影片
港铁荃湾西站 C 出口, 步行约1分钟
继续阅读
开饭介绍
日式鐵板燒餐廳，以霓虹燈做裝飾，裝潢型格時尚。菜式選擇繁多，選用高質新鮮食材，如A5和牛、日本活帆立貝等，配搭清酒更加滋味無窮。
继续阅读
营业时间
星期一至日
12:00 - 23:00
以上资料只供参考，请与餐厅确认详情
相关文章
肚餓好自然就係去搵食，今晚同朋友行完海之戀商場嘅Donki之後就去了這裡，因為朋友知道出了鐵板定食，有較抵食嘅精選及多元化多啲嘅特選組合。今晚就點了特選定食太餐已包蒜子蕃茄野菜沙律，除了前菜同主食可以自選外，炒蘆筍雜菌、和牛炒飯、漬物、麵豉湯、咖啡或汽水、甜品。一個價錢超值。落單後先上炒蘆筍雜菌，師傅兩三下手勢就在鐵板上完成，蘆筍鮮嫩、甜度高，雜菌口感彈牙。漬物就係香濃麻醬味道香滑豆腐、麵豉湯、清新番茄沙律前菜選了磯煮鮑魚，師傅在鐵板上煎煮得鮑魚肉質感軟硬適中，有咬勁，同時又不失軟滑，味道濃郁，口感豐富。而主食選了銀鱈魚，師傅在鐵板上即煎，上枱大大塊，入口皮脆肉質口感香軟，魚肉脂肪十足，跟埋碗和牛炒飯，絕對係最佳嘅配搭！還有跟餐有飲杯香濃熱咖啡醒神一下！還有甜品黑芝麻麻糬，入口煙韌軟糯的麻糬口感，外脆內軟！另外追加了杯冰果西柚燒酎，店員用冰凍嘅西柚配上燒酎，入口冰涼透心，配埋佐酒佳品炸單骨雞翼，入口外脆內軟味道十足！加埋串燒，可以話係未夠再座再佐酒必點，香嫩入味牛柳串、燒得剛好嘅鮮甜熟帶子、肥美豚肉爽脆蘆筍卷、啖啖肉嘅豚肉蝦卷，都係佐酒佳品本身套餐份量十足，只不過同朋友叫多杯後有啲串燒就感覺更佳，加上這裡串燒價錢都十分抵食！
继续阅读
Hungry Monkey係銅鑼灣食過一次，今次經過荃灣見到有set dinner所以決定再試下，我同女朋友叫左2份鐵板定食，再加啲串燒。熟帶子串 🍣🍢4.4/5⭐️第一份套餐揀左熟帶子串 ，帶子燒得剛剛好，唔算好熟，入口仲係juicy，仲有啲微微焦香，唔錯👍🏼香蔥牛肉薄燒 🥩🔥3.9/5⭐️香蔥牛肉薄燒，薄切嘅牛肉經過鐵板燒，保持咗肉質嘅嫩滑同香氣。牛肉嘅鮮甜味道同香蔥嘅清新味道相結合，真係好開胃；但啲香蔥真係超多，成口都係蔥味，唔鐘意蔥既人要慎重🤣虎蝦 🦐4.6/5⭐️另一份套餐揀左虎蝦，虎蝦新鮮彈牙，燒得剛剛好，保持咗蝦肉嘅鮮甜口感。燒汁啱啱好，令到味道更豐富，好食😋銀鱈魚 🐟4.3/5⭐️銀鱈魚燒得剛好，肉質鮮嫩多汁。燒到魚皮好香脆，每一口都帶有少少焦香，讚👍🏼，可以一試。五花豚肉 🐷4.3/5⭐️五花豚肉燒得香嫩多汁，每一片都帶有豬肉嘅特有鮮甜味道同肥美口感。雖然好邪惡，但令人欲罷不能🤣。吉列蠔 🦪4.4/5⭐️吉列蠔新鮮肥美，吉列得啱啱好，好香脆。一啖落肚，蠔肉嘅鮮甜同滑膩口感同外層既酥脆好夾，大推👍🏼。豚肉蘆筍卷 🥓🌱4.2/5⭐️豚肉蘆筍卷，豬肉包裹住蘆筍，燒烤得剛好，每一口都可以感受到豬肉嘅鮮嫩加上蘆筍嘅清脆口感，味道相得益彰。豚肉蝦卷 🥓🍤4.1/5⭐️豚肉蝦卷，豬肉同蝦肉嘅組合，感覺幾新鮮，我都係第一次試呢種組合，都唔錯，可一試。鴨胸 🦆4.5/5⭐️鴨胸都燒得剛好，仲juicy 好難得，我個人都好鐘意食鴨胸，今次都幾滿意，如果都好鴨胸都可一試😋。除左食物，餐廳的服務也很不錯。服務質素都唔錯，環境舒適，氛圍輕鬆愉快，最緊要係性價比夠高，一定會再黎。
继续阅读
今日同朋友係荃灣Donki掃貨之後，去左這間餐廳見有鐵板定食，都算抵食，仲加埋小食埋單都不算貴。【巨峰乳酸梳打】清新巨峰提子味道完美配合酸甜梳打。【前菜】野菜沙律：一份清新、口感爽脆沙律。漬物：麻醬豆腐，芝麻香的醬配上豆香重的滑豆腐，絕配。麵豉湯：湯熱辣辣，味道非常濃郁。炒雜菜：炒雜菜看似平平無奇，但炒菜時不出水、炒後保持爽脆口感、味道清甜。【磯煮鮑魚】吃起來鮮味十足，略帶甜味，非常開胃，口感彈牙，帶點軟淋。【吉列蠔】吉列炸生蠔。用吉列方法將生蠔炸至脆卜卜，吃時外層酥化、內裏多汁鮮甜。【龍蝦尾】好大隻，肉質彈牙鮮甜，師傅的料理可以帶出食材本身的味道不會太搶味【炸芝士年糕】年糕煙韌甘香，中間芝士濃郁，啖啖香軟拉絲。【鐵板炒飯】炒飯吃起來顆顆分明，不僅鬆軟又不油膩，好食炒飯的秘訣如此簡單。
继续阅读
行完donki 去商場附近搵食，上次記得頂樓間鐵板燒挺不錯，一於上去吃個晚飯。記得之前吃過價錢都不太便宜，但原來而家餐廳有鐵板燒set ，價錢百零蚊就有交易，真的超抵。青蘋果乳酸梳打淡淡蘋果香的梳打，賣相已經好吸引，入口甜甜地又有氣，邊飲邊食的確不錯！套餐有野菜沙律，味噌湯，胡麻豆腐，份量雖然小巧，但都非常新鮮。熟帶子串外表輕輕煎過，入口鮮甜多汁，肉質鮮嫩。炒雜菜有淡淡牛油香氣，味道清新。香蔥牛肉薄燒薄薄的牛肉片吸滿鮮甜的日式醬汁，牛肉超滑嫩的口感加上包住大量香蔥，口感豐富，肉汁飽滿，配搭上鐵板炒飯，真的絕配。芝士蟹柳蛋捲口感有點似pancake 皮的蛋皮包住芝士蟹柳，表面再放上半片芝士，食落軟綿滑溜，蛋香味俱全。炸芝士年糕（2粒）年糕煙韌甘香，中間芝士濃郁，啖啖香軟拉絲，真的芝味無窮。
继续阅读
Request左寫生日碟，但無寫到名。食物好一般，特別係個牛同埋個雞扒，又乾又難食，坐得唔舒服，俾啲碟又細，好似幾個人逼住咁樣坐咁，所以真系一次就夠，唔會再嚟，唔明點解咁多好評。
继续阅读