INN - I’m Not Nothing (裕民坊YM²)

营业中

休息中

INN-I'M Not Nothing 餐廳位於裕民坊，地方不大，但每個角落都是打卡位。午餐選擇有6款，跟南瓜湯或巴馬火腿蘋果香醋沙律，可配28元以下飲品不用加費。二人點了全日早餐$138和香煎鯛魚柳配巴馬火腿蘆筍卷$148，連加一服務費，人均消費$160，價格正常。全日早餐好大份 好豐富，有烤蕃茄、香腸、煙肉、炒蛋、牛油果和一些雜菇，仲有兩塊麵包，一定夠飽。香煎鯛魚柳配巴馬火腿蘆筍卷$148，擺盤幾精美，魚柳下面放了薯蓉，又綿密又幼滑，魚柳煎得幾香，沒有雪味。

呢間之前食過1次，入面既裝修係超好打卡，全部都係好簡約，成個氣氛係令人覺得好休閒好relax😌出面仲可以比人book左做生日會，入面d野食又好好食，好多人都會幫親，我今次特登介紹比個fd試下，都覺得好好打卡📸好推薦🌟香煎虎蝦扁意粉 $168入面既虎蝦有好多隻，仲要隻隻都好肥美🦐整到好彈牙，好鮮甜，d意粉就嗦曬d醬汁同咪虎蝦既鮮甜，每一條都裹滿醬汁🍝超香口，又唔會好油🌟香草牛油焗田螺 $118我第一次食田螺，入面係用左香草醬去腌完加牛油去焗🧈食落去係唔會腥，仲要勁彈牙，食完個口係會回甜，仲可以同整到好脆既香草多士一齊食，增加個口感🍞下面既薯蓉好綿密，撈咪田螺入面既汁，牛油香味好重🌟餐湯 +$38今次係南瓜湯，上面仲用左淡忌廉去拉花，南瓜味好濃🎃好滑又好香甜🌟牛油果奶昔 +$29好滑好香，有時仲會食到細細舊既牛油果肉🥑上面仲有好有罪惡感既奶油，就算撈咪一齊飲會令到杯野飲變得更加滑身，又唔會好甜仲要個牛油果味好重，超推薦🌟雜莓奶昔 $58超好打卡，入面係雜莓榨成既奶昔🫐飲落去係酸酸甜甜，莓味好重，成杯要係粉紅色，上面加上cream既點綴同咪士多啤梨既醬🍓好鮮甜

❤️原隻虎蝦西班牙飯 虎蝦超大隻，蝦肉彈牙又鮮甜～西班牙飯有好多海鮮配料，有粒粒蜆肉，而且飯粒吸收晒海鮮嘅味道，每一啖都好濃郁嘅海鮮味道🧡All Day Breakfas 好豐富既All Day Breakfast，有烤番茄~香腸~煙肉~炒蛋~牛油果~雜菌同埋多士。烤番茄酸甜開胃，香腸同煙肉鹹香滿足，炒蛋好滑，牛油果又香軟～樣樣都好味，又豐富又岩打卡!!💛雞肉沙律 跟餐既沙律有幾舊慢煮雞肉，好有誠意!! 而且沙律菜好新鮮香甜～

假日都會SET LUNCH，而家三週年有優惠，每日都有唔同嘅優惠，餐廳外仲有個場景可以打卡！🥗巴馬火腿蘋果香醋沙律 (7/10)沙律係幾大份，火腿唔鹹，醋汁酸酸都幾清新開胃。🍝煙三文魚龍蝦汁扁意粉 $128 (7/10)煙三文魚嘅份量都幾多，係半熟嘅狀態，意粉係普通意粉食落去都掛汁，龍蝦汁都幾香嘅。🍴 煎焗厚切豬肉眼配芒果蕃茄莎莎 $158 (7/10)豬都幾大塊，肉質好厚，食落去都嫩唔會嚡口，薯蓉重薯味，莎莎醬都OK嘅幾清新！🥑Avocado Smoothie +$29 (7/10)少甜，飲落都清新，有牛油果味！推薦指數: 7/10坐得舒適，觀塘可以打卡嘢食OK嘅餐廳！

媽咪細細個成日去觀塘探太婆👵🏻以前裕民坊系巴士總站🚌演變到依家既裕民坊🏠今次搵到靚餐廳✨甘岩餐廳3週年有好多優惠😍😍🔸手工黑松露雲吞配野菌黑松露忌廉汁🌟🥟媽推介極愛黑松露既朋友✨勁香黑松露 加上皮薄手工雲吞 每一口都可以沾滿黑松露 大愛❤️🔹法式紅酒燴和牛面肉意大利飯✨用紅酒燉既牛面肉🐮非常之淋 每粒飯都滲入牛肉汁 每啖口感好豐富💥🔸兒童餐👦🏻👧🏻🥟自己選擇左 漢堡扒、茄茸意粉、牛油粟米、鮮果、泡芙✨🥟食到唔停口 默默食🤭沉默甘食😆🔹每個主菜都可以加$38配餐湯同飲品（$28以下），我轉左加半價 Mixberry smoothie✨士多啤梨🍓加藍莓🫐 配上奶昔 口感好細滑 表面有鮮忌廉🥛忍唔住飲完又飲💥依家星期一至星期日 每日仲有唔同既優惠 非常之抵

由一入座已經提你90分鐘限時，一位戴眼鏡着恤衫嘅經理黑口黑面。請教吓佢啲酒邊隻清啲啲，都可以講：我唔知你清嘅係咩定義喎。一直喺度叫人哋快啲落單 快啲交檯 成個過程好差 唔會再幫襯食物中規中矩

今日喺午飯時間約左朋友嚟試下呢間喺觀塘裕民坊嘅西餐廳。餐廳嘅裝修好靚，行優雅宮廷風，超適合打卡！嚟嘅呢日可能準備緊生日party，餐廳都好有心配埋Happy birthday嘅燈同埋氣球。嗌咗兩個lunch set ，前菜係香煎慢煮雞胸百香果油醋沙律。好驚喜，啲菜夠新鮮，配埋酸酸甜甜嘅百香果味好Refreshing，適合夏天。雞胸肉用黑椒煎過，香得來好嫩，一啲都唔乾。Main course就嗌咗兩樣，第一個係原隻黑虎蝦西班牙飯。好足料，隻黑虎蝦烤完都有成隻手掌咁大，開埋背食得好方便，大大嚿蝦肉好滿足！飯入邊仲有蜆肉同埋魷魚碎，每一啖都可以食到，同Creamy嘅醬汁好夾，擠幾滴檸檬汁層次更加豐富。第二樣主菜就梗係試吓all day Breakfast，大碟到嚇親，樣樣嘢都打孖上。除咗蒜蓉牛油麵包、蕃茄、Bacon、蛋同埋肉腸，仲有牛油果，作為牛油果愛好者真係好滿足。飲品就有凍檸茶同埋青檸薄荷蘇打，同樣清新解暑。總結，性價比好高嘅西餐廳，約朋友食飯傾計一流。

今日收工同同事到觀塘食嘢， 行過裕民坊被呢間好靚好華麗嘅餐廳所吸引， 佢嘅裝潢歐式園林景色， 有室內及戶外雅座， 好多打卡位❤️我哋叫咗手工黑松露雲吞配野菌黑松露忌廉汁， 法式紅酒燴和牛面肉頰意大利飯， 芝士奶蓋梳乎厘同飲品。大推 法式紅酒會和牛面頰肉意大利飯： 呢個飯好味， 飯粒軟硬度適中， 燴飯醬汁濃郁， 牛面頰肉份量多， 質感 軟淋牛味濃👍手工黑松露雲吞 配野菌黑松露忌廉汁：雲吞整成細細粒 燴起醬汁 更入味，食起嚟好方便👍，黑松露 同雜菌味道好夾， 忌廉汁好creamy❤️芝士奶蓋梳乎厘：店員推介 梳乎厘， 真係冇介紹錯，好食👍， 梳乎厘一放上枱已經聞到好香嘅蛋味， 食落鬆軟， 奶蓋份量適中 ， 甜而不膩❤️

現在裕民坊上到3樓便看出一間靚靚充滿花海佈置場地，一面全冷靜，另一面半冷氣半室外的餐廳，服務員態度良好，聽服務員說現正新推出疏乎厘，不過我愛人說想吃火焰雪山😂先講這款真好 surprised, brandy十足，跟別的雪山不同，brandy 還在碟上，把雪糕和蛋糕一混在brandy一起吃，滋味。前菜-輕煎吞拿魚中拖羅熱情果芒果沙沙擺盤精緻，每一片上面都放滿mango果粒，還有熱情果醬汁和新鮮蕃茄仔，吞拿魚的邊輕煎至小小脆口，看上去像和牛。手工黑松露雲吞配野菌黑松露忌廉汁滿滿黑松露汁開胃，handmade 雲吞細細粒易入口香滑，和野菌絕配。每日仲有啲promotion幾十蚊就可以食到。吃完慢慢周圍打咭影靚相🥰

一向都知觀塘是另一匯聚美食的地區，很多特色小店都是卧虎藏龍，相信你願意花時間嘗試，都必會找到很多心水餐廳。今天，我跟同事去了一家位於此區的一家西餐廳享用午膳。Lunch Set 每人三選一前菜，一份主菜和一杯自選飲品前菜 -煙鴨胸檸檬香醋沙律 - 新鮮的沙律菜配上酸度恰到好處的沙拉油，先讓口腔refresh一下。四塊煙鴨胸味道好，吃完也不會感到太頂肚，挺開胃的。是日餐湯 - 本日是南瓜湯，熱騰騰的南瓜湯原來是大廚把南瓜打蓉，香草及忌廉作陪襯。主菜 - 芝士和牛漢堡 - 厚厚的免治和牛夾在濃厚的芝士和洋蔥中，外層的漢堡包都是脆脆和暖身的。除了漢堡外，伴碟的有沙律菜和熱薯條，令人愛不釋手！煎焗厚切豬肉眼配燒蒜忌廉汁 - 不愧是厚切豬排，肉質軟嫩也不感到乾柴，配上燒蒜汁及食用花味道不感到太咸。餐飲我們就點了熱咖啡LONG BLACK及熱檸茶。

朋友生日，想搵間有打卡位嘅餐廳同佢慶祝，呢間都算交足功課。佢有室內同室外嘅位，室外嘅位有一個「Happy birthday 」嘅backdrop，加上天氣好有充足嘅光線，打卡一流👍🏻。至於室內，雖然地方唔算好大，但佢嘅擺設都係預咗比一衆嘅港女打卡影相。食物方面中規中矩啦，叫甜品嘅，都可以寫Happy birthday，佢哋都會俾埋蠟燭，上枱嗰陣時候仲會播埋生日歌添😅。喺OpenRice訂枱仲有優惠，所以性價比都算高！

呢款餐廳係我最愛Cafe之一，田園宮廷風格🍃每次嚟到都覺得好開心😄佈置仲好靚午市套餐比較抵食，環境靚同朋友打卡啱灑📷📷✅白酒忌廉汁蟹肉意粉配温泉蛋溫泉蛋令意粉口感更滑溜，白酒忌廉汁最百搭，唔怕點完唔鍾意另外跟餐仲有湯送🥣✅牛油煎廣島蠔鮮蠔汁意大利飯廣島蠔大隻又肥美，鮮甜無腥味🦪意大利飯飯粒分明，唔會太乾身/太硬兩款主食都幾鍾意❤️✅Mocha Latte&Latte每次食呢間我都會點抹茶，呢度嘅抹茶茶味濃郁，間唔中都會掛住佢地嘅抹茶🍵💛好味指數:4.7/5 💜回頭指數:4.7/5📍INN - I’m Not Nothing (裕民坊YM²) (觀塘)觀塘協和街33號裕民坊YM² 2樓205號舖

呢間宮廷風嘅打卡餐廳原來唔經唔覺已經開咗三年開業週年慶🥳餐廳推出咗星期一至日有唔同優惠呀-🍟黑松露薯條配巴馬臣芝士（$78）好大碟😍面頭撒滿巴馬臣芝士絲非常香呀🧀配搭埋黑松露醬一齊食香脆內綿，好惹味！🍝香煎虎蝦扁意粉（$168）虎蝦有5隻爽口彈牙，好足料呀！扁意粉口感煙韌掛滿蕃茄醬汁，清新開胃😋🥄牛油煎北海道帶子伴燒南瓜蟹肉意大利飯（$188）帶子兩邊兩邊煎得金黃香口大粒厚身咬落非常有口感👍🏻意大利飯掛醬汁同南瓜蓉🥑Avocado Smoothie（$58）口感非常之滑溜奶香同忌廉味濃郁相對牛油果味唔算好強烈但都飲到有淡淡嘅牛油果果香🍵Green Tea Latte ($46)拉花精緻📸入口奶香同茶香融合

約咗朋友嚟觀塘行街，原來裕民坊入面有間充滿歐式庭園風味嘅西餐廳，一於入去試下🌹🍴入到去覺得裝修好別致、好有格調，每張枱上面都有座枱玻璃燈，原來仲可以較唔同光度🔮我哋叫咗兩個主菜，加$38就可以升級有埋餐湯同飲品。是日餐湯係忌廉蘑菇湯，忌廉拉花超靚呀，加埋花瓣喺面好有心思🌼 飲落磨菇味非常濃郁🥣主菜首先有法式油封鴨脾配砵酒蘋果，呢個菜好少西餐廳會有，上菜擺盤好精緻😍 有超大隻鴨脾、邊切邊出煙、證明即叫即整🍗 鴨脾肉質鮮嫩，配埋超入味嘅紅酒蘋果🍾 仲有好似煎到帶子咁又好食嘅薯仔🥔 再加埋蘆筍同椰菜花做配菜🥦 大滿足😋另外叫咗香煎銀鱈魚柳巴馬火腿蘆筍卷伴蘆筍茸鮮魚忌廉汁。銀鱈魚嘅魚皮煎香咗脆身同香口、魚肉鬆化、配埋青色嘅忌廉汁感覺幾清新🐟 仲有巴馬火腿蘆筍卷中和下🥓 正呀🤓

今次黎到位於觀塘區裕民坊，彷彿置身於異國既悠閒西餐廳。成間餐廳內外以白色為主調，仲有大量淺色植物點綴，有種清新自然的氛圍。望到懸掛既水晶吊燈，同埋擺喺枱邊既小花，散發出陣陣歐陸情懷，好適合影靚相打卡😆。麻雀雖小，五臟俱全，風口位仲特登set左擋風板，防止吹住客人，好少有餐廳會咁樣做。一邊食野一邊聽住好chill既歌，除左欣賞優雅的環境，喺度食野真係一大享受🥳⭐️香煎銀鱈魚柳巴馬火腿蘆筍卷伴蘆筍茸鮮魚忌廉汁銀鱈魚塊皮都煎到好脆，魚肉肉質柔軟，嫩滑多汁，個汁由蘆筍打成，蔬菜同魚肉配搭，口感唔單一，淡淡地黑椒同鹽調味已經好夠味😋推薦度💯⭐️香煎虎蝦扁意粉一上碟就覺得好香，虎蝦熟度啱啱好，肉質鮮嫩彈牙。每條意粉都比啲汁包圍住，啖啖都食到蝦油香，咬到鋪面既紅椒絲，啲味道提升左成個醬汁層次。⭐️Homemade TiramisuTiramisu用杯黎上，鋪面既咖啡粉同糖粉帶住苦同甜交戰，一入口好濃浸過Espresso既手指餅同芝士味，作為結尾真係非常合適。