HOLA

营业中

休息中

朋友介紹去天空之城餐廳hola試下，車一入去就有人指去泊低架車，香港地好少可以咁方便。入到去間餐廳裝修幾特別，有少少鄉村feel，氣氛悠悠閒間咁，可以慢慢食，好岩朋友聚會。落單員工唔識講中文，不過好有禮貌，叫加水時都好快手。餐牌食物選擇好多，最後叫左一份德國腸拼盤、hola厚多士、超大漢堡包、德國豬手，仲有個大啡菇菠菜意大利飯。樣樣食物份量都好大份，味道幾好，由其是係豬手，皮脆得嚟啲肉又好juicy，雖然大份但都清曬，值得推薦！

叫左個CLASSIC ALL DAY, CLASSIC都好大份! 炒蛋好大舊, 是滑蛋, 正啊, 煙肉最有驚喜, 雖然係偏瘦,但佢係用蜜糖醃過, 好似食緊豬肉乾咁, 好味!腸好似係黑椒腸, 幾大條另外仲有TOAST, SALAD菜同茄汁豆, 好豐富。另外叫左個EGG BENEDICT, 呢個就失色少少, 荷蘭醬太淡了, 成舊野無咩味, 個蛋一份係流心, 一份煮得太熟, 無得流心, 塊煙肉同ALL DAY一樣,都係甜甜的, 係塊煙肉令到成個BENEDICT 有番D 味, 所以來呢度可以5使叫EGG BENEDICT, HAHA。另外見到用LIGHT BULB 裝住COFFEE幾得意, 又叫左杯, 自己加糖漿, 可自行控制甜度, 加哂我覺得剛好`, 5太甜, 我5太飲COFFEE, 我覺得OK呀不論入面定出面,環境都幾C 服, 入面係外國STYLE, 出面係田園風, 5錯。

Deluxe All Day Breakfast ($118) 成日覺得all day breakfast好呃錢 但成日去cafe都會引唔住嗌😝bacon有淡淡既蜜糖味 煎得好香脆 蛋亦都好creamy 😋😋 食哂成個好滿足！但hola 厚多士($58) 就有點太漏呢>< 有咸牛肉 磨菇 蛋黃 歡士係多士上 非常之足料！同朋友share都食唔哂😂呢間係錦上路既cafe仲係pet friendly架！成日去都會見到好多狗狗攤係度 有養狗仔既可以考慮下來食呀!

喺元朗有一個叫做天空之城嘅地方，嗰度一個小社區咁樣，有好多唔同嘅餐廳，呢間就係其中一間！基本上呢度嘅侍應都係需要講英文嘅！咁當然指吓menu都可以啦 ！佢嘅早餐有好多唔同嘅item ，例如all day、egg Benedict 、意大利包、厚多士等等…… 不過佢嘅all day breakfast同埋egg Benedict，除咗classic 之外，都會有另外嘅口味 ，今次我揀咗一個傳統嘅口味 ，都係用返煙肉， 試咗classic嘢覺得 ok，下次就可以試吓其他創新口味！一嚟到見到佢賣相都好靚，有擺盤，有洒香料，切開佢，旦汁緩緩流下，味道一流！係一個令我滿意嘅早餐！熱檸檬茶～見到佢用嘅餐具都靚靚地，有小清新嘅感覺 ，呢個質數，對得起佢嘅價錢！

一早與好友約定今天下午來一個復活節下午茶聚，還選定了這間餐廳 (因我們共有三部車，這邊泊車尚算方便)。可是下午突然下大雨...還發了一個紅雨警告，我們還深怕要改期。還好友人打電話給餐廳確定仍營業，以及下午三時大家各自出發時元朗區的雨勢已減弱。我住得最近，所以早點到達拿檯，還好人不算太多。我們一行8大2小被安排坐到最裡面的位置，非常寧靜，適合聊天。(只是可能我們人太多，裡面的冷氣稍為不夠....)人齊後我們便點餐，都點了一些方便分享的小食。我們點了德國豬手餐，包兩杯飲品，餐湯及蒜蓉包兩份，我們再套餐價換了一份煙三文魚沙律。豬手做得非常出色，肉非常的嫩滑，皮不是炸得很脆的那種做法，反而更適合大人及小朋友。德國腸拼盆做得非常好！款式多而且全部都烤得很香口，再配上一些酸瓜，非常開胃！三色雞翼亦炸得不錯，而三色的意思是原味，千島醬及沙律醬，還好味道和口感都不錯。炸蕃薯條配炸雞粒亦大獲好評！因為蕃薯條炸得酥炸好味，炸雞粒調味稍淡，但肉質不錯。此店的飲品的確不錯，賣相及份量都好。老公點的花非花是奶昔，有青蘋果，接骨木花做材料。我試了一口，酸酸的，質感很幼滑，不錯！不同款式的朱古力特飲賣相亦精美，我點

星期六下午，約左相識30年朋友相聚。由深井行隧道入錦田，十五分鐘到。去到就離兩點，午餐果轉人清左，任㨂卡位。點左兩個dishes 同兩杯梳打。十分鐘內野食到齊，慢慢影相，食下傾下，食左兩粒鐘。下次會再來！

星期六見天氣幾好於是揸車入咗錦田食嘢，之前喺網上面見到呢間鋪頭裝修幾靚又可以同狗仔一齊食嘢，好似幾有feel的確環境係幾大裝修唔錯，而且出邊仲有千秋嘅枱 好有渡假嘅感覺呢度嘅All day breakfast 好多人食 見到佢都好多材料於是就叫咗至尊全日早餐，同埋一個burger。。。。。。。。。佢menu寫咗要等20分鐘 但係其實我去嗰陣並唔係好多人 但係完全冇諗過最後係等左極度耐Sunny Chicken Burger $98等左45分鐘 終於得一個burger到咗 已經肚餓到不得了 但係無可否認值得稱讚佢個burger真係好好食 個麵包係好脆好香 雞扒極大仲要好juicy 熟得啱啱好 非常嫩口，加上一個甜甜地嘅sauce 同啱啱好熟嘅太陽蛋 成件事係Perfect但係佢嘅服務真係非常差呢個HOLA Delux Total等左我足足一個鐘 仲要俾我見到遲過我落單嘅人仲早過我到，本身一開始同我講話冇牛角包轉左多士我都OK，到最後你都有牛角包我仲滿心歡喜，但我發現係冇咗個大啡菇，啲侍應由頭到尾都冇同我講過 到我問佢哋嘅時候佢哋先話原來冇貨 求其加咗兩塊bacon比我 真係嬲到一個點！😡

今日打算帶小寶貝去南生圍影下相放下電咁，去玩之前先下個醫肚是常識吧。我哋特意揀黎【Hola】食brunch 的，因為聽狗朋友們講呢度可以帶小動物黎食野的，當然只限坐餐廳外面既座位吧。我哋叫左兩份All Day Breakfast，「經典全天早餐」，「至尊全天早餐」，單講食物賣相已經值滿分，新鮮的食材排例得非常精緻。「經典全天早餐」包括有德國香腸、雙份煙肉、牛乳炒蛋、茄汁焗豆、牛油粟米、沙津菜、小牛角包，德國香腸和雙份煙肉都煎得很顏色很美，特別是煙肉煎得非常薄脆，有少少蕉香味更為香口。用牛乳的雞蛋特別香滑柔軟，蛋味香濃，小牛角包焗至金黃香脆鬆軟，牛油味很出。「至尊全天早餐」包括有煙三文魚、雙份德國香腸、牛乳炒蛋、雙份煙肉、大啡菇、煎蕃茄、牛油粟米、沙津菜、小牛角包，煙三文魚含有豐富的蛋白質、奧米加3、維他命A及鋅等營養素、肉厚嫩滑、入口甘香濃鬱，煙三文魚薰香氣味濃。大啡菇肉質鮮嫩多汁，亦不失彈性，粟米方面牛油很充足，粟米份外爽甜。兩份早餐的營養價值都相當高，我們都吃得肚子胖胖的，非常滿足。

生日飯，朋友推介天空之城內的餐廳都唔錯，又未去過， 揀左HOLA試下~店內佈置擺設充滿歐陸氣息，木製桌椅，檯與檯之間空間寬敞，令人覺得相當舒服~噴泉牛肉漢堡，牛味夠濃，漢堡上面係炸蕃薯條，外型特別，呃Like一流~招牌蜜糖汁豬手， 與傳統德國豬手不同，傳統豬手外皮比較硬，外脆肉軟，蜜糖豬手，外皮跟肉都係非常嫩滑，多汁易入口，肉質入口即化。大啡菇菠菜汁意大利飯，意大利飯吸收左菠菜汁精華，好味~菠菜汁雞肉野菌扁意粉Big Boy Burger 大細路漢堡，由一大一小的漢堡組成，夠晒特別，又係打卡呃like一流德國腸拼盆，香腸各有特色，濃濃肉汁，外脆內軟~炸蕃薯條&炸雞，蕃薯條不會太乾，炸雞雞肉嫰滑~熱棉花糖朱古力奶冰凍薄荷朱古力奶

Hola 西班牙語意思係Hello, 聽到個名，簡單又有親切感。平時搵地方同狗狗去食野好難，呢間野好驚喜可以帶狗坐入面冷氣地方，我諗香港都無乜幾間，夏天落雨天岩晒。入到裡面感覺成間野設計好舒服同有心思，英倫風格，喜歡佢既吊燈同牆壁上一幅幅相片，又有梳化位，岩晒假日黎Chill下。野食方面，我地星期六大概蕉早9點幾到，簡左Hola Classic and Vegetarian Classic，講到有心思，食物方面要讚賞一下，好大份，賣相吸引，先講牛角包個Size岩岩好同鬆脆，粟米好香牛油味同香草，茄汁豆同洋蔥碎一齊煮熱過，牛乳炒蛋夠滑同熟度岩岩好，最要讚係煙肉，因為平時我麻麻地煙肉，怕乾又鹹，佢地既煙肉，唔乾不但只仲重蜜糖味，令到煙肉好香甜同鹹味岩岩好，另外沙津新鮮配麻醬，雞肉腸就無咩突別，正常味道。飲品方面，我地都係飲白咖啡，平時我飲開熱飲，但因為呢度既凍飲係用燈泡杯，所以為左呃like叫凍飲😂 白咖啡都夠滑，味道就無咩突別驚喜。最後兩個人兩個早餐埋單$158，本人覺得好抵食👍🏼👍🏼食食下一路都會見到有人帶狗入黎，睇黎呢度都出名係狗友集中地，下次放假一定會再黎，同格黎啲狗狗玩得好開心

中英語食評 / Bilingual Review 🙆🏻‍♀️我再嚟到錦田高埔村梗係要發掘下仲有咩餐廳好去㗎啦 又比我見到依間好休閒 感覺舒適嘅西式餐廳 見到佢有素食就二話不說坐低叫野食 鍾意食西式野食嘅朋友 佢地仲有好多肉食同海鮮㗎 雖然我冇食過佢地嘅肉或海鮮 而係我食過佢嘅意大利飯口感好好 唔會太濕變成一舊舊咁 好好咬口 我相信佢其他意大利飯嘅水準都係好👍🏻 HOLA establishes an appealing comfortable and chill environment, it also provides a few vegetarian dishes which is a jackpot for me and my family!! For any vegetarian out there, here is a place we can go. For those who are seafood and meat lovers, it’s also a great place for you to go and explore the menu!😋🔸🍔素食漢堡 Vege

餐廳室內室外環境都好好，又可以帶埋狗仔，對於愛狗人士真係一個好好嘅地方，食物質素上佳，個人最喜歡意大利飯，All day Breakfast 及漢堡包都不錯，咖啡及特色飲品大大杯，味道都不錯

去到見有位，諗住可以坐。個鬼妹話，有人訂咗位！叫我係出面等，一路等一路越多人，個個都係出面等！突然有七個人入去，佢就比位人地坐（聽得出佢哋都無訂枱）係出面等緊嘅人，覺得唔對路，又起身問。跟住又比位佢哋，但我哋係第一個位嘅。入去同佢講，話我哋等先，佢又從新問一次。有冇預約幾多位......嘈咗一輪，兩條鬼妹只係識對面！吹脹兩個waiter 不知所謂！亂咁安排坐位！！

錦田天空之城最常去的飯堂地方，可能最近網上都比較多報導，之前來的時候也不難泊車，最近假日來的時候也需要兜圈等位。HOLA 的店內擺設很最合適拍照，店外店內的感覺也很放鬆，假日來必定會有輕鬆到的感覺！飲料有燈泡樽，或是其他的普通玻璃瓶。今次點了deluxe all day breakfast，其實之前都吃過，水準一如以往的好，有兩條香腸、粟米、茄汁豆、煙三文魚、炒蛋、煙肉、大啡菇、牛角包、蕃茄等，最喜歡這裡的大啡菇，一咬下去勁juicy！另一個主食是sunny chicken burger，看到太陽蛋就有種陽光假日的感覺呢，太陽蛋不是全熟的，雞扒煎得有點黑，但味道很好。飲料今次一杯是watermelon soda  + milk；一杯是 mocha oreo，比較喜歡前者，後者的cream太有罪惡感，而且冰塊太多，飲料賣相很好，但一般，有很大進步空間！整體而言，這裡吃的是環境吧，食物質素也很高，飲料賣相好但飲落一般，而且飲料價錢偏高，$48一杯呢！兩個餐兩杯飲料 $348。

成日都想同隻狗狗一齊出街食飯，可惜香港pet-friendly 餐廳少得可憐。有都極其係outdoor. 天氣開始熱，真心喺outdoor 會影響胃口。。。直至我搵到呢間餐廳。天空之城呢個地方都算好偏僻，唔揸車其實都唔知有咩交通工具到。因為閒日嘅關係，餐廳只有三枱客人，雖然research 過呢間餐廳可以比狗狗入，不過禮貌上都要問清楚先好帶埋狗狗衝入去呀～入到去～涼涼嘅冷氣～靚靚嘅裝修～勁舒服嘅環境令我𣊬間愛上。（心想：就算野食唔好食都值得原諒）sorry, 錯哂，d 野食都好有水準～～～餐湯係蘑菇湯，味道好ok,但如果菇碎多返dd有d 咬口就好嘞～個all day 好有份量，而且樣樣都好好食bacon 有用醬汁處理過，好味！，啡菇又juicy,croissant 超香牛油味，連炒蛋都好濃蛋味菠菜雞肉意粉，食完濃味all day 再食佢變得比較淡，冇乜味lunch set 可以加錢轉特飲以下係青蘋果earl grey 同🍓🍌smoothie非常驚喜，飲落係果香，唔係靠死甜糖水沖，好欣賞！雖說地方都幾大，但係位唔算多。假日應該都會爆哂。等我～閒日再黎過！