HABITŪ table (美麗華廣場1期)

营业中

休息中

星期日既下午 無所事事 最岩就係約埋朋友仔食個tea 聚聚舊 habitu蛋糕一向出名今次係玫瑰味既蛋糕 ，玫瑰千層蛋糕 每層都有厚厚的奶油 奶油帶有玫瑰香味 亦好軟滑朋友仔叫左個玫瑰芝士蛋糕芝士加上玫瑰味 好特別 係少有既蛋糕口味配搭配合玫瑰妹的特飲 在繁忙都市享受個美好下午 同朋友傾下計 食個tea

我們訂了位，想加一位，但服務員拒絕。事實上，只是更改訂位人數就不能享有拆扣，但服務員一句「唔得」，令我們誤以為加多一位就不可以進入餐廳。我們其實並不介意沒有拆扣，只是服務員沒有說明清楚更改用餐人數就要付正價。另外，我們打算飲品食物一併落單，但服務員在我們叫完飲品後以不滿的態度問我們「你地叫唔叫野食架」。就算只叫野飲，也無不妥，因為餐廳沒有規定每人最低消費。如此惡劣的服務態度，一定一定以後不會再光顧。

今天經某平台訂座，有五折優惠，當然有大食大，試試心水餐點和甜點。龍蝦扁意粉$198/半價後$99這龍蝦意粉賣相吸引，而且龍蝦已經起肉，大大件，啖啖肉。龍蝦肉味道唔錯，肉質爽口，幾鮮味。而醬汁是紅卜卜的蕃茄汁，完全是天然蕃茄味，酸爽清新。扁意粉口感爽滑，而且掛汁力十足。醬汁雖然比較稀身水感，但勝在味道濃郁。本以為是龍蝦汁意粉，但蕃茄汁都唔錯，算是稱職的龍蝦蕃茄扁意粉。慢煮豬肋骨$198/半價後$99這慢煮豬肋骨份量唔少。豬肋骨肉質軟嫩，而且富濃厚豬味，幾juicy. 配菜有青瓜、青蘋果和西芹，口感爽脆、清新，配上肉感的豬肋骨，是幾好的平衡。半價後只是$99， 認真抵食。心太軟$88/半價後$44這心太軟熱呼呼的，朱古力旦糕軟腍鬆身，質地輕盈，配上香醇的流心朱古醬同冰感的拖肥雪糕，一冷一熱的衝擊，味道甜美,朱古力味爆燈，唔會過於甜膩，不錯。以半價可以吃到龍蝦意粉同豬肋骨，實在抵食，而且味道唔錯，絕對可以encore.

本身想去食個玫瑰tea, 點知星期日無得high tea 架...😅咁就散叫喇。食左個 cheese burger, 好正好 juicy! 啲肉汁必出黎咁濟～肉味又香薯條粗到好似薯角咁～仲叫左個 strawberry rose cheese cake 淡淡嘅玫瑰味，加上好香芝士味喔！彌補返食唔到玫瑰tea 嘅失落😹 老公飲最愛嘅 earl grey latte, 我就試下個哈蜜瓜桃茶。我果個就一般水果冰茶嘅味道～無咩哈蜜瓜味，不過有一片大哈蜜瓜。總括黎講！好味！捧住個肚走

裝修感覺好浪漫 好多花 好適合女孩子😀我們2人點了一個all day breakfast 及一個carbonara，原本想叫凍飲 點知冰機壞左🙄見到餐牌有果汁 唸住叫 點知服務員又話無果汁 .......All day breakfast 賣相唔錯 腸仔好味 炒蛋夠滑 啡菇好多汁好味道 煙肉正常 但件多士感覺硬左少少 又無牛油 只有果醬 唔太啱自己口味carbonara 正常無香草，但竟然落左香草 感覺怪怪地🤔 但忌廉汁都足夠 拉回少許分數總括來說 最喜歡個裝修

黎到尖沙咀,真係好多人,想搵間唔洗排隊既餐廳真係有d難道,想搵間坐得舒服唔會趕頭趕命既,已經foul走左一大堆,咁岩今日係苦惱緊之際,就諗起美麗華既habitu~呢間係底層既cafe一黎已經少左一堆唔會落黎既客人,餐廳佈置有心思,比人優雅既感覺,起碼坐得舒舒服服先,叫左個all day breakfast,有小妹最愛既牛油果同大啡菇☺️scrumble egg配埋rose latte,特別香,all day breakfast黎講,小妹都係最愛habitu🙈

放假約左朋友去尖沙嘴行shopping，行行下有d肚餓，就去左Habitu 度tea。見到display 櫃入面有款玫瑰士多啤梨cheesecake好靚，就買左件黎試下。cake topper 係玫瑰花型的朱古力，cake 邊就有d玫瑰乾花辦，賣相好少女系，非常精緻，淨係睇住件cake 人地都開心d。件cake 口感幼滑細緻，但唔會太濃稠，係mousse的輕盈質地，中間有粒士多啤梨，酸酸甜甜，感覺好fresh。

已經第二次幫襯 今次真的大不如前由一入門口待應便提醒每人最低消費$80 第一次的溫馨提示當然是沒有問題當你從一坐下到看餐牌這短短的時間內會有3位不同的待應專登走來提醒你最低消費是每人$80 ，是一種甚麼的服務態度？難道我的樣子一看上去就是一副消費不起$80的樣子？水只是一坐下時放下了一杯，看見客人喝完了也視而不見，不會主動替客人加水。而且待應說話的態度一點也不友善，令客人感覺不好 此外，食物質素普通至極，中規中矩。其實這間餐廳以玫瑰花做主題真的有效吸引客人，食物主題有特式當然重要，但餐廳亦應著重員工的培訓及管理。若處理不善會嚴重嚴重客人對餐廳的印象。經過這次不愉快的經歷，應該再不會幫襯這間餐廳。

在店裡呆久了要出去走走本來想說去看書的結果中途被玫瑰引走了店內滿滿的濃郁玫瑰花香牆壁天花都有玫瑰像進了一個沒蟲沒刺的玫瑰花園座下來能讓人綳緊的精神得到舒緩Cold Zucchini Cappuccino W crab meat mayobtoastie夏南瓜品種味道不重凍湯被香草和蔥的味道蓋過了感覺變了飲蔥冰水有著不少的碎冰塊而包包也是只有香草和蔥的味道但新鮮出爐熱熱軟軟的真不錯Fresh 🍓W rose strawberry jamFrench Crepe, vanilla gelato玫瑰味道。。沒有大概是被場內的玫瑰花香入侵致臭覺疲勞了@@可麗餅煎得超薄韌韌又香脆但放了一下子就會被上面的Cream和冰淇淋凍到不脆了所以這個要快快食上面也放了香草好夏日的透心涼啊下午茶尾聲時間只有兩個服務員辛苦了這裡的等待時間比較長快至10分鐘慢的接近半小時都是即點即時制作的請不要來這裡趕時間放慢步伐讓自己好好休息

未見過一間餐廳員工咁無禮，由叫菜到加水，每次都要嗌成10分鐘先有人應，過到來仍然係黑面。反而食到尾聲，就頻頻過來check我地枱食晒野未，埋單時更加係一碌完卡就扔下張單就走人，完全無等客人拎卡。問心，下午時段全間餐廳得2成客人都無，全店有4-5個員工，都唔算真係好忙，點解可以扮睇唔到客。佢地嘅態度好似啲客人爭佢錢咁，係咪公司份糧太少呢？如果我去茶記食係咁都算，你呢個價錢係咪服務應該正常少少。絕對唔會再幫襯。

weekend如果能夠嘆返份豐富既早餐同一杯熱騰騰既咖啡，真係一件好幸福既事～所以久唔久就會去Habitu 食佢經典既All day breakfast，一份入面樣樣野都好好味，香腸、炒蛋、多士，仲有果jam都係高水準。價錢雖然貴d, 但放假係要對自己好d d 既😌

之前睇雜誌介紹，HABITU 新推出佐以玫瑰為主題嘅「 ROSEMANTIC SUMMER 」夏日限定menu🌹一見到就即刻約埋閨蜜嚟試下！為配合主題，餐廳佈置都換佐滿滿嘅玫瑰花！頗有心思！不過可惜原本最想試嘅 「巴黎玫瑰千層蛋糕」已經賣哂！最後決定試下：⭐️玫瑰士多啤梨芝士蛋糕 （$44）一上枱，就散發出啖啖嘅玫瑰花香味，賣相相當吸引！絕對係影相厄like之選！蛋糕裡面有原粒士多啤梨🍓配合芝士 & 白朱古力片，味道好fresh ，甜而不膩！⭐️玫瑰蘋果乳酪特飲 （$60)⭐️玫瑰香片茶寒天梳打（$55）乳酪特飲 》初初有啲怕味道會似藥水味，但 乳酪冰配搭新鮮蘋果& 紅菜頭汁，加上陣陣玫瑰花香味，味道清新又開胃！寒天梳打 》玫瑰香片配合爽口寒天，既有層次又清新！⭐️濃香煙肉忌廉意粉（$118）意粉質量不過不失，忌廉汁香味夠，但略微不夠creamy 。以這價位，性價比不算高。

話說呢間聞說好出名嘅cafe，我一直都無試過，但朋友突然話佢有半價所以去食呢間，都幾期待食物質素如何。門面的確係靚靚，朋友說間間個門面都有唔同嘅theme,美麗華呢間就係少女風，花花feel，我個人對呢啲充滿少女情懷嘅裝潢無咩特別感覺，睇得下，但唔會主動去影相，不過我見都幾多人同個花花招牌影相。店員服務唔錯，都係個啲少女風cute cute 嘅waitress.我地二人叫左個cabonara， nachos，all day breakfast同埋蟹餅個cabonara，一般啦，唔叫難食，都幾有芝士味同有啲汁咁， 無特別深刻嘅回憶咁Nachos,因為朋友唔食得辣嘅關係，佢問waitress 可唔可以分開個辣醬，watress話ok,不過佢上到黎碟野，係分開左個olive oil同番茄粒，個nachos啲肉醬依舊係辣辣地嘅，但其實好少，所以朋友都能接受,但我就嫌太少sour cream...但個nachos都份量多嘅All day breakfast係benedict黎，無平時咁濃味，應該係個醬嘅問題，因為佢得個pama ham同蛋味，無個種獨特嘅all day breakfast 風味，

女人與玫瑰花結下不解之緣！今個夏天直頭要食埋佢落肚(唉呀～即刻恐怖感咗tim），應該話～今個夏天無論外在影呃like相定內在都散發超浪漫玫瑰花氣息～齊齊浸沉係玫瑰花浪漫氣氛無論同伴侶定閨蜜，「浪漫玫瑰英式下午茶套餐」一路食一路sweet到入心。Venus係尖沙咀美麗華廣場低層地下HABITŪ Table分店享餐，尤如進入玫瑰後花園，Venus剛剛好可以坐係玫瑰花牆側，見到同場每個角落都有靚女打卡，我當然唔執輸即刻進入瘋狂selfie mode^^「浪漫玫瑰英式下午茶套餐」Venus最鐘意乳酪飲品，所以就選擇玫瑰蘋果乳酪特飲，依杯特飲清甜開胃，用至fresh蘋果、紅菜頭汁加入自家製浸製honey同玫瑰味乳酪碎冰mix埋一齊，杯頂仲有片片乾玫瑰花，健康又有益朋友就揀咗玫瑰香片茶寒天梳打，寒天係用茉莉香片製作而成，清幽淡香，另外有紅菜頭汁增添色彩，貫徹粉紅味道迷你玫瑰乳酪芭菲好香滑，加入麥片令口感更加好HABITŪ經典玫瑰士多啤梨芝士蛋糕真係比10個like，芝士同士多啤梨味融合得剛剛好，唔會互搶味道，淺粉色朱古力刨花勁吸精，即刻selfie先最後食個玫瑰花造型脆米朱古力就好sweet咁食完

今天下午4:00左右，因為未食午餐行經美麗華就入去睇下有咩食，我入到商塲落咗一層望見有2間餐廳，右邊位置餐廳內座位係似有架車的座位都很特別，但食物不吸引所以我就去了左邊即Habitu 今次食呢間，門口係好開陽的，有很多玫瑰花作裝飾好靚，燈光又好柔和令人有舒服感覺，入到去員工好友善好有禮貌招呼我入內，送上清水，餐牌不是太多選擇但飲品有一張是玫瑰花主題的甜品及飲品很特別！我今次叫了全日早餐及鮮奶咖啡，全曰早餐有菠菜香腸、自製煙三文魚、大菇、煙肉、茄汁豆及軟包，菠菜香腸很特別，茄汁豆內也有大細豆放在一起，還有士多啤梨果醬食麵包，很豐富很満足，其實好想試玫瑰做主題的甜點，但真的很飽所以我下次一定會再來一試的😬