Grove Sandwiches

营业中

休息中

Grove Sandwiches分店甚多，這間正好位處公司就近的長沙灣廣場，即使即是午餐的時間，人流也不多，坐得舒服。第一次食，小人叫了套餐：有一碟意粉、一個蔬菜杯或一個鮮果杯、以及一杯熱飲。先品嚐沙律，除了不可或缺的生菜、蕃茄、青瓜之外，更有紅蘿蔔和黎麥，而沙律汁是西柚醋，份量恰到好處，剛好夠掛在蔬菜上，這杯沙律很新鮮，夠爽口。主食煙三文魚拿破崙意粉也很不錯，即叫即做，不但上枱時還冒著煙，就算食到最後一口還是熱騰騰的！意粉軟硬度適中，裡面混有不少洋蔥及燈籠椒，增添香氣！烹煮過的煙三文魚保存著濃厚強烈的煙燻香，味道方面茄汁味濃，酸酸的很開胃。更值得一讚的是一點都不油膩，食完都不會見到一層厚厚的油脂留在碟底，質素不錯。餐後喝杯伯爵茶，無比的舒服。價錢比周圍的食肆便宜，又沒有太多人，絕對是個一人西餐的好去處，享受獨食的優雅。

沒有三文魚，好失望，佢就俾好多沙律菜同青瓜，名不符實。我其實為三文魚而叫，問返同事佢話加左簿簿一片，我搵黎搵去都搵唔到，好唔開心。佢忌廉蘑菇湯好飲，亦見好多人幫襯，但點解要咁對我既墨西哥卷。

我荔枝角返工 有日lunch 突然想食麵包#其實我係麵包控下午茶好抵食$35-40就一餐我叫咗牛油果🥑雞肉飛碟有埋水耕菜沙律🥗 一杯野飲我中意食1-即叫即做 熱食 岩哂我 2-個麵包🥯脆 口感好 連埋一齊食好夾唔好既地方：店舖太細 人流太多 （我唔中意逼🥲) 外賣都等10-15分鐘

味道不過不失，是健康清新的味道。下午茶價錢十分相宜，差點令我懷疑是不是計算出錯了。出門時發現原來門外已掛上了休息牌，但店員也沒有趕我走。可以寧靜地打發時間的好去處👍🏻👍🏻

因為上堂嘅關係，逢星期六都要出荔枝角，所以上網搵下周圍有咩好嘢食🤔🤔途中經過呢間門面吾顯眼嘅舖頭，發覺好多人排緊隊，於是就吸引到我去睇下佢哋嘅餐牌，普遍一份早餐嘅價格系$24-38左右，而且款式都幾多，所以就決定試下！分別叫咗份牛油果雞肉飛碟&奇亞籽燕麥杯拼多士牛油果雞肉飛碟份量十足，咬落去每啖都可以食到牛油果肉同雞肉，吾會好似某啲舖頭咁得包中心有餡，邊邊只得包，配上水耕沙律菜，其實已經好飽！而奇亞籽燕麥杯味道就偏淡，一大杯食落肚，基本上份多士已經食吾落😂呢個價錢相對呢個份量同質素，絕對系性價比高嘅選擇👍🏼👍🏼👍🏼

冇下次!!! 重點食物唔好味!!!幫襯佢哋①忌廉蜆肉螺絲粉...冇忌廉味冇咸冇味唔掂！👎 ②碎蛋煙三文魚墨西哥卷，菜同紅蘿蔔絲就多，唔覺有煙三文魚，碎蛋少到爆👎又唔好味！ ③蒜香菠菜腸意粉唔好味唔知食咗什麼嘢落肚！

忙⋯ 一直「被」開會，忙到早午餐都無時間食。可以放鬆嘅時候，竟然已經到下午三點半。無奈行下四周圍，搵搵可以醫肚放空嘅地方。要放鬆，難免諗超法國旅行時，在咖啡店放空嘅感覺。今日竟然俾長沙灣搵到。Grove 雖然係連鎖店，但佢有親切感覺，下午茶有all day breakfast 。個兩塊全麥方包，好香。環境亦夠德國小店feel。

係荔枝角工作，所以經常要係荔枝角周圍搵野食。而Grove差唔多已經變成左我嘅飯堂啦！因為成日都好想搵啲健康嘅嘢食，唔想食得太油想食多啲菜。呢度雪櫃入邊嘅三文治同埋沙律就啱晒啦！過咗5點9之後仲有折添！折左真係超級抵㗎！所以我經常會買埋第二朝嘅早餐😂😂😂我最中意就係雞肉凱撒沙律！夠新鮮，又好味，唔會dry！最重要係呢度嘅店員全部都好好人㗎！好有禮貌，又好鍾意幫人，我每一次去完都覺得好開心，好warm😆😆❤️

忽然好想食墨西哥卷，上 OpenRice check過，屋企附近有兩間，Grove 係其中一間，所以決定試佢。去到叫咗份墨西哥雞卷，熱啡餐，等一陣就有得食（即叫即整），之後就視乎你點睇了：如果你當佢係飛碟三文治之類嘅，無問題嘅，好味；如果你當佢墨西哥卷，佢一 d 都唔墨西哥卷，外型唔似，味道唔似，反正同我心中嘅墨西哥卷有好大出入。所以，如果你係為咗飛碟三文治過去嘅，去啦，幾好食。如果你係為咗墨西哥卷過去嘅，算啦，唔洗去。

在荔枝角區食午餐，真的如打仗般，每間餐廳只能放幾張枱，間間排長龍，花了不少時間搵地方😰最後經過這裡，門面比較細，不太覺眼的，見到雖然有不少人排隊（大部分叫外賣），所以仍有吉位，可以靜靜坐下來吃午餐！起初以為好細碟！原來大大份，雞扒也有三塊，煎很很香口，肉質適中，意粉又好多，努力才能KO!

🔅🔅🔅今日去D2商場行下街去前經過長沙灣廣場竟然見到有它的分店上次食過它的三文治已覺得質素確實不錯所以又忍唔住買返件🤤🔹由於等陣睇戲會吃爆谷所以買左半份三文治算了😄🔸<杏片牛油果水耕菜沙律三文治>餡料果然好豐富水耕菜十分新鮮咬落去清新爽脆👍🏻而且有豐富維生素牛油果有半個大小份量作為牛油果控表示勁新鮮配上沙律醬真係好開胃～麥包口感很鬆軟😋仲有脆脆的杏片作陪襯呢個三文治真係夠晒健康！🔹<總結>打文既時候已經在想下次一定要試埋其它款色因為三文治來說質素真的超好～🔅🔅🔅

一日之計在於晨，點都要食個豐富早餐作開始 同同事今日選擇食健康首選既Grove。因為佢一個English breakfast就已經有齊每日營養所需，煎蛋x2，煙肉，蘑菇，腸，蕃茄，焗豆同多士。佢既多士好食，唔係普通白麵包，係多榖包。但蘑菇就普通，似係罐頭開出黎就放落去咁。煎蛋亦可以轉做炒蛋都得。跟餐普遍係咖啡奶茶類，但加錢可以轉飲生果乳酪飲品。如果你有Grove member card，就可以有9折。只不過係儲值卡類型，但可以儲分。計落都幾抵

今日因公事可以出一出去路經荔枝角就順便搵係附近返工既友人食個LUNCH友人呢排成日呻窮 話唔想食太貴就帶我去咗間比較實惠既餐廳隱陣起見就點咗個卡邦尼意粉份量都幾大份意粉口感普通啦 快餐質素既感覺流心蛋是值得一讚既 但唔明點解要加火腿 單是煙肉就可以 再加火腿有畫蛇添足既感覺但意粉有不少煙肉同火腿 食肉獸應該會好滿足食完成份都真係幾飽肚，五十幾蚊一個lunch算係咁啦味道不過不失 環境都係坐得幾舒服 而且侍應姐姐都幾nice唔怪之得友人成日黎食lunch

Grove 提供三文治及意粉輕食店, 概念與巿場某幾間連鎖三文治店相近。門口冷櫃放著各種三文治, 沙律以供選擇, 迎合都巿人速食的消費模式。點了午餐三文治套餐和意粉各一客。車打芝士牛油果水耕菜意式三文治半份 $26份量比預期少, 包是硬身有咬口的panini, 唯餡料不夠豐富, 奶茶也是普通, 性比價一般。辣肉腸磨菇意粉$42 辣味不夠過癮, 只是炒起一碟再鋪上辣肉腸, 不差但不至於好吃雖然已擁有幾家分店, 但食物沒有個性, 想要與同業競爭恐怕還有一段距離 , 繼續努力吧 💪🏻

今日食lunch去左呢間Grove Sandwich因為係想清下腸胃~ 見佢既野都唔太oily同偏健康~同同事兩個人去食~我地叫左一個"水耕菜沙律" ($29) + 細既水果杯 ($14)蔬菜好新鮮有青瓜、蘑菇、車厘茄、燈籠椒同水耕菜仲有我最鍾意既黑醋汁~酸酸地開胃之餘，又冇其他沙律醬汁咁heavy!但個水果杯有8成都係西瓜...如果有多啲其他生果就好另外我地仲叫左個豚肉洋蔥翠肉瓜千層麵($5X)個配搭有啲新穎....我同事就唔太喜歡，反而我都覺得ok但翠肉瓜同芝士既味道不太相配....下次都係食返普通既意粉會好啲，哈哈