影片
更多
2015-07-25
597 浏览
早兩個星期已經聽過呢間小店既芝士熱狗相當出色~可惜一直都冇機會體驗~唔係未開門就係已經賣晒...幸好今日喺上水出没,心中一早決定一定要試~!!去到門口乜都未睇,只係望望個餐牌,男老闆就話未有熱狗賣,要6點..!!噢~...不會吧~當時只係3點多DD...!(原來門口己貼左告示,只係我冇望到)未黎得切比反應,老闆就補上一句話: 今日黎D貨唔得,所以即時退返,再來貨最早要6點,講解左一陣, 我仍未黎得切比反應,老闆就再加多句,我睇下夠唔夠料整一隻比你~噢~~~未黎得切比感動反應,佢就話千其唔好話比人知...喺呢個時..我問佢可唔可以整到兩隻..!佢話勉強都可以~嘩~~好開心既呢~!!感覺就好似叫醒一個睏緊覺既人起身煮野比我食咁....幸福! 由於乜爐都未開,所以隨後我就只好耐心等待...期間仲點左個曲奇雪糕食住等...原本係諗住食榴槤味的~可惜冇貨.所以點左個曲奇味~等左一陣~~期待已久既超級芝士熱狗終於出世~老闆知道我拎走要行好耐先食,仲好細心咁喺個膠盒到開左個氣孔~等隻狗唔好咁快淋晒~ 太感動!!超級芝士熱狗 - 老闆拎出黎比我睇~(其實係問我要唔要膠袋...)就見到由兩款芝士混埋而成
唔係未開門就係已經賣晒...幸好今日喺上水出没,心中一早決定一定要試~!!
去到門口乜都未睇,只係望望個餐牌,男老闆就話未有熱狗賣,要6點..!!噢~...不會吧~當時只係3點多DD...!(原來門口己貼左告示,只係我冇望到)未黎得切比反應,老闆就補上一句話: 今日黎D貨唔得,所以即時退返,再來貨最早要6點,講解左一陣, 我仍未黎得切比反應,老闆就再加多句,我睇下夠唔夠料整一隻比你~噢~~~未黎得切比感動反應,佢就話千其唔好話比人知...喺呢個時..我問佢可唔可以整到兩隻..!佢話勉強都可以~嘩~~好開心既呢~!!感覺就好似叫醒一個睏緊覺既人起身煮野比我食咁....幸福! 由於乜爐都未開,所以隨後我就只好耐心等待...期間仲點左個曲奇雪糕食住等...原本係諗住食榴槤味的~可惜冇貨.所以點左個曲奇味~
等左一陣~~期待已久既超級芝士熱狗終於出世~老闆知道我拎走要行好耐先食,仲好細心咁喺個膠盒到開左個氣孔~等隻狗唔好咁快淋晒~ 太感動!!
超級芝士熱狗 - 老闆拎出黎比我睇~(其實係問我要唔要膠袋...)就見到由兩款芝士混埋而成的芝士漿厚厚咁舖上條粗LOOK的脆皮豬肉腸上~基本上係睇唔到有條腸~未冚蓋已經聞到陣陣香味~真係妙不可言~好想咬啖先...可惜要忍住~!
拎到返屋企已經係大半個鐘頭的事~未打開仍然聞到陣香味~打開後見到咁豐富既感覺真係忍唔住要切黎食~腸仔芝士同個飽三者配合得好平均~唔似坊間好多地方賣的熱狗飽真係得個飽.條腸就細細..莫講話調味漿..雖然凍左,仍食到好香濃的芝士味~對我呢個芝士怪黎講真係大恩物~! 下次有機會..一定要現場食出那種拉絲的感覺~!!
曲奇雪糕 - 老闆妹妹一拎出黎就係一個圓波波,喺個杯到碌黎碌去..好硬身~我地一邊傾計都未開始食,到拎住戰利品走既時候先記得要食雪糕~當時已經融得7788...我就好似當奶昔咁食,入口比我想像中重奶味,有少少意外相信唔係用OXXX 朱古力餅,而係曲奇妙脆那種~來貨品冇咩要求~有機會再試下老闆妹妹推介的檸檬汁~!
小店舖唔見有洗手間設備所以可以的話都係忍耐一下,搵另一個更好的解手吧~!
總括黎講..簡簡單單價廉物美~~係個閒盪時充充電的好地方~
题外话/补充资料：
正當男老闆喺廚房努力製作的時候,我就喺出面一邊坐住一邊同老闆妹妹吹水~
由來貨出左少意外講到佢地開舖頭的理念同方向~感覺到佢地一班後生仔好熱血~
喺呢個地區開一個迷仔特色小店真係唔易~再講先發覺原來佢地主打其實係雪糕同凍飲~小食只係其次~哈~~~
(以上食记乃用户个人意见 , 并不代表OpenRice之观点。)
张贴
