Fûhn (香港逸東酒店)

营业中

休息中

自細在加拿大吃越南pho長大嘅老公，對越南湯河情有獨鍾，但同時嘴刁到爆，喺香港食越南野總會嫌三嫌四，但今次竟然有讚賞，連我都嚇左一跳！但個pho真係好食嘅！我地叫左一個特色牛湯粉，仲要係加大份量，雖然要$128，但真係物有所值，落足曬料！除左有呢度出名嘅美國安格斯生牛肉，仲有入口即溶牛坑腩，鬆化程度真係遠勝同外面越南河！而且有牛丸牛拍業及牛筋等，真係超級飽！最重要係個湯無味精，同之前係加拿大食一樣清甜，正！去過越南嘅我最鐘意佢地紙米卷，個皮薄重要好清新，但呢度紙米卷另有一番風味！配搭的醬料竟然係花生醬？原來花生醬都可以好fresh！配合越式沙拉同生菜，真係好好味！老公係食肉獸，當然唔可以無燒豬頸肉啦！肥肉燒到香脆，再配合清爽的鹹檸七就更一流！而老公杯滴漏咖啡，佢真係同越南一樣，非常濃郁，我見住佢滴左10分鐘，童叟無欺！鍾意飲咖啡嘅一定會欣賞！

之前喺銅鑼灣食過Fuhn越南嘢之後，深深畀佢嘅安格斯牛肉吸引住！！無意中俾我知道佢喺佐敦開咗間分店呀我一定要再去食安格斯生牛肉呀！！原來呢間分店同銅鑼灣嘅有啲唔同，呢度係food court黎。平時嘅food court又多人又逼，但呢度嘅food court竟然唔多人，唔洗等位，而且坐得好舒服，有car位架，環境非常唔錯！咁話曬呢度係foodcourt，當然畀銅鑼灣分店少啲嘢食啦。不過基本嘅越南湯粉啦，撈檬呀，飯呀同埋越南小食，嘢飲都有唔少種類揀今次呢我主要就係一定要食返佢個安格斯生牛肉！！真係非食不可！！叫咗個特色牛湯粉(金邊粉)，呢個牛湯粉堅好牛，有安格斯生牛肉，牛坑腩片，牛筋片，手打牛丸，牛腩邊同牛柏葉......為咗盡情食佢嘅安格斯牛肉，我仲加咗20蚊多六片添牛肉嘅質素真係非常好，好有牛味，又夠淋，真係超正！！天氣熱辣辣飲埋個椰青，非常清涼，爽歪歪另外叫咗個特式雞絲湯粉(河粉)入面有手撕雞，鵪鶉蛋同埋手打雞丸。平時好少食到有鵪鶉蛋，呢個配搭好特別！另外手打雞丸又係好少有喎，雞丸食落好結實，好彈牙小食方面，加15蚊有兩隻越式牛油雞翼，有驚喜呀！！牛油雞翼果然好香牛油味，雞翼面頭

之前喺佐敦食過另一間food court，入面係專係食拉麵嘅，今次發現原來佐敦仲有其他food court，位置好特別，係一間酒店入面去到先知原來裝修好別緻，全場都係用木造，每間餐廳各有特色，有越南野、有咖喱蛋包飯、有日式精緻菜等等，環境唔會太嘈依間越南野係銅鑼灣都有分店，而呢邊係新開嘅，佢唔係越南野咁簡單！而係入面嘅餸都好用心去準備生牛肉湯粉湯底夠味唔係死鹹，有金邊粉同河粉揀重點係個牛用咗美國安格斯牛，仲要切得好薄，每一塊咬落好腍好重肉味，有脂油香味，正！👍🏿👍🏿👍🏿鮮蝦米紙卷入面材料新鮮，每舊都好大舊，蝦肉爽口結實，食落味道酸酸地好開胃，另外仲有花生沙嗲醬可以點😋越式燒豬頸肉同泰式嗰款唔同，唔係一片片嘅，但每一塊都好香口，有烤過嘅香氣。上面再加左炸蒜片炸蒜粒，咬落去啲油出晒嚟好味牛油果奶昔一飲落口感覺好滑少少creamy😋 牛油果嘅味道同奶味balance，奶味唔會搶風頭，連我平時少食牛油果嘢都覺好味凍咸檸梳打食物價錢值得，因為材料質素高，對食物有要求嘅人要嚟呢到品嚐美食～

有時唔行去睇下，真係唔知有個 food court係酒店下面，整體都幾大同多餐廳，簡簡單單揀左依間試下，因為見到佢的牛肉係用安格斯當然要叫一碗生牛肉湯河，而我依d貪心仔，當然要食特式牛湯河，乜都有得食下，有牛肉，牛坑腩片同邊，牛筋片，手打牛丸，牛柏葉主打的安格斯牛肉，真係好食，入口軟軟冧冧，牛夠香，當然牛味更濃的有牛坑腩，配埋甜甜地的沙嗲醬，真係無得頂，而牛筋係同牛柏葉一樣咁爽，真係估佢唔到另外，都值得試既係牛油果奶昔，牛油果的香味，奶昔的香甜，重要的不會太甜，仲有叫了杯越式滴漏咖啡，好鍾意個種，飲一啖，可以係鼻到噴番咖啡香出黎個種感覺

逸東酒店地庫大變天後第二次到訪，第一次印象太寂寞了，由於太新的關係，人流少，店舖又少。今次第二次來，完全不同， 店舖多，人流亦不少，有番啲啲人氣。今次試一下越南菜，特式牛湯粉。餸料有生牛肉，牛坑腩片，牛筋片，手打牛丸，牛腩邊和牛柏葉。湯底清甜有肉香，河粉幼滑。牛肉熟度剛好，薄薄地。牛坑腩片軟腍，還帶有彩光，非常新鮮。牛腩邊雖然軟熟但肥膏位不少。牛丸爽弾，滋味喔！最喜歡有大量芽菜和洋蔥伴食，增加了口感。另點了柚子鮮蝦沙律，份量不少啊！蝦隻爽口，柚子清甜，在夏日炎炎的日子裡，是不錯的前菜。

我一直都住係油麻地，又好耐無落過去逸東酒店樓下（我記得好細個個陣有戲院、餐廳），見到佢最近裝修完變左food court，就搵日放工去試下新food court環境乾淨，唔嘈雜，見到呢間越南粉好似幾正咁，就試個平凡既雞絲撈檬食落一d都唔平凡，首先好多沙律菜，好清新岩晒追求健康既我，魚露唔會太過酸，有少少辣味好正，成個感覺好清新！因為我一個人食，無叫小食同野飲，下次再黎必定試下小食返屋企睇OpenRice 發現原來有分店

I was exploring the new food court at Eaton and discovered my favourite pho restaurant there!Without hesitation, I had the Special Fuhn and Avocado milkshake!My bowl of Fuhn smelt so nice.The first thing I did was to try the soup and it was savoury with the sweetness of the onions just as good as CWB.Added the fresh Basil and chopped chilis to it and the broth comes alive even more.The slices of beef were divine and the tendons were soft and gelatinous.Last but not least, the noodles are also st