影片
以上资料只供参考，请与餐厅确认详情
系MegaBox 行街，经过ikea，突然间好想入去佢个小食亭度睇吓而家有咩食，见到今期系芒果麻糬乳酪雪糕$17，价钱又唔太贵，所以买黎试下，ikea嘅雪糕果然一如既往都系咁好食！！！
继续阅读
来到这里行街, 好耐都无食IKEA, 平时多在美食站买热狗雪糕, 今日坐下来慢慢食 食物 : 植物素肉丸意粉 $36 ~ 意粉是白烚, 上面有一片片的菇, 素肉丸质地偏淋, 整个意粉都是靠个酱汁, 整体味道作淡 大虾鸡肉意粉 $49 ~ 大虾有少少雪味, 鸡肉几嫩, 有芦笋伴碟都唔错, 整体味道正正常常 香草三文鱼沙律 $36 ~ 有三片烟三文鱼, 沙律菜新鲜, 个沙律汁好味 饮品 : 自斟汔水 $9/杯 ~ 可以自斟自饮 环境 : 店内舒适干净, 食完要自行清理及回收托盘 服务 : 职员有礼貌 价钱 : HK$139
继续阅读
食物：3.55 环境：2/5 服务：1/5 性价比：4/5 食物：(1)冻虾：目测几乎每枱都有叫， 份量颇多，配埋自动餐既鸡尾酒酱，有置身五星级酒店既感觉。味道正常超市货(ikea自己都有卖冷冻装)，间中带少少虾籽，解冻时好时坏，有时有几只冰冰地，有几只稔稔地，食冻虾食到玩俄罗斯轮盘咁，新奇又有趣。(2)烟三文鱼沙律：又几好食，好食过超市最平$2x一包个款，配埋刁草酱口味几复杂。(3)伯邑考肉丸：ikea必食名物。以前曾经流传过主要成份为马肉，而加系乜肉就不得而知了。相信大家都系贪平同配埋个红桑子酱过下口瘾。(4)疏菜傻饼：又系大家必食之选，焗热完一大盘放左唔知几耐，有热有唔热，任君选择。(5)牛扒：又系一大批整完放热柜，似到会口味，有时好多筋，有时好鞋口，见到个长者拎去同职员反映太多筋咬唔到，激气到痴孖筋。环境: 旺过街市熟食中心，人来人往，每次坐底食野都有几位pre食客栋系长方枱4周做G4 服务: 唯一既1分系比收银员，佢系值得一赞，数食物入机速度超快。唔系讲笑仲快过茶记。 记得疫情个阵系统一排队入座，呢个做法系超好，但疫情前后依旧系放养模式，食客自行埋枱等位，经常有几个食客不分先后等同一长枱，场面极尴尬，都唔知ikea高层系咪好想睇到人打架，但唔知点解呢个等位模式未出现过MMA，如果将呢个等位模式放入茶记，估计政府吸纳晒几千位南韩被下岗医生同重开火神山医院都唔够装。 性价比: 食物都系大路超市野，但每样都配有唔同sauce有提升到口味，冇咁寡又唔洗自己买一大樽酱食唔晒。值钱只系超市价加少少加工价咁，避开peak hour仍然系大路之选
继续阅读
会再帮衬,个松饼非常抵食,仲同我加热,朱古力松饼里有流心榛子酱,海盬焦糖咖啡好够味,喜欢甜味既人选择,位置刚刚在角落,比较少人行来行去,虽然得两张枱,但可以慢慢舒服坐下,下次一定会尝试其他咖啡同食物
继续阅读
今日同女朋友去MegaBox行街买野，当然就去ikea睇下野啦，不过有啲啲肚饿，就系ikea出面果间Ikea Fiket到食少少野先，不过而家疫情期间只可以外卖，咁我地就外卖行行少少食。p.s. 啲名真系唔太记得。牛肉包买个阵店员会问你想唔想叮返热，当然想叮热食啦，呢个面包叮热左劲好食，外面好软熟，牛肉份量都好多，而且个汁都好惹味。法包就简单啲，不过呢一个法包唔系好硬身果款，太大旧，食左一半就食唔晒。三文鱼卷呢一个系冇得叮热黎食，因为三文鱼加入面有沙律酱，店员都唔建议叮黎食。卷入面都好足料，每一啖都有三文鱼。焦糖咖啡好好饮，价钱又抵，焦糖味好重，一杯实而不华嘅焦糖咖啡。Overall黎讲Ikea野食真系实而不华，而且价钱又好抵，加上个面包真系劲好食，真系经过可以一试再试。
继续阅读