House FiftyEight

营业中

休息中

大家都係觀塘街坊，朋友話以前食過嘅一間西餐廳轉咗手，開咗間新嘅都唔錯，仲有好多happy hour設施，今日同老細上去睇下～地方真係好大，一入去又有掟鏢機，又有足球機，仲有啤酒game～不過今日二人撐枱腳，就坐低叫嘢食啦！叫咗個Dinner set for 2雜菜湯+蘑菇湯：雜菜湯比較清，蘑菇湯好香濃，口感唔係太幼滑，但係有少少咬口咁仲啱我！跟湯牛角包非常鬆脆～唔使搽牛油都好好味！前菜：香料吞拿魚配牛油果同紅蔥醬，三文魚好新鮮，仲有少少沙律菜～牛油果醬好香，紅蔥醬啲紅蔥炸過，有啲咬口，口感幾豐富！味噌煮和牛面頰肉：啲和牛煮得非常淋，非常入味！！個味噌汁幾香，配料估唔到仲有啲酸酸地但幾嘅辣嘅辣椒，估唔到都真係幾辣㗎！！黑松露飯配三文魚子海膽蟹肉：個賣相好得意，上枱好似一個鍋咁，一打開勁香！😍我估唔到係一片片松露咁落本😚🤭～個飯炒得好香，原來仲會有少少飯焦，大大件海膽，真係好滿足！仲有三文魚籽、蟹肉～呢個飯真係不得了！！🥰👍🏻白桃草莓蛋糕同一杯凍mocha，為今餐畫上完美句號！！呢度仲有戶外地方，係pet friendly餐廳，如果你有貓貓狗狗寶貝，可以帶埋一齊嚟happy hour！！食

偌大空間，有飛鏢機同足球機等娛樂設施，仲有户外空間，空中花園feel！DINNER FOR 2 $598(set for2)👉🏻法式龍蝦湯 (+$38)濃厚嘅龍蝦香氣，有忌廉嘅奶滑，配有牛角包，酥軟，而且好有牛油香！👉🏻雜菜湯餡料多，粒粒蔬菜，豐富嘅口感，好開胃！👉🏻香料吞拿魚配牛油果及紅蔥醬共三件粉嫩吞拿魚，特別中意牛油果好滑溜，奶油質地，紅蔥醬個味道都幾突岀！👉🏻味噌煮和牛面頰肉牛面頰肉經過長時間慢煮，非常柔嫩，每一口都充滿咗濃郁嘅味噌香氣同牛肉嘅豐富層次！👉🏻黑松露飯配海膽三文魚籽蟹肉一整煲上，打開煲蓋香氣四溢，松露香氣再配有好多海膽，鮮甜唔腥，仲有三文魚籽同滿滿嘅蟹肉，份量都唔少！👉🏻是日甜品今日係抹茶夾心朱古力蛋糕，賣相靚，蛋糕質地鬆軟，每一層夾心都帶有抹茶同朱古力，唔會過甜，有士多啤梨伴碟，perfect! 個set包埋飲品，讚！

餐廳幾大，有室內外座、有卡位for大party、仲有飛標同桌球，枱與枱間空間闊絡，幾啱傾密計。幾次過咗lunch hour嚟呢度食lunch有折，今日喺附近收工，叫咗個二人餐。 ✦ 忌廉蘑菇湯蘑菇粒足料，上枱已經聞到湯香。湯半杰身，唔會好濟。仲有牛角包配搭。 ✦ 香煎法國鵝肝擺盤幾靚仔。鵝肝好厚身、肥大油厚，表面微焦、內裡軟嫩，油香stay咗喺口腔。另配搭多士同清甜無花果解膩。 ✦ 甘鯛魚魚皮炸成脆卜卜、一層層好別緻。魚肉嫩滑清香，同香濃厚身嘅白油忌廉汁好夾。啖啖滋味。 ✦ 黑松露飯配海膽三文魚籽蟹肉今晚VIP。非常足料，黑松露、海膽、三文魚籽、同蟹肉都唔吝嗇，香濃、口感豐富。飯以類似煲仔飯形式上，keep住熱辣，底有飯焦。最得意係有陣味噌味，好香口。 套餐仲有甜品同餐飲，兩個人無限坐都係五舊水度，好唔錯。

觀塘高質素西餐廳🥳 環境好大好靚，有室外位置，好適合同朋友聚會，或者帶寵物嚟～白酒忌廉青口配多士（大）🍞白酒忌廉醬汁濃郁，青口鮮美，搭配酥脆的多士好正呀😆 海鮮加奶香醬汁，絕對係開胃嘅好選擇！黑松露惹菌鵝肝意大利飯🍚🍄 大大件鵝肝入口即化🤤🤤🤤 黑松露味超香，醬汁濃郁，米飯煮得恰到好處，混合豐富蘑菇好好味👍 牛油果大啡菇漢堡🍔🥑 素食者必食🥰 牛油果、大啡菇、生菜加蕃茄，非常豐富，搭配新鮮的漢堡包，好飽肚好滿足

今日在觀塘駿業街電訊數碼大廈工作、收工時留意到四樓有一間西餐廳、反正個肚有點餓、於是入去光顧、入門口見到是一間西餐廳和酒吧、而且仲有一個露天露台、環境寬敞、地方雅潔、裝修帶有濃厚美國餐廳味道、裏面有很多遊戲設施、包括飛鏢波枱等等、喺觀塘區嚟講、都是一間很特別的餐廳、坐低之後、點了餐牌一個唔錯的套餐、包括有法式龍蝦湯、雜菜濃湯、香煎法國鵝肝、甘鯛魚配白酒忌廉汁、黑松露飯配海膽三文魚籽蟹肉、甜品係士多啤梨蛋糕、先講法式龍蝦湯、味道香濃、好飲、雜菜濃湯配以新鮮焗的牛角包、味道好夾、香煎法國鵝肝配上法包多士、味道濃郁、鵝肝的甘美和多士的香脆在口腔裏爆發、好味、加上無花果的清香和黑醋汁的微微酸味、配搭相得益彰、之後的甘鯛魚配白酒忌廉汁、甘鯛魚煎得十分香口、 而魚鱗煎得香脆、喺香港嚟講、好少餐廳會提供連埋魚鱗一齊去煎、 好味、 配埋濃厚的白酒忌廉汁、更加帶出魚的鮮味、加上少少酸荳、正跟住就是不得不講的黑松露飯配海膽三文魚籽蟹肉、 飯煮得啱啱好不太諗亦都不太硬、 調味啱啱好、 廚師沒有手軟吝嗇、裏面的海膽、三文魚籽、蟹肉、黑松露、鮮味不斷在你的口腔爆發、回味無窮、食完之後海膽的鮮甜甘美仍然在你口腔內

今日同同事去咗酒吧餐廳，真係食得好開心！😋😋 一入去就見到環境好舒適，令我哋感覺輕鬆自在。首先上咗前菜，忌廉蘑菇湯好香滑，味道濃郁！🍄🥣 配埋餐包一齊食，簡直係絕配！接住就係主菜，慢煮美國安格斯頂級牛板鍵，肉質超嫩，入口即化，真係好享受！🥩😍 鮮茄小龍蝦意粉亦都唔錯，意粉煮得剛剛好，配上鮮甜的龍蝦，味道一流！🍝🦞食完主菜，我哋仲試咗蝦多士，小食好有驚喜！蝦肉鮮美，外脆內軟，啖啖都好滿足！🍤🥖 最後飲品方面，我選擇咗mocha，濃郁的巧克力味搭配香滑咖啡，簡直係一種享受！☕🍫今日的午餐真係食得開心又滿足，大家都好開心！優惠lunch 14:00後去食有8折下次仲要再嚟！🎉🍽️✨House FiftyEight地址: 觀塘駿業街58號電訊數碼大樓4樓

今日放咗工同同事食飯，揀咗呢一間空間感大，裝修又靚嘅餐廳，二人套餐嘅價錢$598，價錢都幾合理～套餐包咗每人一個餐湯，有兩款湯可以選擇，分別係雜菜湯🥬🥣 同埋 法式龍蝦湯🦞 +$38，我哋兩個都試晒，我自己就比較推介法國龍蝦湯，入面真係有好多小龍蝦肉，比起雜菜湯更加有特色！跟住就有個前菜，估唔到佢哋呢度嘅前菜都幾抌本，竟然提供香煎法國鵝肝🪿去到主菜就分別有味噌煮和牛面頰肉🐮 同埋 黑松露飯配海膽三文魚籽蟹肉🦀 ， 牛面頰煮得非常腍，而且牛味十足，食肉獸應該會好鍾意！至於黑松露海膽三文魚子蟹肉飯，簡直係足料到嚇死人，簡直係多重味覺享受啊！我哋當日嘅甜品係抹茶慕士蛋糕🍵🍰，賣相都幾精美！另外呢個套餐仲包咗每人一杯咖啡☕️ 或 茶🍹～埋單嗰陣，店員仲提我哋如果有時兩點後先得閒食飯，可以考慮吓佢哋餐廳，因為有八折優惠抵好多㗎！

如果你想搵間可以一邊食飯一邊玩嘅餐廳，House FiftyEight絕對值得一試！呢度不單止有得食，仲有飛鏢機同足球機，啱晒朋友聚會或者約會。我哋嗌咗佢哋嘅2人晚市套餐，$598 已經包晒湯、前菜、主菜、飯、甜品同飲品，性價比唔錯。 開場嘅湯有兩款揀，我哋各選咗羅宋湯同蘑菇湯，配埋暖粒粒嘅牛角包，湯味濃郁，暖胃又舒服。前菜係香煎法國鵝肝，煎得外脆內嫩，入口即溶，加埋甜甜嘅醬汁，真係好滿意。 主菜揀咗金鯛魚配白酒忌廉汁，魚肉煎得剛剛好，魚皮炸到脆一脆，配搭白酒忌廉汁好香濃，又唔會搶走魚嘅鮮味。最驚喜係黑松露飯配海膽三文魚籽蟹肉，松露香氣超突出，飯粒煙韌，配上海膽同蟹肉，真係一口天堂！ 最後甜品係抹茶芝士蛋糕，抹茶味香濃但唔會太甜，啱晒做完美收尾，飲品揀咗凍檸茶同凍咖啡，清新解膩。 整體嚟講，House FiftyEight食物水準唔錯，加埋有得玩，環境又寬敞，真係一個輕鬆又開心嘅聚餐好地方！

喺觀塘附近收工，搵到有間西餐廳，環境唔錯，坐得舒服，仲有二人set，就去試吓。House FiftyEight除咗呢度環境本身唔錯，佢仲有足球機飛鏢機等等嘅娛樂。最近咁啱佢做緊一個晚餐二人set，$598，食落我覺得都幾抵。是日餐湯可以揀雜菜湯或蘑菇湯。雜菜湯味道比較清甜，蘑菇湯濃厚之餘仲有好多蘑菇碎粒，好豐富。佢亦都配咗個牛角包做餐包，算幾有誠意。香煎法國鵝肝有得揀，真係揀鵝肝好。好厚好肥，煎得夠香口，個心又夠軟熟，相當出色。隻碟都有整熱到，呢個係加分位。味噌煮和牛頰肉和牛頰肉比預期中更加腍，佢配埋濃厚嘅味噌汁，味道本來就好足夠。佢亦都有相當嘅配菜，呢度菜算係好豐富。黑松露飯配海膽三文魚籽蟹肉呢度嘅真正秘密武器。所謂黑松露飯係真係一片片嘅黑松露，佢唔單止配埋無敵嘅海膽、三文魚籽同蟹肉，最重要佢係用一個好熱嘅鍋焗住，就算冬天食都非常合適。是日甜品係一個抹茶Moose蛋糕，幾好味唔會太甜，Plating亦做得好靚，我亦欣賞佢連隻碟都有雪到。咖啡或茶咖啡可以揀Cappuccino，選擇算OK呢個二人餐，細節做得幾好，好明顯佢唔係淨係想做普通西餐，而係做到有特色之餘又好味嘅效果。除咗二人晚餐

晚上嚟左觀塘呢間樓上鋪嘅西餐廳，成間餐廳空間好大，仲有戶外飲酒區。睇menu 見平日兩點後嚟食有8折優惠。前菜叫左煙三文魚海藻沙律，煙三文魚嘅煙燻味幾濃，海藻沙律配左啲黑醋汁，幾開胃同爽口。主菜叫左香煎盲曹魚柳配帶南瓜蕃茄汁，盲曹魚柳有三塊，魚皮煎到香脆，南瓜蕃茄汁有蔬菜嘅甜味，幾夾塊魚柳肉。而碟魚柳仲有三粒帶子，帶子兩面煎封過，肉質幾鮮甜。最後叫左份原隻焗龍蝦薄餅成個pizze有10吋，share食最好。龍蝦開半焗，中間仲有啲龍蝦膏。Pizza餅底焗到脆身，同啲cheese熱辣辣食好味。

餐廳位於觀塘工廈，環境寬闊而且設有飛鏢足球機等娛樂設施，食完飯都可以同班friend玩吓。而且仲設有露台望到城市景。餐廳仲比較清靜。鍾意靜靜地上嚟坐低傾吓偈嘅朋友都幾推薦上嚟。今次叫咗個二人餐:個人好鍾意呢一度個餐包，非常之脆。由外面脆到入面。而且點埋蘑菇湯食味道超級正。前菜有香料吞拿魚配牛油果及紅蔥醬，份量比較輕盈，但味道豐富。吞拿魚溝埋醬料食非常夾。推介點多啲醬食。主菜有味噌煮和牛面頰肉，非常推薦呢一個牛面。肉質嫩之餘，味道非常出色。味噌味特出。黑松露飯配海膽三文魚籽蟹肉，海膽味突出。食完呢一個都夠晒飽。甜品賣相一流，食落味道都唔差。

公司食飯訂了13:00，去到很多食物都售罄電話落單系統很差Lunch set主食要用電話落單，但飲品、小食和甜品則要另外向侍應落單，而且在電話餐牌看不到的，要問侍應拿紙本餐牌，很不方便兩個pizza遲遲都未到，最後要取消聽到其他枱也是要取消某些食物食物質素也不好，很多也是overcooked，與其他相同價錢的餐廳對比下，非常欠佳整個餐廳很像沒有人管理一樣，平日中午也應付不了，不明白為何有這麼多好評，10人全體人員都非常失望

觀塘好多嘢食就大家都知道㗎啦，今日就同男朋友去咗試食一間位於觀塘嘅樓上西餐廳！本身佢好鍾意掟飛鏢，呢一間西餐廳有埋飛鏢機就非常之啱佢口味啦❤️🫶🏻本身淨係想搵個地方靜靜地坐吓，諗住嘢食高質只係bonus，點知又真係唔差喎！我哋兩個人嗌咗一個set dinner $3xx (有齊前菜，沙律，湯，main，甜品和凍飲)同埋另外嗌咗一份青口，特別推介佢哋嘅牛扒同埋青口比大家！🔺美國頂級肉眼 (+$78)睇相已經知道高質同埋嫩口啦，雖然呢一款煮食係要另外加$78但係睇份量同埋味道絕對係物超所值啊！🔺白汁青口（Large size) $248我哋一致認為呢一個青口係so far我哋係西餐廳食過最好食嘅，同喺銅鑼灣都有分店嘅一間連鎖餐廳（出名食青口嘅）絕對有得媲美～買單嗰陣個職員仲同我哋講lunch time 1400 後有8折，各位咁啱去附近行街食個late lunch或者下午茶嘅話又多一個好選擇啦！！

嗌左個dinner set。❤️是日餐湯是羅宋湯酸酸辣辣好開胃🤤。配酥脆牛角酥很棒呀！👍🏻❤️前菜揀左烤慢煮嫩雞胸凱撒沙律🥗有雞胸、麵包糠、煙肉🥓等，頗豐富。❤️主菜揀左澳洲特級寶雲蘇羊架（3件）羊架有翠玉瓜，車厘茄、蘆筍、青瓜🥒和薯仔🥔等配菜。羊架面上有黑椒粒好香口，點埋青醬十分清新。有少少肥膏，入口有脂香～😋❤️是日甜品是藍莓 cheesecake。勁多藍莓舖在芝士蛋糕上😍。配上士多啤梨🍓和忌廉十分滿足～❤️飲品嗌左熱Mocha。一邊食甜品一邊飲番杯融合了朱古力🍫的甜和咖啡的苦澀的熱Mocha，真是太開心了～🥰另嗌了兩款小食：單骨雞翼 和 Parma Ham薄餅（6吋） 。❤️單骨雞翼食起黎好方便呀！❤️Parma Ham薄餅（6吋） Pizza除了有Parma Ham還有我最愛的火箭菜😍。還嗌了「忌廉青口配多士」另加了$10嗌左杯白酒。白酒🍸配青口簡直係perfect match！酒香盈腔，酒帶出了青口的鮮味👍🏻😋。搭配青口的蕃茄汁甜中帶辣，將多士點蕃茄汁🥫好好味呀！😋👍🏻

今日去左觀塘一間樓上嘅西餐廳兼酒吧，環境相當悠閒，亦有飛標玩，增添咗不少樂趣。餐廳嘅飲品選擇多樣，從啤酒到雞尾酒都應有盡有，真係好適合聚會。Set dinner首先上左蘑菇湯，味道非常濃郁，茸茸嘅口感令人回味無窮，湯底用料新鮮，絕對係開胃首選。接住就試左雞胸凱撒沙律，雞胸肉嫩滑，沙律醬配合得恰到好處，面包丁清新又唔會太膩，適合想輕食但又想有飽腹感嘅朋友。主菜我哋點咗封門柳，外脆內嫩，咬落去有種滿足感，配上特製醬料，味道更加提升。忌廉青口配多士亦係一大亮點，青口新鮮，忌廉醬滑順，搭配烘到好脆口多士，簡直係完美嘅組合。最後，小食方面，我哋叫咗蝦多士同日本鱈魚乾脆脆。蝦多士外層金黃酥脆，蝦肉鮮美，口感一流，而日本鱈魚乾脆脆口味獨特，鹹香適中，絕對係下酒嘅好選擇。呢間西餐廳無論係飲品定食物都令人滿意，環境舒適，適合大家聚會同享受美食。如果你哋喺觀塘附近，真係唔好錯過呢個地方！