Hooray Bar & Restaurant (已結業)

好耐之前係呢間Hooray食過晚餐,第一印象被餐廳內的室外環境所吸引,眺望海景,吹著海風蠻舒服的!今次和同事見完客,就黎左呢度午餐,因為最近天氣炎熱關係,選擇室內用膳,二人都點了semi buffet加main course!其實lunch黎食幾抵,每人埋單都係百幾蚊,但食物質素不俗!係salad bar拎左d菜,然後埋位食牛扒!安格斯medium rare能保持肉質嫩滑多汁,牛香味十足!而侍應態度友善,見到同食客有傾有講,好nice!

假期的晚上 當然少不了和朋友聚聚舊來到這裡剛好是Happy Hour結束前的五分鐘 侍應也很好人的給了我們Happy Hour的價錢首先是這個Peach Bellini，由Peach Juice和Champagne混合在一起。漸變的顏色很吸引，底部還有一些桃的果肉絲，味道也不錯。然後這是Lychee Martini，還未品嚐也有一股荔枝的香味散發出來，味道很清新，那顆荔枝浸泡在Martini裡更是清甜。再來的主食少不了意粉。大蝦配喇沙醬意大利粉喇沙汁配意粉的組合頗特別，喇沙味再重一點會更美味，配上溫泉蛋，蛋黃汁撈在一起味道很好呢。大蝦新鮮彈牙，如果可以多一兩隻會更好。😝巴馬火腿火箭菜芝士Pizza分量十足，巴馬火腿和Pizza配搭很好。苦苦的火箭菜加上拉絲芝士很perfect池。Pizza薄底很脆口。假如喜歡飲酒，配上啤酒是一流呢。這個推介喔。在室內環境很舒服，燈光柔和。而室外環境則可以看到對面的大海，邊吃邊坐能欣賞美麗的香港夜景。

一入到去服務員帶位話望海個啲梳化位未ready, 於是坐左係近門口正中間個啲位，無風景睇個feel真係爭好遠。四點幾雖然唔曬但幾把風扇都吹唔到，所以都幾熱，望下隔離枱都路飲一路抹汗。另外侍應亦唔多，等落單埋單都等左段時間先有人過黎。叫左杯cocktail，麻麻地，而且價錢以happy hour黎講都算偏貴。坐左陣可能因為無乜風又熱，開始俾蚊咬，飲左半杯就急急腳埋單。滿心歡喜諗住上去睇景飲杯野傾下計，有得簡下次都唔會再黎，失望。

題目應補充:  (如果唔怕熱坐)室外睇夜景不錯選擇但由於本人太厚肉怕熱XD, 是日坐室內嘆冷氣食野;  所謂既室內係'搭'出黎既棚, 再加D門窗冷氣咁(上面有幾個位都滴水, 不過有野兜住既都), 感覺上冬天拆走晒就可以搞Party裝到好多人!2人叫左個沙律/pasta/腸腸拼盤, 價錢黎講偏貴, 如果坐戶外睇夜景可能就抵番D!- 半熟tuna伴菠菜苗+柚子醋: 柚子醋呢家野真係無敵, 好似所有沙律只要新鮮材料再加柚子醋就萬無一失! 不過佢既半熟吞拿都好味既, 煙薰過既表面令到魚生無咁單一, 有輕微煙香味, 生既部位無筋, 都好嫩; 菜既野加上柚子醋絕配啦, 但份量太少啦唔夠喉.-意式羅勒蓄茄意粉: 好味! 蕃茄好掛身, 掛晒上意粉度, 羅勒味都幾重, 加埋D蒜頭啊洋蔥啊overall味道好夠, 雖然係無肉既pasta但好滿足, 唔錯!-德國腸拼盤配薯仔/酸椰菜: total有4款腸, 我稱之為"黑腸", "白腸", "卷卷腸", 同"直腸";  黑腸硬身D, 香料味較重, 應該配番個淡味啤酒會正D, 但香料太濃個人黎講麻麻地;  白腸好似早餐腸咁, 彈D, 淡D, 但大眾口味D;  卷

留意了這間餐廳好耐, 終於有機會一試, 以為在告士打道中心地帶, 價錢會較高, 但出奇地價格相宜, 雖然食物款式,不多, 只有數款意粉薄餅及主菜, 但以平均200元的價格來說, 味道已屬中上,  用餐區環境可以, 但最滿意當然是露天酒吧區, 雖然是日酷熱警告生效, 但身處5樓露天酒吧又出奇地帶點點自然微風, 在鬧市中感受微微送爽的夜空, 與朋友把酒談心, 實在樂事! 今晚非常滿意, 用餐區及酒吧區的兩位經理都落力招呼,  值得一贊! 但之後的炎夏, 餐廳要改善送風問題, 感覺上冷風機不足呢. 

今日放工突然mood到, 同埋老婆去銅鑼灣happy hour拍拍拖， 難得老婆今日放早 ，即刻開心曬……呢間餐廳啱啱做緊海鮮拼盤promotion, 只要 叫一支白酒就送你一盆海鮮拼盤。 海鮮拼盤種類不馬虎包羅萬有， 有蝦有青口有翡翠螺, 冰凍夠新鮮， happy hour嚟講質素好好， 配埋白酒係一個好好嘅配搭。飲到咁上下兩公婆考慮咗一陣, 既然坐得咁舒服都唔轉場啦, 繼續喺餐廳嗰度食埋晚餐。叫咗個煎蟹餅老婆讚不絕口, 不過大大件兩個人食有啲啲滞。 香蒜意粉再配一盤蕃茄香草汁大蜆， 因為我鍾意蒜蓉和橄欖油所以只要有呢兩種香料配樂意粉嗰度基本上一定合格有餘， 至於蕃茄香草汁大蜆蜆都幾大隻同埋有啲汁配樂意粉嗰度所以我覺得唔錯。 有時呢啲餐廳都係食環境氣氛，嘢食合格就已經係一個好好嘅配搭啦！

係銅鑼灣，鬧市中心都有個小小天台bar，仲要望到海景，可以相約朋友飲返兩杯，又享受下靚景。夏天就有點兒太曬同太熱，望海位置毫無遮擋。係唔太凍既冬日，反而可以不受環境影響，專心傾計。上次黎飲野，已經係夏天，叫左杯期間限定既綠茶cocktail。Cocktail賣相十分精緻，用上木盒、石板，走日式風格。綠茶味幾香，不過酒味就略為欠奉。另外附上綠茶粉，可以將棉花糖沾上綠茶粉進食。棉花糖味道同口感就好一般，只為過下口癮。

剛好男友生日，之前我就打算找一天有空的時候試試。終於今晚再次來到這裡，而且餐廳內人客不多，所以便選擇了試試這裡的食物！這裡的食物選擇不算少，主打二人餐，另外還有4人餐。價錢在這區來說算是中上，環境幾好，薯條熱辣辣，薯味十足，而且醬汁的份量多，很濃郁。整體來說，這餐廳的質素有水準，比其他連

今日番summer intern最後一日，老闆請我同埋同事去Hooray食lunch farewell我 ，So surprised! 前幾次嚟Hooray都係夜晚同friend飲野，今日第一次試佢嘅set lunch menu ，估唔到真係唔錯架喎!見今日天氣都好，侍應安排左張室內嘅檯比我地，落地玻璃引入自然光，又有海景睇，坐得幾舒服。  我叫左杯荔枝旋風用料嘅配搭幾特別，幾清新但少少偏甜。是日餐湯係義大利菜湯，一般西餐廳水準，唔會太鹹。 我地三個人分別叫左鴨胸肉意大利飯，牛肉漢堡，同燒羊架 share。意大利飯無平時嗰啲咁膩，我唔係特別鍾意食太膩嘅芝士味，所以覺得配豌豆汁味道幾好。啲飯嘅口感偏腍，對食唔慣正宗半生熟意大利飯嘅我嚟講啱啱好。 鴨胸肉就不過不失，加左黑醋汁酸酸甜甜好開胃。 平時意大利飯太膩會食唔哂，要同人share，今次竟然食得完！ 牛肉漢堡賣相吸引，塊扒好有香安格斯牛肉味，外層煎得脆，咬落多汁，$88有靚牛肉，真心抵食。啲薯條好脆，個個都爭住食！係新鮮炸唔係求其整翻熱，應該有double/triple-fried先會咁脆。

家庭聚餐揀了位於世貿中心上的 “Hooray.” Hooday 是JC Group 旗下成員, 相信不論或食物質素都不錯。有個露天大平台, 放了不少座位而且每個坐位都非常寬敞。雖然餐廳位置不太高但可以望到維港景色, 都不錯。用餐途中突然下起大雨來, 風有不不測之風雲, 幸好當日天氣炎熱而沒有選擇坐於室外。午餐有十款選擇, 包括餐湯或沙律。午餐價格只有兩個分別為 $68及 $78, 與其他銅鑼灣商場相比實在非常抵食!年輕店員通知餐湯是薯仔湯, 沙律則是薯仔沙律, 根據店員介紹揀了薯仔沙律, 點之送上時變成火腿沙律, 而老公的湯變成粟米湯。店員要加倍努力! 《火腿沙律》 就是鬼佬沙律菜旁放了一片parma hem。簡簡單單的沙律菜, 賣點應該是這片parma hem。咸香味濃郁, 但質感比較乾身, 質素只屬一般。《粟米湯》 味道有粟米的甜味, 浠洁度適中。麵包籃内只有一款選擇, 從賣相看來應該是最普通的外購回來的豬仔包。首先温度不合格, 冷冰冰的麵包完全沒有誠意。咬下去與石頭無異, 硬到咬不下。《安格斯牛肉漢堡配薯條 $78》 牛肉漢堡已有多年歷史, 但近年香港的漢堡專門店越開越多, 款式

It was by far the WORST experience I had in any restaurant in my last 27 years that I HAD to make an account to comment.It was my 2nd time there and last time although the service was slow and rude since it was busy I thought maybe it's better when it is not. And I just wanted to have a quick drink and I'm already in the area so why not.Today it definitely was NOT busy. I was sitting outside and only 3 tables (including mine, which is only 2 ppl) were there at 4 or 5 pm. There were seriously MOR

周年紀念搵個好氣氛d既地方。餐廳環境天氣熱就坐室内算，室外望到維港既境系幾吸引，但系可以要受下d 煙味喇整體食物味道咸左(濃?)小小服務就。。。好得意带位員净系带位，坐低左又冇水又冇menu埋单又系冇人理，要自己行去叫人

今日朋友生日，選擇咗呢間有露天嘅餐廳，諗住可以睇埋日落，飲下酒，非常浪漫。傍晚時候我哋先到達飲野，雖然裝有噴霧式降溫風扇，但其實香港天氣，特別係室外食飯，真係熱到成頭汗，最不滿就係多蚊，一邊被蚊咬，一邊抹汗。其實我成日都好懷疑露天餐廳，特別又種有花草嘅，驅蚊呢一個環節點解仲梗係做唔好？客人真係好掃興。食物方面，呢度嘅嘢食價錢中等，適合大家share. 但酒水就唔平，我哋今晚9個人飲咗四支白酒，加其他無酒精食品，埋單5000幾6000，酒水同食物嘅價錢各佔一半。蘑菇 Rosetto 唔錯, 其他食物質素都還可以。呢個豬手，肉汁幾好，但係個皮硬到食唔到。最後我地諗住叫個大嘅蛋糕慶祝，但係佢地最大得一磅嘅蛋糕，所以我哋九個人唯有叫兩個一磅既，两個接近＄500蛋糕，其實真係麻麻哋好食，尤其是呢個啡色既蛋糕，得個甜字。甘既質素都要二百幾蚊，非常之唔抵勸喻，下次如果同朋友慶祝來呢度慶祝，用同等價錢去酒店買個啲好食嘅蛋糕，相信選擇會更多、更美味。呢餐每人夾成六百幾蚊所食嘅西餐，下次都未必會再嚟。不過見今晚嘅氣氛唔錯，大家聚得幾開心，就俾個OK佢。

有日響cwb想同朋友坐底傾下計，於是朋友就約左去呢道！我都吾係第一次去，但上一次就係坐indoor, high tea。今次坐outdoor有另一番感受，其實成日涼冷氣都吾多好，所以坐下外面係吾錯！可惜有人食煙，雖然係雪茄，但都是不太喜歡個味。但整體都好舒服好靚 點左Hot Punch, 公司三文治，Purple Crystal Purple Crystal其實係荔枝plus提子味的cocktail，味道不錯！最喜歡它分兩個杯疊在一起，兩層口味。(但職員叫我千其吾好倒埋一齊飲，我到依家都未知點解，落到個肚咪又溝埋？可能會吾靚啦！同下層有d cream,同上層酸性野係溝吾埋) 仲送你荔枝眼睛一粒！我諗holloween時應該很受歡迎！推介大家去到cwb想靜靜地傾計的好選擇！如果係明星更好，因為可以從秘道走，吾怕比狗仔隊跟！

收工同好姊妹慶祝生日，叫左4樣野食，每種食物都好滿意！！首先黎個中東薄餅配3醬，然後美國蜆意粉，真係好好味！呢種蜆好好食，好鮮好香又爽口，同平日西餐食嘅唔同，意粉軟硬度適中。豬手皮脆肉嫩！正！酸菜就唔啱我口味。磨菇湯好幼滑，平時飲開其他西餐廳嘅蘑菇湯會好濃好"流"，但呢度的蘑菇湯好幼滑而保持到菇味嘅濃度，值得一試！