影片
电话号码
22860283
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
近日秋高氣爽，作為香港人的我也未遊歷過位於美孚的饒宗頤文化館，所以就趁這天朗氣清的日子，相約閨密去這裡逛逛! 館內的建築物很有英國建築特色，而且小妹還發現位於文化館中庭位置內，有一間很有歐陸式建築的餐廳 ~ House of Joy 「悅滿軒」，餐廳的外牆設計非常有外國小鎮情懷，當日我哋就來這間餐廳品嚐晚餐!餐廳內的佈置很簡約優雅，而這裡的menu也很吸引，當晚我哋就order咗1 set “Chef Tasting Menu” ($688 for 2 persons)，另外再order 多半打法國生蠔。侍應話呢度啲生蠔是來自法國，$10一隻非常抵食，所以就叫了半打試試! 生蠔味道不太濃，有海水味，質感爽口，size 較細，但性價比很高，尚算不錯!再來是 starter，小妹就要咗個「甘筍南瓜湯」，湯濃度恰到好處，非常有新鮮蔬果味，好健康!至於second course， 小妹就要咗個「藍鯨吞拿魚他他配牛油果蓉多士」， 而閨蜜就要咗個「法式凍龍蝦肉醬配芒果莎莎」，兩個賣相都超靚超精緻，也可能是開胃前菜關係，份量較细，淺嘗一口，令你一試難忘!Main course 我就要咗個「香煎智利黑鱈魚配烤海鮮跟海鮮蟹肉汁海鮮泡沫」。 單是賣相已經是無法抗拒，鱈魚肉質嫩滑，再配埋海鮮蟹肉和打成的海鲜泡沬一齊食，味道鮮甜可口，口感一流! 小妹超鐘意這道菜!而小妹的閨密就要咗個「慢煮美國小牛排配蕃茄汁意大利麵」，小牛排好有牛味，而且肉質很鬆化，配埋個意粉一齊食，極度有滿足感!至於甜品，英式「Apple pie」 OK，酥皮脆度適中，不太甜；而「麵包布甸配雲呢拿雪糕焦糖汁」，甜度比較淡口，麵包布甸口感比較軟身，所以小妹覺得要配埋雪糕同crumble脆脆一齊食，再加嘆住一杯滴漏咖啡，感覺會好味點，完美點! 今次能夠找到這間隱世餐廳「悦滿軒」真是有House of Joy 的感覺 ～ 開心! 如果大家有機會來這裡遊遊，不妨也來「悅滿軒」望望，真心覺得這間餐廳很有fine dining 水準， 而且老闆侍應個個都好nice! 值得推介這間既有創意又有實力的隱世餐廳!
继续阅读
今日第一次嚟到位於美孚嘅「House of Joy Oyster Bar and Restaurant」呢間西餐廳☺️，餐廳嘅裝潢十分有歐洲風味😜！站喺店門口，可以感到一股濃厚嘅西式氛圍！餐廳環境乾淨整齊，光線明亮，心情都開朗起來😎。通常午餐我都會選擇比較重口味嘅食物，但今日我決定試吓佢哋嘅特色西餐！😇🔸 慢煮法國鵪鶉配鵝肝意大利飯 $198，鵪鶉煮得好嫩滑，鵝肝香滑濃郁，配埋香滑嘅意大利飯，真係齒頰留香，味道一流！🔸 火腿芝士拼盤 $248，火腿同芝士配搭得非常好，火腿鹹香，芝士濃郁，兩者嘅味道互相輝映，真係令人一試難忘！🔸 烤焗法國脆皮黃油雞配炒栗子椰菜仔西班牙紅椒忌廉汁 $278，黃油雞烤得外皮香脆，內裡嫩滑，再配埋炒栗子、椰菜仔同西班牙紅椒忌廉汁，味道層次豐富，真係食到停唔到口！「House of Joy Oyster Bar and Restaurant」嘅每款菜式都帶有濃濃嘅歐洲風味，十分推薦大家去試試！
继续阅读
牛肝菌黑松露忌廉汁意大利飯：濕潤軟糯嘅米飯，忌廉味好濃，仲有好滑嘅野生牛肝菌同埋高級食材黑松露，食落去真係好驚喜！好味到喊出嚟❣️蘋果木煙燻西班牙乳豬：乳豬皮已經燒到金黃酥脆🐷 再配埋餐廳自製嘅印尼燒烤汁一齊食，鹹香味好夠！乳豬下面仲鋪咗一層法式薯仔蓉，軟綿綿嘅口感同鮮嫩多汁嘅乳豬，真係世界級！🦪 法國生蠔：呢排餐廳仲做緊優惠，法國生蠔只係$10一隻，真係好抵食！我哋叫咗8隻嚟食，隻隻肉質肥美，味道鮮甜，一啲腥味都冇👌🏻🍷紅酒：我見佢地紅白酒依家都做緊優惠，任飲兩個鐘只係$128。雖然話紅白酒free flow但係品質都好高，餐廳冇求其敷衍客人，呢個真係正☝🏻我自己就比較鍾意果香味濃啲嘅紅酒，大部分都好好入口，酸甜度都好平衡👅
继续阅读
多謝朋友訂咗枱，唔係我哋應該都要排隊好耐。餐廳外面都係紅牆，入面好有feel，好啱嚟拍拖。我哋四人叫咗：牛小排蕃茄汁意粉，美國牛腹肉，煙燻西班牙乳豬，芝士忌廉汁青口同香煎鵝肝。✨慢煮美國牛小排配蕃茄汁意大利麵🍝 【$288】自家製嘅蕃茄味極濃郁 麵條吸收得好晒 好q彈，微酸多汁嘅真係好好開胃澳洲藍青口配西班牙藍芝士忌廉汁🍟【$178】呢道真係好好食！我哋四個人都爭住食，一陣就清晒。忌廉汁好好味，其他地方都比唔上，係我食過最入味嘅。✨美國頂級牛腹肉12安士🥩【$378】叫咗5成熟，賣相100分，一上菜會聞到勁香嘅炭燒味。肉味都超級足，烤得表面都好焦香，食落去好juicy，牛香味滿滿。✨蘋果木煙燻西班牙乳豬 【$388】乳豬皮燒得好香脆，肉質嫩滑，份量都好有誠意，超級無敵大份！✨香煎法國鵝肝配法國甜包，蜜糖黑醋烤無花果 【$188】咪睇佢細細一塊，食完都會喺你個胃度佔一席位。油香極為豐富，上枱嘅時候已經香氣十足，表面睇落去好似煎得太焦咗 但係一點都唔會，仲特別焦脆。
继续阅读
偶然經過美孚呢間西餐嘅店面，見到佢嘅裝潢好靚，感覺有唔錯嘅氛圍，忍唔住要入去試吓！烤原隻西班牙墨魚配墨魚汁意大利飯法式燴蕃茄蓉 - $428呢個烤原隻西班牙墨魚真係絕品，墨魚肉質彈牙鮮美，配上濃郁嘅墨魚汁意大利飯同法式燴蕃茄蓉，味道層次豐富，令人回味無窮！🔥烤焗西班牙伊比利亞羊扒配自家製羊肉腸紅菜頭蓉羅勒莎莎- $338呢個羊扒真係一絕，烤得外脆內嫩，配上自家製羊肉腸同紅菜頭蓉羅勒莎莎，口感非常棒！每一啖都充滿濃郁嘅羊肉香味🥳甘筍湯(廚師推介湯)- $78呢個甘筍湯真係鮮甜可口，廚師推介，味道濃郁，暖身又滋味，飲完仲想再叫多一碗！🔥香煎法國鵝肝配法國甜包蜜糖黑醋烤無花果- $188呢個香煎法國鵝肝真係一流，外脆內軟，配上法國甜包同蜜糖黑醋烤無花果，味道層次豐富，真係令人忍唔住係咁食，西餐嘅魅力所在！🔥呢間西餐值得你嚟品味！如果想搵一間好嘅西餐廳慶祝或者同朋友聚會，可以揀呢度～無論係環境定係食物都好有水準，值得推介俾大家
继续阅读