影片
有关奖赏计划
优惠
过年前同同事食团年午饭，同事推介一间喺饶宗頣文化馆入边嘅法式西餐厅，佢试过好食又唔贵。前一日经OpenRice book咗中午12点，坐低10分钟左右餐厅已经full晒，餐牌上面嘅lunch set价钱合理，大概$130～$260左右，有9款选择，另外餐厅而家做紧优惠$10一只生蚝，一份set可以叫六只，我哋一行四人叫咗4个lunch set，加咗两打生蚝，2份西冷配烤薯菜，1份猪鞍扒配烧薯菜同埋1份鹅肝意大利饭。生蚝虽然唔系好大只，但都好鲜甜，试食同事嘅西冷扒同埋猪鞍扒都好嫩滑，我自己个鹅肝意大利饭，鹅肝都好肥美，完全冇臊味😋😋😋第一次lunch食生蚝，觉得好夸张😂😂有机会一定要再嚟试吓👍🏻👍🏻
继续阅读
近日秋高气爽，作为香港人的我也未游历过位于美孚的饶宗颐文化馆，所以就趁这天朗气清的日子，相约闺密去这里逛逛! 馆内的建筑物很有英国建筑特色，而且小妹还发现位于文化馆中庭位置内，有一间很有欧陆式建筑的餐厅 ~ House of Joy 「悦满轩」，餐厅的外墙设计非常有外国小镇情怀，当日我哋就来这间餐厅品尝晚餐!餐厅内的布置很简约优雅，而这里的menu也很吸引，当晚我哋就order咗1 set “Chef Tasting Menu” ($688 for 2 persons)，另外再order 多半打法国生蚝。侍应话呢度啲生蚝是来自法国，$10一只非常抵食，所以就叫了半打试试! 生蚝味道不太浓，有海水味，质感爽口，size 较细，但性价比很高，尚算不错!再来是 starter，小妹就要咗个「甘笋南瓜汤」，汤浓度恰到好处，非常有新鲜蔬果味，好健康!至于second course， 小妹就要咗个「蓝鲸吞拿鱼他他配牛油果蓉多士」， 而闺蜜就要咗个「法式冻龙虾肉酱配芒果莎莎」，两个卖相都超靓超精致，也可能是开胃前菜关系，份量较细，浅尝一口，令你一试难忘!Main course 我就要咗个「香煎智利黑鳕鱼配烤海鲜跟海鲜蟹肉汁海鲜泡沫」。 单是卖相已经是无法抗拒，鳕鱼肉质嫩滑，再配埋海鲜蟹肉和打成的海鲜泡沬一齐食，味道鲜甜可口，口感一流! 小妹超钟意这道菜!而小妹的闺密就要咗个「慢煮美国小牛排配蕃茄汁意大利面」，小牛排好有牛味，而且肉质很松化，配埋个意粉一齐食，极度有满足感!至于甜品，英式「Apple pie」 OK，酥皮脆度适中，不太甜；而「面包布甸配云呢拿雪糕焦糖汁」，甜度比较淡口，面包布甸口感比较软身，所以小妹觉得要配埋雪糕同crumble脆脆一齐食，再加叹住一杯滴漏咖啡，感觉会好味点，完美点! 今次能够找到这间隐世餐厅「悦满轩」真是有House of Joy 的感觉 ～ 开心! 如果大家有机会来这里游游，不妨也来「悦满轩」望望，真心觉得这间餐厅很有fine dining 水准， 而且老板侍应个个都好nice! 值得推介这间既有创意又有实力的隐世餐厅!
继续阅读
今日第一次嚟到位于美孚嘅「House of Joy Oyster Bar and Restaurant」呢间西餐厅☺️，餐厅嘅装潢十分有欧洲风味😜！站喺店门口，可以感到一股浓厚嘅西式氛围！餐厅环境干净整齐，光线明亮，心情都开朗起来😎。通常午餐我都会选择比较重口味嘅食物，但今日我决定试吓佢哋嘅特色西餐！😇🔸 慢煮法国鹌鹑配鹅肝意大利饭 $198，鹌鹑煮得好嫩滑，鹅肝香滑浓郁，配埋香滑嘅意大利饭，真系齿颊留香，味道一流！🔸 火腿芝士拼盘 $248，火腿同芝士配搭得非常好，火腿咸香，芝士浓郁，两者嘅味道互相辉映，真系令人一试难忘！🔸 烤焗法国脆皮黄油鸡配炒栗子椰菜仔西班牙红椒忌廉汁 $278，黄油鸡烤得外皮香脆，内里嫩滑，再配埋炒栗子、椰菜仔同西班牙红椒忌廉汁，味道层次丰富，真系食到停唔到口！「House of Joy Oyster Bar and Restaurant」嘅每款菜式都带有浓浓嘅欧洲风味，十分推荐大家去试试！
继续阅读
牛肝菌黑松露忌廉汁意大利饭：湿润软糯嘅米饭，忌廉味好浓，仲有好滑嘅野生牛肝菌同埋高级食材黑松露，食落去真系好惊喜！好味到喊出嚟❣️苹果木烟熏西班牙乳猪：乳猪皮已经烧到金黄酥脆🐷 再配埋餐厅自制嘅印尼烧烤汁一齐食，咸香味好够！乳猪下面仲铺咗一层法式薯仔蓉，软绵绵嘅口感同鲜嫩多汁嘅乳猪，真系世界级！🦪 法国生蚝：呢排餐厅仲做紧优惠，法国生蚝只系$10一只，真系好抵食！我哋叫咗8只嚟食，只只肉质肥美，味道鲜甜，一啲腥味都冇👌🏻🍷红酒：我见佢地红白酒依家都做紧优惠，任饮两个钟只系$128。虽然话红白酒free flow但系品质都好高，餐厅冇求其敷衍客人，呢个真系正☝🏻我自己就比较钟意果香味浓啲嘅红酒，大部分都好好入口，酸甜度都好平衡👅
继续阅读
多谢朋友订咗枱，唔系我哋应该都要排队好耐。餐厅外面都系红墙，入面好有feel，好啱嚟拍拖。我哋四人叫咗：牛小排蕃茄汁意粉，美国牛腹肉，烟熏西班牙乳猪，芝士忌廉汁青口同香煎鹅肝。✨慢煮美国牛小排配蕃茄汁意大利面🍝 【$288】自家制嘅蕃茄味极浓郁 面条吸收得好晒 好q弹，微酸多汁嘅真系好好开胃澳洲蓝青口配西班牙蓝芝士忌廉汁🍟【$178】呢道真系好好食！我哋四个人都争住食，一阵就清晒。忌廉汁好好味，其他地方都比唔上，系我食过最入味嘅。✨美国顶级牛腹肉12安士🥩【$378】叫咗5成熟，卖相100分，一上菜会闻到劲香嘅炭烧味。肉味都超级足，烤得表面都好焦香，食落去好juicy，牛香味满满。✨苹果木烟熏西班牙乳猪 【$388】乳猪皮烧得好香脆，肉质嫩滑，份量都好有诚意，超级无敌大份！✨香煎法国鹅肝配法国甜包，蜜糖黑醋烤无花果 【$188】咪睇佢细细一块，食完都会喺你个胃度占一席位。油香极为丰富，上枱嘅时候已经香气十足，表面睇落去好似煎得太焦咗 但系一点都唔会，仲特别焦脆。
继续阅读