影片
港铁上环站 A2 出口, 步行约6分钟
继续阅读
电话号码
23522338
营业时间
今日营业
11:00 - 18:00
星期一至日
11:00 - 18:00
以上资料只供参考，请与餐厅确认详情
一個人唔知食乜好，又冇理由戇居居去食壽司，如果好味都唔知點算，唔通自己一個人尖叫咩？唯有孤單地食個pasta，趁今日落完大雨，唔算好熱，由IFC行上去先。位置唔算難搵，不過夾咗喺兩個菜檔隔離，要留心睇住啲地舖先唔會miss咗。佢哋個lunch menu係每星期轉嘅，今日係week 3，價錢有＄58及＄68，抵食吖！菠菜忌廉湯好稀嘅忌廉湯，粟米都冇粒，味道咁熟嘅？吖，有細個成日飲嘅金寶忌廉湯嘅味道！夠晒親切.... 不過都有誠意，打咗啲菠菜茸落去，食到有啲菠菜幼絲；但最大嘅問題係，非常鹹意大利雞扒配意粉 ($58)炸到深紅嘅雞扒上面鋪滿芝士，一切塊雞扒，肉汁流晒出嚟，OK呀外面鬆脆但入面肉質軟腍；意粉冇茶餐廳嗰啲咁淋，撈埋個蕃茄汁都幾開胃嘅，不過食到尾就有啲膩了芒果西柚大菜糕送嘅甜品，淺黃色嘅布甸上有少量西柚，心諗得咁少西柚嘅！點知切開後有驚喜，原來頂層係芒果布甸，吖，味道同細個成日食嘅羅拔臣差唔到多嘅？但原來下層係透明嘅大菜糕，入面有好多蛋白，好似結冰咁樣，好靚啊！兩層一齊食，口感不錯，但如果可以再多啲西柚粒就更好啦！環境有啲迫，抽風唔太好，坐正喺open kitchen隔離會成身都係油煙味，而且餐廳位於街市入面，一有人開門就會聞到濃郁嘅街市味道... 要留意一吓，但overall都OK，中環有＄58嘅lunch都算係咁，仲算坐得舒適祝貓貓生日快樂
继续阅读