影片
港铁中环站 D2 出口, 步行约2分钟
继续阅读
营业时间
星期一至日
09:30 - 19:30
以上资料只供参考，请与餐厅确认详情
食家推介
對上一次黎，對呢度嘅印象麻麻地。原本都無諗住再光顧，但係冇辦法啦。又要等人又揾地方消耗時間，黎聽下碟，行下係不錯既選擇。唔知係咪人大咗，行两行見到cafe，都係坐底叫翻杯咖啡坐下好過企。今次再飲咖啡，俾我嘅感覺個咖啡進步左。香濃既咖啡去咗苦澀。之前嘅牛奶太甜同咖啡完全夾，依家奶泡打得唔錯而且比例幾好。舉起會見到貼身小狗狗嘅啲logo , 又係一個好窩心嘅設計。此外佢哋增加左餐牌閃燈嘅設備，通知客人咖啡幾時做好，唔使企係度等。呢個服務上次都無，又幾窩心喎！睇住佢哋不停咁進步，呢種精神值得嘉許！
继续阅读
今日又落雨, 唔想行出街食lunch, 又黎食hmv café.我早餐食得太飽, 是但叫de-caff 既ice coffee 加碟pancakes ($40) 就算.Pancake係MCD果d, sauce有strawberry 同埋cream cheese. cream cheese來講都算冇咩cheese味了, 但勝在夠滑. Strawberry汁有少少粒粒係入面, 叫做有d口感啦.朋友就叫左個sandwich, 無咩特別啦, 個包硬左少少.
继续阅读
HMV曾幾何時在我中學時代常逛的地方之一，不過自從資訊科技發達，輕易地上網下載到音樂後，大家買唱片就少之又少，唱片店也隨之而減少。最近才知道HMV有Cafe，就在在3樓，花了不少腳骨力上來，一上來就感覺地方很舒適，四周以唱片、書本、精品等圍繞著，跟cafe 能夠融為一體。半圓梳化位，很適合三五知己。而裝潢也很有心思，當中很喜歡這個以多張唱片組成的牆壁裝飾。除了飲品外，還有蛋糕、麵包售賣，但不是很吸引沒有點。飲品款式比想像中多以狗仔帶著耳機為主題公仔，更有咖啡豆售賣。在Jazz及Green Tea Latte 兩者中選了Jazz $48，因為玫瑰花。本來店員一沖調好飲品我立刻取的話，便可以拍到更美的照片，不過當時聽不到店員微弱的呼應及表情示意，而錯過最美好的一刻。因為忌廉很重身，擠上咖啡面很快下沉了。咖啡味頗香濃帶少許苦味，質感算是滑口，而玫瑰花的清香很怡人，不過忌廉實在太多變得有點膩。下次會想試Green Tea Latte。一個可以好好去「hea」的地方，無論一個人或跟朋友，最重要是環境舒適，加上沒有限時間，可以聽著最新的歌曲推介，追貼一下潮流也是一件不錯的事，因為工作繁忙也少時間聽歌。如果有時間的話，可以逛HMV其他地方，你會發現到不少有趣的裝飾品。
继续阅读
第一次飲HMV coffee 係因為收俾錢時，店員話買兩本雜誌就有免費咖啡送。真係多謝曬。外賣左杯latte , 三分鐘後飲第一啖，奶温度太高，燙親條脷，而且牛奶應該用左全脂，奶脂太高，口感太甜，又太燙，頭十啖八啖只係沾到牛奶，完全飲唔到咖啡味 ! 到咖啡温度可飲時，咖啡炒得太燶，有苦味，Hk 38 我唔會俾錢囉。今日行過，買多两本雜誌，但店員無話有咖啡送，好彩我知啫！今日堂食cappuccino , 拉花幾靚，仲驚牛奶會燙，一飲。。。唔夠熱！牛奶應該擺耐左，頭幾啖無搞散，杯咖啡係飲暖水既溫度，同前幾日相差甘遠既？咖啡係earth taste ，我中意的口味，但水準不穩，給人不專業的cafe 感覺，如果細杯成38 蚊，試左一次，真係唔會俾錢買第二次。有promote 又唔係次次講，推擴去唔到位。希望HMV Kafe 多多改善咖啡品質，成為有有特色的concept store
继续阅读
827 浏览
星期天的傍晚要在中環找間坐得舒適的連鎖咖啡店真的不太容易, 因為大部分都提早關門。幸好, 發現這家位於HMV內的cafe。這家位於中環的HMV是全新概念店，除了唱片影片外，這裹是購買最新及最尖端娛樂、時尚、科技及生活產品的聖地。加上獨特的佈置，絕對是周日好去處！不知HMV Kafe 是否第一家唱片鋪 Crossover coffee shop, 其概念很有新意而且十分匹配。這家cafe 設有露天雅座及室內。炎熱的夏天下, 當然坐在冷氣內的坐位! 可能星期天的關係, 客人不太多因此可以自由選擇坐位。cafe 內佈置充滿音樂氣氛, 黑膠碟外型的枱加上印有Beatles字樣cushion, 令我突然rock n roll 起來。我倆加上小B獨佔了這張十分舒服的孤形梳化, 實在舒服到唔願意離開!cafe 內每個位置都悉心佈置, 每個都是影相位。Cafe 自助形式, 先到收銀處選擇食物! 當當天熱食已sold out, 只餘下蛋糕及麵包。HMV Kafe 跟The Coffee Academics 合作, 咖啡水準當然不錯! 這裹更把的咖啡融入了音樂概念，分別有Jazz、Blues、R&B、Classical和Rock五款口味。除一般咖啡外, 這裡尚有幾款手工咖啡($68), 全部採用單一品種咖啡豆, 其中一款甚至採用來自秘鲁的公平貿易(fair trade)咖啡豆。手工咖啡屬於高級咖啡的一種, 需要咖啡師親自用手磨製咖啡及進行滴漏。真的想不到HMV居然會有這種高級咖啡供應。Latte $38拉花效果不錯, 一看令人會心微笑。咖啡味道香濃, 奶泡細滑, 十分提神。Peach and mango smoothie $48以為只有peach and mango 味的沙冰，原來都有一些芒果肉，多了份咬感。Peach的甜加上芒果的香，味道不錯。清涼消暑之選。Choco cheesecake $38這裹的蛋糕跟麵包價錢比其它咖啡連鎖店貴而且細件。但是，這裹的蛋糕送上時，加了些忌廉做點綴，令平凡的蛋糕增色不少。這個朱古力芝士蛋糕比較實，朱古力蓋過芝士香味，餅底比較濕潤。整体味道一般，不太突出。總結: Cafe 跟HMV完美的融為一體，環境氣氛都不錯。雖然食物選擇小而且味道一般，但是一邊嘆杯飲品食件餅，一邊欣賞ＤＪ播放的最新音樂，又可以到店內選購唱片，及欣賞時尚生活產品。這間店照顧埋我的五官享受，真的不錯！！
继续阅读