Gees@Waterfront

营业中

休息中

#搞串個pantry一日之計在於晨🌅，#早餐 嘅重要性唔止係醫肚😤，仲係為你一日嘅開始注入全新嘅能量⚡️，令你成日都覺得好精神😎！！今次帶大家食嘅早餐餐廳就位於#青衣 。呢間餐廳位於一棟工商業大廈🏙️嘅高層位置，擁有無敵大海景🌊，餐廳本身屬於呢幢大廈嘅員工餐廳⛔️，所以運作有啲似canteen，不過入面嘅裝修都幾好。今次我哋就嗌咗一份中式早餐($38)💰，一份西式早餐($40)。中式早餐入面包括有皮蛋瘦肉粥🥣、燒賣、粉果。西式早餐就有蕃茄牛肉通粉🍅、蒜蓉方包🍞、腸仔、太陽蛋🍳。碗皮蛋瘦肉粥入面明顯食到好多粒米糊團🤨，似係用粉開出嚟嘅粥，而燒賣、粉果就同係超市會有嘅急凍魚蓉燒賣、粉果無分別😙。蕃茄牛肉通粉啲通粉食落口好硬身😖，而且口感好粉，似係未熟🤷🏼‍♂️。個蕃茄湯底都冇乜味，而牛肉算係成碗入面最好嘅一樣嘢。蒜蓉方包味道幾好🤩，但口感就總係覺得蒜蓉唔應該配軟身嘅方包。而條腸仔味道非常鹹😖，隻太陽蛋就味道偏淡。睇嚟呢餐早餐就未必可以注入一股強大嘅能量比我哋啦😴，但好彩餐廳擁有出色嘅靚景🌁。唯有望吓風景，吸收吓大自然嘅力量啦。

4:30叫了瑞士雞髀沙律餐、咸牛肉蛋治，總體是水準之上。沙律夠大份，只係$40，包餐飲，外賣杯用cafe咖啡杯。三文治足料，夠熱，唯一是忘記問可否轉麥包，$28包熱飲也是超值啦！5:00截單，堂食的話無敵海景，咩都值回票價。電話落單快，而且始終係食堂，就只有現金付款，職員態度都好nice. 如果想在這放空一下自己，又唔阻住工友午膳，不妨可以考慮下午茶時間，對住無敵藍巴勒海峽美景，確實少少消費，大大享受。

一向都覺得樓上鋪買野更加抵，依家連食野都會特別留意工廈樓上舖美食，早兩個月發現青衣工業區嘅滙橋此家Canteen 唔單止平民價錢，食物OK，而且仲有五星級露天平台對正無敵大海景。計埋今次其實已經第三次去，由於喺工商大廈，唔想影響該大廈工作人員午餐，所以我地每次都會避免高峰時間， 離開嘅時候都會出平台影下相，打下卡，觀景超級無敵。食物水準比一般餐廳高，份量足，而且賣相靚，一般午市飯餐大約$50至$60，還送例湯，添加凍飲品須另加$10，質素絕對比一般大型連鎖快餐店好服務員亦有禮貌

住咗青衣幾廿年第一次去到青衣工廈覓食，今日嚟到食橋匯食下午茶。唔係員工嘅話唔可以搭office 客𨋢，要喺隔離搭九號貨𨋢，貨𨋢個邊多貨車，所以on the way要小心一點。同埋要等𨋢，因為得一架貨𨋢。上到去有點surprise，原來幾企理，裝修仲有點風格。一入門口有個大玻璃睇到青衣海景，非常開揚。呢個weekday 下午茶時候嚟到，冇乜客人。炸雞髀撈丁：雞髀炸到外皮好脆好香，最正係個皮。整體唔算醃得好香口，口味偏向原汁原味嘅炸雞髀。撈丁撈咗麻油，好味。一個好務實嘅下午茶餐也。