Hana Eggettes

营业中

休息中

收工行過諗住想食下雞蛋仔，諗住試下呢間，見到佢寫即叫即整，我先試下，出邊有啲整好哂唔好食，叫左個原味試下，比出面貴啲但係如果好食就無所謂啦，點知出到黎又唔熱又硬又乾，外脆因太乾但係入邊喺空心嘅，又冇蛋味，我同朋友一齊食，朋友一食就話佢應該係整好翻熱如果唔係點會咁樣，我地都食過即叫即整唔會咁樣過囉應該係外脆內軟，早知唔食啦，咁嘅價錢俾啲咁嘅野我。無下次。呃人又話即叫即整。而家咁嘅經濟，咁樣做生意又唔好食好難做得長。

好好味、好特別的星星雞蛋仔打卡一流星星雞蛋仔全港應該唔至一間，但呢間值得一試！早上去到，鋪頭未開始營業，開咗半個閘，遠處已經聞到好香的雞蛋仔味，真係憑着嗅覺揾到間鋪。由於未開門，下午再嚟過食。下午終於食到！本身想買奶黃味，但賣哂最後揀咗奶茶味。因為佢即叫即整，所以買完之後要等一段時間。出爐有得食！奶茶味好出！淡淡的奶茶味，配埋雞蛋仔的雞香，外脆內軟，好好味下次要試埋其他味！

店員又咳又唔戴口罩，咳曬落d小食度，極唔衛生。上星期買雞蛋仔，見個矮矮地長頭髮嘅女店員（雞仔聲果個）不停咳，又唔戴口罩咁廚房整完野食拎出嚟，已經覺得唔對路。食完之後冇兩日我就喉糖痛，而家感冒唔舒服到pk，多得佢傳染🙄（我平時一年都唔感冒一次）我再去嘅時候留意到其他店員都係唔戴口罩（有位頭髮及肩嘅阿姐）。好心你地做食肆就戴口罩整野食啦。冇病都還好，一路咳都唔戴口罩？你知唔知好趕客呀？雞蛋仔就算好食又多口味我都唔會再幫襯，食病自己dllm。第一次openrice寫就係寫黎鬧你地，堅嬲哩次

💛 值得支持既小店 💛1️⃣ 紫菜肉鬆雞蛋仔即叫即整，雞蛋仔外脆內軟，每粒都包住紫菜肉鬆，咸咸香香，食到停唔到口👅🌟除左雞蛋仔，仲有格仔餅，小食同飲品，味道選擇多

油塘差唔多係黃店既沙漠，不過係鯉魚門廣場同大本型中間連接天橋路口發現呢間小食黃店💛呢間小食店都算幾搶眼，個名有日式和風詩意。 小食店佈置有齊哂揮春同埋公仔等等🐸話明小食店就梗係有齊哂魚蛋燒賣撈麵呢d基本款式，仲有最signature既雞蛋仔同格仔餅🧇 以呢兩樣野為主打，咁當然係對自家蛋漿好有信心，因為兩樣小食都要對蛋漿既品質同比例有高要求🥚 今日食既係新出品的Lipton奶茶星星雞蛋仔($28)☕採用高山茶葉係地道港式奶茶既味道，茶香中夾雜蛋奶味。 蛋漿本身不甜，但有穀物星星去提昇甜味，以及有香脆口感，和雞蛋仔煙韌感迥異，很有火花💫

聽聞油塘嘅💛💛💛店選擇並唔多，呢間hana eggettes就係數一數二嘅一間😻😻當然要嚟幫襯下啦，佢嘅前身係摩牙雞蛋仔，但係之後呢一間hana其實味道都好唔錯㗎😋😋😋-我自己就比較鍾意食奶茶雞蛋仔同埋朱古力格仔餅，仲有一個好特別嘅蜂蜜流心雞蛋仔，每一粒雞蛋仔入面都有一粒蜂蜜爆珠，一咬落去爆出嚟口感好特別呀😻😻全部都整得好脆身，而且仲好多醬，次次都食到好滿足😋😋💛呢啲小店真係要支持下

有一排香港好興食呢一隻星星型嘅雞蛋仔，但執執下好似執淨幾間🤣而油塘仲有一間，於是就去試下🤓❣️朱古力星星雞蛋仔$28即叫即整，所以都等咗差唔多15分鐘，拎上手都有一定份量，雞蛋仔好飽滿，係實心的，反而唔係屬於脆身個種，甜度合適🤓好味度：7.5（10分滿分）

無驚冒險又到星期六日有假放，隨住holiday mood而來嘅就係大吃大喝comfort food既時候🥰🥰小食之首除咗燒賣之外，唔少得嘅就係熱辣辣🔥🔥🔥嘅雞蛋仔🧇相信冇一個香港人唔鍾意啦😋😋今日帶埋小朋友去揀，佢話要紫色星星嗰個，我望咗好耐餐牌先發覺原來有樣味道叫做紫薯星星🤣🤣都真係搵左陣個樣又幾得意喎，於是叫左底試試新野🐽出爐喇，個實物冇餐牌幅圖咁鮮紫色，係灰紫色，食落係除左平時既雞蛋味，仲有紫蕃薯味，多左一個層次又幾得意。下次都要試吓其他新口味先，啱啱見到佢出咗鹹蛋黃雞蛋仔🥚都好想試㗎

今日夜晚放工屋企無煮飯又九點幾啦 呢排因為疫情好多舖都收早 行過天橋見到雞蛋仔舖仲未收舖就去買左底雞蛋仔食 本來諗住食朱古力味 但收銀果到寫住新出左個鹹蛋黃味 自己本身又幾鐘意食呢類野就叫左個嚟試下 因為夜晚都比較少人 等左大約6分鐘左右就有得拎 拎上手都聞到好大陣鹹蛋味 然後忍唔住即刻搣左粒嚟食 味道唔錯唔會太甜 蛋黃幾足 之後仲買左兩粒大魚蛋 我要左咖喱汁 加埋都好夠飽 翻去都唔使再食其他野 咁樣就一餐 下次有機會會再試下其他味

行過想搵啲小食，咁岩見到雞蛋仔，咦，啱我心水，買底食下先。見到前面幾個人都係叫雙重朱古力雞蛋仔，咁我就跟隊一齊叫埋🤫。如果唔係嘅話我應該會揀原味🤣，試咗好食先至再叫其他味🤣。有落單到拎到雞蛋仔，時間大約15分鐘，唔算快，可能因為係即叫即整嘅關係。到手了，但雞蛋仔唔夠脆，不過就幾飽滿既。味道幾香朱古力味，可能因為有啲朱古力粒喺度。

商場附近都冇乜小食店，經過咁岩見到就試吓啦，以前都有買開嘅，不過轉左手就真係第一次幫襯。$27 一底，所以我就揀咗朱古力味。當我行埋去收銀處落單話要朱古力雞蛋仔，個呀姐返我白眼咁話：咁你係要朱古力定係雙重朱古力雞蛋仔?‼️重點係講嗰陣佢返我白眼‼️ 。心諗咩事啊，買個雞蛋仔姐。見到佢咁嘅反應我就呆左，手抓住嘅錢擺番落褲袋。然後個阿姐應該覺得有問題所以態度180度轉變，即刻解釋有咩分別🙄。咁當然到最後我都有叫，轉左手試吓佢咩料子先。味道一般，朱古力底唔夠味，好彩有啲朱古力粒幫補吓，雞蛋仔唔飽滿，空心，我買依底就真係冇外脆內軟嘅效果。