HeSheEat (綠楊坊) (已結業)

人氣Café #HeSheEat 位於綠楊坊中心地帶，鄰近荃灣港鐵站，環境舒適，尤其甜品方面就最出色，一於同朋友勁食D好野減減壓。餐牌有著不同菜式選擇，例如Risitto、Pasta、Burger、沙冰、刨冰等…✨牛油果蟹肉凱撒沙律新鮮爽脆沙律菜，又有切成細細粒嘅牛油果，加埋酸酸甜甜嘅沙律醋，開胃好食😋✨三重芝士大蘑菇黑松露牛肉漢堡配田園沙律即叫即煮的漢堡，漢堡外皮鬆脆但內裏依然鬆軟，內有芝士炒洋蔥、蘑菇、蕃茄，多層口感好滿足，融入結實超Juicy厚身安格斯牛肉，黃金組合，每一啖我都好享受。✨墨魚汁意粉女孩們要留意，食完呢個食完排牙會黑曬，意粉炒得幾有鑊氣，味道有少少辣味，昇華起成個意粉既味道。意粉份量多又掛到汁，配上煙韌彈牙既墨魚同濃味墨汁，值得一試。✨Homemade Strawberry Mojito ✨白桃凍檸檬茶（跟餐）中規中矩，唔會太甜，有幾片檸檬亦唔會薄過紙，唔錯唔錯！✨牛角包窩夫日式紫薯牛角包款式既窩夫外脆內暖，紫薯口感非常軟淋，而且芒果鮮甜完全不酸！總結：環境乾淨整潔，呢個價錢、質素、地點，怪唔得有咁多人黎食😋，呢餐食得好滿足啊！值得再來！

😍好有Feel 好有情調 加埋食嘅係西餐加甜品燒原隻黑松露春雞 配日式薯仔沙津（分數4/5）份量大 原隻上 黑松露味濃郁💚蕃茄蟹肉牛油果莎莎配墨西哥脆片（分數3/5）墨西哥脆片幾脆 牛油果🥑都好fresh 只係蟹肉我覺得碎搞成蓉麻麻 如果大大粒或塊狀會再有口感啲三重芝士大蘑菇黑松露牛肉漢堡配田園沙律（分數5/5）比得5分當然有原因 真係無得輸牛肉厚身 多肉汁 大蘑菇🍄玩三重芝士🧀️都好惹味 真係好好味❤️‍🔥❤️‍🔥Baby Blue Milkshake (vanilla ice cream & Oreo)藍色飲品幾特別 不過有少少偏甜 鍾意甜嘢嘅人OK 配埋雲呢拿雪糕😚 可以一試 打卡唔錯熱伯爵花茶都係鍾意啲健康啲嘅嘢飲 伯爵味好濃👍🏻杏仁榛子朱古力窩夫呢度cafe甜品最出名 咁多個窩夫選左呢個味都好啱我哋口味但食得太多嘢最後都食唔晒🥹

這間餐廳主打甜品和特色飲品, 食物色彩繽紛, 賣相尤其吸引。今晚在荃灣購物, 心思思想食吓甜品。餐廳嘅粉紅色佈置, 令人感覺舒服休閒。原隻黑松露燒春雞配日式薯仔沙律春雞外皮沾有黑松露醬, 燒得香脆, 肉質嫩滑, 除咗雞髀有啲骨之外, 基本上已經去骨, 點以特製燒醬汁, 更加美味。紅花海鮮燴意大利飯 燴飯賣相精緻, 意大利飯飯粒吸收咗海鮮湯汁, 口感幼滑, 海鮮味道鮮甜, 加上番紅花嘅點綴, 口感清新。日本紫薯牛角包窩夫紫紅色粉底賣相很吸引, 外層香脆, 入口充滿淡淡紫薯蓉, 味道輕甜唔會膩, 加埋雪糕更覺香滑。抹茶栗子蓉牛角包窩夫 擺設同樣突出, 栗子蓉鮮甜幼滑, 加上抹茶味嘅茶香, 口感更有層次。香蕉拖肥奶昔和宇治抹茶士多啤梨鮮奶配抹茶雪糕甜度合適, 冰冰涼涼, 好睇又好飲。

這次來到呢間餐廳，被安排了一個非常浪漫的小角落。粉紅的牆紙配上粉紅梳化椅充滿少女感，環迥鏡增加空間感，未點菜已經心情愉悅，有小情侶沉浸浪漫的氣氛。好好享受這個浪漫的獨立空間。香辣大蝦柚子沙律 ($88)它的味道帶有爆炸性，大蝦鮮嫩爽口，搭配沙律菜的清新和柚子酸甜開胃，帶來了一種獨特的口感和味道。這道沙律是一個絕佳的前菜。燒B B豬肋骨配日式薯仔沙律 ($128)豬肋骨肉質鮮嫩多汁，還搭配了日式薯蓉和沙律菜，薯蓉綿密香口，沙律菜增添了一些清新的口感和風味，難得一道菜式滿足晒三個願望。扒虎蝦墨魚汁意粉 ($98)主要由虎蝦和墨魚汁意粉為主要材料。意粉煮得剛好，帶有彈性，搭配墨魚汁呈黑色更更顯神秘感，虎蝦鮮嫩彈牙，增添了菜餚的豐富口感。凍香蕉朱古力咖啡 ($48)將香蕉、朱古力和咖啡的風味融合在一起。味道絕妙，冰凍的香蕉和朱古力口感豐潤，搭配上咖啡的苦甜，帶來了一種令人愉悅的味覺體驗，給人一種甜蜜的感覺。焦糖蘋果酥皮撻配杏仁雪糕 ($66)酥皮撻的外層酥脆，內層滿滿的焦糖蘋果餡料，口感豐富。搭配上杏仁雪糕的柔滑和杏仁的香濃味道，給這道甜點帶來了一種完美的平衡，有香中帶甜、甜中帶脆的美感。牛角

HeSheEat甜品起家佢哋嘅甜品一定有返咁上下質素✨所以過到嚟一定要食多啲甜品🤓牛角包，窩夫超驚喜價錢唔貴，賣相同味道都一流！牛角包窩夫日式紫薯 $64用嚟打卡真係冇得輸😁外層脆卜卜熱辣辣，入面啲紫薯蓉係精粹❤️入邊嘅紫薯唔係好甜，脆卜卜熱辣辣好好食，仲有少少糖漿可以自己落。白桃士多啤梨乳酪刨冰$60佢哋呢種係類似綿綿冰，但係再細粒好多，入口就即刻溶！本身我都好擔心會太甜，點知完全冇呢個問題，白桃士多啤梨醬可以自己加調教味道大蝦野菌溫泉蛋意粉$108這個比想像好吃很多，意粉有少少似麵條嘅質感，幾有咬口。忌廉汁香濃、醬汁分布平均每一啖都好好味。入口時散發忌廉汁香氣食落唔覺漏，入面嘅大蝦好大隻幾爽口！燒烤bb豬肋骨配日式薯仔 $128豬肋骨好大份🤓有四條骨啖啖肉，醬汁味道調校得啱啱好，甜甜酸酸。值得一題係側邊嘅薯仔沙律好好食，入邊有啲薯仔粒粒同埋洋蔥非常之有口感。Pandan latte本身自己好鍾意斑蘭一於試吓呢杯😁好香斑蘭味，而且非常幼滑！

食過旺角分店今次經開荃灣決定再食一次一樣係甘好食高質💓✨燒烤BB豬肋骨配日式薯仔沙律 $128豬肋骨燒烤汁非常惹味採用低溫慢烤的方法使肉質軟嫩，容易離骨配上冷凍薯蓉、沙律醬和紅蔥碎，味道非常搭配沙律菜配上香醋醬，味道帶微酸，很醒胃份量適中， 很飽肚🫣✨He She Eat Brunch $128材料十分豐富，包括十種食材：德國鮮肉腸、巴馬火腿、意大利煙腩肉、炒蛋、薯仔沙律、焗蕃茄、大蘑菇、BB菠菜、焗薯餅和迷你牛角包🤩份量十足，其中牛角包非常香脆，絕對值得一試焗蘑菇和蕃茄鮮嫩多汁，凍日式薯蓉味道清新，一點也不膩煙腩肉沒有過多的肥肉，味道非常香滑🙈✨杏仁榛子朱古力牛角包窩夫 $66這款窩夫採用了製作牛角包的酥皮🥰外皮比一般的窩夫更香脆口感層次豐富配上雪糕忌廉和朱古力醬味道一流😝✨宇治抹茶黑芝麻疏乎厘班戟 $118疏乎厘班戟鬆軟香滑，配上宇治抹茶醬汁，微甜不膩😚還有香甜紅豆蓉、蕨餅、白玉糰子和黑芝麻忌廉特別值得一提的是上面的黑芝麻忌廉，味道濃郁，絕對不容錯過😋✨Baby Blue Milkshake雲呢拿味濃郁，味道不太甜，很容易入口而且鮮豔的顏色很吸引人，非常適合用來打卡留念😍🍴HeSh

放工突然想食窩夫，吃西餐又唔想出九龍，於是打個電話俾住喺綠楊坊的姊妹，出嚟食個晚飯傾吓偈。佢提議屋企樓下的 HeSheEat，荃灣地鐵站旁邊非常方便。綠楊坊 HeSheEat 裝修風格充滿少女心，粉紅 pink 的主調，座位寬敞，非常舒適，特色打卡一流。我哋一次過食勻主食、小食、特飲和甜點，牛角包窩夫非常有驚喜，滿足不同的口味。單骨雞翼配水牛城醬單骨雞翼炸得鬆脆香口，份量唔少，肉質彈牙，外脆內軟，配水牛城醬好惹味，味道很開胃。香辣鮮魷魚墨魚汁意粉香辣鮮魷魚爽口彈牙，食到新鮮海鮮味道，大大條魷魚肉，材料豐富，肉質口感都一流，香辣調味適中。香濃墨魚汁撈意粉充滿鹹香味，意粉煮到啱啱好，軟硬度適中，配上微辣醬汁，超級好味，食完成個嘴都會黑忟忟，Helloween 唔使搽唇膏，haha!炸厚切黑毛豬滑蛋意式紅飯厚切黑毛豬扒即叫即炸，賣相爆燈，上枱時仍然熱辣辣，皮脆肉嫩，肥瘦均勻，香口又鬆脆，配埋特製醬汁，一上枱已經好返俾我哋食晒。滑蛋意式紅飯，口感豊富，還有大量沙律菜伴碟，酸酸甜甜好開胃，加上新鮮爽脆，感覺好Fresh。士多啤梨奶昔清甜香濃士多啤梨味，清甜唔會太膩，夏天好啱飲。芝士奶蓋芒果紅茶真

好多女仔都鍾意食甜品🍨🍧🍮，朋友亦唔例外，呢日同佢👧🏻一齊喺荃灣，佢話晚餐要有美味甜點🍧🍨，問我有乜好介紹，我唔係好識😅，喺車站附近望一望，見到呢間，就決定同朋友一齊入去食晚餐+甜品🤣$56「字治抹茶士多啤梨🍓鮮奶配抹茶🍵雪糕」：唔係好甜，有淡淡嘅抹茶香味，仲有士多啤梨醬喺底😋🤩$88「香辣柚子大蝦沙律」：大蝦🍤肉質結實🤩；沙律菜🥗新鮮爽脆，沙律汁甜甜哋酸酸哋辣辣哋鹹鹹哋，加埋柚子粒，清新惹味幾開胃🤩$138「燒原隻黑松露春雞配日式薯仔沙律」：「春雞」應該真係好年輕因為肉質嫩滑🤣，仲幾好雞味😋，上邊加咗啲黑松露醬，連埋燒焗到脆脆哋嘅雞皮，好食🤩$118「梳乎厘班戟🥞白桃🍑乳酪🧀️」：班戟 🥞相當輕身，唔算好甜，夠fluffy，加埋 白桃🍑乳酪醬同埋凍冰冰嘅雪糕，朋友同我都食到舔舔脷🤩$62「士多啤梨🍓 Strawberry Croffle」：牛角包窩夫有啲煙靭，裏邊放滿鮮忌廉，仲有士多啤梨片🤩

「HeSheEat」位於荃灣綠楊坊地鐵站出口附近， 堂食或外賣都方便，揸車嘅就推薦泊對面荃灣多層停車場，算係又平又近， 綠楊坊都有時租， 不過冇泊車優惠， 重點係收費貴。呢間西餐啲嘢食都幾齊，算得上係應有盡有！ 今次晚市淨係嗌咗甜品 👇Tiramisu牛奶咖啡『 夠香夠味，推介👍』宇治金時抹茶梳乎厘班戟『咗梳乎厘唔夠味，扣分位！ 反而side dish比較出色， 救返啲！』抹茶栗子蓉牛角包窩夫 『窩夫夠酥脆，栗子蓉爆餡夠味，推介👍』揸車出入：👍👍帶小朋友：👍👍👍食物質素：👍👍👍👍環境舒適：👍👍👍CP值...😋：👍👍👍👍👍彩蛋：荃灣區又多間必食飯堂🫰 值得一試

‖ 單骨蜜糖芥末雞翼 ($55) ‖炸得金黃香脆😍，裡面肉嫩多汁，蜜糖芥末醬正😋，好好味，必點😍。‖ 黑松露雜菌春雞燴意大利飯 ($98) ‖以前食過，覺得好好食，再點☺️。水準保持😋，春雞髀燒得好好，香口惹味。意大利飯creamy，黑松露味好香濃🤤。必點😆。‖ 三重芝士大蘑菇黑松露牛肉漢堡配田園沙律 ($95) ‖牛肉好厚，配上多汁的大啡菇和黑松露醬汁以及芝士，無得輸，好味😋。‖ 杏仁榛子朱古力牛角包窩夫 ($66) ‖見到就開心，甜品總是讓人快樂☺️。牛角包窩夫熱熱地脆脆地，配搭凍冰冰雪糕，兩者濃濃榛子朱古力味🤤，還有烘烤過的杏仁，好好味😍。‖ 宇治抹茶士多啤梨鮮奶配抹茶雪糕 ($56) ‖抹茶雪糕夠濃😋，不過飲品的抹茶味則較淡，底下有士多啤梨jam。‖ 朱古力咖啡沙冰 ($46) ‖朱古力咖啡香濃，上面的cream肥仔但如果少了感覺總差了些。好飲😋。

很久不見的朋友，近來因為慶祝他的升職，我們相約到達荃灣綠楊坊的HeSheEat，一邊食飯一邊談談近況。餐廳環境不錯，空間感十足，色調偏粉紅，充滿少女感，對於女士們應該十分吸引。黑松露春雞燴意大利飯春雞肉質嫩滑，調味到好處，有少許香辣味。意大利飯有很香的黑松露味，有一片片芝士，兩者配搭起來惹味之餘還會有香濃的味道。燒BB豬肋骨配日式薯仔沙律豬肋骨分量十足，用刀輕輕一切便可輕易分開一條條的肋骨食用，本身調味已足夠，亦有配上甜酸醬汁。Baby Blue Milkshake雲呢拿奶昔配上厚厚一層灑上朱古力粉的忌廉，適合糖分倚賴症的朋友。熱紫薯鮮奶充滿着滿滿紫薯的味道，很適合在冬天飲用。杏仁榛子朱古力牛角包窩夫將牛角包壓成個窩夫，口感結實而鬆脆，配上杏仁、朱古力脆卷和朱古力雪糕，味覺十分豐富。芒果拿破崙擺盤很有心思，以芒果醬汁和芒果粒點綴，份量 兩人分享也很足夠，多層的酥皮配以濃濃的芒果配料，令味蕾帶來享受。

今次特登再一次食呢間舖頭，之前食過一次都幾好食，但係今次水準差咗。因為想食牛油果特登叫牛油果凱撒沙律。點知佢既牛油果係黑色嘅。根本就冇確保牛油果新鮮就送畀客人食，對佢嘅牛油果十分之失望。

今晚去荃灣買嘢順便吃飯 第一次來 差不多7點半竟然唔使等位叫了兩個Dinner Set 一個好似叫蟹肉啡菇黑松露義大利飯 $138 一個係牛排 $228（唔記得全名係乜）義大利飯分量十足 但質感似平時的泰國米煲硬身少少 味道不過不失 蟹肉當然唔可以期望好多啦 叫做有咯牛排好薄 冇牛味 要了7成熟 但好韌 配了薯條 炸得好茶餐廳Feel 有點Over左跟餐杯凍檸茶用透明膠杯上 仲有杯熱檸水 好苦最後埋單加一後$403 應該唔有下次 性價比唔高 呢個價錢好多其他選擇

最愛既細妹琴晚生日 所以我特登問女同事有冇餐廳介紹 佢就推介左呢間鄰近荃灣站既餐廳比我 話好適合女仔一入到去見到間餐廳裝修同佈置都好靚 有一種女僕cafe既感覺 waiter都好有禮貌 會同我地介紹返d野食 細妹電話冇電 間餐廳又肯幫佢叉電 服務態度真係一流超香超濃黑松露味 雞肉嫩滑 份量係兩隻超大雞髀 一咬落去爆晒汁 好食到癲 薯仔沙律亦都唔錯 牛肉厚得黎唔鞋 味道好食過出面嘅安格斯牛肉漢堡 芝士份量充足 由於我同細妹都唔食菇 所以件菇唔知好唔好食魷魚夠新鮮爽口 份量算多 重點係個意粉味道好好 本身唔鍾意食墨魚汁既我都覺得好食 唯一壞處就係會食到成個咀黑色第一次食到咁高質嘅牛角包窩夫 外脆內軟 夠香夠熱 再配上士多啤梨雪糕一齊食真係人間享受 香噴噴既鮮奶咖啡 濃度岩岩好最後埋單五百幾蚊 咁既質素黎講真係超平 有機會黎荃灣一定會再黎食 就算食完飯都會特登黎食甜品或者飲嘢 哈哈

HeSheEat位於荃灣地鐵站出口，位置便利。餐廳內座位寬敞，坐起來非常舒適。餐廳提供多種類型的食物，包括主食、小食、沙拉、特飲、咖啡和甜點，非常適合全家大小，滿足不同年齡層的口味。 單骨雞翼配蜜糖芥末醬$58雞翼炸得鬆脆香口，即使冷掉也不會變硬。搭配上蜜糖芥末醬，甜甜酸酸的味道很開胃。 珍寶蟹棒芝士年糕$52蟹棒炸得外酥內軟，肉質口感一流，有些彈牙。炸芝士年糕則帶著濃郁的芝士味，一點也不油膩。 燒原隻黑松露春雞配日式薯仔沙律$138是一道驚喜的菜餚。燒雞肉汁豐富，黑松露醬也很濃郁。另外，還有一個獨特的醬汁，帶有甜味的蒜蓉豆豉醬，中西合璧，非常特別。配上日式薯仔沙律，能中和燒雞的油膩感。 抹茶栗子蓉牛角包窩夫$66是甜品中的極品，非常推薦。牛角包窩夫的外皮酥脆，內部卻有嚼勁。栗子蓉的份量十分充足，味道接近日本的栗子蓉。搭配抹茶忌廉，口感絕佳。 宇治金時綠茶忌廉梳乎厘$118外觀漂亮，非常適合拍照打卡。抹茶紅豆芝麻雪糕再配上梳乎厘則是完美的融合，味道一流。 提拉米蘇牛奶咖啡$ 58這款飲品真的讓人有吃提拉米蘇的感覺，非常值得一試。 總的來說，HeSheEat提供的食物種類繁多，味道出色，