Grove Sandwiches

营业中

休息中

這天午餐沒有午餐盒因為諗住在附近的三文治店搞掂, 想試下佢三文治以外的餐, 揀咗個稍貴的豚肉洋蔥翠肉瓜千層麵跟杯奶茶都成$60, 出來的樣係稍稍長方形白晒晒嘅千層麵, 一般千層麵都會用茄汁或者免治肉茄醬做夾層, 估佢唔到咁反傳統唔用任何茄醬, 咁咪唔起色囉, 所謂豚肉其實係烚熟豬肉絲同翠肉瓜做夾層, 加些白汁在內, 但豬肉絲無也乜味, 翠肉瓜就更加沒什麼太濃嘅味, 白汁本應要做到夠濃味才能帶出整件千層麵嘅味道, 但可惜這裡的白汁只是些粉水獻汁同白汁只有顏色是對上了! 而面頭再灑些少芝士碎就了件事, 好明顯呢個廚師無法做出好食或者比較上健康又美味嘅千層麵, 其實如果佢識得落些少炒香嘅煙肉碎補救一下都唔會咁難食嘅! 不過佢可能唔識又或者只諗住低脂, 低脂咪做出呢個咁乾又無味嘅千層麵出來! 奶茶係好一般的貨色, 午餐時段呢度真的好迫, 張枱面好細根本放不下四個盤, 下次午餐時段還是不來這店吧!

12月有來了兩次的經驗, 第一次是下午茶餐叫咗個香蕉花生醬飛碟$23, 首先下午茶做飛碟的快餐店已經買少見少, 餡料重要香蕉切片夾花生醬就更加唔見有, 其實這店的下午茶套餐只有這麼兩款是飛碟! 一款屬於咸的火腿芝士,而另一款屬於甜的這款香蕉花生醬, 飛碟唔易做架做得唔好會爆口漏饀就唔靓仔啦! 而花生醬同香蕉好老友所以基本上味道係對啱咗只要工序上沒有出錯唔會唔好食, 洋人比較鐘意將呢兩種材料夾埋做麵包/蛋糕之類, 有時又會加些朱古力漿等味道豐富一點可惜這裡是限於成本只能用兩種材料, 好多大集團依家連雙併三文治都唔做, 淨係肯做西多士, 另一次來係食午餐, 雖然係午飯時間但並唔見佢坐滿客, 這是比較意外的場景, 太座食蕃茄濃湯煙三文魚螺絲粉轉意粉$48唔過$50算係中間價位包杯啡或茶, 蕃茄濃湯睇落係杰身d嘅, 至於濃湯的定義比較複雜, 可以係用好多蕃茄打至個湯比較杰身又或者直接用一個煮至濃湯汁的底去閞成濃湯, 材料的濃定係湯的濃一般好難去分析哪一樣比重如何?不過呢度的湯屬於淡口嗰隻, 半邊烚蛋無子乜特別, 煙三文算係無吝嗇地大大片俾客人食, 三文治飽係似模似樣, 唔似得某些大集團或者個體

今日公司 training, 所以叫咗 refreshment 俾大家中場可以食下嘢。我哋點咗盤沙律，仲有啲 assorted sandwiches & toast 之類，味道都唔錯。三文治、沙律入面，蔬菜嘅份量都算多，感覺清新健康啲。自己試過最鍾意蝦多士～推介推介！最衰 25 人份嘅早餐食唔得多，叫唔夠 $2000 就要另加 $200 運輸費，就算路程唔係好遠。另外所提供嘅自己餐具唔夠用，要自己另外再準備。不過服務員嘅態度係值得讚嘅，就算我柯打前一日臨時加單，又改過送貨時間，佢依然親切款待。

一日之計在於晨，一份有份量既早餐係絕對需要，一間似乎唔太起眼既鋪仔，蘊藏著多款考手早點，本人最喜歡就係呢份芝士火煺牛角蘇配即磨咖啡，牛角蘇當然要鬆脆，配上香滑半溶芝士，煙韌火煺片，咬落有口感之餘，外面又好鬆脆，簡直係一種享受，只係會食到周圍都係牛角蘇碎，好失儀態，即磨咖更加係另一個提神寶物之一，香滑可口，咖啡自己任意調，只是略嫌太細杯了，唔多夠喉，早上嘆完一份咁有份量既早，整日做野都會醒晒，正野梗要推介下

Very bad service as always in this shop and  being a faithful customer quite disappointed on the staff attitude. Working in the area i used to go there frequently as convenient for me and as not many choice for veggies food in Lai chi kok.  Food is really average, too bad because of staff bad attitude I  visit this shop ever again. 

買完衫，想食三文治，就走入呢間連鎖店試下。叫咗雞肉凱薩意式三文治+凍檸茶賣相好一般，唔靚仔嘅！食咗啖，面包皮有點硬，並不是脆果隻，唔啱我口味，但可能咁先至係正宗意式風味掛....🙄🙄入面嘅雞肉似係白焯完，加塊菜，加少量凱薩汁，就成了呢個三文治😓雞好普通，無乜味，腌一腌會好d。有凱薩汁好少少，起碼令到三文治有番d味道。整體好一般，咁既料比$57食，好唔抵，再揀會食其他。

由於工作關係需要同客人搵個地方傾嘢食嘢。其實有買左個早餐食下，三文魚長通粉同朱古力$34, 味道麻麻地， 得一塊好細嘅三文魚，其他係雜菇。我食完去左個廁所，遠到飛起，行左差唔多五十米先到。之後返番去等個客，個客黎到之後叫左杯熱飲。點知個經理就走埋黎話：「你地淨係叫一杯野飮，等陣我地一客多你地就要走。」我即刻覺得好失禮，其實我係黎食左野，只不過你地個廁所太遠。之後入番黎就當人地無比錢淨係入黎坐。我個客之後都買左個餐加水，我個客一食完個經理就走埋黎同我地講, 我地依家rush hour，所以請你地離開。我地坐左無一個鐘就比人趕走左。 但我入去個時間店一個人都無。真係以後都唔會黎呢度食，食個野咩心情都無曬。坐唔夠一個鐘就即刻趕人走，第一次遇到咁嘅餐廳! 勁無人情味又唔好食。

點了半份牛油果飛碟，都成$30，吃的時侯雖有幾粒牛油果，但居然放了些脆肉瓜之類，扮牛油果。而個奇異果乳絡（$13），居然是奇異果+益力多味。實在有點受騙的感覺。

Grove 這款「煙三文魚芝士長通粉」，選用的芝士氣味濃郁，似荷蘭的taleggio cheese，芝士味中仍嚐到淡淡牛奶香，牛奶是催化製，中和了芝士的膩度，順而帶出香滑而味道豐富的醬汁 。長道粉軟硬適中，而且沾滿了芝士氣味，廚師應記一功，花的功夫和時間拿攝非常準確。煙三文魚是這道菜的主角，個人嫌煙爋味不夠濃烈，有待改善。三文魚每片較完整，沒有碎屑般，值得一讚。另外，店主注重每餐營養價值，特意安排蔬果作伴菜，今次就是翠玉瓜，但瓜淡無味，味道屬一般。最後，就是一杯熱騰騰的奶茶，香濃幼滑，不亦樂乎！

Grove最適合就係一個人食飯時候去既地方 呢個蘑菇香辣腸意粉味道好豐富，入口先有好香既蕃茄味，之後細味會食到少少甜味道，最後會有少少辣味個汁唔算厚身所以唔會覺得膩，但同時好滿足，不過一定一定要趁熱食！

放工黎經過快食，點左鮮蝦炒辣汁意粉，賣相繽紛吸引，食落新鮮熱辣，唔油膩，又唔太辣，份量剛好，唔會太飽。不過蝦就應該唔係新鮮，如果改做其他新鮮配料同再多點蔬菜會更好。意粉加飲品約$50，這個質素和用餐環境我滿意了。

晚上來到了荔枝角，雖然經常到那裡，但都只是來去沖沖，始終不太熟悉周圍有什麼食肆，所以我們經常到地鐵站旁的Delifrance 吃晚飯。今天因為去了一個離地鐵站不太近的地方，而且時間太夜了，就想在附近找找，看看會不會尋到「寶」。晚上的荔枝角街頭，人流少所以比較靜，餐廳也會很早關門，眼見周圍的店也早已打样了，只見餐處的櫥窗透出一點點光，剛好有客人從門口步出，方才發現轉角後有一間小小的三文治店。餐廳強調健康飲食，和其它西式Cafe 一樣提供三文治、意式三文治、墨西哥卷、沙律、意粉等等。晚上會提供幾款套餐（主菜和飲品）供客人選擇，那天因為有點夜所以有兩款早已售罄了。餐廳裝潢簡約，燈光明亮，坐得頗舒服，是那種可以讓人很休閒地看看書，聊聊天的好地方。煙三文魚碎蛋沙律墨西哥卷煙三文魚有點韌，頗有咬口；碎蛋沙律用了芥末醬，味道很突出惹味；蔬菜的份量不少，生菜新鮮爽口，蕃茄酸甜開胃，令人感覺輕盈。法國紅酒、煙肉及蘑菇繪雞肉伴意粉（套餐連飲品）醬汁較淡，而且汁量較少，吃起來比較乾；雞肉有點過熟，有點鞋口；反而煙肉很脆口，而且不過咸，整體來說普普通通。

因為今日想食西式所以就同朋友一齊呢間GROVE佢係連鎖式既本來想食佢煙三文魚LUNCH SET但我同友人12點9左右去到已經話無哂咁我就叫左呢個依文士鷄肉蘑菇扁意粉佢味道偏清淡 都合我口味 但份量略為少而且真係淡左D既如果食開正常口味會覺得一餐都無咩所謂 但如果重口味的呢間餐廳絕對唔岩你最後我因為唔夠飽 外賣左個三文治返去食佢三文治出奇地好, 包係多穀麥包, 而且蛋都唔係薄過紙都算係唔錯之選, 重點係新鮮, 如果佢凍櫃無你可以要求佢即整俾你所以之後我都成日去買三文治雖然價錢比出面偏貴 除左因為新鮮因為真係飽肚D...希望日後你地既意粉份量可以多返少少或者LUNCH SET可以俾人揀沙津

發現GROVE出現在荔枝角區，即去支持一下，選個沙律做午餐，點餐時雪柜裡的煙三文魚牛油果沙律售完，店員說會立即為我做一份，心想very good，應該會更新鮮點，$39一份沙律，份量少是預計之內，二大片烟三文覆蓋了下面的牛油果&沙律菜，看上去都頗吸引吧。沒想到...... 回到公司用餐時才發現，牛油果是用了黑色已壞/熟透/有異味的部份(如圖)，肉眼看也能分辨是出了問題吧! 份量約1/4個牛油果，若是放雪柜久了變黑還可以說得過去，但這份是即做的沙律菜，怎可能明明知道是有問題的生果還用來做菜!! 這次經驗完全破壞了我對GROVE食物水準的信心! 

My friend and I went here for a quick lunch, and we both ordered a set lunch of a Smoked Salmon and Egg Salad Wrap and Iced Milk Tea. The entire meal costed $44, which was quite an affordable price. Because we were afraid of running late for an event, we both decided to order the meal as take-out, though we did end up eating the meal in the shop. The staff was quite polite and helpful. My friend asked for no tomatoes in her wrap and they didn't forget like some restaurants tend to. The atmospher