影片
开饭介绍
为Glasshouse的升级品牌，主打融会亚洲各国的经典美馔与西方滋味，把传统精髓与现代烹调技巧结合的创意菜式。客人可于舒适宽倘的室内环境，或室外的小清新天台花园内品尝精心准备的美食及饮品。
继续阅读
营业时间
今日营业
11:00 - 22:30
星期一至日
11:00 - 22:30
*last order: 22:00
以上资料只供参考，请与餐厅确认详情
有关奖赏计划
相关文章
Glass house 食过好多次，K11呢间，Yoho 果间都食过好几次，食物其实不嬲都觉得唔好食，食嘅只系个环境，够chill 够舒服。但而家连呢样都无，Waiter 果种唔礼貌嘅服务态度真心令人火滚，安排左我地坐bar枱，行到过去，Waiter 将原本拉开左可以坐嘅整櫈一下大大力咁卡返入去枱脚，大力嘅程度吓左我地一跳。同明明拉开嘅櫈点解要卡入枱脚，要我地再拎返出嚟？真心无礼貌同无理头。食物差到打唔到食评，食过人生中最难食嘅纸皮猪扒，又冻又硬，连吞都吞唔到，但饮品9年都未到，又无水，好在仲算年轻可以吞到，长者唔建议食，怕有危险。西多士就茶记30蚊件都好食过佢。好在无食afternoon tea, 唔系应该当场喊出嚟，男人老狗要咁就真系得啖笑。整体咁讲，呢世见到Glass house 都唔会再入去。完
继续阅读
与一班朋友开开心心去庆祝，点知结果系嬲爆爆。本身都唔太相信openrice既留言成真（下面几个食评写这餐厅，服务差）：初初去到拎位𠮶阵时，只系觉得态度一般冇乜特别感觉，之后上菜时都正正常常，去到食牛扒的时候，就开始嚟料，明明仲有两三旧肉及一啲沙律菜未食，唔知点解侍应好赶时间咁，叫我哋夹埋佢，估佢可能唔够木板上菜用（因牛扒是用木板上菜）。问题就嚟：因为呢度系高级地方，点解好似茶餐厅嘅感觉？朋友就心直口快讲，话他们服务同态度都差（怀疑佢地听到不满），之后我们点的蛋糕都来了，但蛋糕有只飞虫爬下爬吓，好自然就叫对方换，点知他们的态度就越来越差。我哋食甜品要刀叉、要加热水等、或者他们喺我们附近行过，个个服务员都眼啤啤我们。如果佢系茶餐厅，我觉得可以接受，但这里是高级地方，整体员工都系冇礼貌。最好想切饼影相都冇Mood了，我们快快食完，就去另外一间甜品店，再食蛋糕庆生。真系一个不愉快的过程。真系唔怪得啲香港人，宁愿返大陆食都不在香港消费。在一间高级地方既餐厅，竟然待遇会系茶餐厅，究竟我哋去咗边？
继续阅读
尖沙咀High Tea-Glasshouse Greenery上网睇过呢间啲服务质素唔系几好，心里有哂心理准备🫣不过好彩预到两个讲广东话嘅嘢职员，都正常，招呼都唔错，只系一个传菜嘅外籍人士态度麻麻哋🙈明明我哋落啱order，系佢哋比错饮品，都用怪责嘅语气话我哋😶🌫️我哋order咗两个Set, 都等咗成个钟先嚟😵💫Overall 咸点比较出色，甜点可以话系唔好食🤣Tart 皮都系淋既，同埋糖包好茶记feel😂份量系足够嘅，都系当黎chill 下，环境系几好嘅
继续阅读
预先订抬来到尖沙咀食晚饭，假日人多座位安排在餐厅门口的另一方用餐区，以梳化及小圆枱组成。地方虽大，要叫停服务员真不容易! 研究餐牌后每款肉类都点一份，有中西式及东南亚风。印度烤鸡肉串 $78 . 可乐猪肋串 $78 肉类与红青椒颜色鲜明，烤鸡有焦烤味及香草味; 可乐猪肋串有点韧唔易咬，可乐味唔突出，甜味是有的但被焦烤味盖过。无论是份量或质量四串$156确实贵!经典牛肉汉堡 $98汉堡的芝士最突出，覆盖整件牛肉，面包高身松软，牛肉结实入味不太浓。$20加一份炸薯条，薯条外脆内软，调味恰当。黑松露鹅肝牛肉炒河粉 $178牛肉和河粉炒得几靓，牛肉薄切洒上芝麻，鹅肝煎得香口，每款食材味道适中，加添鹅肝和芝麻的香味后几有新鲜感。香煎三文鱼配时令蔬菜 $228蔬菜将三文鱼托起，煎得靓、皮香脆，配汁劲辣。三文鱼是超薄切，有调好的适中咸味，加埋辣汁和柠汁令其味道充满酸辣味。在餐牌里三文鱼是专属分享菜式，这种超薄切份量三啖就可以食完，能满足分享的可行性低!美国顶级西冷配秘制京酱 $328西冷厚薄适中份量算是正常，淋上京酱汁令西冷更香更靓，京酱有劲辣及轻微咸甜味，是有趣的配合，配菜有少许软腍薯件，辣青红椒。圆枱较细，放一份主菜后圆枱已无多少空间，食物份量比预期中少很多，香煎三文鱼成佼佼者。梳化向后微斜，坐着休息畅饮不错!
继续阅读
呢次系同一位来自澳门、好多年冇见嘅小学同学聚会咁多年冇见嘅朋友，当然要带佢去一个好地方食好嘢，所以就拣咗K11 Glasshouse Greenery🍽️ ：菜式有令人惊喜，无论头盘、主菜定甜品都好精致个人特别推介佢哋嘅牛扒，肉质鲜嫩多汁，绝对值得一试🌱 ：餐厅内部充满绿意，好多植物点缀，再加上玻璃屋顶设计，带来充足嘅自然光呢个环境好适合同老朋友聚会，令人成日都想再去。🍹 ：特调鸡尾酒同新鲜果汁都好有特色，每一杯都好有心思推荐试试佢哋嘅特调鸡尾酒，绝对会带畀你无限惊喜💁♀️ ：服务生亲切友善，随时为你提供周到嘅服务绝对系老友重逢聚会嘅理想选择👍
继续阅读