有兩間店，另一間喺海港城)今日就叫咗份Pesto Marinated Chicken Salad，份量好大，個雞胸嫩滑又帶pesto獨特香草味，真係我嘅favourite!叫咗杯熱Americano, 果香較明顯。而且黑啡對排水腫同減肥都好好，完全係減肥人士恩物🥳

趁平日一早來到尖沙咀The Mira、歎個豐富早餐先。點了The Alchemy All Day Breakfast 有牛油果莎莎醬多士、炒蛋、德國腸、焦糖香蕉、炒雜菌、薯餅、煙肉。最鍾意佢有滿滿嘅牛油果醬鋪滿正塊多士、香脆可口。煙肉表面煎得香脆、裏面搽咗蜜糖甜甜地又軟熟、有焦糖香蕉都整得好好味！早上人唔太多、好enjoy一邊做野一邊飲杯Latte~Tiramisu 日式卷蛋好濃郁的Tiramisu 味、食埋個甜品啱啱好～

週末約了朋友去尖沙咀這家Cafe吃晚飯，環境幾舒服，燈光柔和，坐得幾chill。幾啱行完Mira Mall之後過嚟食下嘢，休息一下。.餐牌主打咖啡、朱古力、茶及輕食，意粉burger等都有。.1. Lemon Chicken, Bacon & Cheese Panini呢個Panini，外皮焗到脆脆地，內餡有檸檬雞、煙肉同芝士，味道幾夾，尤其係檸檬雞帶少少酸味，唔會太膩。個包好鬆軟，雞肉嫩口，檸檬味香但不會太搶。2. Spaghetti w/ Tiger Prawns & Asparagus in Spicy Tomato Sauce呢個意粉幾有水準，Tiger prawns夠大隻，鮮甜彈牙，唔會話煮到過火。個辣番茄醬汁係微辣，味道幾開胃，但唔會辣到搶晒其他味。蘆筍煮得啱啱好，仲有少少脆口感。呢個我覺得幾推介，平衡得幾好，醬汁份量又唔會太多。3. Keto Matcha Rolicake呢個Rolicake係生酮蛋糕，食落感覺糖分不高，抹茶味好濃，唔會太甜膩。而且好大卷，上面仲有金箔點綴，幾靚。4. Piccolo Latte咖啡嘅奶泡好滑，咖啡味都幾香濃。Piccolo Latte份

平時放工都會去美麗華商場同朋友食飯，最近仲要Christmas shoping俾啲小朋友，去完樓上嘅公仔精品店大出血之後，就同朋友嚟到我喜歡嘅品牌Espresso Alchemy用餐🍽️點選我嘅usual — panini! 今次係叫咗Pesto chicken panini, 我鍾意佢嘅青醬味道香濃，雞肉亦都非常之滑，而且烤烘過嘅panini包外脆內軟，我比較鍾意呢個texture 嘅麵包🥰跟住就有Keto diet都食得嘅抹茶卷🥹作為matcha monster, 我比99分，抹茶味夠濃！食完都唔guilty!當然仲要叫返一杯matcha latte嚟做pairing🤣🤣🤣 叫埋朋友一齊試哈哈！just won’t get enough

Espresso alchemy 荃灣同尖沙咀美麗華分店，我經常做完嘢經過都會入去食嘢，今日約咗朋友一齊食tea。第一次試Chicken Thigh with potato slices雞腿肉非常嫩滑，又入味薯仔配埋雞肉嘅醬汁好好食😋有驚喜可以encore！但係得雞肉同薯仔我就唔夠飽所以想叫多份三文治🥪非常推薦Pesto chicken panini平時有啲怕叫panini，驚會整到好乾好硬呢一份都唔錯，外皮脆得黎，成個麵包都叫做鬆軟而pesto chicken都非常好味👍🏻最後叫多份甜品Keto peanut choco rollcake份量都唔少夠兩個人食花生醬非常濃郁，好好食🍫🥜

尖沙咀旺中帶靜coffee shop, 位置美麗華廣場地庫1樓，如不是剛巧行經，很難發現其位置。我和朋友看見餐廳環境寬闊，附近沒有共他商鋪，坐下來靜靜地聊天。順便order了兩款三文治，青醬烤雞蕃茄意大利芝士三文治，另一個係檸檬汁烤雞煙肉芝士意大利三文治，睇個名都幾長的，三文字面包皮烘得異常通脆，三文治的餡很足夠，以一個正常人食量，吃完兩塊好飽🙂🙂另外，還order了生酮意式芝士卷，我覺得味道不錯，廚師用心製作的Tiramisu，我們可以吃到意大利芝士我哋香味，再嘆一杯黑咖啡，味道異常香濃，如果飲唔慣黑咖啡，可以先從美式咖啡飲起。如果營地坐下來聊天，又不想太貴的價錢，選擇這家coffee shop,渡過一個愉快的下午。

行經美麗華商場仍未到午餐時段但又想嘆番杯咖啡，選了我喜愛的Espresso Alchemy ，處於地庫一樓環境開揚寧靜，三五知己共聚或獨自一人來沉澱也是適合的。唔係太肚餓，選了精品的「美麗華Parma Ham全日早餐」，滿滿的一大碟可以細意品嚐。全日早餐除咗有兩片上等的Parma Ham夾着甜美的蜜瓜還有煙燻牛肉，滑蛋又充滿蛋汁。小小一片的薯餅外脆內軟，烤蕃茄、粒粒炒蘑菇還有新鮮的沙律菜，我特別喜愛爽脆的羅馬生菜。迷你牛角包烘得香脆，最後烤香蕉作甜點啊！最近愛上 Long Black ，濃濃的咖啡香直入口腔，獨特的香氣，口感順滑還帶有朱古力口味，吃一口食物，再來一口咖啡，風味更清晰，更喜歡看到表面的油脂，可以觀賞一番。

環境賣相很好的Espresso Alchemy 
美麗華附近好嘅餐廳唔多，想搵個地方 Tea Time 食啲好少少嘅嘢，又坐得舒舒服服，同人傾下計，要chill 嘅謝口Espresso Alchemy 都不失為一個好選擇！

環境唔錯，開放式，但因為係地下一層，人流唔算好多，但就幾舒服，有一種open space 飲杯嘢嘅感覺。
咖啡叫咗 Long Black ，好飲唔錯，Blend 豆黎，如果想飲 SOE (單品Espresso）就可以揀飲 Americano。主要其實都係隻杯好靚，佢地間餐廳個logo 都幾靚！主食就叫咗個 蟹肉茴香意粉，蟹肉好足料，serve 上黎亦都好靚！意粉軟硬度都好適中。埋尾都食咗個 Keto Tiramisu Roll Cake 生酮意式芝士卷 唔係超甜嗰種，同咖啡好夾，食落都冇罪疚感。整體黎講，好岩用黎食嘢，同人傾計，坐底舒舒服服。

自己一個去美麗華食brunch🍽之前食過意粉同沙律今次終於有機會試吓The alchemy all day breakfast分量都幾多，最鍾意食炒蘑菇同焦糖香蕉🤭想試佢哋嘅Keto蛋糕好耐今次試咗Keto peanut choco roll cake花生醬味非常香濃，Keto令蛋糕質感更輕盈清新食晒成個都唔會覺得膩，完全冇飽滯感冇負擔地食甜品，好好食一定要試吓👍🏻好鍾意飲佢哋嘅Milk chocolate 🍫

美麗華嘅隱世咖啡店，環境寧靜舒適，係個慢慢享受早餐嘅好地方☀️早餐選擇大致有all day 🍳 多士🍞意大利三文治panini 🥙附送大杯裝咖啡星期一至五早餐供應至11:30，可以當係early lunch，good good✔️🎈檸檬汁烤雞煙肉芝士意大利三文治熱壓Panini上枱時依然熱烘，口感鬆軟中帶點煙韌🥙簡單以雞肉、蕃茄、芝士做餡料，嫩滑雞肉加上芝士奶香同檸檬清香，層次豐富🎈法式西多士配自家製味噌焦糖醬將甜度拿捏得恰到好處嘅甜品，多士外酥內軟，上面加上焦糖醬同砂糖，味道香甜得嚟唔會膩，比一般法式西多士更輕盈好味🍞🎈Americano咖啡帶點點油脂，口感順滑之餘，同時享受到咖啡嘅香濃

📍Espresso Alchemy 尖沙咀美麗華店📍喺尖沙咀行街，行到攰，同朋友搵個地方坐低食個tea，飲杯咖啡。喺美麗華商場地下一層有呢一間coffee shop，環境幾開揚，Chill，於是就入去坐吓。開心喺呢度係免加一的❤️！☀️Americano $39呢度果然係出名飲咖啡！呢杯Americano唔算好深培，微苦，但有微微果香，好飲😀。☀️法式西多士配自家製味噌焦糖醬 $63好好食嘅西多士，香濃嘅牛油，配上表面有砂糖粒，同埋焦糖醬，口感鬆軟，同時有唔同層次嘅口感和味道，大腿呢個甜品。☀️香蒜忌廉烤雞腿配焗薯塊 $97嫩滑嘅雞腿肉，配上精心調製嘅香蒜忌廉醬，美味😋。焗薯都好食🤤！鍾意呢度嘅環境，食物質素高，咖啡又好飲！行街攰就可以嚟Chill Chill😋。

最鍾意行到邊食到邊，呢個商場行街好舒服，去到B1樓層，見到cafe就坐低，地方寬敞又開揚。All Day Breakfast～美麗華全日早餐得呢間分店有，有我最鍾意嘅巴拿馬火腿夾蜜瓜🍈，蜜瓜很軟滑，和火腿嘅鹹香好夾，牛角包都係即熱，入口脆卜卜。另外配料仲有烤蕃茄、炒菇、炒蛋、羅馬生菜、脆薯餅，最令人驚喜係烤香蕉，加上一層脆卜卜焦糖，香甜軟滑度升呢😍。Carbonara厚切煙肉卡邦尼意粉～煙肉粒達1cm厚，醬汁奶香和忌廉味平衡得很好，每條意粉都很上汁，很高質。

今日同老公去產檢，睇完之後岩岩好lunch time，就係附近搵間cafe食野，行左過去美麗華地庫見到有間Espresso Alchemy，就入去食個簡單lunch💕呢度係收銀order完就會有店員送上食物，舒服坐低等食就ok👍🤓Iced Milk Chocolate 凍鮮奶巧克力朱古力味香濃，牛奶味亦都突出，飲落口感滑溜，叫咗少甜，飲落唔會太甜岩岩好Lemon Juice Marinated Chicken with Bacon and Mozzarella Cheese Panini 檸檬汁烤雞煙肉芝士意大利三文治平時我好鐘意食Panini，烤過既麵包暖笠笠，質感煙韌，內餡係芝士包住晒煙肉同雞肉，煙肉令成個味道好提升，食落口感豐富，有啖啖肉既感覺😋Pesto Chicken Penne in Pesto Cream Sauce青醬雞肉忌廉長通粉青醬忌廉汁夠晒creamy，意粉好掛汁，食落微微有青醬既清新，而雞肉係用左雞胸部分，肉質非常軟淋，一啲都唔嚡，同長通粉好夾😋整體調味唔會太鹹，感覺輕盈清新😋Keto Peanut Butter Dark Chocolate Roll Cake

尖沙咀想搵個地方飲野輕鬆下同朋友去咗美麗華呢間Cafe除咗多款咖啡之外．仲有主食同甜品搵個座位落單後店員送餐效率好高✨香煎虎蝦配露筍辣蕃茄汁意粉原隻虎蝦大隻爽口配上帶點微辣嘅蕃茄汁即叫即製熱辣辣✨檸檬汁烤雞煙肉芝士意大利三文治烘烤過嘅三文治夾著啖啖肉嘅炸雞．煙肉．芝士足料有份量✨生酮宇治抺茶忌廉卷愛甜又怕肥．一定要試生酮忌廉卷啖啖都充滿香濃抺茶味道✨伯爵茶鮮奶巧克力濃郁嘅朱古力滲出啖啖伯爵茶味道甜而不膩