影片
港铁沙田站 A3 出口
继续阅读
电话号码
3108 2197
6320 2515 (WhatsApp)
开饭介绍
Here Thai Market由两位泰國米芝蓮名廚，Chef ton及Chef Man聯合主理，目標是將正宗泰國風味的菜餚以高性價比的價格展現給香港人。 Chef Ton旗下的兩間餐廳“LeDu”及“Nusara”分别登頂2023年“亞洲前五十佳餐廳”的第一名及第三名。Chef Man更是揚名泰國已久的粵菜米芝蓮餐廳“文苑”的創始人及主廚，擅長烹飪中泰融合料理。 在Here Thai Marekt中，将地道正宗的所有泰國風味以极具性價比的價格展現给香港人，如泰國著名美食泰式海南雞、泰式串燒、船麵等等。 同時引進著名泰國本土古法咖啡品牌——Lung ngen Coffee,一間超過五十年曆史的品牌，在東南亞馳名多年。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
一向喜歡食泰國菜既我，知道沙田新城市廣場新開咗一間面積好大好闊落，內裏裝潢好靚嘅泰國餐廳，木系格調充滿泰國特色風情，就連飯碗都係用椰子殼嚟做嘅，好特別吖😍重見到有房間可以book 㖭架👍🏻而且仲有泰國米芝蓮主廚坐鎮㗎😮🌀蟹肉炒飯$168呢個蟹肉炒飯嘅蟹肉份量都幾多，重要都幾鮮甜，好欣賞啲炒飯炒到粒粒分明之餘又唔會話太過乾，好好食👍🏻配埋啖啖大嚿蟹肉一齊食香氣四溢😋🌀羅氏蝦炒金邊粉$108金邊粉個醬汁好好食，酸酸甜甜好開胃吖！大大隻新鮮肥美嘅羅氏蝦夠晒彈牙，不過伴食果堆辣椒粉🌶️食得辣先至好加落去呀！因為真係好辣下🥵🌀原隻魷魚$48好大塊燒魷魚🦑燒得新鮮又彈牙，配泰式酸辣汁食，好開胃吖😋🌀泰式鹹蛋魚餅$88泰式魚餅平時就食得多，但呢個好特別，魚餅中間竟然釀了鹹蛋黃😮而且每件魚餅都有足足半個鹹蛋黃😈真係有夠邪惡吖！！好喜歡魚餅肉有勁香既檸檬葉香味，好好食吖😋🌀芒果沙冰$48大大杯用新鮮芒果打成嘅沙冰造型好吸睛🤩好香水仙芒既味道，清甜又解渴👍🏻🌀鮮椰子水$38椰子水好清甜，夏天飲極消暑😋飲到尾食埋啲滑嘟嘟嘅椰子肉一流吖🥰
继续阅读
今日來到沙田新城市廣場食個下午茶，突然間想食泰國菜就上網搵到呢間餐廳。當時心情都幾靓，門口經理帶路入座，但坐低一段時間都冇人斟水，到我們點完餐上菜嘅時候先有人畀兩杯熱水過黎本身冇咩胃口就點個冬陰功豬肉豬肉未豬肉丸豬肝米粉，上到面前睇落去賣相都唔錯㗎，但食咗幾淡，翻一翻個粉，嚇我一跳！！碗粉入面竟然有一隻小動物！！！當時我即刻嘔翻出黎🤮🤮🤮之後叫服務員過黎，佢去確認完係隻曱甴之後仲同我講換一碗，大佬啊食物裡面有小動物邊度仲有胃口食後尾取消咗，個經理過黎講抱歉，送咗兩個甜品。但因為食到有小動物，搞到後面都好唔舒服🤢
继续阅读
去到沙田市中心想食泰國嘢就諗起經朋友介紹嘅一間泰國餐廳😆咁我哋兩個入到去就揀咗一碗粉，一個小食同一杯嘢飲泰式牛腩金邊粉👍🏻👍🏻首先講吓份量呢碗牛腩金邊粉都算幾大碗，之後先試一啖湯，覺得個味道都唔錯，唔會話太鹹味道幾濃郁嘅牛肉味👍🏻加上啲粉都唔會話煮得太林算係幾好食泰式墨魚粒蝦餅😻呢個我就已經覺得個賣相好正👍🏻咬落去嘅時候墨魚粒都幾多，而且炸得好鬆脆個味道好出色，如果大家食呢間舖頭嘅話我覺得係必叫嘅菜😻最後就係杯芒果沙冰佢嘅量係超多，多到飲到最後都差啲飲唔晒，同埋佢係好凍嘅，味道方面就一般水準整體而言呢間餐廳都值得推介嘅，記得食墨魚餅啊🫶🏻
继续阅读
Here Thai Market價錢: $398/ $58好味程度: 4/5服務🍴: 3.7/5環境🗾: 4/5性價比🥢: / (食套餐)回頭率😚: 3.7/5-係沙田的呢間泰國菜空間超大，以水上市場做主題。廚師仲係米芝蓮泰國的，質素應該有返趕上下。前排見佢哋出左promotion套餐，價錢幾抵食就去試試。-✅香茅木瓜沙律。青木瓜爽脆，加埋蘿蔔絲、番茄仔、全部都係清新的配料。調味酸酸甜甜，可惜因為蔬菜容易出水，所以個汁有d稀🤨好彩有啲花生粒惹味啲。-✅✅泰式墨魚粒蝦餅。呢個墨魚蝦餅炸漿好薄，但好脆。彈牙有口感，仲有好多墨魚粒粒😗 酸甜汁都唔同平時嗰啲，呢個酸啲好開胃！-✅原隻魷魚。原隻魷魚燒得有炭香味。魷魚唔韌，好容易咬開🥳-✅✅泰式黑毛豬肉火鍋。呢個幾特別，係少有泰國菜有的野。小火鍋係船麵湯底，有小小內臟同金不換的味道，係好classic的感覺。超濃郁，放埋d米粉落去吸曬湯最正😍 火鍋入面有d黑毛豬片同肉丸，黑毛豬肉片條肥膏好大，但肉味好香，要咬左條邊出來好🤣 肉丸好食，細細粒彈牙有肉香😌仲有好多豬皮同芽菜，好似將一款船麵變左火鍋版本咁‼️-✅參巴辣椒炒通菜。份量好多。青通菜保留到爽脆的口感又吸曬汁。味道好濃，參巴醬落得好足，好食🤩唯一係炒得油左啲。-✅瀨尿蝦炒飯。係有鑊氣的炒飯。飯粒偏瘦長，硬身同乾既。瀨尿蝦都冇霉😛-🆗雙芒椰奶西米冰。呢個好好笑，芒果椰汁西米露同冰係分開😂 就咁食個西米露係OK，因為🥭都好甜。但加d大大粒的冰落去就好奇怪，阻住食西米露，又無理由一路食一路吐返d冰出來，所以食到超lost🤯
继续阅读
早排發現到哩間餐廳想試吓，但係當時遲咗一步拎位，要等成廿張枱😵💫，唯有放棄去其他餐廳。今次再經過沙田諗住去碰下運氣，不過正值晚飯時間，預咗又係大排長龍，照去望下會唔會有機會。去到門口嘅時候，竟然一個人都無😯，可以即刻入座。坐低之後，見到枱面上嘅餐碗仲有飯......已經胃口大減🤮餐廳係手機落單，職員只係需要專心上菜 同 收拾餐枱。當我哋搵附近職員幫手換新餐具嘅時候，職員都顯得有啲唔耐煩。食物上菜速度算幾快，手機落單之後，食物好快就陸續送上。泰式奶茶 ($32)Thai Milk Tea奶茶可以揀熱 或者 凍，甜度 同 冰量都可以調整，想口感豐富啲可以加$4加珍珠。珍珠煙韌，食落有少少甜味。餐廳好有心思，每杯飲品都會套上編織竹杯套，好有特色。可惜杯套上有啲疑似蛋汁嘅污積😥😥，未正式開始食已經對餐廳大打折扣😰泰式生蝦 ($108)一份生蝦有8隻。蝦肉爽口彈牙，都幾新鮮。配埋酸辣汁同蒜片一齊食，好味👍🏻海鮮炒闊河粉 ($128)味道唔錯，調味岩岩好，河粉入味得嚟又唔會太咸，亦唔會炒到好油。但係份量細得誇張，所謂嘅海鮮就係兩粒蝦仁同一件魷魚。兩個人share的話，每人大約分到半碗河粉、一隻蝦 同 半件魷魚😓如果一個女仔食，都未必夠飽。燒羅氏蝦 ($56)我哋叫咗生蝦，炒河粉有蝦，串燒又叫咗燒蝦。唔小心變咗全部都係🦐🦐🦐所有串燒都係兩串起，餐牌上面嘅價錢係一串嘅價錢，入到app落單就會自動計數。燒蝦好大隻，肉質彈牙，蝦頭仲有好多蝦膏，正😋餐廳唔收加一，不過會收返每人$10茶錢。後來上網見到餐廳由米芝蓮名廚打理，整體食物味道係唔錯，不過份量真係少得誇張。同衞生方便有待改善😐食到一半大約係8點左右，仲係晚餐高峰時間，但係餐廳已經有1/3空枱，我諗好多食客都同我一樣，食完無下次。
继续阅读