I Chu Club

营业中

休息中

上星期同事發現一間叫I Chu Club既西餐廳，依間餐廳係我地未去食過，於是今日即刻去試下。去到門口見到入面都爆場，都要等左一陣先有位，餐廳職員話下次可以早d打比佢地訂位，咁就唔使等位，說時遲那時快，有枱客人見到有人等位，於是即刻起身埋單讓位，所以都唔使等好耐位，一坐低我地叫左一個香煎豬扒配手打蘋果蓉，一個黑松露三文魚天使麵，點餐後職員好快就比左餐包及餐湯我地，我地飲完餐湯就已經可以上菜，效率都好高，食物味道都唔錯，下次可以再試。黑松露三文魚天使麵好耐冇食過天使麵，麵質爽口彈牙，醬汁啱啱好，令到天使面唔會有乾噌噌嘅感覺香煎豬扒配手打蘋果蓉加薯菜大大塊金黃鬆脆嘅豬扒，口感一流，配搭蘋果蓉令醬汁變得甜甜地，好好味

因為這段時間在火炭返工，試左好多間早餐。來來去去都係中式早餐。食得多都有點悶。咁今次就試下依間西式早餐。我叫左個三文治餐配麥皮再加$5要個意式蕃茄螺絲粉。因為我食量比較大，淨係食三文治同麥皮唔係好夠。蛋治嫩滑，螺絲粉個湯底都唔錯，幾香濃。麥皮就正常野。杯咖啡都幾好飲。係火炭黎講簡直有點綠洲一樣。有時有啲cafe飲茶野都幾十蚊，食埋野成舊水。依間野咁多野食，都係$39蚊。性價比黎講，真係算唔錯。值得推介。

一隻超級肥美的小強！中午喺呢間餐廳買咗兩個餐，同事一個愛一個平均每個餐$80我自己就點咗一個葡國咖喱會雞扒飯，開頭食落去個味有啲酸都算食吓食吓，當我食緊塊雞扒食到一半嘅時候望住個飯發現一隻好肥美嘅小小小小小小小小小小小小～～～～～小強。當時第一刻個感覺就即刻想嘔返晒啲嘢出嚟我都知出面食嘢一定污糟邋遢㗎啦知，但係唔好俾我睇到呀，作為餐飲業衛生真係好緊要呢間我第二次幫襯我相信唔會再有第二次如果有興趣嘅朋友可以選擇試吓

呢個葡國咖喱小強雞扒飯真係一流👍🏻啲飯爛嘅！唔知佢本身個咖喱味係咁呀定係點食落去有啲酸都算！食食吓食到一半咬緊塊酸嘅雞扒之際，望落個飯度居然俾我見到一隻細細隻，但係十分之肥大飽滿嘅少少小小小小小小小小小小小小小強即刻想嘔返出嚟，本身諗住火炭區都冇乜嘢食，周圍試吓嘅心態，本身試過一次下午茶都OK所以今次諗住翻check點知就瀨晒嘢瀨晒嘢！呢個葡國咖喱小強雞扒飯，大家有興趣可以試一試包你一試難忘再試上癮！

中午運動完後，回家前行去火炭工業區搵食，街坊推介火炭有間不錯cafe 便來試試。豬扒厚身，燒得剛剛好，唔會太韌。配蘋果蓉好特別，夾埋一齊食蘋果蓉爽口中和油膩感😋跟餐選了炸薯餅，想不到薯餅都有2件，內裡仲有少少芝士好惹味。更送了餐湯和沙律，番茄湯好足料，🥗沙律菜亦十分新鮮。不足100元的價錢有如此質素，完全是意外驚喜！唯獨門口光線較暗和隱蔽，很容易行過留意不到，幸好向一位熱心的管理員問路更帶我到門口，會再來幫襯的👍🏻

看了此店OpenRice的食評後，就想到此店試一試，終於有機會到此店買外賣試試，誰料到竟然中伏，原來是暗黑料理！我是在午餐時段訂外賣，訂了兩個餐，分別是星洲豬頸肉焗飯及燴牛脷飯。星洲豬頸肉焗飯：只是幾片豬頸肉加數粒提子及少許白汁，目測焗了不足2分鐘，飯底亦是極淋的，完全沒有味道可言。 燴牛脷飯：賣相還可以，但一食入口，牛脷根本沒有調味，淡而無味，差👎！真的不知道為何有那麼多好評，有可能是食物不合我口味，大家自行思考吧！

12月7日, 星期四, 和暖貓屎咖啡轉左手, 試試佢, 2個人食左午餐set~~~沙律紅肉火龍果和西瓜, 新鮮, 清甜羅宋湯酸酸地, 開胃, 好多材料厚切豬扒配手打蘋果蓉好厚身, 切得手軟, 唔韌, 好味道, 配意粉較港式 黑椒燴牛脷  爽脆, 可惜唔夠熱, 配薯角和粟米, 飽肚黑咖啡  無後上, 係我地落單時唔記得講, 食完野先飲凍左環境冇大變動 中午坐滿 野食味道不錯  

我某日靈機一觸，想食威靈頓牛柳 🤣就周圍上網搵邊到有。最後搵到一間係火炭都幾多like 嘅餐廳: I Chu Club🙌🏻餐廳🍴位置於火炭。由於係隱世小店，所以都要行10-15分鐘先到😂店舖不大，但係為左客人坐得舒服😌，所以座位也設置不多，大約容納20-30人。裝備也光猛新淨👌🏻👌🏻當日，我同朋友叫左兩個Dinner套餐try try 佢。套餐包括餐湯，沙律，主食和餐飲😉1️⃣威靈頓牛柳 Beef Wellington - HKD 198佢焗得外脆內軟🙌🏻內𥚃的牛柳恰到好處，大約7成左右🤏個香脆酥皮同個牛柳嘅嫩滑，形成更有層次的口感！而牛柳有質素，牛味重，肉質又嫩。而重要‼️調味美味。我自製時往往失敗於調味😖絕得值回票價😄2️⃣波士頓龍蝦雜果沙律 - HKD268此個真係有驚喜！因為大大隻波士頓龍蝦🦞直接上枱😝食到當中的鮮甜和龍蝦的原味道😉而肉質超級彈牙。配上千島汁，十分搭配😍正到不行！而雜果沙律🥗真係有各種不同的新鮮生果🍎，如：火龍果，哈密瓜，蜜瓜和桃等整體來說，隱世餐廳食物質素不錯，可以encore😉

前幾日，趁着就嚟放完暑假，帶埋啲姨甥女去食吓西餐！一個話要食龍蝦，一個要食牛扒🧐咁啱姨甥女要去#香港中文大學 上堂所以今次就嚟到位於沙田火炭嘅@ichuclub 雖然舖仔細細，但勝在有親切感！主打性價比高嘅高質西餐！門口就拍到車，真係好方便！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯今次我哋就叫咗set dinner頭盤就有沙律同埋 #龍蝦湯 龍蝦湯好香濃又有有好多龍蝦肉，真係好足料👍沙律份量亦都非常之多，又新鮮講個秘密比你哋知，原來餐湯同沙律係任食㗎！主菜就有～🦞🧀 #芝士焗龍蝦 Cheesy Baked Lobster 配野菌忌廉意粉- HKD 188🦞龍蝦好大隻，鋪滿勁多芝士焗到脆卜卜，野菌忌廉意粉🍝又係分量十足，麵條掛上滿滿嘅醬汁，啲野菌多到食唔晒，真係好好味！🥩 #威靈頓牛柳 Beef Wellington - HKD 198酥皮焗得啱啱好，薄薄地，唔會太厚，好酥脆，充滿油香！牛柳一入口，簡直叮一聲，又香又林，充滿牛味👍再配上紫薯蓉👍值得推介#波士頓龍蝦 雜果沙律 Boston Lobster Fresh Fruit Salad - HKD 268睇賣相就已經見到隻🦞波士頓龍蝦有幾大

今日去左火炭探朋友，走嗰陣就諗住食埋野先番屋企，咁啱行到落去見到呢間cafe就入去試吓。當晚我哋order左兩個set dinner芝士焗龍蝦配意式天使麵 $188有半隻鋪滿芝士嘅龍蝦，龍蝦焗得啱啱好，唔會過熟，天使麵好掛汁，個汁好creamy，成個dish好match 波士頓龍蝦鮮果沙律 $268平時叫親沙律個portion都多數好細，所以佢一上菜嗰陣我都有少少surprise😳😳龍蝦大大隻水果又多。味道都相當唔錯架，龍蝦身幫你起曬肉切好晒，晒我呢啲懶鬼😍😍啖啖肉，肉質新鮮彈牙，而水果份量係勁多，而且仲有好多款(哈密瓜，西瓜，火龍果，橙etc)好fresh好健康😋😋 超讚👍🏻👍🏻連我咁大食都夠飽🫢🫢而且每個餐都跟湯同野飲，仲有任食薯條同Caesar Salad添架😉薯條熱辣辣外脆肉軟配埋黑松露醬一定冇得輸架啦，另外個沙律菜都好新鮮好爽口，絕對係有誠意嘅餐廳🫶🏻如果去開嗰邊真心推介大家去試下，係性價比好高嘅小店🩵🩵另外喺餐廳fb見到有做到會，如果下次搞party大家都可以考慮吓啊😉

我兩個姨甥女都又叻，又乖，都被學校推薦為資優生👍 前幾日，趁着就嚟放完暑假，帶埋啲姨甥女去食吓西餐！一個話要食龍蝦，一個要食牛扒🧐咁啱姨甥女要去#香港中文大學 上堂所以今次就嚟到位於沙田火炭嘅@ichuclub 雖然舖仔細細，但勝在有親切感！主打性價比高嘅高質西餐！門口就拍到車，真係好方便！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯今次我哋就叫咗set dinner頭盤就有沙律、薯條同埋 #龍蝦湯 龍蝦湯好香濃又有有好多龍蝦肉，真係好足料👍沙律份量亦都非常之多，又新鮮講個秘密比你哋知，原來薯條同沙律係任食㗎！主菜就有～🦞🧀 #芝士焗龍蝦 Cheesy Baked Lobster 配野菌忌廉意粉- HKD 188🦞龍蝦好大隻，鋪滿勁多芝士焗到脆卜卜，野菌忌廉意粉🍝又係分量十足，麵條掛上滿滿嘅醬汁，啲野菌多到食唔晒，真係好好味！🥩 #威靈頓牛柳 Beef Wellington - HKD 198酥皮焗得啱啱好，薄薄地，唔會太厚，好酥脆，充滿油香！牛柳一入口，簡直叮一聲，又香又林，充滿牛味👍再配上紫薯蓉👍值得推介#波士頓龍蝦 雜果沙律 Boston Lobster Fresh Fruit Salad

前幾日去咗火炭探朋友到夜晚我哋就喺條街周圍睇吓有咩嘢食再俾我哋見到一間西式小店經過裝修都幾骨子，所以我哋就行咗入去啦環境光猛之餘座位坐得都幾舒服店員都好nice我哋睇咗陣Menu就開始落單嗌到成枱都係嘢食啦我哋總共嗌咗兩個套餐而且跟餐嘅會加一份無限refill啦沙律同埋一份黑松露薯條㗎首先上菜嘅就係餐湯龍蝦湯 ⭐️⭐️⭐️⭐️⭐️個湯好重龍蝦味 飲落去好Creamy味道濃郁唔會話太甜入邊仲有幾嚿龍蝦肉好有口感 🩵黑松露薯條 ⭐️⭐️⭐️新鮮炸起嘅薯條 加上黑松露醬汁不過不失🍟凱撒沙律 ⭐️⭐️⭐️好新鮮 新鮮嘅菜加上沙律汁做前菜簡直好開胃食晒嘅話仲有可以refill嫁🥗🥗威靈頓牛扒$ 198 ⭐️⭐️⭐️⭐️首先要講吓廚師好用心機咁調製自家醬汁而且威靈頓牛扒 🥩皮脆肉嫩配上自家醬汁 慢慢品嚐係一番風味☺️香煎比目魚x蒜蓉焗虎蝦 $ 178 ⭐️⭐️⭐️⭐️比目魚肉質實好厚啖啖肉🤍 仲要係好新鮮嘅味道香脆嘅魚皮加上滑口嘅魚肉簡直冇得頂👍🏻仲有佢哋嘅青豆汁都係自家研究出嚟㗎而且食到最後仲會有雪糕送嫁🤍🩵

餐廳係火炭工廠區嘅地鋪 招牌無特別標明餐廳名 有啲隱蔽😹但呢度有好多款式又高質嘅西餐☺️唔似平時嘅cafe/西餐 多數得意粉/pizza揀～重點係呢度嘅dinner set竟然包沙律薯條任食 另外仲有西湯 飲品同movenpick雪糕😻性價比非常高！-👩🏻‍🍳Idiots翻兜之選❤️‍🔥 威靈頓牛柳 $198酥皮皮薄香脆 唔會油膩～牛肉default係五成熟 非常鮮嫩同juicy😋❤️‍🔥 波士頓龍蝦雜果沙律 $268龍蝦肉好爽脆好鮮甜！而雜果沙律就有哈蜜瓜 菠蘿 柑橘 樣樣都好新鮮～配埋千島醬好開胃😋跟餐薯條係配黑松露醬～薯條炸到金黃色 唔油膩 擺耐咗都仲好脆睇得出用嘅油係有換 抵讚👍餐湯同樣唔馬虎 龍蝦湯味道好濃郁～入面仲有幾隻蝦 真材實料🦐特別再讚餐廳嘅服務好貼心周到🫶好主動留意客人嘅需要🫶

今次👧🏻就帶咗爸爸👨🏻媽媽👩🏻去火炭工廠區食西餐！餐廳其實就主力做早/午餐，絕對方便曬附近返工嘅打工仔！不過今次👧🏻就去食晚餐，有唔少龍蝦🦞菜式！🌟龍蝦忌廉湯今次👧🏻👨🏻👩🏻一人一個晚餐Set，餐湯係龍蝦忌廉湯！龍蝦係極度香濃蝦香味！湯內仲有幾隻小龍蝦肉，有驚喜！另外仲可以加$10轉成酥皮龍蝦忌廉湯，絕對係童年到連鎖餐廳嘅回憶😍！🌟香煎比目魚×蒜茸焗虎蝦呢個餐有兩大片比目魚+大虎蝦！比目魚富有魚油香，肉質滑嫩又冇咩雪藏味。而焗虎蝦亦係大大隻又彈牙。墊底嘅薯蓉亦好Creamy！🌟芝士焗龍蝦野菌意大利飯焗龍蝦Risotto有足足半隻大龍蝦🦞，同樣彈牙又有咸鮮味！而野菌意大利飯都幾大碟，米飯口感就唔會太生🍚，索盡忌廉汁，加埋野菌，口感好豐富！🌟威靈頓牛柳最估唔到係工廠區都會有威靈頓牛柳食！呢到嘅威靈頓牛柳唔似平晚食開，用菇醬、Parma Ham同芥末醬包裹住牛柳，而係用上雀肉醬(碎雜肉醬)包住牛柳，味道都幾似食緊鵝肝！配上酥脆酥皮，同稍為醃過嘅牛柳🐮，都幾惹味！
🌟凱撒沙律 ，黑松露薯條Set Dinner除咗有主菜，沙律同黑松露薯條🍟都係任食，唔洗驚食唔飽，又可以好健康食好多沙律菜🥗！🌟甜

今次同朋友食飯搵到呢間cafe，環境幾好適合朋友傾計聚會。酥皮龍蝦湯酥皮好香 配埋龍蝦湯鮮味十足威靈頓牛排酥皮脆卜卜，牛排生熟程度剛好，份量夠曬大。香煎比目魚＆蒜茸焗虎蝦 比目魚好滑好多汁，調味唔會太重手，虎蝦超大隻❤️❤️芝士焗龍蝦配野菌意大利飯龍蝦上面鋪滿芝士，龍蝦肉質爽甜，唔會過熟，意大利飯creamy 得黎又唔會好重味。飲品方面 奶茶好出色 最後重有Movinpick 雪糕 🤗服務態度好好 推介大家有時間可以去試下👍👍