Hungry Korean (新都城中心二期)

营业中

休息中

Dinner set for two $698 沖繩風沙律(海葡萄、生苦瓜)蟹膏豆腐辣酒凍東風螺明太子廣島蠔香蔥牛肉薄燒波士頓龍蝦A5和牛坑腩炒飯鐵板疏乎厘Additional order:港島燒 HKD98黑啤HKD68芝士旦奄列HKD58海葡萄好fresh, 口感得意；龍蝦大件牛肉薄燒好濃味，但我們已經好飽呢個二人set, 我地三個人都食唔晒，份量足秤，味道亦唔錯，呢個市道算性價比高但座位較迫，可以改善一下就perfect

自從重開之後，都有繼續堂食或外賣，但係味道同服務質素真係同之前差好遠，感覺味精比以前重手咗好多。堂食都還好，但外賣就間唔中都會比漏或比錯🤷🏿‍♀️ 例如泡菜湯可以加錢加多兜粉絲，但就漏咗碗白飯；叫豆腐湯又比錯大醬湯⋯⋯所以真係check少眼都唔得😌不過要讚下最近嘅豆腐湯雖然比以前少咗隻蝦，不過就加多咗豬肉，醃到甜甜哋但係又OK；大醬湯同泡菜湯就冇咩點變，但以上嘅嘢都係變得好味精。韓國嘢嚟講呢度真係算平，可惜今非昔比🥲

Hungry Korean既飯捲(Gimbap)好似成日好早賣哂，夜晚去到通常都係得返芝士/泡菜gimbap，甚至賣哂，見今日仲有吞拿魚味，就買返條當晚餐啦！✌️吞拿魚飯捲(Gimbap) ($44)講真，其實佢既gimbap幾好食，好多菜係爽既、甜既蛋同吞拿魚又match，但係！佢份量嚴重唔夠，本身佢既size對比其他韓國餐廳已經幼啲，我數過仲要得8舊，真係一啖都冇左兩舊，所以買一條係唔會夠 (對我黎講 🤪)，而我淨係買左一條……同埋餐廳都多人，所以都等得耐，要再重新等我寧願再買其他店既野食。結論🫰Gimbap好味道🫰多人叫熱食的話就預左要等一等⚡️一條係唔夠喉的，但一條已經$44了🥲CP值：7/10餐廳資料餐廳名稱：Hungry Korean餐廳地址：將軍澳寶琳欣景路8號新都城中心二期UG樓UG005號舖營業時間：星期一至日 11:30-22:00

去到寶琳諗左好諗食咩，本身打算食沙嗲王，但要等位，結果去左去一間經過好多次都無入過去食既Hungry Korean. 我錯了😭我應該堅持等沙嗲王， 唔應該見有位就入去試。嗌左個都唔平既鐵板牛小排，要成$94，連泡菜或前菜都無。最緊要係，d 牛仔骨好濃係超市買到既「韓國清靜園牛骨醃肉汁」味道，好似倒左好多落去醃咁，攪到牛仔骨超甜，同埋只有醃料味，原全無牛肉味。仲有，d 牛骨好似煎左好耐又或者放左好耐咁，一d 厚度&彈性都無。望住個餐，姊真係好後悔。還我韓國美食～📍Hungry Korean (新都城中心二期) (將軍澳)將軍澳寶琳欣景路8號新都城中心二期UG樓UG005號舖

新開嘅韓國食堂黎咗一次，感覺真係靚仔過圖紙！開頭已經用咗嗰碟韓式辣年糕嚟開鑼，啖啖彈牙嘅年糕包住辣醬，微辣得嚟味美，真係正到彈啊！旁邊嗰隻炒蛋，啫啫滑滑，溜進口中滋味正好。再講下嗰炸紫菜卷，外皮炸到金黃又鬆脆，裡面嘅粉絲Q彈得嚟吸滿咗調味，個味道完全係掂到無朋友！接住，辣豬肉鐵板飯就更正野啦，豬肉幼嫩帶點辣味，既唔會太油又唔會膩，搭埋白飯簡直係絕配。語言唔多講，如果要形容食物嘅話，就只可以講句'平靚正'。從辣年糕到鐵板飯，每一味都令我嘅味蕾黎咗個360度大翻轉，幾撚欣賞呢次嘅體驗！回味無窮而家心諗，仲想再黎幾轉，試吓其他嘅料理！🍲🥢👍

又辣又惹味嘅晚市，仲要試到幾款正宗韓式小食，真係賞心樂事！首先被石鍋拌飯吸引住，D飯粒底部略帶啲酥脆，揉合咗花生醬嘅芳香，真係香到不得了，加埋滑順韓國辣醬後更加提味，啱晒我哋呢啲鐘意味道濃郁嘅食客。呢碟豬肉紫菜飯卷，滋味多多，D豬肉煙韌得嚟又唔乾，同新鮮蔬菜嘅爽脆感相得益彰。辣炒年糕就更加出彩，D年糕啖啖肉，Q彈得黎又夠辣，伴隨住每一啖嘅雞蛋與魚糕，簡直係完美嘅口感組合👌。話哂嚟個人最愛呢碟辣冷麵，冷冷地一吸，爽口又解辣，餐廳內嗰陣陣酸甜辣香，真係惹味到讓人停唔到口，每條麵都包裹住足夠嘅醬汁，令人一試難忘。嘅環境呢，就簡潔舒服，唔使太花哨，重點係食物質素咁好啦。喂，親民嘅餐廳仲要做到嘢食咁好，係香港都算係搵到寶啊！下次一於叫埋啲朋友一齊黎食佢，撐撐正！🍜🍱👍

韓國壽司飯卷(牛肉)雖然一夾被起就散開晒，但味道其實都唔差嘅。熱湯麵味道唔會太過鹹，會較為適合小朋友食。大人嘅我喜歡辣豬肉飯，如果覺得辣味唔夠，呢度仲會有支韓國辣椒醬可以俾你加！

幫襯左好多年，今日買左魷魚壽司卷，一夾起就散，每一件都散，啲紫菜是林的，非常失望。諗住打電話去反映下，營業時間打極都冇人聽，睇返OpenRice comments都有人話壽司散，希望管理層跟進一下新都城分店表現。

太耐冇食韓國菜, 而係呢個商場既選擇唔多, 見到hungry korean週末既午市套餐咁抵食仲包埋飲品🧃所以就入去試下。店內都係賣緊正宗既韓國菜式, 味道都唔錯, 即使係叫左石頭鍋飯但出餐好快👍🏼石頭鍋魷魚飯 $53第一次見有魷魚可以揀🦑份量好多, 口感好爽口, 食既每一啖都食到魷魚。配料有基本既菠菜🥬蘿蔔🥕豆芽、茄子🍆同雞蛋🥚再加韓式辣醬撈埋一齊。石頭鍋好熱, 撈左幾下雞蛋就已經熟透。不得不提茄子原先已經煮熟🍆單食味道都好入味好好食。餐飲叫左凍檬茶, 沖得好正宗。石頭鍋牛肉飯 $53牛肉肉質唔乾🥩牛肉味好重, 而配料同魷魚石頭鍋一樣, 各樣配料撈埋一齊再一羹羹食🥕🥬🍆好方便, 簡直係懶人料理。餐飲就叫左玉竹茶, 係茶包黎, 味道有D似玄米茶。

🍚Hungry Korean牛肉Gim Bap·魷魚Gim Bap份量多～好多料咬落口感豐富～牛肉較為好食😋韓式紫菜卷口感煙韌～紫菜味香香蒜蜜糖味雞翼勁香蒜味～又甜又香仲幾大隻韓式餃子煎得好香口～脆口足料～啖啖肉～點汁更佳👍水冷麵煙韌口感～小小酸食落幾開胃盛惠💰$2xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:價錢唔貴～味道亦唔錯👍會再想黎食～下次試下年糕先😉

Hungry korean提供了正宗的韓國快餐。餐廳裝修簡約，營造出舒適的用餐環境。菜式方面，餐廳的韓式辣炒年糕特別推薦，香Q彈牙，本人很喜歡。另外，他們的豆腐泡菜炒豬肉也很好味道，味道浓郁，配飯吃一流！是一道不可錯過的韓國經典快餐。石頭飯即叫既製，非常夠熱，配料亦非常足夠！飲品就反而比較普通沒有特色！總的來說，hungry korean是一家值得推薦的快餐店，提供了正宗的韓國快餐和豐富的菜式，是一個適合快速用餐的好地方。

今晚叫外賣，發現佢送餐到屋企時，送少一份餐，咁我就打去同餐廳講，接電話個女仔都好好聲氣，但餐廳電話後面個男同事就大大聲話無得送返架，叫個客自己落嚟攞，唔攞就無。接電話個女仔都仲好好禮貌，但電話後面個男職員的禮貌就差到一個極點，我打電話去都係想問下係咪退錢定可以再送過，但無諗過會俾個男職員咁樣話返轉頭，我諗佢地真係好好生意，少一個客唔少，有問題就要個客自己搞點…我希望如果餐廳負責人睇到呢篇內容，請教導下d職員有返d基本待客禮物。

韓式石鍋飯，尤如中式煲仔飯，嗰底燶燶哋，飯焦有香味。晚餐時段只有五成顧客在堂食，食套餐嘅有九成，套餐多數配搭著一碗白飯，菜餚的顏色就係紅色絕對係韓式的餸菜感覺。座位間隔整齊，令我很有安全感呀！今日食得簡單，在於品嚐韓式辣椒醬。一個‘’石窩飯‘’有不同的主要肉類配搭，分別有豬、牛、雞和魷魚四種，今次配上豬肉。但唔講出嚟，就真係唔知係豬肉呀！飯的上面有少少蔬菜，就是豆芽也是少少的吧，其他的也看不清楚呢？溫馨提示：成支辣椒醬畀你，落幾多都可以，但千萬不可浪費呀！做嗰有公德心的人

放工翻屋企係附近買外賣返屋企食，見到有個牛肉年糕未見過，所以落單試一試，返到屋企都隔左一段時間先食，細細一盒，以為唔會飽，但食落因為年糕的關係，差少少食唔曬，味道方面係甜口的…就係炒牛肉加年糕的感覺⋯⋯無驚艷，下次會試其他

Hungry Korean (新都城中心)突然想食韓國嘢，見哩間hungry korean都幾多分店，就入嚟試下。我叫咗韓式燉排骨加凍抹茶牛奶-------------------------韓式燉排骨$96啱啱整好嘅燉排骨鍋上枱嗰時仲係滾嘅。湯底甜甜地，韓國粉絲吸曬個湯，入面仲有韓國年糕，煙煙韌韌，好有嚼口。而主角排骨都燉得好軟腍入味，件數都唔少。配料仲有紅蘿蔔同翠肉瓜，都燉得好冧好甜。哩個餐仲配上一碗飯，如果1個人食就真係多左啲，可能只係食排骨鍋都已經夠飽。凍抹茶牛奶抹茶味唔係好出，覺得似荳奶多過牛奶，整體偏甜。-------------------------Hungry Korean (新都城中心)地址將軍澳貿業路8號新都城中心2期UG樓005號舖