Give Me 5 Star (已結業)

2017年年頭呢間小店開張，個時係灣仔番工所以成日去食，佢既lunch set性價比好高！四十幾蚊一個燒豬頸肉飯/燒雞扒飯配杯綠茶係我既最愛，有時加多兩串串燒同同事share。2018年雖然唔再係灣仔番工，但最近都抽空再去捧場，食物質素依舊高水準！唔同既係人愈來愈多，lunch time去食最好12:30前就到。串燒黎講首捱雞脾菇，肥厚多肉勁好味！一串雞脾菇加燒雞扒飯lunch set都只係$60，希望小店繼續保持價廉物美！

好耐好耐都冇寫過食評，連以前個account password 都唔記得了。有新account 後也提不起寫既意欲，通常好好或太差我先想寫話說係呢區工作了多年，食公司canteen 食到口寡寡；QRE 貴價餐廳同春園街既茶記又好多人排好耐隊係藍屋附近街街下，發現左呢間屈左係橫街的小店，收銀店員（應該係老闆？？）很有禮貌，自問成日出街食飯，真係好少見咁～即時加分Order 左個韓式炒粉絲外賣拎走，原來仲可以減兩蚊，好開心！有兩款前菜，送韓式飲品，$40 係灣仔區真係平到震！行返公司盒粉絲攤左15mins仲係好熱味道不錯。

平時都好愛食韓國食物，通常會自取，不過呢幾2次多野做，就預早1個多小時打去叫外賣，自上次等左20分鐘，已經想放棄再食，今日諗住俾多次幾會呢間舖，叫左個外賣，11:24分落單，韓國抄粉絲加一份雞扒，點知....同佢講13:00送到公司，等吓等吓，13:20都未有，打去問佢話出左，可能多單，要多少少時間，好。我等。最終等到13:45都未到，決定去買另一個外賣第一次，我等20分鐘，今次我等左45分鐘。。。。真心沒有以後了

食物份量夠，好好味聖誕叫到會，同事之前試過堂食，話好味，所以就叫黎試下，9個人份量，大大份足料，15個人都食唔哂，超抵食物質素高，除左豬肋骨唔夠味，其他樣樣野都好好味，真心推介特別欣賞薯蓉，好滑，好味

是日同朋友灣仔來食Dinner, 可能因為時間太早，6點已經到左，而且間鋪喺橫街，比較清靜，啱晒三五知己喺度傾計，更重要嘅係灣仔泊車，竟然可以咁方便。本尊覺得食串燒嘅鋪頭間間都差唔多，唔洗特別介紹，但今次因為有我最愛之一.........海膽，點可以唔大力推下呀？個海膽好大隻，好新鮮呀！好味到一個不能再遇的程度。好少見隻蝦係長過我隻手，好味到一個不能再遇的程度。最後仲有甜品燒棉花糖都係好好食，佢加左啲檸檬汁，唔會太甜。連平時唔太鐘意食甜品的朋友仔都話好味，不過冇影相。。。

第一次打食評，打得唔好多多包涵🤗🤗其實幫襯左已经一段長時間，每星期一次，一見到面距地已經知我想食咩😁😁(可能係我差唔多每次都係食同一样野😂😂)而且食物水準很好👍👍，這類富有人情味👍👍，食物又有水準👍👍，價錢大眾化👍👍的食店已经買小見小，最窩心既係今日去買野食，距地送左個👏👏自家制👏👏既紫薯月餅俾我做甜品，真心超级好好食牙👍👍👍👍下年可以攞黎賣都得牙👍👍👍

住附近一路都覺得口痕時冇咩好嘢食，最近發現後街開咗間細舖，試過之後覺得唔錯，上嚟打返篇食評，支持吓小店。今晚屋企冇飯開，自己又懶得煮，就喺度嗌咗個豬頸肉炒拉麵$55 包一杯嘢飲。原本覺得有少少貴嘅，但見到佢豬頸肉大大舊，嘢飲又一大杯咁，算你啦！幾個師傅（老闆？）都好後生，好好禮貌。飲品都好有誠意，冷親記得點佢地杯熱嘅檸檬生薑茶，飲完補充維他命C又暖身

經朋友介紹下，第一次去食，鋪頭喺後街，唔係去過都唔知嗰度有間餐廳，同樣係因為後街，環境比較清靜，而且食物超有水準。秋葵燒嘅時間啱啱好，牛舌好入味，羊架一啲都唔蘇，因為朋友是素食者，叫左一啲茄子，大啡菇，西蘭花，第一次覺得素食都可以咁好味。仲有話梅青檸梳打好好飲! 之前喺沙巴飲過就愛上了。香港只見過1~2間餐廳有得飲。(可能我少出街食) 最後棉花糖更加係一試難忘!

話說今日係做野last day,明天開始放產假，👏所以想同妹妹一齊食下好野慶祝下。諗諗下去朋友介紹既灣仔藍屋個邊有間新開串燒店食下。見其他評價話好偏僻。仲諗緊我有左9個幾月會唔會行得好辛苦，點知係大友慢行去唔使十分鐘，間店就係清靜既小路旁。大致上所有食物飲品都好味道，特別係藍莓士多啤梨梳打，豬頸肉，小蕃薯，菠蘿，牛舌同雞扒日本珍珠米，到依家諗起都肚餓😝仲有幾個老闆都好nice好有禮貌，又主動提供三隻醬汁比你配串燒。有鰻魚汁，芝士汁同咖哩汁，各有千秋唔識揀。🤤有幾樣食物未影添，兩個女仔食到個肚就爆開，最後仲食得太飽要打包兩盒番家🙈都係三百幾蚊，真心覺得物超所值！希望生完之後有機會再去食啦😁

hightea時間，黎到灣仔發現呢間新開既小食店😳位於灣仔一條好隱蔽既街度🤔🤔發現新大陸，咁就試下啦，呢個青檸話梅蘇打👍🏻👍🏻必試🙆🏻好啱我口味，老闆娘對食物方面好講究，青檸落足一個青檸，仲要好細心咁分開4舊，好入味呀😍😍話梅同青檸蘇好夾呀👍🏻我本身唔鍾意太甜既，不過呢個味道啱啱好🤗🤗跟住個棉花糖真係無得頂👍🏻👍🏻鍾意食棉花糖既朋友一定要試呀👍🏻老闆驚太甜就加左d檸檬汁😋😋無得頂👏🏻👏🏻一定要試👍🏻👍🏻

朋友食過話好食，即刻搵晚黎試下。一行4人沉晚去試，得十幾度，咁既天氣食熱辣辣既串燒，一流。店面細細，不過睇落好整齊一坐底已經急不及待點野食拎起張點餐紙，乜都剔下點完等左十零分鐘左右就上菜啦先黎一份豬頸內加兩款雞翼各一份豬頸肉勁勁勁好味，唔鞋口，又juicy，一定要試。雞翼兩款味道都唔錯，將雞翼一分為二黎煮，咀細既朋友都可以放入口慢慢妹，好貼心。再黎花枝丸，雞肉膠，牛肉腸，雞比菇。不嬲凈係食雞肉腸，對其他腸仔完全無好感既我都迷上左呢度既牛肉腸。仲有雞比菇，平時出面食燒到乾爭爭，呢度食一d都唔乾，食落口爽口又又菇汁，燒既時間剛剛好，其實係點做到架？跟手係秋葵同兩款牛肉串秋葵我就唔食既味兩款牛肉串又係必點一入口，香味燒汁完全令人著迷絕對令人要食多幾串又一個必點菜式唔係好記得名，唔知係咪蒜香什菇未上台香味已經飄過黎，菇新鮮好鮮甜，汁完全配合到各種菇。呢味什菇一出，仲即刻吸引到另一台客跟住係芝士焗大菜菇（其實d名唔係好記得）我唔係好食芝士都食左幾啖，入面仲有肉碎點綴，菇有菇味，芝士有芝味，肉有肉味粟米係好甜！牛仔骨唔韌，唔使死咬爛咬！菠蘿一上台比佢既面積嚇親，勁大，大過我塊面，好似巨型波板糖。日

陸續食過幾次晏晝，有雞排、豬頸肉、牛仔骨飯，配菜不時轉變如泡菜、蘿蔔、芽菜、波菜。這晚來吃夜宵，叫了燒牛脷、海鮮煎餅、牛柳粒、雞軟骨和雞腎。最好是牛柳，六七成熟，琳兼且香，富有牛味。雞軟骨不過不失，雞腎則爽口而不硬。唯煎餅粉多了一點，吃落較濟。還有要推介的是話梅青檸梳打，堅正。此小店走抵食路線，再次贏性價比。

早幾日去住灣仔既朋友屋企拎啲野 走果陣見到有間新開張既小店，食後覺得值得為此小店打打氣門面望落去幾舒服，人手都幾夠，門口有3張4人枱，環境幾清靜優閑另外一邊鋪面餐牌 拿。。我無講大話，價錢係灣仔黎講都幾難搵到咁平，我問過老闆，佢話開呢間鋪係佢夢想黎，賺錢固然重要，都想帶啲價廉物美既食物俾每一個人！老闆同員工如果唔太忙果陣都幾吹得下=0=..講左咁耐入正題啦呢間小店係做鐵板燒的，先黎墨魚丸，白雞肉串x2，露筍煙肉卷，豬頸肉，份量都唔少的，全部都好夠熱，材料都好新鮮！小店提供左兩款醬汁俾客人點串燒，左面係花生碎沙嗲醬，好惹味好香，極微辣，老闆自家調制的！右邊係芝士腐乳醬，陣陣芝士香味，食落有淡淡腐乳味，兩者結合洽到好處，大家一定要試下！香草雞扒，好juicy且有微微香草味，但可能我食開比較濃味，覺得味道淡左dddd 不過我都有同老闆傾過下，佢話會收集聽下客人意見再改進一下脆肉瓜，好多汁，味道剛剛好，仲要厚切，不得了燒羊架，師父火喉控制得好好，呢份7成熟，肉微紅，但好多汁好多汁好多汁，重要野要講三次！！！多重芝士焗荷蘭茄子，唔係我地食開煎饟3寶既茄子，呢隻厚肉多汁，而且帥父無渣流灘，芝士份量

來車房經過見到門面幾得意，又未食晏，一看menu發覺頗經濟，叫了個雞排飯＋凍蜂蜜綠茶$38外賣。和同事坐低大約等了8-10分鐘就攞得。返去打開，賣相不俗。有牙菜和波菜作配菜，雞排份量都夠，但肉質就有改善空間。最驚喜係配珍珠米，煲得好好，銷晒水，粒粒脹卜卜！ 講真出街食50間食店都未必有一間白飯係煮得好食。Conclusion 整體對得住價錢。但今次試唔到虛實，下次要叫燒餅／串燒果啲試。