euro go go

营业中

休息中

對早餐霖迪是從不講究，貪睡的我錯過很多早餐時光，吃早餐甚是奢侈下，選擇大抵是大家樂一類的快餐了。這天破例下有了早餐時光，隨機選了最就近的Euro Gogo，早餐走歐陸路線，定價比快餐店較高。Mega醒神早餐($60)是陣容最豐盛的，因此早餐定價不低。最驚喜的是炒鮮蘑菇，簡單以橄欖油香炒，蘑菇幽香撲鼻，坊間採購不了的靚貨，份量雖多但仍意猶未盡，好吃。早餐其他內容物頓成配角，例如牛角包烤得過火微微燶焦，勝在用上咸香的總統牛油伴吃。炒蛋不夠滑但蛋香算濃，牛仔角比一般早餐腸算是特別，隨餐的咖啡豆子帶深烘香氣，但奶香太濃令啡香被蓋過，中規中矩吧。偶然來吃一次歐陸早餐，好處是帶來了新鮮感，但份量同樣走歐美路線，份量是有點讓人吃不消呢!

好耐無食過，特登去幫襯，買咗個芝士焗肉醬意粉🍝，滿心歡喜回家吃，點知超難食，天咸又酸，意粉又散一夾就斷🥺記得以前係好好味的，點解而家會搞成咁㗎🫣希望公司見到我個post 跟進下職員的質素！唔好日後影響客人對貴公司的期望！

依家就同大家分享下我喺Cafe始祖品嚐嘅體驗，啱啱食完佢個歐陸早餐，滋味豐富得嚟又唔會太複雜。先講佢嗰炒蛋，滑嘟嘟嘅，同牛仔腸嘅鹹香味咁滲透得剛剛好，多士脆卜卜，啖啖都夾帶著輕輕既咬勁，實在夠曬滿足😋。至於蕃茄通粉，就真係鮮香惹味，每粒蕃茄爆開嘅汁液都攪拌得粉條更加出味。嗰杯咖啡？啱啱好嘅苦澀，真係喝落去心情都爽朗晒！轉個彎，我黎嘗呢個菠菜汁龍脷柳意粉🍝啦，試吓新意思。青綠色嘅汁液吸收晒意大利粉嘅靈魂，啖啖都係菠菜嘅滋味，而且龍脷柳肉嘅肉質鮮嫩，香口得滯。至於肉醬焗薯😍，多汁芝士覆蓋，一口咬落去就係溫柔嘅甜蜜誘惑。最後，榛子咖啡一啱我心水，每一啜榛子香氣四溢，真係想一路飲到天荒地老。總結，呢度嘅食物新鮮、美味又多元化，真係飽肚得嚟心情都好。👍再見啦，下次食到咩新嘢再同大家分享！

中午去拜黃大仙之前經過Euro gogo，好快就有位入座，完全唔洗排隊，入到餐廳可以自己scan QR code 落單，超級方便，叫左一個蘑菇肉醬意粉+8轉闊條麵，如果要野飲就需要+23，等咗10分鐘就有職員送餐。每粒磨菇都好大粒，肉醬味濃加上闊條麵真係好好味，愈食愈滿足，食哂成碟好飽，只係價錢有點貴。

今日去黃大仙站交收，順便去隔離嘅黃大仙北館食飯，去咗好耐冇食嘅eurogogo👍🏻 好掛住佢個菠菜汁意粉，今日就黎試一試佢😆我去嘅時候係六點幾左右，唔算太多人我嗌咗兩樣嘢食一杯嘢飲：🌟菠菜汁龍脷柳意粉🌟菠菜汁意粉份量好似多過以前？😂食到尾聲有啲飽飽地😆都有唔少龍脷柳肉，但本人覺得芝士味可以再多啲🤔不過總括嚟講味道都唔錯🌟肉醬焗薯🌟口痕嘅關係，嗌埋呢樣嘢😝總括嚟講醬汁就似係肉醬意粉嘅醬汁，味道都幾香濃，呢個嘅芝士味比剛才嗰個菠菜汁意粉再濃少少，正🥰另外嗌咗杯榛子咖啡，榛子味好重，啱晒我😍仲要好大杯，我最後要外賣拎走😂今餐係超級豐富+抵食，睇嚟要做多幾次運動先得😂

如果唔係比老闆叫左去黃大仙做啲野真係極小會過來啲邊一個人來到唯有獨自搵食西餐就可舒舒服服咁坐耐啲睇左陣都未諗到想食咩本來都想叫意粉，但最後見到樣好小試既🔆 香辣羅未濃湯燴牛脷粒粒粉真係比平時啲羅宋湯香濃，小小辣，味道好足，加埋牛脷，粒粒粉都幾襯，味道唔錯跟餐送沙律或蒜蓉包我就揀左蒜蓉包皮脆內軟，用來點湯一流另加錢配左個 🔆西蘭花忌廉湯口感幼滑，夠creamy 飲品都係要另加錢，但真係太眼瞓，要提提神🔆Ice Mocha味道可以，但偏甜同太多cream ，一般般

因為有八達通減$8優惠，就去咗euro gogo食,今次係食晚餐，只係叫左個香辣羅宋湯牛脷粒粒粉本身euro gogo價錢唔平，就食個特別少少既粉可能唔係好習慣食，個粉既口感粒粒粉口感細粒，好特別，辣度係小辣，有唔多嘅牛舌碎，飲茶要另加錢所以冇叫。當時餐廳都有好多位，因為時間是6時多，未到晚飯時間，不過等餐時間較長，都等超過10分鐘。

前2天（2/7/2023）在這餐廳食晚餐，在收銀員力推介紹下買了一張三百元的增值咭，即時送了三十元，往後每次增值一百元就送十元，等同九折，都幾抵，不過遺失咭就無得補，店主可否考慮轉用網上咭，現時好多食店都有網上會員咭，不怕遺失及盜用。這晚餐點了蒜蓉包~非常脆口，蒜蓉及牛油味香濃黑松露麥形粉~粉好有咬口，味濃，配料磨菇都好多千島海鮮PIZZA~餅底好脆，醬汁略為多咗些，食時好多醬汁流出西蘭花忌廉湯~好香濃

午餐時候無咩人, 落單時先到櫃枱點菜付款, 收銀員會安排座枱, 然後待應會送餐到座枱上, 我點左個香蒜蜆肉意粉, 午飯時候, 可以跟有一份沙津及一杯飲品, 我點左熱歐陸咖啡, 加埋$76免加一服務費, 對女仔來講份量足夠, 起碼有十幾隻蜆, 意粉好香蒜蓉味, 環境休靜, 完全無急趕的感覺, 我好喜歡一個人係度食, 簡簡單單, 放鬆一下心情。

講起學生回憶點少得呢一間Cafe始祖!原來仲有好多分店，屋企樓下就有一間，今次特登走來食下佢嘅早餐見好耐冇食，不過勝在地方都夠闊落又唔會港人走，其實都係一個嘆早餐嘅唔錯選擇。要咗個歐陸早餐，佢會有個炒蛋牛仔腸，仲有個多士之後再加配咗個蕃茄通粉再送埋杯咖啡到成個餐都好豐富，食完真係好飽。不過見到好多比較年長小小嘅客人可能係當年大家都係學生嘅時候，但而家已經長大了😂反而冇咩後生仔再幫襯。但食物質素其實都唔差主打都係做街坊生意多。

午市套餐，價錢合理，食品質素不錯👍🏻，本以為只得一片，原來是半個標準size ，而且厚度適中，套餐還包一杯熱飲品及田園沙律或蒜蓉包，真低食，還有意大利粉及薯蓉餐等，值得再食

講真意粉真心麻麻好食🥲最鍾意食係芝士焗西蘭花同埋蜜糖雞翼。兩個食物都係每次去都要必叫！甚至係自己一個人去食嘅時候只會叫啲兩個🤣證明佢真係好好食😋另外，主食來講pizza都係不錯的。

Euro go go真係由我細細個食到而家長大了都仲係食緊😍但我唔係最鍾意食佢嘅意粉而係鍾意食佢嘅焗薯皮🥔有三款味道選擇，自己最鍾意食係吞拿魚。薯皮脆脆地而加埋入面嘅配料係超級好食！未試過一定要試😆

中午想食清啲去咗附近食沙律以為個人可以refresh下,點知反而食到成肚氣收銀分咗兩條隊一條係外賣一條係堂食但係得一個人收錢個收銀員不停入外賣單堂食條隊長到乜咁排咗15mins個態度勁差嘅manager落咗個海藻醬火箭菜*慢煮*雞胸沙律等咗成半粒鐘先出到個沙律Fine慢煮要等耐少少我明白但係食落個慢煮雞胸仲硬過我自己煎個啲,又無乜味,成個沙律要多謝個海藻醬先救返,個$68去買支海藻醬仲抵過食佢個沙律

快閃 euro go go是日午膳時間到訪這是一間西式快餐連鎖店自助搵位形式QR code自助落單到櫃檯落單付款亦可每張枱上都有個枱號服務員會根據枱號送餐不用自取二人午餐 $236～ 蜜糖雞翼～ 蘑菇肉醬意粉～ 千島海鮮薄餅(半份)～ 蜜桃茶 x 2整體而言，食物中規中矩，價錢平宜，服務員友禮，蜜糖雞翼是每次必食😋