Holly Brown (已結業)

在朗豪坊吃過晚飯後突然很想吃甜品，剛好想到這裡有炒雪糕很久沒有吃過，便來這裡看看。甫看餐牌發現這裡又加價了，以前的炒雪糕只是 $54-$58，現在一份炒雪糕已加價至 $60 了，而且不能自選大小。可以在旁觀看店員炒雪糕叫了一客「野莓天堂」—野莓意式雪糕配餅乾碎、藍莓和士多啤梨。可惜店內沒有野莓雪糕，換成士多啤梨雪糕。雪糕味道不錯，不會有人工士多啤梨味的「假藥水」味道。只是不太覺得有餅乾碎混在內，整體雪糕份量較多，如可以加入多些配料便好了。吃了幾分鐘雪糕已開始融了，把 waffle 也浸淋了。其實所謂的炒雪糕只是把不同配料拌入雪糕內，雖然味道是不錯，但不太明白何以要賣到 $60，個人覺得有點不值。

難得三五知己想搵間雪糕食下，去食返好耐之前試過既Holly Brown... 點知叫左一個Blue Jazz, 一個Coffeemisu, 兩個都係半溶既狀態... 炒果時已經係1 Pat 野... 想當年愉景新城食果時係成個球體，仲好結實... 做咩黎到旺角搞到咁？呢個價錢，呢個質感，唔掂wow...

因為啲同學話依間啲雪糕好好味所以我哋一行三人就買一杯cookie and cream gelato嚟share。我覺得佢哋個雪糕嘅做法同泰國嘅炒雪糕好相似（但係明顯泰國平好多啦lol），不過我食過之後就覺得都係泰國路邊嘅炒雪糕比較吸引，而且健康得多。我諗佢成個雪糕最有特色嘅地方就係將個雪糕炒完之後再放係waffle掛... 雪糕嘅價錢我本人就覺得如果係自己一個食嘅話就有啲貴，屬意如果唔想大出血嘅話都可以買嚟同朋友一齊share。另外因為我本身唔係好鍾意食好甜嘅嘢，所以我就覺得依間麻麻地啦，實在係太甜。如果可以無咁甜就好嚕

叫左藍色VANILLA 味+ 蜜糖星星+ 彩虹CHOCOLATE。原來所謂炒雪糕,就是把雪糕和配料撈埋一齊, 可惜當晚STAFF 炒得好HEA, 求其撈兩撈就搞店, 不過我叫果款, 入面只有D 彩虹CHOOCLATE, 又真係唔使點炒GE....雪糕比較水狀, 無咩VANILLA 味, 只食到淡淡的奶味, 好彩唔怕甜, 加埋蜜糖星星+ 彩虹CHOCOLATE, 甜道就岩岩好不過叫佢SET好哂的雪糕就平D LAW, 自己揀料就貴D,我覺得應該一樣價錢....

係旺角想食炒雪糕，又想有位坐，想舒舒服服咁嘆雪糕，咁你就要去炒雪糕專門店「Holly Brown」。點選「咖啡米蘇$60」及「藍爵士$60」，試試味道如何先。「咖啡米蘇」咖啡意式雪糕-提拉米蘇醬，朱古力碎。「藍爵士」藍色雲呢拿意式雪糕，海棉蛋糕。兩者都不會太易熔，味道剛好，不會太甜，個人喜愛藍色雪糕，因為外面少見有藍色既雪糕，價錢會中等，可以去試試口味！

第一次在朗豪坊吃到Holly Brown! Holly Brown 位於Food Court 旁，是吃過正餐後的甜品好選擇。今次嚐到了新推的口味，是薄荷味炒雪糕加焦糖脆脆，再配以餅乾窩夫底。薄荷味很清新，令雪糕增加一份冰冷感，消暑一流。焦糖脆脆沒有因為雪糕而變軟，仍然是非常脆口的。建議在吃雪糕時，配以餅乾窩夫一同吃下，增加口感

兩位小公主最愛食藍色炒雪糕^_^成日話要食blue 色雪糕。小公主終於放假啦^_^帶她們去食啦今次叫左Holly starlets 藍色雲呢拿雪糕同Heaven 草莓狂熱。兩款都好好味，草莓狂熱較酸，啱大人同夏天食雲呢拿當然係小朋友必然選擇。^_^今次我要推介意個丹麥吐司吐司部分係即製，約需等侯二十分鐘左右第一次試，但感覺難忘^_^吐司香味超濃，加入在吐司上雪糕一齊食冷熱交替感覺一流^_^

原本諗住嚟試吓佢嘅新奶昔，點知order個陣時朋友大頭蝦點錯左，結果叫咗呢個set就係一杯雪糕加一杯奶昔。奶昔揀咗藍色雲呢拿味，飲落味道唔錯雲呢拿味濃但係唔會太甜而且上面加左我鍾意嘅忌廉同埋彩針，飲嘅時候口感唔錯唔會好膩雪糕就叫咗紅莓味甜度酸度都適中奶味唔算好重但口感都算Rich美中不足係個窩夫餅底有啲焦黑食落有少少苦味

今日下午我們去咗旺角朗豪坊嘅「Holly Brown」食下午茶！見到他們有新款式推出，所以我們就叫咗Double Trouble嚟食，另外仲有野莓天堂！Double Trouble嘅頂層放咗個冬甩，冬甩上面放咗oreo，另有彩色脆片，下面係淺藍色嘅奶昔，顏色非常色彩繽紛，賣相超精緻吸引，冬甩都幾鬆軟，味道比較甜，奶昔相當香滑濃郁，味道好香甜！野莓天堂嘅味道酸酸甜甜非常醒胃，窩夫餅底超香甜鬆脆，野莓相當新鮮清甜，幾乎係本人每次嚟都會必點嘅！

距離睇戲仲有一個多小時，先坐低吃個雪糕。之前記得holly brown 的雪糕只是$56，而且有大小可選，但今日食的時候已經統一$60，只有大size。*黑武士（$60）朱古力味的意大利雪糕，再混合了朱古力brownies 、朱古力碎和朱古力醬。對我來說真的是極度邪惡的配搭之一，整個都超級甜，超級濃朱古力味，是愛好朱古力者的首選。意式雪糕有軟少的脂肪和空氣，比較軟滑，口感細緻一點；軟得來又不會很快溶。不過個脆杯今次食好似過了氣的威化一樣，不太好食。

之前就有可樂上面放薯條，今次Holly Brown 推出左新野就係呢個好靚嘅Crazy Shakes🍼奶昔上面放冬甩🍩~~平時有食開holly brown 嘅雪糕對佢都有一定信心，不過呢d樣好靚嘅野食，我都中過伏好多次，所以都係抱住試下嘅心態去食🤔本身我係想揀Monkey Business，因為一睇就知三個toppings 呢個最好食，而且朱古力味夠穩陣，但係呢我去到就無晒朱古力冬甩，咁我就揀樣最靚嘅Double Trouble佢係雲尼拿奶昔配杏仁冬甩，toppings係彩色脆脆同Oreo~~外表的確係好色彩繽紛，淺藍色嘅奶昔好夏日嘅感覺~~賣相一流，但坦白講味道很一般啊~~奶昔無咩雲尼拿味，toppings同冬甩唔係好夾，同埋比較甜，最好食係塊oreo餅乾😅醒目tips:一個人食就太膩喇，2個人食就剛剛好~食嘅時候最好攞多隻碟就唔會咁論盡喇~~

今晚我們喺旺角朗豪坊嘅德國餐廳食完晚飯之後，我們再去咗「Holly Brown」食飯後甜品！我們叫咗夏威夷甜心同黑白配！夏威夷甜心嘅士多啤梨雪糕味道酸酸甜甜，非常醒胃，士多啤梨同香蕉嘅份量都幾多，味道好香甜，賣相亦好吸引！黑白配嘅朱古力雪糕味道超級香滑濃郁，夾埋朱古力碎同oreo一齊食，真係非常配合同口感相當豐富！

這天跟男友行街睇戲食飯，食晚餐又未舖得落，行得攰想坐下，所以找到food court的holly brown進場。第1次來holly brown,當然必試藍色雪糕。叫了一份large的 藍星魔力 Holly Starlet!見住店員將所有材料在一塊冰凍的鐵板上炒合在一起，令到每一口的雪糕都有那爽卜卜口感!藍星魔力裡面有彩針，星星蜜糖，早餐脆片，雪糕的雲尼拿味好出，再加上彩針，甜度再提升，而蜜蜂星星及脆片將軟滑度同脆片中和，那冰涼卜脆在口中溶合，好特別!另外叫了一杯士多啤梨奶昔 Strawberry Milkshake，奶昔其實是溶解版的雪糕，粉紅色的吸引女生去點。實際上味道也不錯，帶點點鮮果味，好香滑奶冰，不過密度好高，不能飲太快!頭會凍起來!😣😣

行到好口渴，是但入一間飲杯嘢個胃唔係幾受得咖啡又勁口渴，好唔乖咁想飲凍嘢揀咗呢杯雜莓冰沙 Mixed Berry Smoothies 睇個中文名，以為係沙冰， 睇英文名，以為係奶昔點知佢真係兩樣嘢嘅中間所以係有奶味又傑傑哋嘅沙冰莓味唔夠，有少少藥水味總括，下次可以試第隻味

今日行朗豪坊, 行到攰, 就搵左holly brown 坐，環境舒適幾好坐，竟然有我最愛的薄荷茶飲，peppermint tea, holly brown用了澳洲chamellia 品牌的茶包，比較高級。個人喜歡薄荷茶的香氣，有一股清新的感覺，又可醒腦、促進血液循環、鎮靜緊張情緒、提神解鬱、緩解頭痛等....