Flames (黃埔天地)

营业中

休息中

Flames價錢💲: $58/ $58/ $148/ $168好味程度😋: 3.7/5服務🍴: 3.7/5環境🗾: 3.7/5性價比🥢: 4/5回頭率😚: 3.7/5-呢間位於黃埔的西餐，價錢定價唔貴，環境都可以，特別鍾意d2-3人坐的圈圈位，好有私隱度。餐牌上選擇唔多，但見普遍的食客都有叫pizza，所以我都叫左個😚 除左普通散叫、仲可以叫2人餐，而家有6折！-🆗黑松露薯條。薯條都係新鮮炸起，熱辣辣的。但可能因為未散夠熱就放入個桶到，令到食食下就會有d軟。薯條的質地都係正常。黑松露唔少的，起碼每條薯條都沾到，味道可以更濃😳-🆗巴馬臣芝士烤粟米。粟米食落有啖啖牛油味，好似某連鎖快餐店個d🤣 唔同的係佢的表面用火槍燒過，有火炙的香味😌 芝士碎味道幾濃，如果可以成條有就好…呢個價係性價比差啲🫣-✅紅酒燴牛面肉草菇扁意粉。鍾意呢個意粉非常濕潤，好多醬汁包住每一條麵😍 個汁帶d鹹牛肉味😝 唔會好膩！意粉小小硬，啱啱好。牛面肉已經炆到爛晒，有大舊又有啲碎，牛味非常濃郁，肉又唔鞋，好味🥳-✅✅卡邦尼薄餅。每一塊pizza都有隻鵪鶉蛋係上面，望落特別吸睛😉 pizza餅皮都幾鬆軟，中間偏濕，邊邊位好

🥩10安士肉眼扒配忌廉薯蓉 $268叫左五成熟，把刀好專業，好好切👍。一咬就聞到好正嘅焦香，肉質淋，中間粉紅色，有牛味，忌廉蒜蓉超級滑。🍕夏威夷薄餅 $178之前同朋友食過卡邦尼薄餅，今日就試下夏威夷。材料係簡單，但用料好有質素，靚火腿香，鮮菠蘿酸甜，薄餅脆，一定要趁熱食😋。🍹Mocktails: Flames Lemonade $68有檸檬汁，士多啤梨汁，其他唔記得😅，配上梳打水，好飲🥰。2個人想据扒，又想食pizza，真係貪心左啲，勁飽，蛋糕都冇位食，餐牌寫House made，望到個🍰藍莓芝士好吸引，下次試下先。🌟環境舒適，好有氣氛，好適合飯聚約會，有加一服務。

之前已經見過其他人推薦位於鰂魚涌嘅西餐廳 "Flames"，今日經過發現原來紅磡都有分店當然要把握機會一嚐啦！餐廳有會員系統，只要join左，Ala Carte散叫有8折 !!店內座位闊落，裝修簡約型格，設計以黑白為主，多數座位都係圓枱卡位，空間感十足。仲有半開放式嘅廚房同水吧，可以望到廚師嘅製作過程，整體覺得令人感到舒適悠閑。餐牌上除咗午餐，亦可單點，有多款選擇  :  肉眼扒、意大利粉、Pizza、沙律等，另加$配餐湯、薯條、蔬菜及甜品。意式辣肉腸薄餅    $158呢個係經典款式既意式辣肉腸薄餅，餅底由餐廳自家即叫即製，上檯時熱騰騰的，口感香脆。簡單既新鮮馬蘇里拉芝士鋪滿晒成個餅底，半溶芝士份外誘人，加埋辣肉腸、少辣既肉醬及香草，就變得更加惹味。慢煮雞胸凱撒沙律    $118餐廳用上既沙律菜非常新鮮，食落爽脆清甜，水份好足。慢煮雞胸肉汁鮮嫩，有咬口，唔會乾身，加上灑咗好多芝士，芝香味濃郁，配搭脆煙肉、烘乾既法包粒及沙律汁，增強口感。蟹肉周打忌廉湯    (+$48)雪白既賣相睇落亳無違和感，湯底質地夠濃稠creamy，唔會太稀，入口香滑飽滿，加埋蟹肉，鮮味立即提升，感覺清新，幾

琴日同朋友一齊去食下午茶唔熟路嘅我地搵呢間餐廳用咗10分鐘可能係下午茶嘅關係所以餐廳只有一半人滿座侍應安排咗我哋坐卡位讚賞嘅地方就係餐廳環境都幾舒服叫咗個卡邦尼意粉、同肉醬意粉首先是日忌廉湯係唔錯的然後卡邦尼就不過不失忌廉味唔算好重，配料味道亦唔係好出但以呢個價錢嚟講可以接受朋友嗌咗個實冇死嘅肉醬意粉肉醬意粉反而覺得一般般味道比一般肉醬意粉酸少少 兩個人下午茶買單200蚊，比較經濟實惠想坐得舒服傾吓偈呢間餐廳都係唔錯嘅選擇另外值得一讚嘅地方係侍應拎餐具碗碟上枱嘅時候都係熱嘅衛生程度非常好、應該都有做足消毒

今日到黃埔購物，行完街梗係搵個地方坐低食飯, 想簡單啲食個意粉飲杯咖啡, 經過Flames 有齊我想食嘅嘢，決定選擇系呢度醫肚。入內座位寬敞，全餐廳落地玻璃，我就揀選坐位望出街外，感覺非常舒服。帶子沙律 🥗沙律菜非常新鮮，帶子烤香，配上醋汁，開胃美味雞意粉 🍝慢煮雞胸， 切片上，再配上車厘茄香草醬，口感豐富，美味又健康的選擇蟹肉長通粉 🦀鮮嫩的蟹肉和新鮮的蕃茄為主要材料，配以豐富的忌廉汁，味道鮮甜香濃。忌廉汁的加入讓整道菜式更加濃郁滑順，為口感增添了豐富的層次感。白咖啡 ☕️濃郁香氣, 幼滑口感，帶有微妙的酸道。

黃埔站鄰近一帶係美食集中地今次搵左集合好多好評既西餐味道、價錢、擺盤、服務都值得一讚1）10安士肉眼扒配忌廉薯蓉🥩牛扒煎得好香 有啲啲燶邊5成熟岩岩好 裡面仲保留到少少肉汁薯蓉打得好滑 忍唔住一啖接一啖😍2）意式辣肉腸薄餅🍕薄餅厚薄適中 個人好中意食pizza邊邊 包邊好鬆軟😋薄餅上面有堆辣醬 好惹味！！！3）是日甜品 （一份兩件）Blueberry cheesecake and strawberry oreo cheesecake藍莓芝士蛋糕一如既往好味! 細細件食完都唔會漏另一款再多啲層次 士多啤梨好出一份兩件岩哂有選擇困難既女仔4）🍑Peach Dirty Lemonade （cocktail)酒味較重 桃味會越似越突出😍 勁fresh最開心係有堆果肉咬✨依加餐廳設有會員系統 只要join左係A la carte散嗌都有8折‼️

好耐冇出黃埔，去完中午飲宴，順勢留係到食埋個晚飯先，見到呢間西餐唔錯，價錢又唔貴，入去試下先🤤10安士肉眼扒配忌廉薯蓉 $268👅肉眼扒叫咗7成熟🥳一上枱已經好香，味道炭香，肉眼扒口感鮮嫩多汁，配燒肉汁非常好味，碟上仲有忌廉薯蓉，點住薯蓉味道更上一層，呢個伴菜超有驚喜，估唔到同牛甘夾🥰🥰燒大蝦三文魚籽龍蝦汁扁意粉 $158🍝🦞大蝦好大隻，咬落啖啖肉好新鮮同埋肉質爽口，面頭擺滿三文魚籽，口感豐富，意粉都掛住滿滿嘅龍蝦汁🦞口感非常好💕FLAVOURED TEA (PASSION FRIUT) $38 🏖️🥤新鮮熱情果溝少少橙汁，為呢個晚餐解一解飯後的油膩感💯呢間餐廳入面都好有情調，下次同老公二人世界先☺️☺️

今餐係黃埔dinner😆咁同朋友係黃埔行完街，dinner time就搵吓附近有咩好嘢食，就搵到呢間好高質的西餐廳。香草紅酒汁燴牛面肉配忌廉薯蓉烤蔬菜 $268牛面頰的肉好入味又好軟腍，能夠做到一壓就散😍牛肉味道非常濃郁，薯蓉好creamy，配埋紅酒汁，三樣一齊食味道好好食😋香辣炸雞 $88件件炸雞睇落都好飽滿，食落少少辣，好惹味，仲好juicy😆牛油烤蔬菜 $58裡面有四種蔬菜，睇落好豐富，份量亦都好多。蔬菜食落真係好有牛油香味，好好食。最後叫多杯latte ($38)，果仁的味道非常濃郁🥰Flames (黃埔天地) (紅磡)紅磡黃埔花園2期錦桃苑地下G10B號舖*上述文章只供參考及以當時價格為準

呢間來自澳洲嘅西餐廳Flames唔錯😍，黃埔分店環境都幾有格調和好時尚感☺️，而且定價合理，所以約咗朋友來試下呀。🔹️香草蒜蓉包 一碟有六塊，脆卜卜😚，香草和蒜蓉味啱啱好，夠香口。🔹️葡式香辣燒春雞配薯條🐥燒春雞係Flames 嘅招牌菜之一😁，外皮燒到好香，入面d肉都幾嫰，配埋葡式 peri peri 醬汁都幾正，薯條炸都好好。🔹️燒大蝦三文魚籽龍蝦汁扁意粉🦐呢個意粉好正好掛汁，龍蝦汁好creamy，超多大大粒嘅三文魚籽，大蝦超大隻🦐，勁厚肉，爽口彈牙。

已經好耐冇寫食評，基本上幾日都經過一次呢間餐廳，老婆成日話想試，我話今時今日好多好似靚裝修都好伏，不如我正正經經出去食間好，跟住老婆話但係呢間好多好評喎，我見佢講幾次真係想試，咁同埋外父外母去，跟住訂位，去到坐底，老婆話大menu有75折，我更加心知不妙，叫咗蟹肉長通粉、兩款牛扒，不得了😅 好多蟹肉，超低，少少腥味都算，不過真心難食，食到一半更腥，放棄了。因為外夫外母都好享受食嘢，所以我們多數會切少少自己叫嘅嘢比大家互試吓，第一下嘅感覺係咁普通嘅，之後嘅感覺係烤爐味很香嘅，不過牛就… ，薯條合格嘅😊簡單咁講，食完飯之後老婆、外父外母都話唔會再黎，我就好少講，直接唔去。

之前食過觀塘海濱會分店覺得唔錯收工搵食 原來黃埔有間 今次試下黃埔分店先🧐 🍹Lychee Splash $68呢杯觀塘飲過Cocktail版覺得好好飲 今次試Mocktail 一樣荔枝味好香 😚果味香濃 夏日透心涼🧊🥗香煎半熟吞拿魚車厘茄沙律配青檸青瓜薄荷汁 $138吞拿魚外圍輕輕燒過🐟 半熟口感嫩軟😋紅黃車厘茄新鮮清甜👍🏻配搭青檸青瓜薄荷汁酸酸甜甜夠晒清新開胃❤🥩10安士肉眼扒配薯蓉 $268 （5成熟）10安士大大塊 好靚既焦香網紋肉眼扒🥰一入口陣陣炭燒香 炭燒把肉汁鎖住👍🏻一切開嫩紅色的肉 入口腍身 肉汁肉感重配上經典燒汁 幼滑薯蓉 滿足😊「FLAMES 」📍九龍紅磡黃埔花園船景街9號Shop G10B

黃埔附近民宅多，餐廳自然越開越多。呢間扒房Flame今次係黃埔開分店，就約埋朋友去試。餐廳位址非常方便，距離黃埔站C1出口講緊只係3-5分鐘步程，而且就係馬路旁邊，一D都唔難搵。餐廳牌面搶眼，但入邊非常有格調。燈光柔和偏暗，感覺舒適。餐廳正中有一個吧枱，成個觀感再加分。座位亦算舒適。感覺適合男女約會。餐牌選擇林林總總，意粉、小食、Pizza都有；但食得扒房梗係要試下牛扒。今次叫左一個10安士肉眼扒配忌廉薯蓉，黑松露蘑菇扁意粉，加一個雞鹽薯條做小食。驟眼睇落好似好少野食，但份量非常足夠二人；而且食物質素一流。首先，10安士肉眼扒配忌廉薯蓉，$268。叫左一個五成熟，牛肉口感鮮嫩，配燒肉汁非常好食。正當以為牛肉一定要配燒汁既時候，試下唔用醬汁一樣好食。一問之下，原來牛扒係用炭燒，陣陣炭燒味在口中散開，味道除特別之外同醬汁冇違和感。薯蓉都好好食，整體值8/10。黑松露蘑菇扁意粉，$138。鍾意黑松露既朋友必叫。黑松露氣味撲鼻，食落口味非常濃烈，扁意粉靭度適中，配合蘑菇好食，份量亦比想像多。個人認為抵食，比7.5/10。最後雞鹽薯條，$48。估唔到雞鹽配薯條係非常夾。薯條當然係即炸，熱食既薯條

【Flames|情調ok,食得舒服嘅晚餐】黃埔係好多餐廳，但要坐得舒服，性價比，食物質素ok嘅，有時數數手指都唔係幾多！今晚呢間我覺得好合乎我心意啦！餐廳有唔少set選擇，有個可以無限追加薯條，但屋企人想食小食，唯有下次先點。今晚食咗咩？🔥10安士肉眼配忌廉薯蓉（4成熟）左邊大兜淺色嘅係忌廉薯蓉，好滑身，creamy 感覺。右邊係燒汁。肉眼牛扒好好味，燒得剛剛好而唔過火。..🔥巴馬臣芝士烤香粟米粟米燒到少少焦，連埋巴馬臣芝士碎碎食，淡淡芝士香加埋粟米嘅清甜，好夾！..🔥避風塘雞翼賣相好靚好吸引，雞翼唔算濃味，小朋友都啱食，值得一讚係炸蒜好香脆好惹味，帶出晒整體感覺。..🔥澳式雞鹽薯條枱枱都食薯條，我哋都唔執輸，澳式雞鹽味好香口，名不虛傳！..🔥🍸Flames Lagoon 👍🏻必點店員會係酒上點火，過程好開心😀Happy Hour 時段內酒精飲品買一送一！🚙泊車優惠｜星期一至五電子消費$200/2小時，若5pm後入車+一張指定食肆$100或以上單再多一小時。詳情問返黃埔花園CS🍴Flames 📍黃埔花園第二期地下錦桃苑地下G10B舖

自從黃埔站有地鐵站之外，就多咗好多人去黃埔行街食飯，今次小編嘅朋友就帶咗我去食好好味嘅西餐，今次就叫咗個卡邦尼pizza，脆皮乳豬西蘭花苗配黃薑蕃茄飯，最後就揀咗個巴馬臣芝士香烤粟米 🌽卡邦尼pizza，當中裏面有意式煙肉，鵪鶉蛋，忌廉，仲有三種芝士，口感更加豐富，好似真係食緊卡邦尼意粉咁脆皮乳豬西蘭花苗配黃薑蕃茄飯，乳豬好脆身皮薄，而且好juice ,至於黃薑飯煮飯，淡淡的黃薑味再撈埋蕃茄一齊，好吸引！巴馬臣芝士香烤粟米 🌽，粟米粒粒香甜，再配上芝士，so yummy😋

黃埔有間燈光昏暗嘅西餐廳 - Flames，喺角落頭位置，唔起眼，不過食物質素都唔錯。先叫兩杯果汁啦，幾款果汁可以自由配搭！小朋友鍾意牛扒薯條，即刻叫一份先！16oz 牛扒上枱已經色香味俱全，旁邊係一兜香滑薯蓉。安格斯肉眼扒medium剛剛好，軟熟又juicy。黑松露薯條分量十足，食極都有！之後我哋食咗意粉，慢煮雞胸扁意粉，味道比較清淡，雞胸夠味，下一個幾清新嘅意粉選擇。紅酒燴牛面肉草菇扁意粉就濃味啲，牛面肉好夠味好好食。甜品每日都唔同，今晚係藍莓芝士餅，cheesy cake 口感香滑creamy，又唔會太甜，都幾好食！