HAHA CHICKEN 하하치킨 (西九龍中心)

营业中

休息中

有一段日子無來西九龍中心food court！今日碰巧有事經過這邊，順便上來吃飯。發現又多了好幾間新餐廳，決定試試這間韓式炸雞「HAHA CHICKEN」。點了雙拼，每款各有半隻。炸雞款式有7款，店員推薦他們的王牌產品——芝士炸雞。雞件即叫即炸，上枱熱辣辣。外層炸至香脆，而且沾滿芝士粉，充滿濃郁的芝士香。雞肉嫩滑juicy，即使雞胸肉部位也不會太柴。雞件做了去骨處理，入口啖啖肉。另一款就點了甜辣口味。外皮蘸上韓式甜辣醬，還有少許花生碎。雖然說是甜辣，入口味道屬於偏甜，不辣的。不過也許甜辣醬有點多，2款中這個相對膩一點。炸雞套餐還附送飲品一款。薯條同樣即叫即炸，用的是扭紋薯條，可以沾上更多的味粉。粟米濃湯味如其名一樣，味道很香，非常粟米濃湯。安東雞醬份量好多，包括了雞肉粒、薯仔粒等。醬汁鹹中帶甜，佐送白飯一流。

七種口味的韓式手工炸雞任你揀，仲可以叫雙拼 試多啲唔同味除咗炸雞還有炸魷魚、薯條、韓式飯卷等小吃🍽️ 主打大份又實惠的韓式炸雞套餐，只需50元左右，性價比超高！👏🧀️ 皇牌芝士炸雞必點！✨看其他人都在點這款炸雞，原來是店裡的招牌！😍 芝士粉濃郁誘人，搭配新鮮出爐、即叫即炸的爆汁雞塊，好吃到停不下來！😋🌶️ 麻辣炸雞🌶️加了麻辣味後，香脆炸雞更加美味！輕微辣度反而讓炸雞更香更好吃！🔥🥣 粟米濃湯薯條 粟米濃湯味的薯條超少見！但真的很搭很好吃！魷魚鬚 調味偏重口味的 真係好邪惡啊！炒年糕 份量都幾多 好煙靭

前幾日同朋友傾開計，大家都好想食韓國嘢，之後我就醒起西九龍中心間樂樂豬手都幾好食，朋友話好想食埋炸雞，所以就分頭行事，一人去買一間。呢間炸雞店有成七種口味咁多，而且套餐仲包一碗飯同一款飲品，性價比都幾高。我地就叫咗兩個餐試下，揀咗最經典嘅甜辣炸雞同埋最邪惡嘅辣芝士炸雞，而飯方面有兩款，有卡邦尼飯同埋安東雞飯，好貪心咁想試曬兩款，就每樣要咗一碗，飲品就以罐裝飲品同埋紙包飲品為主。炸雞即叫即炸，夠曬熱辣辣，一份有三件雞，仲有兩件年糕伴碟，入口皮脆肉嫩，而且仲係無骨啖啖肉，真係夠曬滿足，甜辣味辣度唔會好辣，想挑戰味蕾就一定要試下辣芝士炸雞！另外仲叫多咗半隻芝士炸雞，未食已經聞到陣陣芝士香氣，成舊雞都沾滿芝士粉，味道鹹香突出，食到停唔到口。卡邦尼飯同埋安東飯滿滿醬汁，配料都幾充足，細細碗又唔會太飽。

睇相見到啲炸雞睇落好吸引就嚟試下！嗌咗招牌芝士炸雞餐，加咗份粟米濃湯薯條（+$22）炸雞偏細舊，好脆，炸雞外面超級多粉，味粉係好食嘅。不過實在太多粉，食一舊就已經好膩！強烈建議如果要食，最好同朋友share..炸雞入面偏乾身，似係食緊雞胸質地🙂‍↕️希望可以改善下！至於薯條，都係超級多粉，味道正常，似係shake shake薯條咁，但唔值得用$22加購一份😂呢到總共食咗$73感覺食物好普通，專做炸雞嘅店，炸雞都唔滑冇汁，咁令人失望；份量亦偏少，建議食kfc/Jolliebee好過😓

深水埗西九龍中心還是那麼多人真的很利害，可能係有過山車，可能以前是明星表演集中地地帶，現在還是有不同年齡階層的人穿穿插插。商場8樓出名好多嘢食，就好似台灣的市集一樣，只不過是係室內，有冷氣，行到去已經好多人食嘢，電梯一上去行多山步就見到呢間鋪頭，炸雞嘅Menu圖片已經覺得不錯，隻豬又好得意。自己食完太好食，叫多左分年糕豬手炸雞外賣比屋企人食。玫瑰卡邦尼炒年糕真係好好食，性價比高，抵燈光照落去金金黃黃，啲汁浸滿年糕，年糕份量應該有2幾條入晒味，十分煙靭，淨係夾起一羹洋蔥，煙肉已經好滿足。卡邦尼醬汁好出色好味道濃郁，質感厚實，極力推薦豬手買俾屋企人，叫咗半份先係$78同街市差唔多。本身我唔食豬手，但味道真係好食到我會再買，同街市嗰啲完全唔同味。。。豬手大大件好林，勁入味，味道有別於街市嗰隻滷水豬手咁鹹同油膩。 呢隻每啖肉清爽，肉質嫩滑彈牙，加埋啲蒜蓉味道融洽，再加埋佢啲櫻花菠菜一齊食，味道一試難忘，酸酸甜甜，食得屋企人好開心。炸雞更出色叫左辣芝士炸雞，但只有2%辣。仲叫咗麻辣炸雞，真係太好食。。包裝盒都好靚。好食在於啲雞肉冇呃人，每一件都大大件，好新鮮，啲肉質係白色，咬落口勁酥脆，做到炸雞

如果喺西九龍食飯，Haha Chicken嘅芝士炸雞及安東雞飯係一個可以一戰嘅選擇。呢排喺呢頭返工，聽同事講呢一間嘅炸雞幾好食就去試吓。等嘅時間都唔係好耐，買完返公司食，覺得芝士炸雞外皮酥脆，內裡芝士香滑濃郁，炸雞肉質嫩滑，絕對唔會乾柴。安東雞飯方面，米飯正常，雞肉嫩滑，味道都ok！而且，對我一個比較細食嘅人而言份量足夠，一人份就夠飽肚。價錢方面，性價比正常，值得一試。整體而言，Haha Chicken嘅芝士炸雞我會比4.5分，飯就3.5分。

粟米濃湯脆薯條🍟 必食粟米濃湯脆薯條🍟 必食粟米濃湯脆薯條🍟 必食真心覺得薯條係好好食，搵唔到第二間餐廳可以有咁出色嘅薯條薯條拎出來熱辣辣，大大份，粟米濃湯味濃，好啱我，直情係comfort food。每一條薯條都好實淨，唔會淋。食到最後炸雞和薯條都仲係熱辣辣。感覺係即叫即煮，加埋汽水係一流炸雞都好好食，無骨，啖啖肉。炸雞加薯條，非常夠飽，大大大滿足係週末想放鬆一下的必食之選忘記了影相，下次補返相片

突然想食炸雞，見到呢間便嘗試下，發現價錢昂貴，網上點餐 $60只有3舊雞， 然後味道一般，而且老闆娘態度極之惡劣，對客人呼呼喝喝，已列入黑名單，永不光顧。如果有其他選擇，不知有什麼原因再會揀呢間

昨天在社交媒體網站上面看到這家店的推廣，條片話呢間HAHA CHICKEN既炸雞又平又好食。作為一名嚐過各大快餐店及小店炸雞的炸雞控，我專登由港島區去西九呢間嘗試。亦都因為試完之後，第一次係OpenRice開帳戶寫食評不吐不快。我叫左50蚊一個韓式甜炸雞餐，有包一個雞飯同一罐汽水，飯就中規中矩，冇咩好評論，畢竟我係專登去食雞既，所以就係評炸雞既味道。講到個雞就真係令人大失所望，件件都好細件。食過麥當勞、肯德基、PHD既炸雞都知，佢地既炸雞都係手板甘大，份量十足。而呢間HAHA CHICKEN既炸雞好就似上述快餐店既炸雞一件切開兩半甘，得一半既大小同份量。至於味道，更加慘不忍睹，人地間間炸雞都好入味，而佢淨係醬料有味。如果冇對比其他餐廳既炸雞，甘當然覺得好味啦，但對比過之後，真係難食過麥當勞。但價錢呢，佢50蚊套餐可以簡4件雞或3件雞配飯，最平都係一件12.5，不見得平過麥當勞幾多。值不值，大家自己有個評價。食評係個人主觀感受，客觀請自行判斷，所有資訊僅供參考之用，不承擔任何責任。

真心講句M記炸雞都好食過佢🙂‍↔️失望至極我本身都係做餐飲嘅，前後5分鐘都冇就出到餐嘅炸雞明顯係返炸一咬落去就出曬事1. 個賣相係好深色好似燶咗咁（圖1）2.個炸雞唔夠熱里面係暖嘅，正常炸雞係唔應該咁係應該冒煙燙嘴，明顯油溫唔夠熱3. 甜辣汁 苦嘅難以入口 醬汁好水 冇甜辣味上面放左2條炸年糕都唔似韓式炸雞😔我走去同店員理論佢仲嘴硬話佢啲炸雞係即叫即炸，不過最後肯重新整過一份，雖然味道都強差人意體驗感差。榮獲本人食過最難食炸雞之名。

皇牌芝士炸雞餐（$49），芝士炸雞三件，即炸，脆口不油膩，雞肉仲有少少肉汁唔乾身，芝士粉夠多但味道唔算太香濃，另外仲有2條炸年糕，口感煙韌味道正常；安東雞飯（細，轉大加$5），有薯仔粒，紅蘿蔔粒，雞肉粒，味濃；汽水一罐。

🥡掃街 🐻#炸物控 🐻‍❄️#新奇控——————【西九龍中心 之 $200掃街食到飽】——————推介💯Haha Chicken🍗甜辣炸雞$37 (單點)3大塊雞，外脆內嫩😆而且無骨👍🏽👍🏽醬咸咗少少，初初食味道似醬油多過甜辣😛不過都好味嘅～辣味只有少少，怕辣都可以試🤣位於8樓food court內，不過🐻🐻‍❄️去嘅當日係星期日，所以非常難搵位，好彩炸雞🍗嘅盤設計得幾好，其實攞住邊行邊食都一樣得😆👍🏽結論：會encore，性價比非常高💯👍🏽

今天隨便選了這間韓式炸雞吃 想不到有驚喜………………………………………❤️蒜香醬油炸雞餐 炸雞套餐裡面有包3塊無骨炸雞年糕🍗+ 卡邦尼飯/安雞東飯🍚+汽水🥤炸雞的分量大，做到外脆裡嫩，肉質軟爛多汁😚每件雞都裹滿了醬汁，溫和蒜香味，咸甜適中🤤可惜年糕的分量有點少，卡邦尼飯也比較一般，但不難吃。🧡狂熱脆薯條🍟 (套餐加購）薯條是波浪粗薯，剛剛炸起，熱乎乎的，口感很喜歡。口味就是普通燒烤味，吃到後面比較咸。😮‍💨看到網上比較多人推薦玉米濃湯/紫菜，下次再試試🥹

下午茶時段黎到西九龍中心，想食少少野揀左呢間韓式炸雞店炸雞套餐大約$50包括3件炸雞+一碗仔飯+飲品問左店員意見點左3件辣芝士炸雞$38(佢形容食到譚仔3少辣都可以carry到呢款炸雞)等左大概6分鐘，熱辣辣炸雞即到好大件無骨雞真係啖啖肉食得好爽不過食左一件後就有d唔想食事關太多味粉 好似食味精咁當然雞肉係唔乾嘅而佢嘅雞肉本身冇特別調味 所以呢款唔係我杯茶我比較鐘意更juicy嘅 例如甜辣雞果d款式最好就有骨添p.s. 如果佢d炸雞件可以單件買，我覺得會更好

西九龍food court 好多美食選擇今次俾韓式炸雞 HaHa Chicken 吸引左勁多款炸雞口味，有辣有唔辣仲有極邪惡嘅皇牌芝士炸雞一個炸雞餐$50都唔洗，真係好抵食🤤🍗甜辣炸雞餐 $48甜甜辣辣好味又開胃，辣度係微辣，唔食得辣都唔怕炸雞都幾大件，咬落肉質juicy跟餐配一個飯&汽水一人份量已經好夠飽🧄 🍗蒜香醬油炸雞餐 $48醬油味濃，食到尾會有蒜香餘韻🍚卡邦尼飯口感creamy，味道偏淡安東雞飯味道則較鹹🧀 🐔芝士炸雞(3件) $38想試多少少炸雞口味，額外order左芝士炸雞芝粉極濃厚，咬落重重嘅芝士味，芝士控一定超滿足🧀 🦑芝士酥炸魷魚(半份) $39同樣嘅芝士味，炸魷魚口感都唔錯👍🏻總結兩個人食埋單 $200 已經食到兩個套餐、三款口味炸雞、一個小食飽到差D食唔曬，性價比真係好高，飽肚之餘亦帶來味覺滿足👍🏻