Homeland (牡丹大廈) (已搬遷) 新店位置

餐廳寛敞，座位多，岩晒一大班朋友聚會。合價錢合理，份量十足，性價比幾高。小食拼盤 $108份量多，而且有成四款邪惡小食，配酒一流。見到小店有入本土自家制既手工啤，下次黎想試下!小食包括芝士薯條、酥炸雞翼、魚手指同炸蠔。酥炸雞翼係柚子蜜味，酥脆既外層配上清新香甜既柚子，食極唔厭。炸蠔同魚手指同樣外脆內嫩，薯條一定要趁熱食! 可能加左芝士醬，比較淋身。香烤乳豬配西班牙果酒燒汁 $198唔係外皮香脆既個款，皮肉比例接近一比一，肉質軟嫩，配搭微酸既果酒燒汁，有陣水果既香甜，食落唔會好油膩。精心擺碟，配菜好好食，尤其係薯蓉! 細滑既薯蓉中有粒粒好粉既薯仔，好重忌廉味。香煎澳洲黑毛安格斯西冷 $198比較中意食偏瘦既部位，肉味濃啲。本身叫左五成熟，但上到枱應該有七、八成熟到。但整體唔錯，脂肪雖然較少，但入口唔會好乾柴，有肉汁。配菜豐富，同樣有高質既薯蓉，女仔建議同人share，都好大份!青檸水果梳打多多 $36岩晒夏天飲，清爽開胃，又估唔到梳打同益力多咁夾。美祿恐龍沙冰 $36沙冰又係夏天必飲! 面頭鋪滿美祿粉，入落唔會好水或好淡。

今次呢間餐廳其實一直都係我嘅口袋名單book mark住，不過因為太遠所以一直都未有機會食到，最近見到佢喺九龍區開咗間新分店，忍唔住即刻去打個卡食個靚飯。呢間舖頭都幾出名，平日嘅星期一夜晚去食都座無虛席，餐廳主打手工意粉，另外仲有提供多款本地嘅手工啤酒同埋各類特調飲品，配合返佢嘅南美風音樂我覺得都幾舒服架！我同朋友都唔想飲酒精類飲品，所以我哋叫咗榛子朱古力同埋士多啤梨Virgin Mojito，榛子朱古力嘅味道都幾香濃，士多啤梨Mojito入口好清爽，清爽嘅薄荷同埋青檸嘅味道估唔到同士多啤梨嘅香甜都幾夾，係而家開始熱嘅天氣飲就真係啱啱好透心涼。食物方面我哋叫咗西班牙火腿卡邦尼意粉，澳洲flatiron 牛扒，同埋一份心太軟。我自己最欣賞佢嘅卡邦尼意粉，佢哋嘅手工意粉口感偏向有咬口，就算我掛住影相過咗一段時間都唔會淋晒，意粉芝士味都好夠，有溫泉蛋嘅加持之後更加滑溜，而且西班牙黑冇火腿唔算好油膩，鹹香十足，我個人超推介！至於牛扒我叫咗七成熟，入口肉汁都好林，而且肉嘅香味都會出，佢嘅配菜都唔輸蝕㗎，薯蓉偏向有顆粒狀都幾滑，雜菜嘅胡椒味道岀，都幾香甜。最後上台嘅係心太軟，佢嘅朱古力味超級香濃，

🥚Egg Benedict🥙 $98 （8/10）⁣荷蘭醬酸味比較重，夾埋三文魚牛油果食真係超夾😆😆蛋偏熟一點，只有少少流心。腸仔好juicy 好香肉味🤎。沙律菜超多，佢地用嘅黑醋汁超正，甜甜地酸度又啱啱好，係我地杯茶✌🏻✌🏻⁣⁣🐖🐖香煎西班牙伊比利豬肩肉 $148 （8.5/10）⁣豬肩嘅部位肉質比較扎實，帶少少筋同有趙口😬，入口愈咬個香味甜味會愈出，簡單嘅黑椒、鹽、百里香已經令到個味道好豐富，連配菜都沾上呢啲香氣🌿🌿。⁣🥔🥔薯蓉未完全壓成泥，特登做到有一啲薯粒嘅口感，🧈牛油同忌廉嘅香氣混合得好好個入口輕盈，唔會好重口味同有喧賓奪主嘅感覺😆。⁣⁣🍟脆炸粗直薯條配松露蛋黃醬$58⁣薯條炸得鬆脆，中間保留一點水份。蛋黃醬味道唔太突出，只有微微松露香，味道方面則茄汁比較濃☺️。 ⁣⁣🌹🌹浮華墨紅玫瑰$48⁣茶壺好靚😝未飲已經聞到陣陣玫瑰花香，入口暖暖地好舒服，幾啱解膩🍶。⁣

約咗朋友喺大角咀食飯，諗起呢間香港人嘅良心餐廳，一於食過番尋味😊呢度有好多款「好聞煮抗疫套餐」，單係呢個名我已經好鍾意❤️；我要咗$148嘅「西班牙海鮮炒飯」，朋友就點咗都係$148嘅「爆炸糖楓糖三文魚柳，配薰衣草忌廉汁」，套餐包「田園沙律」同飲品，我哋不約而同揀咗「熱咖啡」😋「田園沙律🥗」新鮮味美，又加咗沙律醋，食落開胃兼感覺健康😋。「西班牙海鮮炒飯」有大蝦一隻、青口、蜆、魷魚、八爪魚等，全部都幾好味，最特別之處係有幾片炸過嘅羽衣甘藍，非常脆卜卜😋。「三文魚柳」隻碟嘅顏色好colorful，賣相靚靚🤩，「三文魚柳」煎得香口，魚肉鮮味，外皮仲有少少脆，好yummy，配薰衣草汁幾 refreshing😋

復活節去到第四日，我帶謙謙來到大角咀Homeland, 已經好多個月冇來食我喜歡的 All Day Breakfast 了，所以選擇假日來。我諗好多朋友對 Homeland 都唔陌生，因為佢食物質素真係幾好，今次來有 “好聞煮抗疫套餐”包沙律野飲仲可加錢叫小食，正呀！😁🥗 田園沙律 ～ 唔好諗住跟餐沙律就會馬虎，呢到的沙律絕對吸引，因佢的醋汁好提鮮，沙律菜番茄仔又新鮮。⚛ 精選全日早餐 ～ 謙謙口味亦開始似我，來到見到有All day breakfast 就會叫， 確實太正，有煙三文魚花， 有焗得超脆的多士，太陽蛋，腸仔，煙肉，牛油果沙律😍😍，豐富成咁價錢又唔貴，絕對超值， 我地仲放太陽蛋上多士到食，d 蛋汁爆出來超掂☺☺⚛ 賓尼迪蛋 ～ 有爆漿嘅水波流心蛋，仲要有煙三文魚放喺烘底英式鬆餅上面，最緊要配埋個酸酸甜甜嘅鮮黃色荷蘭汁，真係好睇又好食呀！⚛ 德國腸拼盤 ～ 豬肉芝士腸，一切有爆汁，紐倫堡腸比較幼身，咬落口感實在，在腸拼盤下的薯茸好香滑，酸菜亦有解膩感。🍰 朱古力脆片蛋糕 ～ 謙謙最期待的甜品，因為用左香濃的朱古力去做，食落有點似雪糕的蛋糕，仲要有脆片口感一流。

上次係個朋友介紹呢間西餐俾我既，試完之後發覺質素咁高，今次輪到我介紹俾另一個朋友✌️我地點左兩個set lunch，我叫左香煎西班牙伊比利亞豬肩肉配薯菜，朋友叫咗香城安格斯牛漢堡走芝士(七成熟)，另外加左四隻鹹蛋黃雞翼share～餐湯望落紫紫地色，飲落似比較順滑口感既中式蓮藕湯，好得意😂 問左店員先知原來係係紫薯湯😯豬肩肉煎得好香，切開裡面肥瘦大約三七比例好均勻👍 肉質有“趙”勁，面頭有少許鹽簡單調味已經好好食👏漢堡烘到外脆內軟，塊牛肉超厚身！如果多幾分juicy就更perfect😂 蕃茄生菜新鮮爽脆👍伴碟嘅薯條香脆得黎完全唔油膩，好粗身好長，食落超有口感😁鹹蛋黃雞翼一上枱就聞到超級香嘅鹹蛋黃味😍 外皮好薄脆，雖然係鹹蛋黃但唔會覺得好膩，熱辣辣超好食🤤餐飲叫左熱檸茶同熱檸水，有三片厚厚既🍋，檸茶茶底唔會苦澀👍Set lunch仲唔駛加一，抵食高質之選👏👏

位置上有少少偏 但其實都係旺角落少少餐廳裝修好有心機 木製家品為主有家的感覺加埋周圍都有文宣同香港貼紙💛 感覺更加強haha晚餐同朋友食叫下叫下都多 份量都唔少🍽冬陰功海蝦闊條麵 $128一向好鐘意闊條麵 呢到既麵身好彈牙！加埋個冬陰功味crossover 有新鮮感🤤 怕辣都唔驚可以試！🍽香煎西班牙伊比利亞豬肩肉 $148都係非常高質 肉味夠濃又多汁又好軟薯蓉都好creamy 好好食 配埋個汁岩岩好 (配肉反而覺得佢蓋過左肉味)🍽德國腸拼盤 $98平時超市買條德國腸都要差不多10蚊一條所以呢個價錢都可以接受😆芝士腸同雞肉腸都好好食🤤🍽 招牌甜品拼盤 $148其實都係2款甜品 + 2粒macaroon 同生果所以價錢上可以自己衡量 因為甜品係冇得揀💁🏻‍♀️macaroon 食開心果味非常鐘意！食落唔會覺得食緊好多糖🍻叫左2款craft beer 有太多味好多選擇有彩蛋海鹽朱古力 $68但海鹽同朱古力味都係有 麥味比較重Overall 食得好滿足 環境好chill有個好似星期五既星期一💛

裝潢偏向英倫懷舊風，配埋馬賽克吊燈，好寫意!今日早到唔太多客，影左唔小打卡相食物方面，當然都唔錯!芝士凍肉腸拼盤非常抵 ， 只需要$98!拼盤有西班牙火腿，辣肉腸，同埋三款芝士( 金文畢芝士，帕馬森芝士同艾文達芝士)，芝士控必食! 西班牙火腿夠油香又不會過鹹!肉醬芝士四重奏千層面，$118，芝士味濃厚，可以做到拉絲效果!醬汁濃郁，闊條面我會形容為「大大塊，好好咬」，不過建議同人share，一個人食會有D濟!巴馬火腿芝士薄餅，$108!薄餅香口，配合芝士，火箭菜和餅底吃更加吊出巴馬火腿香味!青檸水果梳打多多，$36蚊!味道清新~Strawberry Virgin Mojito $46! 有驚喜估唔到士多啤梨加薄荷葉係咁夾!

🥚🥚🐷超人氣排名第一 大角咀色彩繽紛café ✨性價比：7/10🍳食物：7/10 🌏環境：7.5/10🕺🏻服務：8/10💰是次消費：人均$185 + 10% (暫時只收現金)————————店面佈置精美，色彩繽紛，環境可以以“Paradise”形容，有童話感，使人一進去就心情愉快，多張插畫加添光顧的信心，就知道預約這家餐廳沒有錯了。店舖分成兩個區域，入座率100%，所以眾人的談話聲令場地變得嘈吵，沒有cafe那種寧靜，如果在非繁忙時間，會是一個打卡熱點。松露忌廉芝士味酥炸雞翼 ($68) Deep Fried Chicken Wings with Truffle cream cheese雞翼6隻，淋上厚身芝士醬後，雞翼保持脆口，芝士味濃，但黑松露味就欠奉，另外還有咸黃醬和柚子蜜口味可選。冬蔭功海蝦闊條麵 ($118) Tom Yum Soup Shrimp Fettuccine最喜歡有創意的fusion菜，以泰式冬蔭功味配上西式闊條麵，味道很夾，賣相精緻。最欣賞它的闊條麵，吸收到泰式風味，不會辣又較硬身，咬口彈牙，而不是平時吃到的黏口意粉，還加上4隻蝦，份量適中。西班牙海鮮炒飯 ($1

難得放假瞓到自然醒 之後出去奧海城睇場電影睇完戲之後好肚餓 就搵吓食咩好近近哋行落大角咀就有好多餐廳選擇上網發現Homeland幾唔錯我哋又想食西餐就一於揀佢啦！-🥗半熟吞拿魚配芒果他他沙律 $88擺盤好靚呀 未食已經賞心悅目😍厚切吞拿魚加上芝麻 入口層次豐富 材料新鮮 醬汁開胃 簡直係冇得輸嘅沙律👍🏻🧈香草牛油蒜香焗田螺 $88蒜香到不得了😌 已去殼嘅田螺啖啖肉 薯蓉更加係精華 🇩🇪德國腸拼盤 $98三款香腸都咁高質 煎得超香爆肉汁好鍾意個酸菜可以中和一下口腔內肉味酸菜再多啲就更好啦 🐃香煎澳洲黑毛安格斯西冷 $198好療癒嘅牛扒坑紋 以黑楜椒碎調味Medium rare 就有些少過熟 但冇損其肉質美味出色嘅伴菜亦係一大加分🍝秘製伊比利亞火腿卡邦尼意粉 $128梗係要試埋Homeland嘅手工制意粉啦意粉嘅質地好特別 令我諗起較粗身嘅日本拉麵好鍾意食creamy嘅意粉 尼道卡邦尼真係味道不錯🧋海鹽奶蓋抹茶 $48好得意 有兩粒熊仔餅 食得又睇得抹茶勁濃郁 奶香重 實在有料的飲品 非常推薦🫖Tiger Lily $48火百合花茶 有助潤肺、止咳化痰一大壼以蠟燭台保持溫度 非常抵飲又養生

近年大角咀成為美食之區，好多小店都選擇喺大角咀開店。由於哥哥住喺附近嘅關係，每次經過都見到好多人排隊，哥哥食過都話好食，今日終於有機會同朋友嚟試喇！🥰🥭半熟吞拿魚配芒果他他沙律 $88呢個半熟吞拿魚食得出係新鮮，好強烈嘅吞拿魚味，絕對唔係出面嗰啲急凍吞拿魚，芒果他他亦都好甜，好有芒果味😋🧈香草牛油蒜香焗田螺 $88佢哋嘅田螺係即刻焗，一上碟嗰陣香草牛油蒜香味飄晒出嚟，田螺肉好彈牙，出面食親嗰啲肉係霉嘅，而且佢哋嘅田螺有滿滿嘅香草牛油薯蓉包圍着，牛油味好香亦都好滑，雖然薯蓉係第二主角，但係竟然薯蓉係最好食嘅，每食一啖都要叫救命，除咗好食我都唔知應該點樣形容，同朋友不停爭食🇩🇪德國腸拼盤 $98佢有三款唔同嘅德國腸，分別係雷根斯堡腸，紐倫堡腸同埋芝士豬肉腸。每一款腸都好好食，而且係即刻整即刻上枱，上到枱仲係熱辣辣香噴噴。我最鍾意食嘅係芝士豬肉腸，而佢半碟嘅薯蓉同德國酸菜都好好食，冇錯又係薯蓉，呢個嘅薯蓉係比較強嘅牛奶味，但係一樣都係咁滑。🍝秘製伊比利亞火腿卡邦尼意粉 $128識我嘅人都知道我好鍾意食carbonara，基本上去親每一間餐廳都會叫！意粉一上枱已經令我食指大動！佢哋嘅意粉係手工

呢度環境好舒適燈光好溫暖 感覺好溫馨🥰店員嘅服務態度都好友善好warm！Lunch Set送嘅兩個餐湯芝士忌廉蘑菇湯 好香芝士味 好creamy好濃稠☺️ 仲有粒粒蘑菇粒 增加口感 總括係好好飲嘅湯仲包咗餐飲韓式熔岩芝士牛肉飯 $88係邪惡嘅拉絲🤤 芝士配上滑蛋真係好正甜辣嘅泡菜飯好開胃 同芝士中和翻再加上滑牛 成個飯夾到冇得再夾🥰香城安格斯牛漢堡 $88好巨型嘅Burger😳😳 個口細啲都食唔晒成個包Angus Beef好厚身好juicy 重牛味 跟嘅薯條亦撒咗啲芝士碎 仲係即炸熱辣辣香煎西班牙伊比利亞豬肩肉配薯菜 $128豬肩肉煎得好香 豬嘅脂肪比例啱啱好 肉嘅質感好好亦唔會煎得太乾 保留肉嘅濕潤度 但我地覺得如果比個黑椒汁之類去點黎食會更加好

雖然呢度好重小店味，但係食物水準真係唔錯，有大餐廳嘅感覺。泰式柚子蟹肉沙律，呢個好味，好清香，成碗沙律都酸酸地，個味較得好好，同蟹肉好夾。法式鮮蠔忌廉湯，男友人話要試，好大膽嘅嘗試，佢話個味幾特別。我就揀返普通啲嘅鮮打香濃磨菇湯，果然係鮮打，有蘑菇蓉嘅顆粒感，好正。冬蔭功海蝦闊條麵，呢個必試，味道有啲酸辣，原來同闊條麵係咁夾，蝦亦都好新鮮。德國咸豬手，外皮好香脆，切開入面嘅肉質好鮮嫩！下面個薯蓉又整得好好味，好滿意！士多啤梨mojito, 愈飲愈好飲～

< Homeland > 📍大角咀大角咀餐廳林立，要搵嘢食一啲都唔難。經過呢間望落好warm嘅小店，成個感覺好啱放假想輕鬆吓，嘆個平靚正嘅lunch😝🍔煙肉蛋安格斯牛堡 $118個burger一上到枱成座山咁，每個配料都份量好足，個安格斯牛可以揀五成熟，食落好重牛味仲好Juice，本身想加多個薯條做小食，但係呢個burger已經好夠飽🍳大啡菇松露牛乳炒蛋 （週末限定供應）$118本身以為好輕量，簡簡單單食個炒蛋，點知原來成個all day breakfast咁，超級大份，好surprise🤩自己個人比較欣賞香腸，中間有芝士，唔係普通貨色，個炒蛋好滑不過松露味可以再強啲，整體來講成個set都好靚，好啱唔想食太多肉嘅女仔🥰

尋晚係大角咀Home Land食飯, 第一次食呢間黃店，看似好full..店員兼稱要等好耐叫我地係門口耐心等候，但店內有三張台由頭到尾都是吉的？聲稱是需要留俾訂座的客人！但...唔覺有人座過？點解呢？等咗5-10分鐘已可入座，先講有70分鐘限制，但門口唔覺有寫..除非我睇漏眼1）湯（味道唔錯）2）千層麵（未食過咁難食嘅千層麵，焗焦咗，硬到好似食緊牛肉乾咁，用力叉用力切都切唔開！裡面嘅麵皮好厚好實！堅劣！份量小到連細食女仔都唔夠食。3）西班牙海鮮飯（落單同我地講要等耐d, 但...5分鐘都唔洗就來咗，但係冇溫度嘅！？）份量又係小到細食女仔都食唔飽果種！！4）飲品（正常）環境：好焗好嘈好逼，所有台都拍到好埋，超close!! 塊膠板太矮，隔咗等於冇隔，完全冇意思！隔離台講野同笑聲嘈到耳仔都聾好少係OpenRice 打劣評，但見到呢間店竟然一個差評都冇？？what!? 我只認為唔理你黃店定藍店，但食物質素都唔應該係咁掛？