Itamama Bistro

营业中

休息中

無人帶位 要自己去揾位 見到有位行去 有個侍應大大聲話後面個人先 以為個個人3 4個人要坐卡位 點知原來得兩個人 態度好差 一啲禮貌都無 其實係我哋嚟到先 然後叫我哋走 又唔安排座位俾我哋！

經過附近商場見唔錯同屋企人去左試下肉質都算嫩 唔會過熟醬汁都ok茄汁偏酸煙三文魚飯都ok但對於唔鍾意食芫茜嘅人黎講就真係唔建議每一啖都係芫茜味如果餐牌有備註一下就好

呢間嘢食物越嚟越差 ，飲檸檬茶冇檸檬用檸檬精，非常難飲 ，食雞扒/豬扒麵就食雞粒麵（份量少）， 叫通粉個份量就非常之少 ，D通粉好貴， 離曬譜 ，越食越差，現在連木兆都一樣。

水牛城雞翼帶酸甜的辣汁，淋上烤至金黃酥脆的雞翼，好好味，每次黎都要食。法式田螺焗薯蓉薯蓉好滑，都OK。黑松露蘑菇湯濃濃黑松露味，湯入面有打到好碎的蘑菇，非常足料。芝士焗西蘭花濃濃芝士融入西蘭花中，增添濃郁的奶酪風味，仲有香口煙肉，又系每次黎都encore的。

係公司同同事經網上外賣平台嗌左幾份早餐 ，我開餐食左個通粉，食到最後撈到隻曱甴出黎！有鬚有腳 係湯度飄浮緊！我毛管凍埋即刻扔左佢，跟住開盒豬扒出黎， 點知一開蓋：又一隻曱甴！！究竟個餐廳有幾污糟先有咁多曱甴？應該有成窩曱甴家族住左係廚房 我打去餐廳投訴 個負責人女人 居然答我： 『應該係因為今朝滅蟲』佢一尾叫我搵網上外賣平台跟進，一句對唔住都無。好似係網上外賣平台落蟲比我，唔關佢餐廳事咁。 餐廳滅蟲完點解唔閉門清潔好先做生意？係咪叫食客食哂d蟲屍？ 其次 餐廳搵得滅蟲即係衛生環境本身都好差 咁樣仲做生意？我已經報左食環 但都要寫出黎等大家警世下！

唔太明解 叫咗兩個安格斯牛扒餐一份正常兩塊扒狀 另一份係兩件舊狀(唔識表達)見兩份唔同怕落錯枱。食錯野問待應：有冇落錯枱。點解外貌不同佢我答：係無落錯 係唔同部位，以重量計。令人費解。咁照食啦重點係正常塊狀入口即化 *舊狀筋勁多咬極唔爛 比百幾元 就係咁食法我認知扒唔係一塊塊的嗎？ 可能我真係唔識野

今朝一早起身返工，工作前食番個早餐先。逛下逛下，最終揀咗呢間。早晨套餐多得很，粉麵類，麵包類….. 好多選擇。火腿絲蕃茄湯通心粉上檯時感覺好少，會唔會唔夠食呢！原來食下食下份量不少。蕃茄湯底濃稠，還有粒粒蕃茄肉。通心粉又不會太腍，適中。如果火腿絲多少少就好。咖啡質量都ok㗎！早晨醒神。

食完變筋肉人，啖啖肉同時啖啖筋呀🤡⋯⋯・・・・・・・・・・・・・・・・・・・・🥩 烤安格斯牛扒 HK$118・味道：將一件安格斯整到咁劣都幾有料，味道其實冇問題，有牛味嘅，但口感大中伏！蘑菇汁幾好食～・口感：成吋厚，但好多筋，勁多！波爸同波妹都咬唔開-_-薯條唔脆⋯⋯・・・・・・・・・・・・・・・・・・・・🤰性價比：低～🤰9衝度：不了～🤰結論：之前食都唔係咁，搞乜呀質素插水式下跌🥲・・・・・・・・・・・・・・・・・・・・環境：舒服西餐廳架步，好坐夠闊落，4人位真係4人位X

衣個係佢個 menu Lunch menu 🥚滑旦三文魚龍蝦湯🦞螺絲粉配蒜香欖油多士條 $59 熱飲飲coffee另加$10 我要左🍫mocha☕ 。so total $69 。 個龍蝦其實唔濃 , 三文魚係煙三文魚黎既 。 成個湯有 D 偏咸 。個旦好大舊應該用左兩隻炒既 。 同埋真係好滑既 。 個 mocha 似chocolate加水加糖 。 麻麻地 。 coffee 味太小 。 如果下次我會飲番 cappuccino or latte 。 如果間野 d 客唔好咁嘈既話係幾舒服既

味道☻︎☻︎☻︎性價比頗高的晚餐🥣晚市唔算多人 唔洗排隊 walk in都入得出面係賣麵包🥯蛋糕嘅地方行入啲就係餐廳啦🍴/餐牌上好多選擇，我就睇中呢個龍蝦🦞飯擺盤幾精緻蜆肉份量正常 唔算多龍蝦肉好味😋絕對係唔太餓之選但食落就略嫌有少少鹹😖價格合理/呢個飯就唔係套餐淨係跟咗一碗忌廉湯所以我另外加咗杯菠蘿特飲Fresh得嚟啱啱好/整體嚟講 撇除龍蝦飯有啲鹹其他一切都不錯👍🏻適合喺樂富區想食好少少時/同人慶祝時去食

呢間西式加埋隔離嘅中式開咗之後～食之日常！又唔算貴！坐得較舒服！食物質素不錯！香草雞扒配煙肉，鮮奶炒蛋，田園沙律加片多士添～夠份量！ 簡簡單單嘅沙爹牛肉公仔麵～食咁多次～個麵都唔會煮過龍👌香港人梗係飲番杯奶茶同埋齋啡啦～正！搞掂一餐。。。。。有時一個人食晏～對自己好 D。。。美國安格斯牛扒配珍珠飯$76元咋掂！加多一個人？咪食。。。香煎豬扒滑蛋蓋飯～配西西里汁！如果唔鍾意西西里汁嗰啲茄汁味都可以轉黑椒汁嘅～ 兩種食味都唔同嘅可以試下㗎！ 唔鍾意豬扒轉雞扒都得😋個呢價錢👌啦

食品可以啦。一般連鎖店質素。意大利元素中式做法。味道是茶餐廳那些。咖啡有點失望。如終是意大利餐廳，咖啡選材要求可以嚴格一點.可以話係一間意式裝修風格的茶餐廳。另問店員收鋪時間，佢地話10點，但最後9點半就話要清場。咁無謂阻人收工。攪到後邊2個後加小食未食完就走了

#樂富 見到間#itamama 就入去食下午市套餐 芝士肉醬千層麵+香脆薯條 $65樣貌一般，芝士肉醬冇得輸，大概有四層千層麵左右，薯條🍟唔好食😭明顯唔係新鮮炸嘅，同埋好鹹評分 ： ⭐️⭐️⭐️凱撒沙律🥗+ $15份量唔會好多，沙律汁比較多好酸😭食落啲蔬菜都覺得唔新鮮嘅，有啲苦☹️評分：⭐️⭐️⭐️柚子蜜味芝麻雞翼（2隻） +$11呢個好好食😋啖啖爆汁👍🏻柚子蜜好重😋評分 ： ⭐️⭐️⭐️⭐️凍檸茶 +$3呢個凍檸茶好特別，佢嘅檸檬會預先幫你用攪拌機整好，佢哋係特製嘅👍🏻係我飲過最好飲嘅檸檬茶Itamama Bistro (樂富)📍樂富聯合道198號樂富廣場B區UG2樓U210, U211及U213號舖

意粉真係好一般，明明眼見都係菜＆三文魚，佢都可以煮到好油，性價比極低。牛扒七成熟OK, 面底脆。配菜既瓜燒到啱啱好，讚。薯條出奇地上枱果時已經係凍＄148真係有啲對唔住個客吧，咁同我去大家樂食冇分別啦芒果汁好飲，檸茶依間一向都從來冇令我失望，唔使叫少甜架，小食款式少，叫了cheese西蘭花唔錯，推介。仲有商場冷氣成日唔夠，呢間真心讚，爽吖。仲有，要暫時應服務有禮，態度好好，每次上菜都會問喺邊一位客人要。

亞仔考試早放學去呢間餐廳仲可以叫早餐。一打開餐牌，令你感動係有得揀要唔要多個通粉或加錢轉牛角包，其實我加左同轉左，都食唔哂，最後將個包打包拎返屋企第二日食。我叫左豬扒炒蛋、餐肉砸加個通粉咁，有少少沙律菜，成件事都幾靚仔。