影片
开饭介绍
品牌創立於2015年，集合肉店、雜貨店和英式餐飲三個元素，主張引入農場直送的優質食材，更供應不含激素、抗生素和生長刺激劑的肉類。
继续阅读
营业时间
今日营业
07:00 - 22:00
星期一至五
07:00 - 22:00
星期六至日
08:00 - 22:00
公众假期
08:00 - 22:00
以上资料只供参考，请与餐厅确认详情
有关奖赏计划
這家牛扒餐廳越開越多，經過路時都看到很多客人，是不是有客都谷在窗邊，待走過的路人都覺得好多客，相當聰明的做法，騙了小人進去。魚我所欲也，作為炸魚薯條控，小人每逢見到餐廳有此物，一定不會放過。一件炸鱈魚柳，躺在炸薯條之上，配有檸檬、他他醬以及青豆茸，正宗。鱈魚肉柔潤，炸得通透，不過好細舊，兩口食完。最值得讚的乃是青豆茸，滿滿的牛油香，堪稱是小人食過最好食的！繼續薯條系列，肉眼扒配薯條乃第二道主食。牛扒未至於食不到，惟筋位脂肪超級的多，靭到咬唔爛又吞唔落，結果徒然狂chiu了十分鐘香口膠，好煩，到底想點？黑椒汁調味過鹹，焗蒜和乾蔥都是沒有味的，香味可惜地釋放不出。香辣蟹餅原來是一大坨蟹肉炒蛋置於一塊熱香餅之上，蟹還蟹、餅還餅，徹底巔覆了印象中的蟹餅。無限量的炒蛋完全淹沒掉蟹肉的存在，蟹肉似有還無。熱香餅的效果亦不合意，不夠鬆軟。整個蟹餅食完漏到反艇！根本找不到驚喜的元素。
继续阅读
第一次光顧這間餐廳，十分失望。外籍侍應完全不懂招呼， 進食期間經常打擾， 例如未食完主菜， 本人已經講明需要繼續使用醬料，外籍侍應依然把醬料收走。之後本人仍然進食主菜， 刀叉並沒有放上碟上， 另一名外籍侍應依然想把主菜收走。當晚餐廳只有少於三成入座率， 依然繼續使用這些趕客手段，非常失望! 香港飲食業如果繼續這樣發展 ，前景堪輿光顧食物：fish & chips 魚肉非常新鮮， 麵粉皮不太厚， 係水準以上之作， 無奈服務水平十分低!
继续阅读
週末午市嚟食，有幾枱客人，人手唔太夠，等咗段時間先有職員招呼點餐。不過職員態度幾nice，環境都舒適。🔸薄切牛扒 $195七成熟煎和牛牛臀牛扒，配烤大啡菇及黛安蘑菇醬。外層烤到帶些焦香，肉質彈牙嫩滑，保留大啡菇嘅水份，整體高質素👍🏻🔸白酒蜆肉波浪意粉 $228清蒸蜆肉配上白酒、辣椒、蒜頭及蕃茜。有驚喜！蜆肉大隻，波浪意粉口感彈牙，好食！🤤🔸CAPPUCCINO $40好特別嘅咖啡豆，偏香濃但不覺得苦澀，飲到有黑朱古力同焦糖嘅香味。
继续阅读
喺銅鑼灣諗住搵間靚啲嘅餐廳，最後決定嚟試一試呢間，最主要係為咗個牛骨髓而嚟，平時出面餐廳好少有牛骨髓🫡🔖黑松露意大利飯黑松露味道唔夠濃，總體嚟講飯冇乜味道，表現普通，同埋飯粒都唔係意大利飯嘅口感，唔推介🔖烤牛骨髓反而呢道烤骨髓就比較特別啲，等咗都有半個鐘到，係即叫即整，成條咁上，食第一啖係好香油脂味，甚至食到魚油嘅味道，食得太多就一定會滯，隔離有啲加咗醋嘅沙律，可以中和返呢種滯嘅感覺。另外亦有蒜蓉多士，old薄脆好似餅乾咁樣嘅口感環境嚟講係幾靚，位置闊落坐得舒服
继续阅读
前陣子睇電視介紹扒房，於是上OpenRice搵吓邊度食牛扒好，然後發現咗呢度。入坐後當然係去肉櫃揀扒，個肉櫃唔算大不過可能因為啲扒全部都真空包裝咗，所以全部都係放一件喺度同埋放得好密好多選擇，所以認真睇就要花啲時間，不過我未嚟之前已經打算食T骨扒，所以好快就揀咗件澳洲草飼T骨扒，返到埋位店員嚟確認訂單同時我就點咗炸魚薯條同炸大啡蘑菇，之後坐咗一陣炸魚薯條同蘑菇上桌，先食薯條，完全唔係正宗軟淋淋果種，薯條外層非常脆口內層就非常鬆化，炸魚皮脆但係魚肉唔係平時鬆軟果種，有啲密度同好好咬好有魚味，連碟邊平平無奇既青豆都好好味，成碟炸魚薯條都好高質素。炸啡菇既脆皮由開餐到結尾都係脆既，菇味濃厚，極品。食完炸魚到牛扒上場，塊扒接近有2吋厚，肉眼果邊鬆化，西冷果邊好咬口油花香濃，成塊扒好有牛味同淡淡炭烤香味，無論就咁食，點芥末或茄汁食都係極品。餐飯食完我同老婆都好滿意，老婆重話下次嚟試其他野。
继续阅读