Fûhn (香港逸東酒店)

营业中

休息中

經常在佐敦油麻地一帶搵食，已經食到有啲厭倦今日同事介紹原來逸東酒店呢度有個咁高質的food court!呢度裝修環境好高雅，重點係唔多人又安靜，行到最入見到間越南粉麵，價錢唔貴，一於試下！大約六七十蚊一碗粉，同其他地方相約，但呢度坐得舒服又易搵位！最後決定同朋友share 一碗特色牛湯粉野食一到時真係比佢個份量嚇親好！大！碗！入面仲非常足料，有生牛肉、牛腩、牛筋、牛丸等等，湯底好鮮甜牛肉味，牛肉好滑，所有配料都好好味朋友叫一個雞絲沙律，同樣份量十足！足夠兩個人食！雞絲配埋特製醬料，酸酸甜甜好惹味，沙律菜望落都夠新鮮，朋友都大讚好味又抵食我地仲叫左個素菜米紙卷，大件夾抵食已經不在話下，仲要好好味，米紙卷包住新鮮沙律菜，沾沙律醬食又係另一番風味叫左兩杯野飲，椰青夠新鮮香甜，估唔到咖啡沙冰都唔錯！好濃郁咖啡香估唔到今日比我地發現咁好既午膳地點！下次午餐又有新選擇

今日同老公行街，都唔知食咩好，經過佐敦酒店地庫有間foodcourt, 就行落去試下，有好幾間食店，因想食啲有湯的面，所以我們簡左越南Furn 🍜 我點左生牛肉牛丸金邊河，老公就點牛坑腩牛肉丸河，牛肉丸比想像中好食，咬落有汁，牛坑腩好正，老公食野一响都奄尖的人、佢都話這碗河做得唔錯。本來想點柚子蝦沙律，但蝦已售罄，就簡左雞絲沙律🥗，沙律菜都fresh.加上酸汁，好開胃，就因為沙律菜好食關係，我們再加叫素菜米紙卷🌯食越南野就肯定要叫椰青，老公就點杯青檸七喜，佢話要黎送香口的牛油雞翼🤤

FUHN係銅鑼灣都有一間,但見到成日好多人，未有時間去試，係佐敦新開左一間，係酒店地庫，感覺好似係FOOD COURT咁，但就易D搵位!一於食佢啦!!生牛肉湯河（轉金邊粉）$65 + 牛柏葉 $12生牛肉係用安格斯牛，有D厚度,牛肉味好重，用湯都唔會令到牛肉全熟，所以幾嫩易入口。牛柏葉比較少，都算爽口，但係柏葉唔多。特式牛湯河regular size $98好大碗, 超足料!有生牛肉片、牛坑腩片、牛筋片、手打牛丸、牛腩邊、牛柏葉，咩都有齊咁制。生牛肉片薄薄的，浸過熱湯, 粉紅色好嫩滑! 牛腩邊最推介！見到一條條坑紋，又唔會好熟好UN。比起就咁$65的牛肉河好似仲抵!個湯好鮮牛味架! 冇味精。越式雞絲沙律 $58好大碟呀，雞絲唔算好嫩，配埋個越式酸酸甜甜個汁好開胃，但係都係覺得dry左ｄ，得個大碟。香茅豬扒 $52整得好香香茅味，但豬扒薄身左Ｄ,不過都算鬆化越式咖啡沙冰 $28咖啡味濃，好冰凍越式滴滴咖啡 $30細滑香醇，充滿奶香的兩個人都叫左好多野食，好飽，食左$300幾蚊都幾OK AR!

這家越南湯粉以北美口味為主湯頭味道較濃香葉味也較重點了招牌的生牛肉湯金邊粉普通size已經是超大碗先呷一口湯頭感覺清而濃除了羅勒還附上一些其他香葉辣椒全部放進湯裡再加一點青檸汁湯頭的味道又再次提升到另一層次牛肉是安格斯肉味較重用熱湯浸熟後肉質相當嫩滑總括而言是一碗很高質的越南湯粉朋友的牛柏葉湯河味道也不錯小食點了越式燒豬頸肉和香茅豬排豬頸肉很零碎以肥肉為主調味雖好但不是我的茶香茅豬排肉質頗幼嫩附上蔥油令味道更香更惹味飲品點了較特別的牛油果奶昔牛油果香滑絲毫沒有草青味令我想起台灣流行的酪梨牛奶

之前有睇過報道話逸東酒店有個新裝修同幾特別嘅food Court 的確去到就發覺其實周圍嘅環境都好復古勁多可以影相呃like既位 見到呢間越南野好似幾多人食咁 所以就決定試下呢間啦〰️特式牛湯粉〰️$128大肚餓啦 所以要叫碗大既金邊粉 呢碗有生牛肉.牛坑腩片.牛筋片.生打牛丸.牛腩邊.牛柏葉 咁多牛啱晒我呢d勁鐘意食牛既人 〰️素菜米紙卷〰️$52 4件越南名菜既米紙卷 今次食既呢個係素食版本 開頭擔心太齋冇好寡 不過點埋個帶有少少甜既花生醬又幾惹味 同埋我好鐵意九層塔個陣味 而且佢全部都係菜 有益健康 〰️越式燒豬頸肉〰️$52豬頸肉燒得好香 而且細細舊 易入口

去完越南幾個月，開始想念每日一麵，或者每日幾麵既日子。同閠蜜去旅行開心日子過得好快，經過逸東酒店，發現有新food court，係我最掛住越南粉既時候，Fûhn好似命中註定出現，依一刻我眼中只見 Fûhn 閃閃發光香芽豬扒撈檬 $68期待已久撈檬，一啖撈檬，再一啖豬扒，越南回憶重現，香芽豬扒惹味，撈檬又開胃特別欣賞餐廳用小碗裝魚露，夾起一啖檬粉點魚露食，完全同越南食法一樣惠顧主菜+$15有2件越南春卷、牛油雞翼、炸蝦餅牛油雞翼香脆惹味最後再一杯越南冰滴滴咖啡，抑壓當地越南味道

友人係呢頭返工, 佢約我係附近食晚飯話要介紹一間正嘅越南食店比我, 嘅然佢咁有誠意, 我又點可以拒絕呢?!佢講嘅係呢間酒店內嘅Food Court, 而呢一間店就係其中一間食店, 綜觀都真係幾多人幫襯搵好位就去落柯打, 食物選擇有湯粉, 撈檬, 飯, 輕食類及飲品, 湯粉類份量可選普通/加大版呢碗生牛肉湯粉, 一碗有齊多樣牛部份, 樣樣都有D, 包括美國安格斯牛肉, 牛坑腩, 牛栢葉, 牛筋及牛丸!  配埋香葉, 芽菜, 辣椒粒及青檸, 趁湯熱時倒埋落去, 增加香味!  啖湯清得黎飲落滿滿牛香味!美國安格斯牛肉食落口感嫩滑又有牛肉味; 牛坑腩煮得腍而入味; 而個金邊粉幼滑可口, 呢碗大碗份量果然好夠份量, 足夠二人分享, 下次可以叫返個普通版就OK啦!我呢碗係生牛肉牛栢葉湯粉, 普通份量版, 其實都比起其他店舖食嘅份量為多!  有埋個芝麻醬用黎點牛肉食(?)  唔理啦, 我當係啦!  趁熱湯快D浸下D生牛肉, 食落半生熟時口感超嫩滑, 再飲啖湯, 食"住"湯粉, 感覺唔錯; 唯覺得D牛栢葉切得過幼細, 食起黎無咩口感!本來想叫個蝦米卷, 可惜賣晒, 轉叫呢客素菜米卷, 一客四舊, 整體

一向都很小到佐敦區搵食，但友人告訴我佐敦逸東酒店LG/F開了一層美食街，當中不乏高質餐廳，而且在酒店內可以坐得更舒適呀！入口處用紅色為主，很醒神呀！牛湯粉是他們的主打，當然要試一試啦！環境清潔，而且又坐得舒適呢！生牛肉牛坑腩片湯河粉湯底很鮮甜，有多種香料的清香味，但又不會蓋過牛肉的鮮味！牛肉味濃，有嚼勁呢！河粉也很幼滑！真的是好正呀！特式雞絲湯河粉友人不吃牛，點了這個選擇！湯底也很清甜，加上手撕雞、手打雞肉丸及鵪鶉蛋！佢讚不絕口！越式燒豬頸肉煎得外層呈金黃色，肉質很嫩而且有彈性！最喜歡香茅及青檸的味道，中和膩的感覺！牛油雞亦、炸蝦餅及炸春卷全部即叫即炸，保證香脆！火喉剛剛好，不會太油膩！最喜愛牛油雞亦，充滿牛油香味，雞肉嫩滑！yummy !越式咖啡沙冰天氣熱要飲杯沙冰消消暑！沙冰混合咖啡一同打，沙冰打得很細緻，甜度適中，咖啡好香！牛油果奶昔很小會有餐廳提供牛油果飲品，用新鮮牛油果打成，入口棉棉的，很有清新的感覺，而且很健康呢！下次要再encore !真的多謝友人帶我去尋寶，吃到有另一番風味又正的越菜呀！

下午在尖沙咀、佐敦一帶 shopping， 到了傍晚時分，去了一間名為「Fuhn」的越式食肆醫五臟腑，餐廳位於逸東酒店內的LG/F!四人的主打分別叫了「牛坑腩片、牛筋片拼牛腩邊金邊粉」生牛肉薄薄片片，肉味濃郁；牛坑腩片肉質鮮嫩，入口煙韌；牛筋片彈牙及有嚼勁；「特式雞絲湯河粉」材料有手撕雞絲、手打雞肉丸及鵪鶉蛋呢！「扎肉湯河粉」湯底十分鮮甜，看來定必花上功夫。加上越式的配料，放進湯內，味道立即呈現變化，口感豐富。小吃方面，「炸春卷」和「炸蝦餅」都炸得脆卜卜，蘸上醬料，醒胃非常；「牛油雞翼」入口黏稠，香口細緻；「香茅豬扒」醃得入味而不會過鹹，好惹味！剩吃已經美味，配上白飯，又別有一番滋味。既是越式食肆，飲品就試試它的招牌「咖啡冰沙」和「滴滴咖啡」，一凍一熱，啡香四溢，不在話下，咖啡氣味更是濃郁Fuhn 有其他分店，位於佐敦的就在逸東酒店LG 的 Food Hall 內，地點就腳，交通方便。Food Hall 內亦有各類食肆，任君選擇，真的是發現了一個新搵食地方！

今次介紹Fuhn。 朋友話呢間牛肉粉好正，就去試下有幾特別。餐廳主打有牛肉河，特式牛湯粉仲有regular，large，XL & XXXL四款size選擇。我地叫左XL size ($128), 牛肉有已經熟左gei生牛肉、牛坑腩片、牛筋片、牛腩邊、牛丸同埋牛柏葉。湯底好清，食得出不含味精！ 仲有好多香葉，雖然餐牌有講，我都唔係好認得出🤣另外叫左小食拼盤(2人份) ($98)有炸雞翼、手打蝦餅&春卷。個人比較喜歡蝦餅，因為有好多蝦肉，好彈口，雞翼外皮加左好似燕麥去炸，口感一般。

逸東酒店原來有個位置可以下去地庫，下面有很多餐廳．我們選了吃越南菜；這裡類似Food Court位置係是自己找喜歡坐那裡都可以特式牛湯粉$98 入面好多特別配料，平時生牛肉就係肥牛咁既;依到既生牛肉係用左 美國安格斯牛肉,牛坑腩片、牛筋片、手打牛丸、牛腩邊、牛栢葉；共６樣餸，面上有很多蔥，還有一碗香料、辣椒、芽菜、青檸…把全部搞拌吃，罕有地用上了安格斯牛肉超級嫩滑，裡面仲有少有既牛筋片、手打牛丸、牛腩邊，令到成個麵非常鮮味鮮蝦米紙卷(4件) $65每個紙卷都有一隻蝦在內面，和平常食的不一樣用了蝦、米粉、芽菜、紅蘿蔔、生菜…再蘸上醬汁一起叮整個米紙卷非常開胃爽口香茅雞扒飯$68雞扒煎至金黃色上面一樣放上大量香蔥，飯份量都很多，應該有一碗半２個女生吃都很夠飽，旁邊酸蘿蔔吃起來一解雞扒的油膩感燒豬頸肉撈檬$68這個撈檬除了酸蘿蔔還有很多沙律菜，很健康的感覺，再加入醬汁香味已聞到陣陣香味，十分醒胃；燒過的豬頸肉十分香口，肥瘦適中越式法包(半份) $39 第一次食喔！原來裡面這個是豬肝醬，再加上扎肉，牛腩片，滿滿的餡料煙韌有咬感 牛油果奶昔$38本來就很喜歡吃牛油果夾麵包，但牛油果奶昔第一次飲喔

要係小小既香港地到搵一個地方自己一個人安靜地咁食野，其實真係唔易，仲要我今日黎到佐敦呢個旺區，醒起之前有朋友介紹有一間食越南菜既餐廳，開左係呢到，一入到去，見到原來唔止一間餐廳，原來仲有好多間係呢間酒店入面，但我想食越南菜，所以就叫左佢地既特式雞絲湯粉，大碗....係我睇小佢...呢碗如果冇3-4個人真係好難食得哂.... 而且佢仲要有手打雞~圓~，同4粒UM春蛋...就咁睇都覺得好飽...諗住佢都係得個大份，唔會話有幾好味..但一入口，D湯粉真係好清，個湯睇落好清，但好夠味，夠味香甜，真係唔錯嫁~!

主打北美式風格既越南河粉~今日黎到逸東酒店，見到佢地原來有一層小小既food court，見到呢間餐廳排哂隊，緊係要黎試下喇~!原來佢地仲可以另外+錢叫呢D小食嫁~!千萬唔好走寶因為係Food court 既形式，所以呢D醬料可以係拎餐既時候，放埋落自己個碗到。真係好大 大 大 碟呀~!!雖然柚子份量唔算多，但係新鮮既沙律菜同埋大大隻既蝦，食落爽口得黎又開胃。個札肉同炒蛋係另外+錢叫既~份量唔洗講，完勝呀~!而且個豬頸肉夠哂香脆可口，+上調過味既蔥，同埋葉製過既酸青瓜同蘿蔔絲，真係好好味呀~!一D都唔覺得好油膩個椰青真係好鮮甜呀~!鬆脆既麵包糠+上彈牙既蝦膠，正<3先炸後炒令牛油味更滲入雞翼而且唔會好油，外皮炸得香脆，雞肉仍然嫩滑，牛油味同蒜香都好突出。個湯真係好濃味，雞絲嫩滑軟腍，有小小雞PI所以會有D油脂香味，而且手打雞片好有嚼勁，又一彈牙之作，個粉亦夠幼滑，厚度適中夠哂煙韌，瀡一聲就食落肚。仲會另上芽菜、辣椒粒、青檸等等，食先自己落，夠哂貼心。

呢間越菜開喺逸東酒店地庫嘅Food Hall入面，雖然係food court，但裝修同cafe一樣咁有格調，坐得舒服。而且座位組合幾多種類，不論係獨食嘅吧枱定八人枱都有。今次我哋係慕住大碗越南粉之名而嚟嘅~雖然佐敦店冇XL size，但呢度嘅L size已經夠2-3人食。生牛肉湯粉用上美國安格斯牛，自然係信心保證。牛肉鮮嫩，油脂分佈平均。但相信成碗粉最重本嘅應該係湯底。湯底分為牛湯同雞湯兩種，今次試嘅牛湯味道濃郁，但飲落順喉唔會太油太鹹，仲有牛骨熬成嘅香味。濃湯配清新香葉同辣椒，成碗金邊粉味道好平衡~正！而我叫嘅就係燒豬頸肉撈檬。雖然都知湯底先係呢度嘅寶，但湯粉冇得配豬頸肉，只能單點，所以都試試撈檬。撈檬冇分size，比起一般店舖都係大碗咗啲，加上有好多肉同菜，一個人食都真係會飽咗啲。嚟呢度既然係food hall，都建議大家share咁食。燒豬頸肉真係好好食！微焦嘅豬頸肉滲出油脂，邊位脆脆地，肉又夠爽口入味。加埋啲蒜粒花生粒一齊食，十分惹味。而菜都用咗幾款，份量幾多，好比食多碗沙律，唯一可以詬病就係紫椰菜苦咗少少。但呢個價錢食咁大碗高質粉，即使同餐廳比都係上乘之作~叫咗主食就可以加$

以往酒店內的食肆多數只會令人聯想到高級fine dining又或是任食buffet，想不到原來於佐敦的逸東酒店翻新後，竟然變身成匯聚11家特式店舖的Food Hall。雖然是food court，不過內裡面積廣闊，環境寬敞，坐得很舒服。11家特式食店，除了有中日越菜式，還有輕食甜品類。裝潢走老香港的懷舊主題，中空設計向下望就是自助餐用餐區，感覺開揚不侷促。作為結合餐飲和創意的文化集中地，這裡還設有DJ打碟區，真是絕非一般的food court。遊覽完全場後，今次就決定在主打越菜的Fûhn 吃晚餐。牛湯粉配搭超多，反而其他款式就偏少。凡惠顧任何主食，就可以優惠價享用小食，分別加$15就有越式炸春卷和越式牛油雞翼，前者炸得酥脆，但餡料不多，後者就略嫌味道醃得過濃，炸漿亦厚了點。越式炸蝦餅 $22三款優惠價小食中，個人比較偏好炸蝦餅，外皮炸得金黃脆卜卜，蝦膠口感爽口彈牙。越式燒豬頸肉 $52將惹味香料配上爽口肉質的豬頸肉，燒得富有焦香，份外入味。而且不會燒得過乾 ，吃下入口柔韌帶彈性，肉汁四濺。鮮蝦米紙卷 $65煙韌米紙包著鮮蝦、蔬菜和香草，色彩繽紛，五味紛陳，清爽輕盈，可惜內裡蝦肉就未夠新