Greyhound Café (海運大廈)

营业中

休息中

I was waiting in line with my fam and we were literally the only group outside and the lady who I think is the manager in a tie was pretty rude and shout to us “please wait inside their waiting area”. Oh come on the restaurant is empty and we are the only group waiting, but the most point is her attitude was pretty bad...we left immediately and went to the restaurant next door. We have visited this and other branch quite many times and I hope this is only an exceptional case.

沒有到訪這店已經有一段時間，食客比以前少，今曰試吓set lunch. Set lunch 分別有兩款價錢，分別只有主食的$108午餐或包湯或沙律及主食的$138套餐。泰式燴牛肉牛丸米粉$108這泰式米粉送上來的時候，還有四款調味瓶，可按個人口味加甜或加辣。米粉的湯汁清澈，是深褐色，沒有太多油份，味道帶肉香，很鮮美！雖然燴牛肉和牛丸的份量比較少，然而燴牛肉細細粒，肉質軟腍；牛丸是迷你的，一口一顆，口感爽彈。加埋幼身的米粉，索哂湯汁，味道真不錯. 餐飮選了即磨咖啡，雖然咖啡水準平平，但味道ok, 還是會久不久就encore 他們的午餐。

行街行到有啲攰，行入去食啲嘢。依家餐廳都開咗好多年，係一間主打創意嘅泰國餐廳。依個三文魚頭盤係我每次黎都會嗌，醬汁係類似生蝦刺身咁樣，酸酸辣辣，十分開胃。依杯係yogurt smoothie ，淡味一啲。依個smoothie 就酸酸甜甜，好香果味。牛肉牛丸湯米，牛肉其實係牛腩嚟，佢啲湯麵做得唔錯嘅。依一碗係乾撈，真係有d太乾，難入口，拎咗少少冬陰功撈落去。龍眼冰，味道偏甜。冬陰功大蝦湯河，$100幾蚊，都幾好食，陰公個湯好濃，大蝦好大隻，有膏，足料。

今晚找了朋友陪我吃泰菜， 因為很久沒吃了。我們雖然只有二人， 但因為太多菜式想試， 最後點了五道菜：泰式青木瓜沙律炸單骨雞翼燒鴨紅咖哩配薄餅炸薯角芒果糯米飯芭菲這裡的青木瓜沙律偏清淡， 不夠酸不夠辣， 但吃著爽口。單骨雞翼炸得香脆， 吃著方便， 跟炸薯角都是很好配啤酒。炸薯角很粗身， 薯仔炸得很透， 外脆內軟。主菜我們只點了一道鴨咖哩， 畢竟我們人少。因為用的是燒鴨， 所以味道更豐富， 多了種煙燻香味。紅咖哩帶甜， 不辣但很香。配著薄餅吃， 很滿足。吃了幾道煎炸濃味的食物， 侍應推介我們試他的甜品， 女生真的很難抗拒甜品， 所以我們點了一份來分享。這道甜品是芒果糯米飯的變奏版。但超好吃， 最特別是那一球椰子雪糕， 有椰子在其中， 味道濃郁但清新， 和著甜甜的芒果和椰漿糯米飯一起吃更好。

相信呢間餐廳唔會有人陌生。全港其實都有好多間分店。今次因為係尖沙咀睇完戲所以就決定嚟咗呢間greyhound啦。同其他分店一樣，呢間餐廳一定會有一啲開放嘅座位，所以空間感係特別闊落同埋開陽。而且我就更加鍾意佢嘅室內設計，佢啲燈飾全部都好事上，而且坐得好舒服。坐低左冇幾耐，就好快就有侍應你介紹佢最新嘅廚師推介。服務真係十分之體貼同有效率。無論係侍應嘅對答同埋辦事速度，禮貌，同埋上菜嘅時間都係超乎想像嘅好。比起以前真係進步左好多。如果好耐都冇嚟過嘅人就會發現佢個Menu其實有一定嘅更新。有好多菜式都係講緊係四年前唔會搵到得嘅。所以菜色方面亦都好多選擇同埋好大進步，由於今日想食佢嘅冬陰公所以就叫咗佢個冬陰公海鮮窩。冬陰公麵鍋有兩個選擇，有個有龍蝦嘅，而另外一個就係得海鮮。咁我哋今次就試咗個有龍蝦嘅。冇諗到落左單大概系10分鐘到，佢所有係冬陰公煲裏面嘅海鮮都10分新鮮。如果隻龍蝦嘅size都係預期之大。裏面仲有青口，魚塊 等等嘅海鮮。真係好足料。除此之外，冬陰公裏面個面都係十分之彈牙，溯源啲湯之後就真係好惹味。十級推介。另外我哋就叫咗其他前菜， 有軟殼蟹沙律，同埋三文魚配泰式辣汁。先講咗軟殼蟹

今日喺尖沙咀行街 趁地鐵未收嗰陣時就想盡快食個晚餐 一行入海港城就見到呢間餐廳好似幾好食就入咗去啦個餐廳裝修好靚幾有情調啲侍應服務亦都好好 呢間餐廳主要做fusion菜所以啲菜式都有東南亞同埋西餐嘅元素 同埋佢啲海鮮有好多選擇啱晒我嘅口味首先就點左個軟殼蟹沙律配蜜糖芥末醬 平時食啲軟殼蟹都有啲唔新鮮嘅味道 但係今次個軟殼蟹就非常之鮮味同埋非常之脆配埋個沙律就極之開胃 佢配埋好新鮮嘅羅馬生菜然後再點左個薄切三文魚配泰式辣汁 呢個菜極之開胃因為佢個泰式辣汁酸酸辣辣好襯三文魚 食到停唔到口個三文魚上碟中非常之靚 色香味俱全主菜就叫咗一個泰式部隊鍋配龍蝦麵佢個湯底係用冬陰公來做嘅 估唔到係佢入邊有幾種海鮮每一樣都非常之鮮甜配埋個小小辣嘅冬陰公就真係好好味 配料非常豐富有帶子青口影好好味嘅龍蝦同埋其他海鮮兩個人食啱啱好由於我哋係甜品迷所以就叫咗個綠茶千層蛋糕同芒果糯米飯 一次過試晒泰式同西式嘅甜品非常之驚喜嘅係佢個綠茶蛋糕同出邊專登做甜品嘅餐廳係一樣咁好食千層蛋糕層層分明綠茶味道夠濃郁質地細嫩又唔會好多cream配埋兩粒綠茶朱古力值得再試最後食嘅芒果糯米飯就好有泰國嘅味道今次嘅芒果偏酸所以飯後作

餐廳主打西餐和泰式Fusion菜，室內空間感寬闊，卡位的私隱度高，是適合朋友相聚的好地方。和牛芝士煙肉漢堡配薯條 $128芝士牛肉漢堡份量十足，單手拿著拍攝也感費力，相機食先後，即時開動! 大口咬下去，麵包皮微脆香軟，沁出濃濃芝士香，中間夾著脆煙肉，還可以加入伴碟的蕃茄、生菜及洋蔥圈。牛肉入口熱燙，被半溶芝士完全包裹著，絕對是邪惡的化身! 牛肉汁肉味香濃，令人愛上啖啖肉的感覺。薯條是肥粗的質地，多至滿瀉，炸至熱辣、脆卜卜，十分滿足。泰式香燒原條魷魚筒 $128原條魷魚筒燒至表面焦黃，慢慢蜷縮，收乾水份，質感軟糯而帶嚼勁，配上泰式辣醬，鮮味中微微泛辣，過足口癮。班蘭千層蛋糕 $78千層蛋糕令人驚喜，超過20層的夾層，夾滿滑溜的班蘭忌廉，吃起來不甜不膩，一層一層的很有滿足感。蛋糕質感綿柔，入口充滿牛奶香氣，倒上額外的班蘭汁，口感更濕潤、甜思思，沁出清幽班蘭香氣，滋潤味蕾。

餐廳主打泰國和西餐fusion菜， 有傳統和新式泰國菜式 選擇， 餐廳裝修華麗， 比較似西餐廳， 給人寬敞、舒服感覺， 入口雪櫃裏的千層蛋糕， 非常吸引， 侍應態度友善。帶子、蘆筍寬麵$148帶子肥厚圓潤， 表面煎到微微焦香， 賣相吸引，入口嫩滑、鮮味，寬麵軟硬適中 ，完全沐浴在菠菜醬汁中，每條意粉都掛滿稠密醬汁，令意粉更加鮮味， 夾合埋新鮮蘆筍，鮮甜爽脆 ， 令人陶醉其中。泰式香燒原條魷魚筒$128原條魷魚筒醬汁燒， 體貼地 切開 一圈圈，魷魚入口濕軟， 柔軟而帶著嚼勁，魷魚味香濃 ， 好味到唔停得口 ，配上泰式微辣醬汁， 將「泰式風味」呈現在舌尖上。芒果糯米飯$68糯米飯鋪滿滑溜的椰漿， 椰香出眾， 糯米飯入口黏糯、煙韌，表面灑上香脆的芝麻粒，脆卜卜，與椰漿非常搭配 ，芒果肉蜜甜多汁，夾合糯米飯享用， 十分享受， 成為泰式人氣甜品。

呢間餐廳我每次去曼谷都必定會去食一餐的， 但在香港我就好少會去。不過朋友中有Greyhound fans， 所以今晚我就嚟左海運呢間。雖然天氣好似已經開始轉涼， 但我還是覺得有啲熱， 於是我就點了杯貌美又冰涼嘅Fruity shaky yogurt，朋友就試左佢嘅泰式奶茶。杯yogurt好香果味， 而且香滑。而朋友說泰式奶茶也做得唔錯，有茶味， 但當然比泰國地道的還是有差。每次食泰菜我都必點青木瓜沙律，這裡嘅青木瓜沙律很清爽， 係我專登點嚟配主菜燒鴨红咖哩嘅😊。在等主菜時，我點左份炸薯角。炸薯角估唔到幾大份，入口香脆， 但薯肉粉糯，呢個係美國薯仔嘅一大特色。燒鴨紅咖哩配上薄餅， 餐廳用左鴨胸嘅部分，所以啖啖肉， 反而脂肪較少， 燒鴨入口幾香，而且因為澆了红咖哩醬汁，所以很濕潤，醬汁伴以薄餅，但我覺得配白飯更好。呢度菜式嘅份量都唔細， 所以食完個鴨咖哩已經好飽。正想埋單時，侍應推介我地試埋佢嘅甜品， 女生總有個甜品胃， 於是我地就叫左芒果糯米飯芭菲。芭菲造型不俗，層次分明， 先將椰漿飯放在玻璃杯底部，然後舖上大量芒果粒再澆上椰漿，最後加上一球椰子雪芭。芒果好甜好新鮮， 雪芭堅有粒粒椰子肉

今日接完女朋友放工，去海港城Greyhound食晚飯。餐牌有好多選擇，東南亞、西餐都有。Soft-shell Crab Salad ($138): 軟殼蟹炸得好脆，而且唔會有好油膩嘅感覺 ，抵讚👍🏻Beef Massaman Curry ($108): 甜甜嘅咖哩，啱哂我依啲怕食辣嘅人，有兩種薄餅，加埋一齊食真係好好味！Phad Thai Prawns ($138): 少少酸辣，好開胃！Stir-fried Morning Glory ($88): 炒通菜，新鮮滾熱辣！Coconut Crepe Cake ($78): 椰子味勁香勁fresh，中間夾住好多椰子肉，好特別！Mango Sticky Rice ($68): 食泰國嘢必食芒果糯米飯，芒果超甜😋

今日同朋友在海港城逛街，有位好朋友剛剛生了孩子，所以便去買媽媽補品和嬰兒用品給他啦。逛了好長時間，買了一堆貨品，終於有點疲倦了，朋友想吃泰國菜，所以便進入Greyhound Café 吃飯啦。曾經在餐廳的圓方分店品嚐過一次，覺得菜式的質素很好，而且這個品牌在泰國非常有名，是網紅餐廳，所以便帶朋友來試試啦。雞肉串燒 $108在泰國餐廳用膳，泰式串燒一定要吃呀！串燒有兩種肉類可以選擇，分别是雞肉同豬肉。串燒有三串肉，三串蔬菜，食完都好清爽，不會油膩膩。沙爹醬偏甜，我就幾鐘意食啦！鮮蝦炒金邊粉 $138金邊粉都係泰菜必食既菜式！熱炒金邊粉，有好香的甜辣味飄過來，吸引隔離台的客人都點了一份呀！金邊粉炒很乾爽，加上芽菜香料，整體好惹味。大蝦有三隻，但就調味略為不足。最尾當然要吃招牌的千層蛋糕，皮薄忌廉滑，果然好高質，但茶味略為不夠濃，香港的奶茶似乎更合我口味，哈哈！

位於尖沙咀的Greyhound Café，是一間很有名的泰西Fusion餐廳。來自泰國曼谷的人氣過江龍，曾被譽為當地必食美食之一。品牌在香港有多間分店，這晚便去尖沙咀海旁分店試試吧。型格的黑白裝修，是店家的一貫風格。花多眼亂的餐點，令人不知吃那個好呢。脆炸粟米蟹肉餅 $118店家招牌的粟米蟹肉餅，真的很好吃，值得推薦給大家唷! 炸餅一客五片，片片厚薄均衡，粟米圓潤香甜，口感極佳，沾上甜酸醬後，别有一番味道呢! 不過蟹肉量不多，感覺不太出來。店家非常貼心，素食人士可選擇齋粟米餅，價格更相宜哦。紅絲絨窩夫 $78賣相出眾的 紅絲絨窩夫 ，味道上也非常有驚喜呀! 色澤鮮紅的甜品，充滿著冬天的聖誕氣氛。原本以為是原味窩夫，內餡竟夾著小紅莓醬，搭配牛油丶雜莓醬丶鮮草莓，香甜好吃唷!泰式奶茶千層蛋糕 $78餐廳的千層蛋糕，同樣非常出色，是打響 Greyhound Café 招牌的美食哦! 千層薄皮，每一層都厚薄一致，薄薄的餅皮夾著幼滑奶茶忌廉，用刀子一切，切口整齊，蛋糕不會散爛，很高水準哦。不過奶茶味的茶香不特出，個人軟推介芒果口味，超好吃的!

今日同男朋友去海港城Greyhound食晚飯，餐廳係地下嗰層，半開放式設計，同埋都幾大，坐得舒服 👍🏻我哋叫咗以下幾樣嘢食：Soft-shell Crab Salad ($138): 叫呢個沙津其實主要都係因為想食隻軟殼蟹，果然冇令大家失望，隻蟹炸得好脆，而且唔會有好油膩嘅感覺 👍🏻Beef Massaman Curry ($108): 因為唔食得辣，叫咗呢個甜甜嘅咖哩，配晒兩種薄餅，好啱同friend share嚟食 ！Phad Thai Prawns ($138): 個麵惹味得嚟帶少少酸辣，過癮！Stir-fried Morning Glory ($88): 用鐵盆上嘅通菜，新鮮滾熱辣！Coconut Crepe Cake ($78): 呢個椰子味勁香勁fresh，而且中間除咗cream仲夾住啲椰子肉，好特別！Mango Sticky Rice ($68): 食泰國嘢必食芒果糯米飯，食完就真係飽晒喇！順帶一提，餐廳員工嘅服務超級好！值得一讚！

Closerice❌Closerice❌無下次之前食旺角火車站果間都ok既，野飲有好多選擇，意粉同其他野食都ok。今次去海港城，嘩！真係嚇一跳☹️請左個阿叔係背脊行泥行去懶殷勤，但你問佢野佢擺到明唔知擺知，串柒柒🤬問佢有無有酒精既cocktail（因為兩版都係mocktail），佢直接指返menu最底果幾行啤酒餐酒option（咁即係無？）。軟殻蟹沙律係好味既，雖然芥辣重手左少少，但個蟹好肥美。蟹肉意粉乾硬化，佢可以將d蟹肉炒到變左一絲絲既乾瑤柱，個意粉硬到pk！勉強食左一「住」已經停手，再過多陣開始胃痛，大佬$150唔係俾呢d質素我咯！我問阿叔🤦🏻‍♀️：「你地平時d意粉都係咁乾架？」👴🏼：「係呀！係咁乾架！你呢個係炒意粉呀嘛！」🤦🏻‍♀️：「但係d意粉好硬喎！」👴🏼：「係硬架！」之後俾個好理所當然既樣我🔥大佬，你做開自由行生意者，今晚坐得半個場，好明顯你呢排都唔忙啦，唔洗咁既！過左陣我留意到佢就算對住外國俾都係講中文，就知佢唔會係senior，亦留意到佢地d男性侍應好鍾意行得好快扮型。結果我搵到個黑西裝既馬尾女同事，應該係經理，我請佢過泥，行到埋檯邊佢完全無望過我一眼淨係望住後面張檯，我

之前聽親戚介紹過幾次呢間餐廳，一直都想搵機會試吓，終於有個朋友喺樓上返工所以約佢喺呢一度食飯。裝修格局係西餐廳，當然餐牌入面都有西餐同埋泰菜，咁啱我哋三個都係揀泰式嘅菜。頭盤有粟米湯同沙律兩款選擇，兩本都係西式，賣相唔錯水準亦合格。估唔到主菜又有湯，需然是泰式湯，但係短時間內真係飲唔到兩個湯，應該係個餐牌寫得更加清晰一點，頭盤唔使再揀湯。啖啖蟹肉黃咖喱飯個名好吸引，我食落感覺蟹肉份量都係唔夠多，咖喱如果有少許辣會更加開胃。Phad Thai 泰式金邊粉冇乜特別，水準合格。海南雞飯嘅雞份量都幾多同幾滑，但油飯就普通一啲啦，唔夠香。泰式奶茶相對上正宗，但只有凍飲無熱飲比較奇怪一D。最後加錢（跟餐半價）叫了一個椰子同芒果蛋糕，呢兩個真係完全西式嘅蛋糕都唔錯。佢哋一啲都唔夠fusion ，創意唔夠，反之一係做正宗嘅泰菜或者正宗嘅西餐會更加好。以呢個價錢性價比唔高。