Futurus Gourmet (已結業)

朋友介紹說此餐廳食物質素不錯，於是來試一下，可惜大失所望！頭盤：蟹餅（店員推介）——味道一般，中心部份是凍的，大概是預先做好翻熱時間又不足。主菜：1. 羊架——肉質不似嫩滑的羊架，吃上去像羊肩扒，有點韌。2. 西班牙黑毛豬（又是店員推介）——完全沒有黑毛豬的香甜肉味，兼且overdone，又乾又韌。整個晚餐只有配菜的沙律和薯條是有水準的，只能說價錢和食物品質遠遠不成比例，難怪每次經過都見到餐廳內客人寥寥可數。

餐廳本身給人歐陸家庭之感覺，坐在大廳梳化上，一邊聽着音樂，一邊吃美食，絕對会再以光顧。是次與父親一同來食，先點了48個月西班牙火腿及crab cake 開胃，好味到無話說。父親點了羊架，肉嫰而不羶;而我則點了香煎驢魚配青口，喜歡吃魚的人一定要試。

日前見到朋友手機有張成隻手掌咁大隻既蝦！我呢個海鮮控即刻就去左🤤店內地方不大 當晚只有三枱客（兩張大枱）食物以高檔食材為主甫踏入店內 兩個店主都好nice會同我地介紹食材我仲聽到佢同其他客人講啲蜆唔夠大隻貨源黎得唔靚 叫佢揀其他最後我揀左四件羊架兩隻紅蝦兩板黑毛豬紅白housePeach cocktail全晚只賣淨呢一種月份的黑毛豬偷食再一兩片 忍唔住影低記錄下美好既一刻雖然唔係系香港食過最好食既黑毛豬但係佢既質素都好好店主話係獨家專售我以爲自己食緊和牛 救命之後到大大隻紅蝦真係大隻到 影相個陣唔小心插親手 搞到流血個頭係好多膏配以黑松露麵包其實我覺得紅蝦一般不過男朋友就好鍾意食人一世 物一世 點都要試下啦！！試過就心滿意足❤️羊架有好多肉汁 但係無乜騷味店內好似主要依賴光波爐機 我就鐘意煎下佢啦（想比3粒半）忍唔住再encore店內紅白酒好出色特別係白酒食完可以加$140買支返屋企飲店主話呢支愈歎愈好飲事實上都係放耐少少 味道更勝一層樓總括黎講 雖然呢餐食咗2000幾但係可以品嚐到平時食唔到嘅嘢有靚酒飲 呢一餐比得心甘命抵

呢間餐廳收藏左好耐，一直都未有機會試，終於試到啦！比我期望更好食，因為餐廳係open kitchen，可以睇住大廚煮之餘，我仲可以偷下師，最開心係大廚Dennis有問必答，開始擔心喺佢煮緊嘅時候同佢傾計會影響佢，點知大廚果然係大廚，一路同我傾，一路煮，仲一邊自己拎住杯啤酒慢慢嘆，感覺佢唔係當一份工作咁簡單，而係享受!真係好難得!我地叫左西班牙紅蝦，好大隻，大過我隻手(不過可惜我嘅攝影技術影唔出係咁大隻)好多膏，d膏多到可以浸滿塊麵包，好鮮甜Sea Bass皮脆，裡面剛好熟，好嫩海鮮配龍蝦尾，送上枱時，大廚建議食哂蜆和青口和其他配菜先好食龍蝦，我都唔知原因，不過同大廚傾左陣計，又食左之前兩個course都咁正，所以都選擇相信大廚建議，當我食完其他配菜，最後食龍蝦時，我和同行朋友都大叫左一聲，嘩!鮮甜到呢！好過份呀！原來因為龍蝦吸收哂蜆和青口的甜味，如果將龍蝦食先，就可以食唔出其他配菜的鮮味。推介，真係好好食呀！另外仲叫左黑松露薯條，因為諗住薯條冇咩好影，但絕對值得推介，大廚係好用心令到每條薯條都有黑松露嫁順帶一提，好多紅白酒選擇，我地試左House White，$280一支，抵飲，質素唔

幫襯左呢間餐廳都有5年，以前只係貪個地方舒服，食下Iberico Ham，飲下紅酒。大約半年前再幫襯，餐廳已經轉左手，廚師和侍應都轉哂人，原來夫妻二人就是新的店主了。男的從事飲食業務多年，醉心入廚，而女的對紅酒數有研究，所以兩公婆用哂所有積蓄決定自己創業。再看新Menu，除左以往的火腿芝士外，還有之前好受歡迎的蟹餅都有保留。蟹餅比以前更鮮味，原來老闆Dennis將以往的做法再改良，除了每日新鮮拆蟹肉之外，煎香後會再入焗爐焗一焗，令表面更香脆。Dennis話，雖然功夫多左，但咁先合乎佢要求喎果然係一個好有要求的大廚Iberico Ham質素沒變，依然高質如果一間餐廳有吞拿魚他他，我多數都會嗌，Is my all time favorite，呢個做得唔錯，生熟調味都做得啱啱好。啤酒豬仔骨，Dennis話係用慢煮方或烹調，唔怪得肉質咁嫩啦平時食中餐，就成日食椒鹽白飯魚，估唔到西餐就有原來係法國黎嘅白飯魚，魚香的確濃好多，加上Dennis配嘅紅菜頭蕃茄醬，即刻清新好多，唔洗怕食得多會熱氣啦！主菜試左西班牙紅蝦，$388兩隻，老闆好好，見我地5個人，建議我地照價錢除開計，叫5隻，貼心個紅蝦係咁耐

上次去chicken n egg，途中發現呢間好有私房菜feel嘅野，專賣parma ham嘅，但有set dinner食，168起，感覺間野有好強嘅氣，話比我聽佢係好食嘅，一定要試下。然後喺超過35度嘅某一晚，由樂富站行到去佢門口，先發現我想食嘅牛扒係168+90再加一，長期糧尾黎講，真係有啲想走，但係實在太熱喇，都係入去豪多餐，結果，好彩入咗去。經過凍櫃位，原來入面別有洞天，梳化位超闊落好坐。最重要係，又係包場！一個客都冇！真係瞓喺度食都得。為咗平啲，2個人嗌咗一個牛扒set加一碟雞翼。雞翼食落似係烤焗做法，外面金黃色一點點，味道似係咸蛋黃整出黎嘅醬咁，但又唔太咸，算烤得幾好食。set dinner個湯不過不失，冇乜特別。之後上個頭盤係沙樂美腸多士，就幾驚喜，驚喜在舊麵包好鬆軟，配塊薄薄嘅腸片係恰到好處。但最驚喜嘅都係塊牛扒，餐牌寫出黎好似係安格斯，以1蚊1g黎講，佢份量真係有168+90咁大塊，肉汁真係豐富，肉味真係香濃，只係落咗少少粗鹽吊味，口感已經相當好。粗薯條亦都係水準之作，如果有埋啤酒送就完美喇，所以雖然間野好好坐，但食完之後都係好快埋咗單出去飲酒。

新年收到朋友送的西班牙火腿，上星期先記得開黎試，真係好好食，唔怪得朋友話佢老公食上癮，食左好多年，都係要黎返呢度買。上兩星期專登黎入貨，火腿芝士紅酒係我最愛，呢度全部有齊一入門口，一個又一個雪櫃，放滿各款芝士、西班牙黑毛豬火腿，各種急凍肉類和各式西式調味料，有幾張小枱，驟眼以為好似西班牙小店咁只賣Tapas。原本只係諗住買幾包火腿和芝士，經店主介紹，原來裡面好靚，有個好舒服的梳化區，如果唔只係食Tapas和Set Dinner，想舒舒服服飲支紅酒，食件扒，慢慢坐，可以選擇坐梳化區慢慢嘆佢地個Menu,除左有多款Tasps之外，仲有好多Main Course，連斧頭扒，皇冠羊架等大菜式都有。所以隔左幾日，就約埋一班朋友黎嘆紅酒，食火腿啦！今日Special有龍蝦多士，啖啖龍蝦肉，相比起我每次去英國或曼谷必食的Burger & Lobster，呢個龍蝦多士不同之處，調味令到好開胃，食極都唔漏 ，仲想食第二件。雖然冇讀過咩紅酒課程，不過以我差不多每兩日飲一支，累積的經驗，一睇就知道呢度賣嘅酒，比起一般餐廳抵飲。細問之下，原來店主亦是好酒之徒，更經營紅酒生意，仲自己去法國當地酒莊揀酒，唔怪得我

好耐冇寫食評，因為實在太忙。但最近試過這間小店之後，覺得即使更忙也得抽時間同其他人分享一下。這小店很別緻，前面是零售食品的，主打西班牙火腿，芝士，凍肉等。款式多得很，令人花多眼亂。幸好大廚及店員能給很好的建議。店的後半部，則是餐廳，但你會覺得好似外國的house嘅感覺。坐位不多，只有兩張大茶机，坐椅則是歐式梳化，擺設也營造了家的氣氛，很warm, 很舒適自在。也正因為坐位不多，我十幾人已經包了場。最重要當然是食物。這店選用上等食材，再加上大廚用心烹調，每一道菜都令人回味。而且，大廚也很樂意分享如何可以令到食物如此美味。在這與好友聚餐，簡直好似請咗個大廚去屋企煮比我地食咁。好正。一定會再嚟。還有，從這裡買凍肉回家自己煮，可以問問大廚，他會教你煮出餐廳水準的菜色呢！😉可惜只能上傳12幅相，唯有挑我最愛的吧。

一直好少去九龍城搵食,怕交通唔方便,不過朋友生日,主角大哂,佢指定要來呢間。我最早到,以為搵錯地方,因為店面成間超市咁,唔講唔知原來裡面係餐廳Waitress帶我入去坐低,原來裡面別有洞天,超靚好似去左芬蘭小屋咁,個屋頂仲係尖頂,仲有個假火爐,突然覺得自己唔係身處香港,真係好舒服因為唔熟九龍城,所以太早出門搵巴士,點知喺鵝勁橋搭106,20分鐘就到所以我比約定時間早左勁多咁我緊係食住飲住等啦！Waitress推介我叫個火腿拼盤和芝士拼盤送下酒,佢話d火腿係西班牙黑毛豬,主要食糧係橡果,呢個牌子一年只出口1000隻,而香港係佢地獨家的。食落真係同出面食開的好唔同,香好多,油份夠芝士幾款都唔錯,不過我唔記得d名,個人喜歡有Nuts果款。終於人齊,飲返杯手工啤,好多選擇,花多眼亂,最後每人叫一款唔同的我地鐘意邊飲邊食,先叫了兩個Tapas-西班牙銀魚多士-燒鵪鶉肶銀魚多士送酒一流鵪鶉肶好滑之後店員推介了大廚自家制的蟹餅(2份)未試過喺出面食蟹餅會真係每啖都係蟹肉,唔係勁溝粉果d,落重本主菜壽星女至愛的龍蝦和帶子一個字:鮮Sea Bass係我至愛,試暈香港好多地方的Sea Bass,呢個唔錯,

平時好少來這區，有朋友生日及介绍，就試試，進入店內，首見長形冷櫃，存放西或凍肉，再過些，見到企身櫃存多隻西班牙火腿，據店員及廚師介绍作零售，再入室内為用餐室，放置4張英式深啡色大梳化及2張大案來用餐，配多個咕，燈光柔和，配合法國，皮禮士利，英文音樂，紅磚牆身，另一邊用薄紗窗簾配假窗及空酒樽裝籂，木柱屋頂，好有homefeel, 其實俺最初沒有對其太大期望，但每試一道菜都出乎意料之外：蟹餅$108，外脆香口，煎香的火口適中，蟹肉一絲絲多汁嫩滑，據廚師Brian說用新鮮及罐裝蟹肉各一半法國牛油焗蝸牛$108,壳可以食，脆口，配薯茸~夠幼滑，肉質雖嫩帶油麵包併盤$60,3款味道脆法包配自家制牛油~香滑帶咸味，麵包唔會硬，最抵食西班牙乳豬，皮脆肉嫩，用肩膊肉帶厚身，夠份量，油份適中雖比澳門葡軒厚小小，但一咬下去就碎裂，就會開心笑起來黑松露鵝肝意大利麵$188及黑松露西班牙火腿軟壳蟹意大利飯$208,2個的汁不用芝士用忌廉煮，汁的稠度不會太散或太稠，煮熟加黑松露醬及油，會增加香味，意粉硬度適中有口感，飯帶硬，是意大利特色我喜歡，軟壳蟹外香脆，肉汁嫩滑

廚師係有心機做美食，西班牙豬係不錯，油味不重，肥肉都平均，意粉味道較重，只有咸味，而且份量不多，價錢相對比一般小型餐廳高，麵包太乾，懷疑放o左好耐，酒類選擇小，酒杯和桌面清潔不佳，服務員態度更不佳，雖然西班牙豬肉很好食，不過太受氣，我會再尋覓另一間好食同服務態度好的西班牙餐廳

九龍城出名吃泰菜，偏偏我們就來吃西餐。看到門面頗精致的Futurus Gourmet，我們就進去搵食了。Futurus Gourmet主打的是黑毛豬，門外的牌都大大隻字寫了。牌的另一面寫的是Lunch menu，有趣的是當時已經是晚上了…這裡感覺私隱度頗高，呈長方形的鋪面，向街的那邊放了雪櫃，用來存放和展示風乾火腿和芝士等高級食材，同時方便客人購買外帶回家慢慢品嘗。而鋪頭的另一邊則放了沙發和餐桌，方便少量客人入內進餐。在餐廳的部份放了不少酒，明顯地這裡好適合兩小口子品味生活。平凡的我不喝酒又不懂品味生活，進了這餐廳就只是正常的吃飯。凱撒沙律 ($88)味道正正常常，但份量實在實在是太少了，就是一碗的size，真是不夠啊！接下來又是份量好少的前菜。法國煙鴨鵪鶉腿 ($55)特意放了一把餐刀在旁作對比，鵪鶉腿好細，味道偏淡。Mix mushroom with black truffle paste ($148)份量繼續頗少，但黑松露味勁香！paste的軟硬適中，醬汁足夠，趁熱吃每啖都是濃濃的黑松露香味！36 months 西班牙黑毛豬火腿 ($160)不太懂品嘗的我們，只覺得跟759阿信屋

和一家人family day打算去九龍城食晚飯經過這間餐廳看到是新開張 所以決定試下😎首先進入店內 感到非常的特色 有點像置身外國店員非常有禮貌 立即為我地遞上餐牌 而且在旁等候我地點餐 後來我們問店員有什麼可以推介店員為我地推介黑松露餛飩 煙燻鵪鶉腿我們一共點了一個意粉一個蟹蓋黑松露飯黑松露餛飩 煙燻鵪鶉腿 最令我驚喜的真是店員推介的黑松露餛飩 煙燻鵪鶉腿 非常的回味黑松露餛飩 以濃郁既黑松露醬汁塗上餛飩 很適合黑松露愛好者煙燻蜜糖鵪鶉腿 對於從來沒有吃過鵪鶉既我 被陣陣香味吸引住 所以決定一試鵪鶉肉很滑 配上蜜糖 質感跟味道非常回味用餐完畢後 店員為我們收拾桌上的餐碟然後詢問我們需唔需要甜品在店鋪的前面是可外帶的冷藏類品 店員邀請我們到前場自行選擇雪糕和雪芭的味道最後我們吃了益力多味雪糕 和椰子味雪芭這2個味道非常的特別而且好吃 不是常常可吃到的口味這間餐廳能吃到的是很正宗的外國味道 香港沒多小地方能吃到 所以我們會再去😎

今晚係九龍城諗住搵宵夜買返屋企食。。。亂打亂撞入左呢間餐廳。。。入到去開頭仲未諗到食咩好。。。好彩d職員好好。。。好有禮貌咁介紹菜式。。。最後我簡左豬仔脾同蟹餅👍雖然返屋企路程係10-15分鐘。。。但返到屋企仲好熱😋下次會約埋朋友再黎選擇堂食。。。可以試埋其他菜式

九龍城除左食泰國菜同打邊爐終於可以試下新野喇！老公上星期去九龍城打邊爐既時候陪朋友到一間門面係買西餐雜貨店（Parma Ham，意粉，橄欖油，雪葩etc）買雪葩！原來行入少少係可以坐低食下野飲下酒！所以上星期同老公，仔仔黎試下!!一入去先見到擺滿各種食物既凍櫃！再行入去就係用餐位置，燈光昏暗而且坐位係梳化，即刻覺得好舒服！😌我地叫左Parma ham，黑松露餛飩，煙燻鵪鶉腿，黑毛豬豬排，黑松露扁意粉！因為我係黑松露狂熱份子，所以每次食西餐黑松露既意粉或意大利飯都係我必點菜式之一！而黑松露餛飩就係店員的細心推介，因為店員聽到我中意食黑松露意粉！佢話係食客點讚且回頭率高既菜式之一😱份量適中既黑松露餛飩！放落檯既時候已經聞到都大陣松露香味😍😍😍sauce 既creamy而不膩！松露意粉同餛飩一樣出色！不過認為下次我可以2選1 可以再試唔同菜式😝煙燻鵪鶉腿我係抱住一個好驚既心態去試😂因為我不太喜歡家禽類既食物！平時已經少食雞鴨鵝啦仲要食鵪鶉，唔係老公想食我平時一定唔會叫！食既時候唔諗係鵪鶉咁特別既食物！其實係好好味架😂肉質好實煙燻味好濃，係一個惹味前菜！最後叫左個桃味雪葩，榴槤味同益力多味雪糕