影片
港铁湾仔站 C 出口, 步行约4分钟
继续阅读
电话号码
92351875
开饭介绍
装潢时尚雅致，主打45日干式熟成牛扒，以及农场直送的传统手工制西班牙黑毛猪火腿，让食客享受食材原味。
继续阅读
附加资料
开瓶费$250，惠顾一支免一支
免收切饼费，并有代订蛋糕服务，详情可wtsapp 9235 1875查询
营业时间
今日营业
12:00 - 15:00
18:00 - 22:00
星期一至六
12:00 - 15:00
18:00 - 22:00
星期日
全日休息
*午餐截单时间: 14:00
晚餐截单时间: 21:00
以上资料只供参考，请与餐厅确认详情
有关奖赏计划
影片
相片
湾仔精致西餐3道菜～8道菜都有🥩🦞🍴
+1.2K
+62
食家推介
刚刚去完东京追樱，返嚟就约老表食饭，一来聚聚旧，二来派吓手信。知佢好钟意食扒，听在地食友就极力推介呢一间西餐厅「Forkers」，皆因其主打自家熟成肉，更设有专业熟成柜，够专够精，坊间算喺少见。甫踏入餐厅，整体感觉非常雅致，以湖水绿衬啡，有一份晌森林中嘅湖泊感。入门对正喺L形酒吧区，唔大，但正好啱晒打工族收工后嚟小酌几杯。餐厅有两个用餐区，一个就喺由酒吧区再行入咗，左右两边，右边更睇得出喺可以间成一个厢房，适合10个、8个包晒呢片区。另一边入门口转左，可以讲喺主用餐区，落地大玻璃之上有啲窗帘遮一遮，睇到窗外景，又唔会太过透，感觉舒服。加上多盏聚焦灯嘅灯效，令影相嘅效果都好啲。食物嘅选择颇精简，主要以套餐为主，分咗3、6、8道菜嘅套餐，定价由$398-$898；另外，仲有2人餐（$1,488）及3人餐（$1,988）供选择。虽然只有套餐供应，明显喺务求做到贵精不贵多，就算喺套餐，侍应都会问问你有无咩食、得唔食得，以作微调。饮品方面，既为酒吧餐厅，酒类选项自不然丰富啲，红白餐酒、香槟、烈酒、啤酒……等等当然一应俱全，而且，更有啲餐酒配对优惠组合。而非酒精类嘅饮品，如啡茶、汽水，亦备有以照顾到其他客人。Saicho Sparkling Tea $98同表哥本身都唔好酒，侍应就介绍咗呢一款有汽嘅茶俾我哋，包有惊喜，有汽嘅茶我都喺第一次见。先试咗一支「大吉岭」口味，一支装200毫升，啱啱好分到两杯仲可以扮白酒。入口确有茶香，汽泡做成散发出一份爽口感，的确几特别。之后，再追加另一款「茉莉花」口味，入口带甜嘅清雅茉莉花香，同样有惊喜，值得一试。Prelude餐前小食喺一道西班牙伊比利亚火腿配意大利香草包（Jamón Ibérico de Bellota 48+ month），48个多月嘅风干，令其油脂变得更丰富，咸香味突出之余，感觉有微微橡果香。心思位喺餐碟已经预热过，不单令个意大利香草包暖暖哋，口感更加软熟，而且，令火腿嘅咸香味更能散发出嚟，油脂更油润。Soup du jour是日餐汤喺南瓜海鲜汤，以印有餐厅标志嘅大茶杯盛上却不失优雅感，质感够浓又滑溜，渗出阵阵清甜南瓜味，汤内更有唔少珍珠贝、鱿鱼粒，整体感觉几唔错！Lobster Bisque +$98另外，侍应亦推介我哋试试佢哋嘅招牌龙虾汤，龙虾汤亦喺法式经典。汤色沉实，一入口完全喺澎湃嘅虾鲜味，饮得出真材实料，绝无欺场，而且，饮完口腔内仲有一种余韵嘅感觉。加上晌杯边挂上一只香煎大虎虾，令卖相显得更高级，更具霸气，当然，虎虾肉爽口弹牙，就更锦上添花。Fresh from the Sea餐牌咁写就只知喺海鲜菜式，原来喺煎蟹饼，不过，却喺非一般蟹饼，皆因一切开你就知亮点晌边，𠮶一梳梳蟹肉，多到不得了，唔喺平常大量沟粉嘅货色可比，用料十足，每啖都喺蟹肉嘅鲜甜味，质感、味道都上乘，加埋焦脆嘅外层，实在回味。UAE Rock Lobster Tail with Pasta轮到主菜登场，同样有惊喜，先喺龙虾意粉。净喺个卖相已经够晒吸引，估佢唔到原只龙虾尾煎香再从个壳褪出嚟，够立体，而龙虾肉鲜味十足，口感又爽㖞；另外，所配搭嘅唔喺一般嘅意大利面，而喺较少食到嘅意大利「水管通」，里面仲卷住好多海鲜粒同蔬菜粒，加上挂满酸活茄酱，既健康，又好食。House-aged 45+ Days Dry-Aged USDA Prime Rib Eye另一道主菜可以讲喺店家嘅皇牌之一，因为以专业熟成柜经45日熟成，真喺坊间唔喺间间店都肯花时间咁做，皆因成本高。熟成后嘅肉眼轻煎两面，已经可以上碟，单喺睇见粉嫩艳红嘅色泽，未食都觉得养眼，虽然可以要求要啲芥辣，但食原味更多，肉眼本身已经喺肉味比较浓，做埋熟成肉味更丰厚，外层又煎得焦香，而且，质感比预期更腍、更嫩滑，佐以萝卜薯蓉、鲜嫩芦笋，确喺高质。Sweet Finale去到尾声，自不然喺甜点时间，分别喺芝士饼同香蕉蛋糕，前者有啲似纽约芝士饼，只喺少咗面头有层酸忌廉部份，不过，件芝士饼确喺好食，底层嘅消化饼底做得够薄又实净，上层嘅芝士馅够挺得嚟却喺好软滑，芝士味浓郁，正呀喂！另一款香蕉蛋糕同样喺自家制，外观睇落就唔算显眼，但绝对喺讲内函，蛋糕嘅口感好松软，香蕉味好突出，好香甜，仲混咗少少香蕉果肉，佐以云呢嗱雪糕，衬埋杯热咖啡，一流。Coffee虽然咖啡可以加钱升级其他特色咖啡，如意大利泡沫咖啡、解奶咖啡，不过，非咖啡店嘅咖啡小弟都会稳阵啲拣番一般即磨就可以喇。杯咖啡捧上枱已闻到几醇香，而牛奶都喺预热埋，咖啡衬甜品，几时都喺最老友。最后，店家仲送咗两张$200优惠券，当然，有使用限制同限期啦，晚市可能消费高啲，但睇过佢嘅4道菜午餐，$238起跳，以如此质素，加上环境、服务，绝对食得过。整体嚟讲，确喺一顿好享受嘅晚餐，唔单食物质量出色，亦睇到厨师晌好多细节位都花咗唔少心思，而服务好熨贴，上菜速度恰到好处，令人用餐嘅体验好舒服，再者，侍应嘅态度、对菜式嘅认识都值得一赞。
继续阅读
餐厅招牌显眼，LOGO就是刀叉匙颇为可爱，入内就见到以柔和湖水绿色为主调的布置，进门就是大的酒吧区，左边就是面对落地玻璃的用餐区，因为有窗帘所以分隔了街外行人的视线，有私隐度之余又有良好采光餐牌相当简洁，晚市有每位3/6/8道菜的晚餐，价钱由$398起，今晚我们订好了2人餐共$1488，良辰美景下当然不可缺少了美酒，白酒和气泡酒的质量都很好，顺喉得来果香味突出🌟Prelude前菜是经过48个月熟成的伊比利亚火腿，垫底的是来自Bake House的酸种面包，微脆烟韧🌟Soup du jour是日餐汤是南瓜海鲜汤，浓稠得来顺滑易入口，内里有珍珠贝和鱿鱼粒等等，层次感丰富有咬口加$98要了招牌的龙虾汤，挂著一只大虎虾，汤底深红近似冬荫功色，肉质爽弹🌟Fresh from the sea马里兰蟹饼，目前是我吃过蟹饼中的世一，用料非常足，入口每啖都是一梳梳的蟹肉，鲜味满分🌟Chef signature entree platters有龙虾扁意粉，摆盘上已经很精美，龙虾肉已经起好留了尾巴去进行造型，肉质鲜甜弹牙，扁意粉厚身质感重，茄酱咸香惹味另一道主菜是Forkers自家熟成的45日熟成USDA prime 肉眼，煎至3成熟就刚刚好，肉质滑嫩有浓烈牛味，油脂部分适中，易咬丰盈🌟Sweet Finale两款甜品分别是柠檬蛋白挞和朱古力香蕉蛋糕，柠檬挞酸甜解腻，香蕉蛋糕松软唔滞
继续阅读
难得有连假晏咗起身当然要食返个丰富嘅早午餐。嚟咗湾仔呢间forkers，佢哋假日除咗有lunch set，仲有brunch all u can eat ($698@)，120分钟任食M7和牛西冷牛扒同伊比利亚猪扒，包埋汤、沙律同饮品。店员嘅服务态度都好好，如果食得多真系好抵。沙律系Caesar salad，餐汤就系蕃茄南瓜汤，蕃茄同南瓜味都好香浓，加咗忌廉令到个汤好滑。Jamon Iberico de Bellota (+$98)我哋另外加咗两个side dishes，其中嘅48个月黑毛猪火腿嚟自餐厅喺西班牙嘅自家农场，火腿咸香味好香浓，食落一d都唔膻。Seafood Tartare (+$68)另一款海鲜他他，入面有三文鱼、吞拿鱼同天使虾，刺身非常新鲜，天使虾好鲜甜，而且加入咗灯笼椒粒，味道更加清新同埋有爽脆嘅口感。Australian M7 Wagyu Striploin澳洲M7和牛西冷煎得啱啱好，中心keep好粉嫩，入口肉汁丰富，肉质腍嫩，而最紧要系任食，性价比超高。因为系M7和牛，油花比例比较高，如果食完一份觉得有d腻又式者唔想食咁油，餐厅都容许可以叫USDA prime西冷，真系非常贴心。USDA prime肉质相对肉感较重，肉味香浓，但同样都系好腍。Truffle Fries另外仲有薯条任食。薯条即叫即炸大约要5-10分钟，热辣辣非常香口，而且加咗松露油，食落有阵阵黑松露香味。Iberico Pork除咗牛仲有黑毛猪都系任食，猪系嚟自西班牙自家农场，以慢煮方式烹调，肉质非常之嫩，仲食到淡淡嘅橡果香味。不过因为系慢煮，如果想添食就要预早少少同店员讲。嚟食个咁丰富高质嘅brunch又点可以唔叫返杯酒饮，我哋分别叫咗杯白酒同汽酒衬返d美食。呢款Riverby Estate Sauvignon Blanc ($98)入口会有少少似番石榴嘅果香，味道带d酸，同d前菜非常夹。另一款Cremant de Bourgogne, Bouhelier（$98)相对会甜d，medium嘅汽泡饮落更加有口感。除咗酒，我哋仲叫咗樽Saicho Jasmine Sparkling Tea，第一次饮sparkling tea，口感都几特别，茉莉花茶味道甜甜哋，茶味好清新，两个人share 1樽啱啱好。Brunch本身有埋甜品，今日就有芝士蛋糕配云呢拿雪糕。因为我哋想试吓其他就upgrade咗一个做premium dessert：梨子乳酪蛋糕配云呢拿雪糕。乳酪同梨子果肉好夹，蛋糕味道清新唔会好腻。。。Forkers 湾仔骆克道33号万通险大厦地下A号舖。。
继续阅读
装修以墨绿色为主调，环境宁静舒适，更设有吧枱，感觉特别写意😚 晚市提供多款套餐选择，主打熟成牛扒及海鲜，好啱庆祝聚会🥰✨ Dinner Set For 2 ($1,488)❀ Jamón Ibérico de Bellota 48+ month 🐷48个月伊比利亚火腿脂香油润，配上外脆内软嘅面包，咸香味十足❀ Soup du Jour 🫑餐汤系南瓜海鲜汤，味道香甜顺滑，入面仲有唔少弹牙嘅鱿鱼粒☺️❀ Lobster Bisque (+$98) 🦞法式龙虾汤非常浓郁，入口充满龙虾鲜味，旁边伴以一只大虾🥰❀ Fresh From the Sea 🦀超级足料嘅自制蟹饼，咬开见到一丝丝蟹肉，外层亦带点焦香👍🏻❀ UAE Rock Lobster Tail with Pasta 🦞有惊喜嘅龙虾意粉❤️ 原只龙虾尾啖啖肉好满足，口感新鲜爽弹，旁边配搭意粉卷，入面包住好多蔬菜及海鲜粒，层次感好丰富呢🥰❀ House-aged 45+ Days Dry-Aged USDA Prime Rib Eye 🐮45日熟成牛扒色泽烤至粉嫩，质感软腍多汁，牛味浓厚又带油脂香😍 伴以萝卜薯蓉及芦笋，份量十足❀ Sweet Finale 🍰当日甜品有纽约芝士蛋糕及柠檬蛋白挞✨ 芝士蛋糕浓郁绵滑，柠檬挞酸酸甜甜唔会腻❀ Crémant de Bourgogne, Bouhélier ($98) 🥂❀ Saicho Sparkling Tea - Jasmine ($98) 🥂
继续阅读
ALL YOU CAN EAT M7 WAGYU BEEF & IBERICO PORK (120mins) $698 坐落位于湾仔嘅小酒馆🍷 最近推出星期六/公众假期12:00-15:00两个钟嘅任食套餐‼️包括澳洲M7和牛扒＋西班牙黑毛猪＋松露署条!!Located in a cozy bistro in Wan Chai&, they have launched a 120-minute all-you-can-eat weekend & public holiday lunch! The menu includes Australian M7 Wagyu steak, Spanish Ibérico pork, and truffle fries!————————————————食物 Food:❀ ALL-YOU-CAN-EAT (120mins)❆ Australian M7 Wagyu Striploin澳洲 M7和牛西冷扒牛前腰脊嘅西冷扒外层微脆, 内裹肉质鲜嫩多汁! 🥩❆ Ibérico Pork西班牙伊比利亚黑毛猪扒来自自家牧场嘅黑毛猪肉质嫩滑, 调味啱啱好🐷❆ Truffle Fries 即叫即炸, 食落好香口🍟❆ Soup du Jour House-made broth松露蘑菇餐汤, 蘑菇味好香浓开胃🍄❆ Caesar Salad Japanese Ran-oh yolk凯撒沙律份量好充足, 表面铺满芝士粉同兰王蛋酱调味🥗❆ Pan-Seared Foie Gras +$98 鹅肝小汉堡烘得好香口🥹 鹅肝嫩滑❆ Jamón Ibérico de Bellota Aged 48+ Months+$98特登喺西班牙合作农场选择嘅48个月火腿🐖 咸香啱啱好! ❆ Dessert of the Day黑朱古力挞唔会太甜, 挞皮都够脆🤎❆ Premium Dessert +$68(Raspberry tart)————————————————整体 Overall:✦ 价格 Price: 4.5/5✦ 味道 Taste: 4.6/5✦ 服务 Service: 4.6/5✦ 环境 Ambience: 4.4/5✦ 再访指数 Visit again: 4.6/5Forkers (湾仔)@forkers📍地址 Address:湾仔骆克道33号万通保险大厦地下A号舖⏰营业时间 Opening hours: Mon-Sat 12:00-15:00, 18:00-22:00
继续阅读