Indian Dream Food

营业中

休息中

雲漢街位於瑞和街街市附近，平時以為呢頭得車房同埋街市，估唔到仲有一檔咁抵食嘅印度菜外賣。Palak Paneer 味道濃郁，口感香滑，每一啖都係菠菜蓉😍。但係佢哋用嘅芝士同平時嘅paneer有啲唔同，味道會再重啲。Curry Chicken 質地比起平時食開嘅稀少少，不過辣得來都幾香，好適合配白飯食。佢哋仲有送印度嘅長米飯。Plain naan 估唔到$10嘅naan有咁多，一般來講喺餐廳食到呢個份量都要成$30左右。口感幾鬆軟，質素唔錯。Mango Lassi好少有Mango lassi可以外賣。芒果味好重，唔會太酸。📍Indian Dream Food (觀塘)觀塘雲漢街95號南橋大廈地下B1號舖

夜晚收工遲左，都唔知食咩好，經過瑞和街街市，心血來潮就決定食啲印度菜。餐廳入面全部都係印度人，不過全部都好好人，就算我一個女仔入去買外賣都唔驚。叫左一個雞肉咖喱加薄餅，味道不太辣而係又有濃濃咖哩香味。配上一大碟沙律，有青瓜洋蔥生菜，十分均衡。另外試左一個叫Chaat Corner嘅小食，有啲似咖喱角嘅感覺再加青色嘅醬，幾特別的。Indian Dream Food (觀塘)觀塘雲漢街95號南橋大廈地下B1號舖

估吾到觀塘會有間咁地道既印度食店～位置係係雲漢街、Pizza Hut附近～～離瑞和街街市好近食店係由印度人開，餐牌係英文，對菜式有疑問，店員都會耐心解說係咩黎，同埋係咩味道服務加分！食物方面，叫左curry butter chicken,chicken biryani 以及 cheese pizza~~份量好足料！仲係set黎，送埋可樂、naan、沙律！$50既pizza切開到八塊😮每樣味道都好吾錯！最鐘意curry butter chicken!吾太辣又夠香😍整體呢間水準吾錯！會再去食

今日行開去雲漢街附近，諗住去pizza hut外賣返屋企食，點知見到新開左一間印度餐廳🍴（其實應該都係外賣為主）俾佢門口廣告吸引左☺️因為見佢有pizza,又有burger,仲有我好鍾意食嘅印度薄餅（naan)🤤最重要係佢價錢好平🤩入到去見佢地環境都好乾淨，好舒服😌仲可以坐喺度等☺️Chicken burger set (fries + soft drinks ) $45漢堡包🍔佢哋包裝勁好，因為我叫外賣🥡佢哋係外層包多左一張錫紙，保溫可以keep得耐啲🥰呢個係雞肉漢堡扒，雞肉加入印度香料，入口帶少少辣，中間仲有蕃茄生菜🥬，食落好滋味👍佢跟餐仲有薯條🍟同飲品Chicken pizza set (+soft drinks) $60雖然係話mini size,等同出面既普通size,都幾大🤩pizza外層鋪滿芝士及配料，雖然雞肉唔算多但都好足夠🤤Mix vegetable (+Roti -plain naan 2) $40咖喱雜菜份量都算頗多,仲配有兩塊不同的薄餅☺️👍兩塊薄餅口感稍有不同，沾上咖喱汁及雜菜食用，更有風味🤤📌 Indian Dream Food (觀塘)觀塘雲漢街95號南橋大廈地