Fill In (已結業)

同男友知道呢間餐廳有時會有唔同廚師駐場，所以就上去試吓，我地咁岩係weekend去，原來平日先有🤣不過唔緊要，餐廳本身個menu都好吸引✨首先飲碗龍蝦湯，賣相吸引，味道偏咸叫左個煙燻三文魚意大利飯，份量好多，好抵食都係抵食嘅份量，我同男友一人一半，不過我已經食唔落😂🙈我最鍾意呢度嘅甜品，好特別‼️好似呢個咁，呢個係普洱茶凍豆腐配乳酪，口感同味道都好正🤤整體來講，又好味又抵食，而且環境舒服，不過客人唔多，可能因為地點較偏，但係完全係值得再去嘅餐廳👍

朋友介紹之下去試下 食完就為左佢寫我既第一個食評🤭 性價比真係好高 黑松露湯有誠意 有質感 個炸洋蔥圈估唔到咁好食 點果個醬酸酸地好開胃好得 個醬我食晒😂羊架叫左7成 好軟滑 應該係我食過最好食既羊架🙃有羊香味~個龍蝦risotto ($228)d飯岩岩好 軟硬適中 龍蝦有紅色膏我真係好好彩 美中不足係個龍蝦唔係新鮮捉上來即煮的 但$228既價錢來講已經俾俾凸左我😋然後 我依家好飽 滿足！全部食物賣相都好靚 會再encore

去開黃埔，朋友介紹話附近有間餐廳環境幾舒服，嘢食唔錯，咁就唔諗啦，行到攰就直接去試吓啦首先講個地點，係幾特別嘅，佢係響個私人屋苑入面，所以環境都幾清幽，有啲似響酒店入面嘅餐廳咁🤓知道佢地方大，但冇諗過闊落到咁😳重點係餐廳有一面係全海景!!!!!!😍完全冇遮擋，見到依個景食咩都加哂分，加埋簡單帶點文清氣息嘅裝修，打卡一流😎講番食物，今次一行四人，叫左個沙律、三個主菜同埋薯條，整體食物質素唔錯~尤其個個煙三文魚意大利飯同蜆肉意粉， 飯同意粉嘅硬度我都覺得啱啱好，味道適中👍🏻聽朋友講佢哋仲會定期轉廚師，所以餐廳餐單會不斷轉，依個concept 算係幾新穎，可以保持新鮮感，期待感🆙計番人均最後大概$150，加埋個景，性價比抵讚啦👍🏻👍🏻👍🏻去開依頭，想舒舒服服食個飯飲杯咖啡都係唔錯既選擇~

朋友介紹呢度開左間新餐廳，趁奶奶生日+萬聖節，一家黎試吓地方好闊落，空間感好大原來隔離有間兒童遊戲室，下次可帶兩隻馬騮黎放電萬聖節有特別餐，我地叫左個愛登士家庭餐，兩人餐同兒童餐。要左一半湯，一半沙律，睇個樣以為紫薯湯會甜同好滯，估唔到有d清新感，配果塊包外脆內軟，食左先記得影低🤣沙律好新鮮，配埋個略酸的醬汁非常醒胃個漢堡賣相好吸引，估唔到仲好好味，d肉唔un 煮得啱啱好，個薯條都好好味！我地最後仲encore 左，叫多碟，$58 薯條加芝士絕對推薦！主食斧頭扒，意粉，羊架估唔到羊架比想像嫩滑，我覺得煮得比牛扒出色最後講下兒童餐，我唔知好唔好味，但我個仔出街玩多過食，竟然食晒全份，應該好唔錯啦

限聚令可以六個人聚餐，即刻約埋好友聚一下，之前有朋友介紅磡有間餐廳新開試業，話食物水準高，價錢又平，環境又好，坐得舒服，就去試吓。地點唔算難搵，去到地方果真寬躺，侍應安排了靠窗的位置，餐廳因試業期間只有套餐供應，每款都係百幾蚊一個餐。所以六個人叫咗六個套餐，有南瓜湯或沙律，主菜分別是牛扒羊鞍煎䲞魚燒春雞墨汁海鮮飯茄汁海鮮意粉餐後有個非常清新的柚子蒟蒻還有咖啡及茶。朋友們都話十分好食，下次都會再來，希望下次可以食更多好味菜式👍🏻👍🏻

Tried this new restaurant last night. My Grill Lamb chop is very tender and tasty, and the desert, Pu er tea panna cotta with caramelized banana, is surprisingly good♥️ Very comfy atmosphere with nice food at really reasonable price.However, they don't have alcohol yet but you are welcome to bring your own wine without corkage.

原來黃埔開咗間西餐廳，於是約埋友人襯長假期一齊去食lunch，不過因為仲限聚緊，今次只能四人同行🙈去到餐廳，第一下已經俾個環境吸引，好寬敞的地方啊！區內附近想搵間坐到咁舒服的餐廳真係少（可能得酒店先有🤔🤔🤔）呢日仲好好天氣，坐在餐廳裡面日光好充足，打卡一流店員同我哋講因爲剛剛開始試業，所以暫時只係做緊set lunch 同埋set dinner, 於是我哋一伴揀一個set 試我食嘅係羊架，好食羊架外有微微炭烤香味，裡面十分juicy，感受到廚師好用心處理件羊，配菜都好好味，尤其是紅菜頭同埋我偏愛的法邊豆～打卡都arm 友人食既，一路食一路讚，攪到我都想食多個餐😂 其實我平時都有煎下銀鱈魚、鱸魚，但真係掌握唔到點可以外脆內嫩，但呢度個魚就真係咁嘅texture!!黑毛豬鞍都好不錯，烤得剛剛好，唯一要挑剔的是唔夠汁，因為件豬鞍都幾大件，好快就點晒啲汁...最後一個係risotto, 是素食來得。牛肝菌味十分出，非常濃郁！份量剛剛好～跟餐可以加湯、沙律同甜品，我哋有人叫咗湯，同四份甜品（今次剛巧都是甜品控組合）湯是甘荀湯，ok的，不是十分特別，但係滑嘅。甜品就真係有驚喜，係一個非常清新嘅柚

當晚一行三人去紅磡食 Dinner ! 坐低一睇個菜單得咁少野食嘅！原來因為試業，新餐廳所以一開始得set食！價錢唔貴平均百幾蚊就包晒 早盤、主菜、甜品、餐飲 ！我選擇左豬胺，而朋友就選擇左蜆意粉，當日嘅湯係 甘筍湯 個賣相幾靚，會跟一塊少少嘅包！個味道好清新，有甘筍味！主角豬胺，有格仔烤過嘅坑紋，擺盤都精美！配菜紅菜頭好味！而豬胺，肉味好濃郁！甜品，當日係柚子蒟蒻！個味道好清新！最最最重要唔甜！本人最怕甜，所以對甜品冇係好食！但依個可以！食完我就覺得好低食，因為去超市買塊豬胺都$40-50蚊，而家整埋比你比埋湯同甜品，都係收你$158 免收加一 。未完！原來新張期仲有9折！所以我覺得依間係一間性價比甚高嘅餐廳！

見到朋友社交平台打卡試完d相片幾吸引，所以來試下晚飯，試業期間只有set dinner。環境都幾闊落，在疫情下外出用膳，這樣比較好一點，聽聞這餐廳前身係親子餐廳，所以設計和配套都幾適合帶小朋友的我們。點了一份牛扒一份蜆肉意粉，跟餐有餐湯或沙拉，亮點在餐後的咖啡和甜品，有咖啡慕斯，百零蚊的價錢算是不錯，開業期有九折和免➕一旁邊相連有一間小朋友playhouse，啊仔好想去玩車車但可惜收8點，下次要早d來。p.s. 泊車在旁邊的海濱廣場，行過來都算方便

黃埔新開西餐廳，同男友拍拖試下，一入到去，地方闊落，好有一種日系和風feel,令人可以好舒服咁享受午餐🤤我哋叫左2個lunch set,食左牛肝菌野菌忌廉汁意大利飯&香烤黑毛豬鞍配杜松子汁，味道都相當唔錯，特別意大利飯同我係出面食開既味道有分別值得一試。飲品同沙律就正常，冇咩特別，但環境同價錢&味道配合，係一個值得放假黎鬆一鬆地方旁邊有一個俾小朋友玩樂的遊樂場，不過聽聞星期六日都會較貴少少🤣大家有興趣不妨一試