Fûhn (香港逸東酒店)

营业中

休息中

有日放工落好大雨，原本諗住搵個位避雨既，無意之中發現呢間酒店basement開左個food court，就入去搵下好野食。呢度都好多選擇，揀左呢間越南野，睇落好似好一般，不過食落都幾有驚喜。叫左個越式雞絲沙律，個名好似好普通，不過一出黎真係好驚人。份量好大，有大量菜同洋蔥，雞絲都好多，好清新，絕對係健康之選。黎到呢度當然要食越南河粉，叫左個最貴既特式牛湯粉，有分普通size同大size，賣到$98同$128。點解咁貴，因為有六樣餸，生牛肉、牛坑腩、牛筋片、牛腩邊、手打牛丸同牛柏葉，真係好好好牛。除左個湯底有好清甜既牛味外，牛既配料都好用心，牛肉岩岩好熟而仍然軟稔、牛腩好有牛味、牛筋切到一片片容易入口、牛丸好彈牙，所以呢個絕對值回票價，而且兩個人食都唔算少。另外個蝦餅都要讚，熱辣辣脆卜卜，蝦滑彈牙同埋真係有隻蝦係入面，很不錯。我仲好中意個豬頸肉，肥膏既部份都幾多，好甘香，配碗白飯就一流。最後個米紙卷就正常啦，都ok既，不過實在太飽了。總括黎講，呢度性價比都幾高，而且food court黎講都算十分好坐，得閒可以返黎encore。

佐敦嘅逸東酒店地厙，翻新後變成為型格food court , 未見過咁型有DJ 房現場打碟， 而且座位選擇多，圓枱、卡坐、吧枱樣樣都有，巡左一圈，還是情傾呢間FuhnFuhn 係主打越南菜，主打特式牛湯粉，大大碗牛湯粉，牛湯底味濃郁，隱隱帶著生洋蔥的獨特甜味，另外一碟芽菜、香料辣椒，隨意添加，盡顯越南風味。足料牛筋、牛坑腩炆得入味非常、大大碗河粉粗幼合度，湯粉同步真係好好味呀另一款生牛肉湯粉，足足有六片生牛肉，大大塊靚牛肉選料上乘，肉味香濃、粗身牛丸非常有咬口，牛魔王萬勿錯過呀越式雞絲沙律，沙律菜清甜美味，雞絲、酸蘿蔔、青瓜醒神開胃，啱晒天氣咁熱嘅夏天炸蝦餅啖啖肉、新鮮彈牙，牛油脆雞翼鹹鹹地，脆漿雞皮一撕即開，白滑嫰肉即時顯然，熱辣辣勁juicy第一次食Fuhn , 即管試埋佢嘅飲品，綠色嘅牛油果奶昔，未飲以為一定好甜好濟，飲落質感柔滑，牛油果清新，係一個成功嘅創新飲品。咖啡沙冰調校得非常出色，原咖啡並沒有因為打成沙冰而變淡，冰涼入口仍然充滿咖啡香，激讚呀呀呢個food court 令人耳目一新，喺酒店樓下，夾雜着一些遊客甚有旅遊feel，下次經過佐敦，不妨一試，但要注意營業時間至每晚

通常有好吃越南粉的話，我都會去一嚐，這間 Fuhn 也不例外。它位於佐敦，經過就來試一試。餐牌上有好多湯粉選擇，大細均可，價位由70-120不等。先點餐後找位置。這裡是比較像food court的感覺。特色牛湯粉$128這是大碗的量，果真非常的大碗！一碗裡面要咩有咩，有手打牛丸、牛坑腩、牛肉、牛栢葉等等⋯⋯好吸引，果然一次過滿足我所有願望。湯頭又濃郁。女仕們應該大的會吃不完，還是點個Regular比較好。牛坑腩牛栢葉湯粉$72如果不想吃大碗，來個正常份量的也好夠。這個份量我一個小個子都覺得好飽。牛坑腩果然好嫩，食到入口好易就化開了！牛栢葉爽口彈牙。還點了些小食呢，跟麵加$15就可以有炸春卷或炸蝦餅兩件，好抵。炸得香口之餘又惹味。除麵外都點了兩杯飲品。熱柚子蜜$18，越式咖啡沙冰比較特別$28，好冰涼！咖啡味香濃。

Fûhn was forst made famous for their noodles of different sizes, but as I read the reviews on various social media platforms, it seems to me that it’d be a wiser choice to go for their rice. I ordered this rice with Vietnamese ham, chicken wings, pork chop and the egg, and guess which was the ONLY one I was satisfied with? It’s the pork chop!The Vietnamese ham was completely tasteless and still cold when served. The fried chicken wings were saggy as if they were left aside for 20 minutes. And th

估唔到酒店下面有個food court 環境都幾好 幾舒適 有好多位選擇 我哋揀咗食呢間越南菜 主食都有好多選擇 但係因為真係好想食生牛肉 一見到呢個特色牛湯河咩都有就即刻揀左佢 可以一次過滿足好多個願望有河粉同金邊粉選擇 我當然係揀金邊粉啦估唔到L size 會咁大 見到嗰陣都嚇親應該兩個人share食都OK個湯好有驚喜 好鮮甜嘅牛味 一開始忍唔住飲左幾啖先再睇入面啲配料有生牛肉 牛坑腩 牛丸 牛腩邊 牛柏葉同牛筋片 好豐富既牛肉種類 而且每款既份量都唔少最鍾意係生牛肉同牛丸 生牛肉夾起仲係粉紅色 放入湯入邊都唔會過熟 仲要好嫩 好有牛味而牛丸更係好彈牙好正朋友嘅特色雞絲湯粉都唔錯 同樣有齊好多款雞 包括手撕雞 鵪鶉蛋 手打雞肉丸雞湯同樣不俗 好濃味 完全冇味精 而雞絲好嫩滑 真係值得一試另外都點左幾款小食 有八片札肉 越式香茅豬扒 味道都唔錯㗎可惜鮮蝦米紙卷賣晒 淨係可以食素菜米紙卷 下次嚟到一定要試返鮮蝦飲品分別點左青檸梳打同埋越式咖啡沙冰 兩杯飲品都好真材實料 青檸梳打酸酸地好開胃 而咖啡沙冰就有好香濃咖啡味

之前同屋企人食過銅鑼灣既Fuhn 因為全家都好滿意 所以今次約friend再食多次 不過貪新鮮 今次就去左佐敦既分店佐敦既分店係Food court黎 可以做到既食物相對少啲 不過依然好好食! 兩個人叫左一個regular既特式雞絲湯河 加哂3款小食 (雞翼 蝦餅 春卷) 再叫左燒豬頸肉 札肉 素菜春卷飲品就分別叫左牛油果沙冰 越式咖啡沙冰每款小食都有2件 同朋友分啱啱好 雞翼同蝦餅真係好好食 雞翼外面脆而雞肉嫩 蝦餅食得出有蝦肉既彈牙! 燒豬頸肉都好食 不過略嫌油膩札肉 素菜卷就普普通通 力推咖啡沙冰 完全係想像中既味道 有咖啡香得黎唔會過甜

第一次去 酒店的food court 以前那裏是個cafe 現在變了很多間舖 望落都好吸引 仲有DJ live可以係酒店升降機落 又可以係彌敦道有條樓梯落 今次來食越南餐 剛好就係樓梯的入口個邊 大食朋友要 特色牛湯河 超大碗 入面好多料 每樣肉都好淋 最得意係 牛筋 平時一條條 這裡一片片 竟然見到一絲絲組織 我要個生牛肉湯河d 湯係無咁熱 但浸出來的牛肉 就好嫩 仲係 pinkish 5成多d牛肉脂肪比例 極低 食多d 都OK  個湯都好正 比較清淡 但不會好似其他店 有陣酥酥的味funh 最好係 比一碗配料 自己要幾多加幾多加了一個青檸梳打 按跟餐價一碗普通size 的粉 已經好飽點知 呀朋友 仲叫多兩個小吃 素菜米紙卷入面好多菜仲有塊香葉 旁邊有d 酸青瓜 蘿蔔 和應該似係青木瓜ok 開胃 另我地食完個麵 都仲有位食個米卷 和。。。一份越式法包 入面疊到好高 要一次咬曬所有野都幾難入面有 紮肉 牛腩片 和 肝醬蔬菜和 酸菜仲有d 香葉和 醬 有dd 花生味 惹味肝醬好多 多到跌出來 牛腩 比係湯麵的牛腩 更突出淋 乾身 牛肉味更明顯 

Fuhn 之前想試，不過cwb有點遠，就去了新開的位於佐敦，在逸東酒店的food hall，類似food court 形式當日沒有蝦的關係，所以不能點蝦米紙卷、蝦餅，蝦蝦蝦....椰青 $28，椰青水好清甜，而椰子肉夠嫩可以食到，在其他餐廳好少遇到這樣甜，$28好經濟。咸檸七喜 $20，賣相有「求其」，而且看到店員不是新開一罐汽水，而是倒一罐不知放了多少的汽水，這個已沒有汽，而且咸檸也不夠味。越式春卷 $15 及 牛油雞翼 $15 是點麵食可另加錢，春卷味道普通。而牛油雞翼是濃郁蒜香味，幾重口味，但好正。生牛肉牛筋片檬 $72一碗份量好多薄切牛肉幾滑，而且好多塊而牛筋原來是圖中白色一條條，味道一般。香茅豬扒撈檬 $68份量好壯觀，好多菜以為是沙律XD豬扒份量都幾多，有炸蒜、蔥油在面，肉質鬆化但肥肉不多，至於撈檬汁只有酸沒有香或辣。

有一排無去過油麻地同佐敦之間既逸東酒店，原來酒店內部裝修過，而嚮大堂下一層變作為一個food court型式既食市，有十幾間唔同款式既食店，都有幾多選擇，個日就擇左間越南菜餐廳"Fuhn"離食。特色牛湯粉 $98原來尼間餐廳既牛係好出色，特色牛湯粉有六款牛既唔同材料，牛坑腩超級好味，清晰見到肥瘦適中既層次，咬落又淋又好有牛味，第二最好味既係生牛肉片，而且湯底濃度適中，唔會蓋過牛既鮮味。香茅豬扒撈檬粉+太陽蛋 $78香茅豬扒大大塊，配襯酸菜同沙律菜，再加醋一齊食，開胃又好味，另外我仲加點咗一隻太陽蛋， 半生熟太陽蛋蛋汁流出，食落嘅層次感更加豐富。越式雞絲沙律$58除咗兩個主菜，都點咗個沙律菜作為輕食襯託一下，沙律有大量嘅新鮮既沙律菜，感覺好fresh又抵食。各款小食 每款$15/ 22凡點選主食都可以用優惠嘅價錢去加購小食， 我見咁抵所以點咗兩隻 越式牛油雞翼、越南春捲、同埋炸蝦餅； 牛油雞翼好香牛油味，各款小食都炸得香脆可口，不過就有些少偏油一啲，但係仍可以接受。 無論佢既湯粉、檬粉定係飯都大大碗，又大碗又抵食，包你夠曬飽，我哋都唔知道咁大碗，所以點多咗，差啲都食唔曬。

平民價錢嘆酒店質素知道尖沙咀開左個新既酒店food court，緊係要去試下啦！food court位於逸東酒店，非常方便！一入去，格局非常高當，亦好新淨，唔講仲以為去酒店食buffet!因為好耐冇食越南野，就同男朋友叫左2個fûhn既越南粉。我地叫左2個regular size既粉，點知都好大下喎，粉同料都好足！男朋友就要特色牛肉粉，我就要特色牛肉粉。所謂特色就係除左肉之外，加啲配料比你，例如牛筋，肉丸等等，超足料呀！值得一提，佢附上左好多配菜，都係幾正宗越南常見既配菜！湯頭都好正，濃而唔油膩，女士們就唔洗怕啦！另外，我地仲叫左椰青同咸檸七，椰青超甜又多水，咸檸七就好fresh，全部同麵都好夾。唔好以為係酒店食會好貴，咁多野加埋都係100蚊一個人左右！勁抵喎！咁既質素，而酒店格局亦好高級，完全唔似係food court入面，真係同朋友談心好正方，我一定會再黎！

今天到逸東酒店地庫的food court 吃飯，發現Fuhn在這兒有分店！既然是鐘愛越南粉的我，當然要同honey試試看。這兒約有15款湯粉或撈檬選擇，主要以生牛肉牛腩為主，除了牛肉以外還有雞絲、豬頸肉、雞扒等選擇。若點粉麵，仲可以加$15有蝦餅、越式春卷同牛油雞翼等，十分超值，真係可以滿足胃口唔大，又想試多D嘢的我。特色牛湯粉$98這牛湯粉是正常粉量，但份量十分大！有點兒意想不到。湯粉上蓋滿了生牛肉、牛坑腩片、牛筋片、手打牛丸、牛腩片和牛柏葉，材料十分豐富而味美。生牛肉肉質軟嫩；而那牛坑腩片和牛腩片帶一點嚼感，肉味香濃；牛筋片充滿了滋養皮膚的骨膠原；牛柏葉爽而不韌。湯底清澈呈琥珀色，湯頭有濃郁的牛骨甜味，味道鮮美而不油膩。加上份量十足的金邊粉，口感滑溜，令人十分滿足。生牛肉牛丸湯粉$69生牛肉半熟的浸在湯中，嫩紅的生牛肉肉味十足，又帶點juicy 感覺，正！而那牛丸口感爽彈，又帶有肉感，味道唔錯，有點兒像手工丸的質感。香濃的湯粉再拌以洋蔥、芽菜和香葉，令味道和口感更有層次，越式風味十足，真是可口又味美。越式燒豬頸肉$52這燒豬頸肉烤得微焦，肉質爽爽，脂香四溢，十分香口惹味。牛油雞翼+

逸東酒店一向比我嘅印象係食buffet嘅地方，殊不知地庫竟然有一個Food Hall，裝修格調同樓下層buffet無異，簡直係用平民化價錢享受高級餐廳嘅feel。 特式牛湯粉(大)數得出至少有5種牛肉，包括生牛肉、牛坑腩、牛柏葉、牛筋同另一款牛腩，整碗湯河牛味超濃郁，絕對無膩感。作為一個偏大食量嘅男性都未必能夠食得曬成碗，建議Share。 燒豬頸肉豬頸肉外皮好脆好香口燒雞搾檬燒雞外皮亦都幾趣，連同蔥蒜等等配料，成碗檬非常惹味越式牛油雞翼、越式炸蝦餅 蝦餅配泰色酸辣醬，經典組合。蝦餅相當彈牙。牛油雞翼外皮有炸過嘅蒜頭，相當可口。

以前成日去逸東酒店Happy hour, 但近呢十年已經收山，今晚行經逸東，見到地庫竟然改成foodcourt, 所以好有興趣入去睇下落到去一望就見到FUHN, 呢間越南餐廳銅鑼灣都有，記憶中好似lunch嘅時候幫襯過一次和幾好食，所以今晚就決定食越南野la特别牛湯河粉(大)$ 128~ 無諗過個湯河咁大碗足夠三個人食，湯頭好鮮甜，好有牛味，牛肉係半生熟嘅，好腍好juicy, 仲有牛丸， 牛柏葉，牛筋，牛腩，芽菜，洋葱，紅辣椒等，好豐富，加埋魚露一齊食，好美味素菜米紙卷$52~用薄薄的米紙包住D米粉，香葉，生菜和醃咗嘅蘿蔔絲一齊食，酸酸的，好fresh好開胃越式香茅豬扒$52~好香香茅味，豬扒好腍好入味，正呀椰青$28~又清甜，又涼快，好解渴我竟然將所有椰肉食哂整體來說，食物質素唔錯！下次去逸東Happy hour之前，一定會再來

今日係平日，一放工就係佐敦附近搵野食。朋友本身話黎到逸東酒店地庫，以為酒店會係好貴好貴既餐廳~點知原來係一個有好多唔同食肆既地方~ 價錢仲好平民化添！望下個MENU先。見佢有個特別牛湯河，睇黎係呢度既招牌，仲寫住有6種唔同款式既牛製品。包括：生牛、牛坑腩片、牛筋片、手打牛丸 、牛腩邊、牛柏葉 咁多。另外再叫個生牛肉湯河，標住係用美國安格斯牛架。佢有R同L Size簡，因為想食埋小食，唔想食太飽，所以就叫左R Size~ (但估佢唔到都好大碗)除左Size之外，湯粉都可以簡類別，而我就簡左河粉既~上碟既時候，另外有一碟越式既葉、辣椒、青檸，如果鐘意可以依自己愛好加落去，可以食到一半先加又得 ~ 好正呀，可以一碗入面唔同時間食到唔同既風味~我就係食一半先一路落一路加既 ~ 係真係越食越有越式風味!!XDD飲一飲啖湯，清清地但已經有好香既牛味，佢既河粉好幼滑、唔易斷之餘仲好吸到湯汁。牛丸切左片更加易去食、但又不失彈牙既口感~ 牛坑腩、牛腩鬆軟得黎牛味好濃。生牛肉更加唔洗講，一d都唔韌，由熱湯去滾熟佢，可以自己控制佢既成熟度，呢個都係我鐘意生牛肉湯河既原因之一。呢一碗R Size雖然都要$98

剛從越南下機回來，今天仍然十分惦念在那兒吃到的pho以及banh mi。本來打算回來後暫時歇一下不沾口任何越南嘢的，但由於實在太掛念那好幾天食到的東西，所以當知道本地有好吃的越式湯河時，就不加思索地衝了過去....這一間 "Fuhn"，身處於新開業不久的Eaton Hotel food hall。總店做出名堂後，現在殺進來food court內開分舖。賣的是典型各式的越南湯河，另外亦有好幾款小食如米紙卷及沙律，但我的最愛法包，卻沒有供應....全店賣得最貴的，是每樣料頭都下一點的特式牛湯粉，想必是這兒的招牌吧，那就叫這個好了....吃越南河，最要緊的是那口湯以及那堆配菜香葉。若做得一塌糊塗或甩皮甩骨的話，那就不用吃了.....我在越南那幾天，求其找間小舖內吃，花不到港幣十元就已吃到一碗極好的pho ---- 極清又純甜的牛湯底，加上幼滑的河粉及任加任吃的各式香葉，在香港，真的是鮮有機會吃得到....眼前的這碗，看到那碗芽菜及香葉，後者給的全部是那些頭頭尾尾斷開一截截的部份，實在吝嗇到極點....和我在越南的經驗，確是一個天，一個地....湯的顏色頗深，和清澈的形容全沾不上邊；呷一口，只