FireBird (東薈城名店倉)

营业中

休息中

Firebird ( 東涌城名店倉）東涌達東路20號東薈城名店倉B1樓B13號舖呢間今日去咗東涌購物，泊完車之後就見到呢間FireBird，門口望入去見到地方寬敞又舒服，所以決定入去試吓揀咗個豪華二人套餐（全九品）滿足二人套餐凱撒沙律，用上新鮮沙律菜，加上沙律醬和煙肉，沙律菜入口鮮甜爽口， 十分清新刺身有三款三文魚，元貝，鯛魚，三文魚肉質鮮美，脂肪含量較高，口感滑嫩，入口即化。新鮮的三文魚刺身會有一種微甜的味道，質地柔軟，油脂豐富。鯛魚的味道清淡而鮮甜，清淡，肉質緊實。元貝肉質鮮甜，帶有濃郁的海味，略帶微妙的甘甜。新鮮的元貝會有一種清新的鹹味，讓人回味無窮。質地滑嫩且有彈性，咀嚼時可以感受到其鮮嫩的口感炸雞軟骨炸制後的軟骨外層酥脆，內裡則保留了肉質的鮮香，帶有一絲鹹味。外層經過油炸後，形成一層金黃酥脆的外皮，咬下去時能感受到爽快的脆感，內部的軟骨則保持了獨特的嫩滑口感，與外皮形成鮮明的對比，咀嚼時能感受到軟骨的彈性串燒盛合有牛肉金菇，黑豚肉金菇，煙肉蕃茄仔，燒粟米等我，十分香口，燒到剛剛好松葉蟹肉稻庭烏冬，蟹肉入口鮮甜，烏冬入口煙煙韌韌，吸收了湯汁非常美味，正Lychee frozen

東涌哩間FireBird 提供高質但價錢公道的新式居酒屋菜😍 我地兩個人食左大約每人$3xx-400 但食到抱住個肚走😋 個人覺得好適合聚會同埋enjoy food tgt!! 一來我地就order左個A4和牛邊爐set （九州產和牛壽喜燒鍋御膳）再加一大盤刺身set😍都好唔錯 和牛入口即溶 刺身夠新鮮款式又多 不過驚艷到我的係個三文魚炸卷!! （唔記得咗佢嘅名）但做法就係將熟嘅三文魚包係紫菜飯卷入面再拎去炸😋 哩個菜式比較獨特唔係到到有機會食到 個人幾鐘意～再來就係追加嘅牛肉壽喜燒串 連埋生蛋黃汁一齊食驚喜地惹味～ 加洲卷清新 迷你鰻魚飯 同獺祭雪糕作結～ 完滿🫶🏻

跟朋友在東涌逛完outlet，決定在附近吃完晚飯再回家！在東薈城看到這家日料的環境雅致又寬敞，菜式亦很創新，於是就忍不住在這裡吃個晚餐～✨ FireBird名物 重量級火焰原隻雞腿店員會即場雞腿為燃點火焰，非常吸睛🤩雞腿外層焦脆，內裡保持嫩滑多汁，還吸收了香辣味～✨九洲產霜降A4和牛燒200g(肉眼)A4和牛肉眼的油脂分布平均，肉質柔嫩，入口即化！旁邊還有鹽、芥末及炸蒜，個人覺得和牛跟炸蒜這個配搭最有驚喜～✨壽喜燒鍋還有嫩滑的豆腐、蔬菜及菇類，份量十足～✨火鍋用追加烏冬烏冬偏扁身及幼細，口感煙韌，而且掛汁能力高！還附有雞蛋及壽喜燒湯～✨Lychee Frozen 這杯Mocktail是一杯充滿荔枝香甜味的沙冰，給人一種冰涼又清新的感覺～總括來說，餐廳的料理創新又美味，店員亦親切有禮！下次再來東涌，一定會再訪～

同朋友一齊嚟咗呢間喺商場入邊嘅日式餐廳食晚餐🤣Mocktail Lava Flow：用個高身杯裝住大大杯份量好多，材料有 菠蘿汁、椰子忌廉、櫻花糖漿、 新鮮草莓、焦糖牛奶，夠晒甜，又幾滑，凍冰冰，飲得好開心🤣「FireBird 名物重量級火焰原隻雞腿」：雞髀大大隻，嚟到嘅時候店員哥哥點火跟住即刻火光熊熊🔥，燒完之後另一位店員妹妹就嚟幫我哋用鉸剪剪開雞髀，一件件 bite size 啖啖肉食得好方便🤣，仲有一大個燒椰菜可以食，幾特別🤣「季節海鮮相撲火鍋」：ちゃんこ鍋 喺日本🇯🇵係相撲手日常食用嘅料理，一般係用雞肉同埋大量蔬菜，不過其實用乜嘢材料都得🤣，相撲手 喺 相撲部屋 會大量進食目的係為咗增加體重，嗰個鍋係超級大可能係我哋喺呢間餐廳食嘅鍋嘅30倍以上份量🤣；呢間餐廳嘅ちゃんこ鍋 用海鮮我諗就算喺日本🇯🇵都比較難搵到🤣；呢間餐廳嘅海鮮相撲鍋幾鮮味🤣，材料包括蜆、生蠔、三文魚、魷魚 等，都幾豐富🤣「九州產和牛鰻魚丼」：和牛薄切肉質軟熟幾好牛味，鰻魚厚薄適中蒲燒甜甜哋，撈飯食幾好味🤣「獺祭雪糕」：有啲啲牛奶香味🤣「抹茶蕨餅配黑蜜」：蕨餅有啲啲煙韌🤣

上星期去東涌探朋友，他帶我到東薈城食晚飯，大家都想試下日式餐廳。這店環境相當舒適，坐得好舒服，地點都幾方便。火焰原隻雞肶，侍應先把酒淋在雞肶上，再點火，即時火焰冒起，好有儀式感。雞肶上鋪上一些紅色粉沬，配合火焰效果，以為很辣，原來不怎麼辣，雞肉嫩滑香口，好味。特上牛肉串盛盒，有好幾種不同的串燒，牛肉卷好惹味，燒得恰到好處，嫩滑甘香。牛肉塊口感好，好有質感，整體味道不錯。刺身盛盒，有五種不同的刺身，帶子、三文魚、魚子、蝦、油甘魚等，整體夠新鮮，油甘魚刺身特別好味，厚切口感特別好，鮮甜回甘。帶子都幾大隻，鮮味滿滿。火焰熔岩鮭魚卷，賣相吸引，真係有些火山噴發feel，壽司卷炸過，入口微脆，飯與鮭魚配合得不錯，幾有特色。Lychee Frozen ，顏色相當靚，好大杯，藍藍的令人感覺冰涼，沙冰有香濃的荔枝味，視覺味覺都合格，邊心涼，而且不太甜。

今週未，終於抽到時間同朋友久未行東涌這地方，下午行到晚上，看下時間7時幾，所以選間餐廳吃晚餐，行到這間看了門口餐牌，食物吸引，就入了去，環境好有舒服感，待應選了卡位給我們座，座位寬濶，看了一會餐牌，叫了季節海鮮相撲鍋  舖在鍋上面的海鮮同配菜，湯底好鮮甜海鮮味，海鮮有三文魚，蠔，魷魚，蜆，配菜有豆腐，菇，三文魚同魷魚厚身，好滑口，濃鮮魚海鮮味，蠔同蜆不算細，彈牙爽口，同樣有濃度貝鮮味，豆腐滑身，好香豆味，菇類品脆滑，好鮮香菇味串燒盛盒 (5串）  長蔥雞腿串，車厘茄煙肉卷串，牛肉壽喜燒串牛肉金菇卷串，粟米燒每串軟霖嫩滑，雞腿厚肉，濃香雞味同蔥味，煙肉卷住車厘茄，濃鮮肉香味也有鲜甜茄味，口感特别，壽喜燒的牛肉串，本有肉香味加配醬油鮮味，另一番肉香味，金菇的牛肉串，牛肉卷住金菇，有牛的鮮香味同有菇鮮香味，好有咬口感，粟米粒彈滑，好香粟米鮮味士多啤梨沙冰特飲  杯上面舖的泡沫，吃了一口士多啤梨甜奶糖味，再飲落去更甜香士多啤梨味，仲有好香芒果味，特色搭配味道荔枝冰  杯上面有荔枝做點綴，不同平時味感，特別加配檸檬汁，獨特清新荔枝甜香味同帶點清香檸檬味，甜度適中炭火蒲燒鰻魚丼  份量適中，厚身鰻

呢次去東薈城搵食，試咗 FireBird，整體體驗唔錯，環境寬敞，裝潢走簡約日式風，坐得幾舒服。食物部分⭐ 重量級火焰原隻雞腿呢道菜真係幾有噱頭，上枱時侍應用火槍燒到成隻雞著晒火，視覺效果勁震撼！雞皮燒到微焦，帶少少炭燒味，肉質算嫩滑，配上辣粉同燒汁，味道幾惹味。⭐ 精選刺身盛合（5品）刺身擺盤精美，賣相吸引，帶子同甜蝦特別鮮甜，三文魚油香十足，魚生質素唔錯，配埋新鮮山葵更加突出鮮味。⭐ 火山熔岩鮭魚卷呢款壽司幾特別，上面鋪滿炸薯絲，口感豐富。壽司卷內有鮭魚、魚籽，仲有少少辣味蛋黃醬，味道幾有層次，不過食落有啲偏膩，適合鍾意濃味嘅人。⭐ 大海老天婦羅炸蝦天婦羅炸得幾好，外皮金黃香脆，唔會過厚，裡面隻蝦夠大隻，彈牙爽口，配埋天婦羅汁一齊食，味道剛剛好。⭐ 九州產和牛壽喜燒鍋御膳壽喜燒湯底偏甜，和牛脂香濃郁，入口即溶，配搭烏冬吸晒湯汁，幾夾。加埋生雞蛋撈埋一齊食，口感更加滑溜，整體滿意。⭐ 獺祭雪糕 & 雨滴餅獺祭雪糕帶淡淡清酒香，甜度適中，口感順滑，幾有特色。至於雨滴餅，透明晶瑩，配埋黃豆粉同黑蜜，口感清爽，唔會過甜，係個唔錯嘅日式甜品選擇。飲品部分二嚐日本酒Set 內有三款清酒，分別帶

星期六與家人去東涌食飯，聽朋友講這間日式餐廳幾好味，我哋們就去試試。餐廳環境幾寬敞，日式裝修，幾舒服，就在東薈城相當方便。刺身盛盒，有三款不同的刺身，三文魚、油甘魚、帶子等，三文魚好肥美，夠新鮮。帶子都幾大隻，相當新鮮甘甜。溫泉蛋十勝豚丼，都幾多豚肉，燒得頗香口，油脂甘香，溫泉蛋可拌飯食，特別好味。份量都算足，飯粒分明香糯。火焰原隻雞肶，當侍應一點起火，大家都嘩的一聲，火光熊熊，有點像表演，雞肉嫩滑惹味，微微辣，近乎不辣，雞肶好大隻。壽喜燒，都幾大鍋，湯底微甜，入口甘香，牛肉肥瘦適中，蔬菜幾新鮮，整體食味不錯，算抵食。明太子芝士野菜燒餅，兩種食味，幾有心思，衣裏面夾雜著蔬菜，感受清新爽口，可謂軟中有爽。Lava Flow ，好有熔醬的感覺，好大杯，沙冰有淡淡士多啤梨的香味，透心涼，好好味。水滴餅，賣相有趣，真是好似大大粒水滴，晶瑩剔透，入口軟滑Q彈，有點像台灣的愛玉，是一款頗有報的甜品。

新年咁凍～ 緊係食鍋物得知Firebird出左新menu推出幾款日式火鍋一於去試下！我哋簡左廣島蠔鍋🩷勁正！湯底鮮甜蠔肉肥美～十一月至翌年三月係蠔嘅當造時期厚身肥美、肉質富有彈性口感食後口裡仍然充滿海水鮮味真係超正！值得一試再試！另外二人餐抵食！🔹豪華2人餐（$498）🔹🔸精選刺身盛合 （5品）🔸溫泉蛋慢煮日本雞肉凱撒沙律🔸大海老天婦羅🔸FireBird串燒盛合🔸火山熔岩鮭魚卷🔸Suntory the Premium Malt’s（+$30）🔸特飲Berry kisses（+$30）一次過食到沙律、刺身、串燒、炸物、主食仲包2杯嘢飲～因為個餐d嘢好食，所以次次都必叫今次揀左串燒盛合：雞肉京蔥串、雞軟骨、雞胸肉、秋葵、月見團子一共五串燒物，各有特色，月見團子好味，鬆軟彈牙又有軟骨，口感好好！散叫menu選擇都好多壽司、章魚丸子、拉麵都好食仲有啲特色飲cocktail、mocktail 架

越嚟越喜歡去東涌食嘢，美食之餘順勢在東薈城outlet購物，何樂而不為？血拼後醫肚時間，今次慕名「火焰燒雞腿」而來：厚燒玉子 $38先來個小食暖下腸胃先，厚燒玉子一碟四件，厚度有番咁上下，柔軟而滑嫩，作為小食還是不錯的。明太子芝士椰菜燒餅 $68薄薄的餅皮中間夾住椰菜絲，面層加入醬汁，有兩種口味：明太子芝士和大阪燒味。明太子鮮美帶點咸香，太阪燒則呈現鼓油的咸香。特上壽司盛合 $168壽司有十二件，包括：油甘魚、三文魚、北寄貝、蟹籽、玉子、甜蝦、鰻魚⋯每一款都各有特色，滿足晒壽司控。配搭有醬油、山葵和酸薑。火燒原隻雞腿$138呢個係今晚的重頭戲，原隻雞腿送上餐枱後，在眼前上演一場盛火的表演，火焰令雞皮烤得更香脆，隨後專人將雞腿剪細件，經過一場簡單而隆重的登場，吃起來特別加分。原條日本產魷魚燒 $108魷魚的口感比較彈牙，作為佐酒小食相信是非常不錯。配上沙律醬，又另一番風味。季節海鮮相撲鍋 $168這個鍋的食材相當豐富，有蠔、三文魚、魷魚、蜆、豆腐、菇類、菜類。非常足料，追加烏冬吸收了湯底的精華，完美搭配。

今日同謙謙去左東涌到行街買過年衫， 買完衫緊係要搵食， 想起呢到的 FireBird 好食就去了。諗都唔洗諗叫左豪華2人套餐⬇️⬇️⬇️💟 溫泉蛋慢煮日本雞肉凱撒沙律 ～ 刺穿溫泉蛋流出的蛋漿配上雞肉係幾夾，沙律菜配黑松露醬新鮮開胃。💟 精選刺身盛合 ～ 刺身新鮮厚切， 帶子鮮甜美味，三文魚夠肥美。💟 大海老天婦羅 ～ 天婦羅漿夠薄，炸得好好，大海老好爽口。💟 FireBird 雞肉串燒盛合 ～ 串燒燒得剛剛好， 雞肉幾嫩。💟 火山熔岩鮭魚卷 ～ 好喜歡呢個卷物，外層炸過多重口感，疊到高賣相幾靚。💟 雨滴餅 (黃豆粉 & 黑蜜) ～ 我地好喜歡呢個甜品， 晶瑩剔透沾住d粉食已經好好味，而且拎起好有動感。🍹 Mango-bar de Mocktail 🍹 Strawberry Smoothie兩杯特飲除左賣相靚外，入口更正， 前者謙謙話有條正條食飲得又食得， 後者香甜creamy。另加🍣 特上壽司盛合 ～ 壽司每件各有特色， 材料新鮮，份量好滿足。

去東涌掃完outlet野，遇上依間居酒屋，二人套餐吸引，非常豐富，價錢合理，味道唔錯。滿足二人套餐 $428凱撒沙律沙律菜新鮮爽脆，有沙律醬和煙肉碎，簡簡單單，清新味美。明太子芝士椰菜燒餅椰菜燒餅加芝士口感綿密，淋上醬汁兩款口味，大阪燒汁和明太子醬，味道唔錯。刺身盛合有三文魚、油甘魚、帆立貝。新鮮貨色，鮮甜美味高質。特上牛肉串燒盛合有煙肉車厘茄、牛肉金菇、黑豚肉金菇和燒粟米，燒得剛好，配搭相當美味。北海道名物 温泉卵十勝豚丼豚肉爽口肉味香濃，燒汁加蛋汁撈飯美味。雨滴餅晶瑩剔透，口感爽彈，配上黃豆粉和黑蜜，有著甜蜜的幸福感。自家製免治雞肉棒 (配明太子) $38雞肉棒口感鬆軟，有軟骨爽脆碎粒，明太子醬加持下咸鮮惹味。牡蠣鍋 $168鮮蠔一打，蠔身肥美，鮮味十足，食落令人滿足。抺茶蕨餅配黑蜜 $38蕨餅煙靭彈牙，充滿抹茶香，加上黑蜜，美味到不得了。飲品蜂蜜生薑梳打, 柚子蜜梳打 正常發揮~

📍FireBird😍香港超好吃燒雞與燒和牛😜～FireBird名物😍重量級火焰原隻燒雞👍超級好味嘅燒雞😘外皮非常脆😜內裏肉質嫩滑🥳調味亦都做得非常之好😜👍～九州產霜降A4燒和牛肉眼😍勁正嘅燒A4和牛😘入口即溶👍油脂分布非常平均😍仲要勁有牛味😜燒到半焦香😭正到爆😘～自家製免治雞肉棒😜內裏雞肉非常鮮嫩🤪配上鮮雞蛋食真係正到爆呀😛～Strawberry Smoothie😘好好飲嘅Mocktail🤤非常鮮甜好味😛仲要有一種清涼嘅感覺🥳啱晒食完和牛燒雞既我🤪～順帶一提😛餐廳環境靚😍食物質素高🥳店員服務態度好👍下次經過呢頭一定再嚟食😎📍港鐵東涌站C出口 步行約1分鐘FireBird (東薈城名店倉) (東涌)東涌達東路20號東薈城名店倉B1樓B13號舖

我唔明白個煲咁都唔加水咩意思 又食飯到而家從來冇加過水 完全冇服務態度 過三文魚刺身切到連厚薄都唔一樣 呢個都唔記得咗影 跟住話呢個係烏冬麵 完全睇唔出係烏冬麵囉， 就算呢個係烏冬麵啦，煮到燶底啊你係咪要加水啊？ 服務態度又差，淨係諗住呢你快啲嚟啦，快啲埋單 好差勁囉，絕對唔推介任何人你呢間舖頭啊2024年最差嘅一間舖頭由八點幾入舖頭開始 個侍應已經一路好不耐煩 同我哋講last order係幾點 幾時佢哋會收工 其實真係好唔介意任何人去食呢間舖頭 你哋超過咗八點就唔去食啦 因為呢佢哋就會好不耐煩地都唔想招呼你 趕住收工啊佢哋