Izumi Curry (已結業)

奄列咖喱牛肉飯 $109得個樣的薯蛋頭咖哩飯，其實賣相也不算是很精美，擺放得有點求其。食物味道也是一般吧，咖哩帶點微辣，都ok可以接受到。以為蛋是嫩蛋，但比我想像中要老一點，不過不失吧！但係覺得這樣的價錢其實可以再做好一點吧？友人點的咖哩牛肉飯，這個比薯蛋頭的好吃得多。那塊可樂餅剛炸起，很酥脆！而且咖哩的量很多，吃到最後也有很多咖哩剩下。杯墊也是薯蛋頭。未裝修成薯蛋頭Cafe之前都有去過，那時比現在人流少很多，可見它們的綽頭做得不錯，但水準卻比以前差了。一入內，店員告訴我們薯蛋頭MENU上有數款食物都售罄，當中包括我很想點的小食拼盤，令我有點失望，但是一場來到，就照吃吧～怎料之後見到好幾張枱都有叫到小食拼盤，才知道那位店員搞錯了！實在令我感到有點無奈。店員好像都不願做似的，經常圍在一堆在聊天，想落單和結帳都等了很久才有人來，服務態度也是一般。經此一役所對這間Izumi Curry留下了不太好的印象，還是以前比較好。

奄列咖哩牛肉飯一送到上枱，即刻打左個凸，點解同餐單張相差咁遠😂甩皮甩骨既!飯係珍珠米，幾有口感！咖哩不辣，帶點甜。蛋都炒得幾滑。沙拉菜預先淋上芝麻漿，令沙拉無咁乾！但牛肉就好硬！跟餐的湯好難飲，全是味精，勁咸！這餐廳以薯頭頭作賣點，而這咖哩飯其貌不揚完全hea作！以百多元吃一個普通到不行的咖哩飯，好唔值，因為我本意係想看到可愛的薯蛋頭！價錢HK$109連汽水和餐湯熱狗套餐一套兩件，一件是牛油果丶蝦和沙拉蛋一件是蕃茄芝士脆皮腸。一見到個樣就唔開胃，個包凍冰冰。牛油果的沙拉醬過多。蝦都無隻，完全不行衰過大快活熱狗下午茶餐！插支薯蛋頭貼纸就算唯一可取是薯角即叫即整，新鮮熱辣囉！價錢HK99連汽水

早前已在屯門V-City的Izumi Curry見到薯蛋頭的蹤影，一直都想嘗嘗，在機緣巧合之下，便到了尖沙咀分店一嘗這可愛的薯蛋頭。由於是平日的關係，朝聖的客人並不多，我們六時就到達，餐廳裡只有兩、三枱是坐了人。裡面的環境挺好，十分安靜，有薯蛋頭公仔的陪伴，簡直是錦上添花。整個餐牌也充滿了薯蛋頭的身影，雖然芝士牛肉薯餅飯是系列中的招牌菜，但我們對於薯餅不太討喜，就要了奄列咖喱牛肉飯，還有一個熱狗套餐。奄列咖喱牛肉飯($109)薯蛋頭的臉是用芝士、車厘茄、火腿和紫菜所砌，外表可愛是一定的，咖喱飯有點淡，但配上微微酸辣咖喱汁便是絕配。看上來份量挺少，吃下去才知道高估了自己。熱狗套餐($99)熱狗套餐有兩款熱狗，一是沙律配蝦熱狗，另一個是腸仔培根熱狗，兩個都份量十足，味道並不俗，雖然價錢有點貴，但卻是物有所值。個人認為這頓飯是超值的既可以瘋狂影相，又能享受美食，還飽到捧住肚子，的確沒有後悔一試！對於這頓飯我是十分滿意的

有次經過屯門的izumi curry，鋪面放滿薯蛋頭的擺置及精品已經好吸引。下午同友人打完雀局後，友人提議便去試試。一進去，每張桌都會有隻薯蛋頭坐著等你，環境氣氛都非常好。誰不知原來漢堡餐及意粉餐都已售罄，飯類的燒汁也停售，只得咖哩汁。頓時興趣減半.....*餐湯為粟米濃湯，小妹喜歡粟米各樣的副產品，這味道與普通的罐頭湯無異，但盡得本人歡心。可惜的是熱度不夠，有點失望。*芝士牛肉薯餅飯，不要被可愛的賣相蒙騙!!咖哩汁熱度不夠，飯的份量少，薯餅外身脆但只靠咖哩汁提味。*吉列豬扒飯。一1樣的是咖哩汁熱度不夠，飯的份量少。這個飯可能加了黃姜粉的關係，賣相較可愛。豬扒炸得通透，外脆外軟，屬全店最好吃的食品!!*見形勢不對，我們另點了一個小食拼盤。最好吃的都是炸雞翼，外脆而醃得入味，咬下去有肉汁，正!!

一望門口, 就望到好多精品賣, 玩具反斗城都有, 文具就少見啲。 限時個半鐘, 餐廳好多 potato head裝飾 , 燈罩都有, 坐得都算舒服。 公仔就污糟咗啲。 Menu 5顏6色, 眼花花以為要加10蚊先有飲品, 原來一個飯包餐湯 + 汽水。 要加10蚊吉列豬扒飯, 有好多飯焦喎.免治牛肉薯餅飯, 極少牛肉. 蘿白生的 > <.

排隊排左好耐 但入座嗰陣發現坐卡位 都gur番少少餐廳周圍都係有薯蛋頭先生同太太個menu都淨係食薯蛋頭嘅野食叫 無普通嘅咖哩飯其實諗番都幾貴下薯蛋頭夫婦嘅公仔係要問waiter拎嘅佢地會好好人咁周圍問其他食客拎一共有四款咁大家輪流同公仔自拍 合照 就差唔多半個鐘芝士薯餅飯配咖哩汁本身menu係寫明有牛肉 但係上菜先知咖哩汁係無牛肉嫁 要另一個汁先有芝士薯餅係無芝士味咖哩普通無咩特別但去得呢度都預左野食麻麻 係食環境雖然佢話有限時 但都無吹我地走最後再同門口對超大薯蛋頭夫婦影相就完結了~

呢晚我就陪老友唻啦，搭正６點來到，本來我係知要等位寧願唔食嘅人，不過見老友好想食，我先陪佢等吓啦，好彩我地早一步係門口等，真係遲一分鐘人龍都差好遠喇。我地咁早去到都要等20分鐘先有位，入到去原來地方都唔算好大，位與位之間都幾窄吓。坐定定，望望下，原來有幾款不同嘅薯蛋頭毛公仔供抱抱影相喎，老友當然唔會放過呢個機會啦，我雖然唔鍾意佢都要循例影吓相，到此一遊咁~ 哈哈！見到menu只係一張紙，食物連飲品甜品同在一版裡，睇落真係冇乜野揀咁噃，我一睇就只有熱香餅啱食，老友最後都揀左漢堡食。以下係我地點的：① B-1 巨型漢堡薯角套餐- 無糖可樂 ($99)② D-4 熱香餅配雪糕及時令生果 ($69)Total = $16810% Service Charge Total = $184.8無糖可樂：又估唔到真係一罐上枱.......杯又冇冰又冇，出面㩒機都係$6.5巨型漢堡薯角：用木板上枱幾靚，套餐有一塊牛油曲奇、一杯薯角，漢堡餡有煎蛋、芝士及厚漢堡扒；見到個漢堡好細個，比隔離點的迷你漢堡只係大Ｄ，我地都唔覺佢可以稱為「巨型」！有蛋黃醬、牛油曲奇富牛油味，唔硬唔腍；薯角夠味，但唔熱又唔脆；漢堡扒

下午四點幾原本去尖沙咀睇專科醫生，點知要等起碼一個鐘先到我睇，於是唯有去搵個好地方食個下午茶啦。去到美麗華一樓見到薯蛋頭先生，咦！無咩人喎，我想試咗好耐架喇，唔洗諗啦，一於入去食個TEA。入到去好多薯頭先生同太太裝修擺設，好得意呀！我點咗朱古力醬熱香餅配橙汁（＄69）朱古力醬係自已用埋畫薯頭個樣架，我畫得好唔好呀？哈哈。。。熱香餅旁邊有香蕉同一塊曲奇餅伴碟，都算好食，而曲奇餅都好香趣，有得玩有得食，仲有薯蛋頭太太公仔陪我食TEA，貴D都OK啦！

不用怕！這兒的薯蛋頭先生不會在你吃飯期間掉下他的眼耳口鼻 步進這餐廳，完全是屬於薯蛋頭先生的世界，無論餐牌、餐紙、牆壁、燈罩，甚至職員的制服，都見到他的出現，簡直無處不在;D 用餐時，薯蛋頭先生 還坐在我身旁陪伴著我!!!!❤ 吉列豬扒飯配咖喱汁 ($129) 連餐湯及罐裝飲品! 飯被舖成薯蛋頭先生的形狀，可愛極了！紫菜成了鬍子和帽，眼睛和咀巴是芝士，耳朵用了磨菇，鼻子是車厘茄，而鞋就用上火腿片;) 原以為來自日本的咖喱都是甜甜的，怎想到竟會有點辣，咖喱味道還挺濃烈呢！吉列豬扒炸得很香脆，即使淋上咖喱汁也沒有影響。整個飯的份量很多，最後捧著肚子滿足地離開 店外排著長長人龍，所以店員都嚴格執行限時<九十分鐘用餐時間>，準時九十分鐘會示意結帳離開。可是，粉絲們不用太失望，結帳時只要<讚好Izumi curry facebook page>，即可獲贈薯蛋頭先生或夫人匙扣一個！這兒還有薯蛋頭先生的精品區，可以盡情把他帶回家推介分數:

前日同友人去左位於尖沙咀嘅由薯蛋頭先生做主題嘅餐廳食午餐，門口有2個公仔比人影相，一入到去就比餐廳嘅設計吸引住，一坐低就有服務員比公仔我地影相，十分貼心。佢地嘅價錢都頗貴，但係絕對唔會失望。我嗌左個牛肉奄列咖哩飯，牛肉份量適中，都幾嫩滑。奄列好滑，但就唔係全熟，咖哩甜甜地，微辣。啲飯好大份，我同我朋友都食唔晒，另外佢仲有沙律菜伴碟，菜上有啲日本沙律醬，味道唔錯。

見到近排咁多人係社交平台post相！星期日放假都突登帶朋友既女出尖沙咀，為左呢一餐！我地3點幾去到，都要排左15mins隊。Mean設計好靚，款式都算多，眼花撩亂。我一早知朋友個女只係食兩啖，之後要我自己食哂，所以問服務員有無最低消費，竟然無👍🏼👍🏼！所以我淨係叫左個迷你薯角漢堡套餐 $89出餐好慢，但味道算唔錯。本人最鍾意食個迷你魚柳漢堡，真係好香好脆！下次會再同朋友黎試多幾款野食！

記得之前黎過人影都唔多隻，現在換上薯蛋頭主題竟然大排長龍。薯蛋頭的威力也不少。環境頓時可愛多了，很多一家大細黎食。我們叫了個奄列牛肉咖哩飯，蛋滑咖哩香，如果牛肉再淋點就最好啦。記得趁熱食，凍左就唔好食。熱狗套餐，有两份細熱狗，可惜蝦個個味比較差，而且個包一啲都唔好食。套餐跟汽水和湯，那個湯很稀，不要過份期望。為拍拍照，試下新野，都可在這裡滿足。

今日同男友去尖沙咀，睇Open Rice見呢間Izumi全部人都好評就黎試下，點左重型芝士漢堡扒咖哩飯兩個人share，個漢堡扒又大又厚又有肉汁，加埋芝士直頭係perfect match。咖哩飯好多咖哩汁，咖哩汁有少少辣辣地，味道好好。不過我覺得佢個份量太大，如果一個人黎食會食唔晒，兩個人share就啱啱好。可以再幫親!

先是位於尖沙咀Mira Mall的Izumi Curry，位置有點隱蔽。之前都是透過商場的燈箱廣告才知道有這店，但是每次逛都找不到，原來這店是躲在一角裡頭，和Bread Papa在一起的店，才發現原來是同公司的！我們吃的是午餐，套餐包沙律和飲品，價錢都不算貴。假日也有Set Menu，平均每人約$80，覺得很經濟，加上店子位置問不太容易找到，所以店裡只有數枱客人，環境很適合Ladies們tea-time小聚呢！這就是套餐的沙律和飲品，我點了橙汁，朋友點了蘋果汁，當然不是鮮榨果汁，是一般盒裝的果汁，和平日乘飛機喝的一樣味道。沙律味道不錯，喜歡它有粟米粒，感覺不hea。這是朋友點的奄列吉列豬扒咖哩飯 (套餐$85)，賣相好吸引！我也試過少許，咖哩有點小辣，對於平日不吃辣的我也能接受得到，豬扒炸得好香脆，表皮的炸粉不厚，豬扒也很軟，很喜歡！這是我的親子丼 (套餐$65)，雖然我知道來Izumi Curry不吃咖哩有點奇怪XD，但是由我看Menu的時候已經被親子丼吸引住了，結果就點了。哇超開心！拍照可能不怎麼覺得但實際上是很大的一碗店員還貼心地提供了七味粉，加上去很好吃啊！蛋很滑，也有很多洋蔥

Izumi Curry 似乎在香港紮穩陣腳，連鎖開得其門如市（聽說在香港開業已有兩年時間？我這年才第一次看到啊！）；半快餐式市場也是不過的站腳點，我在香港的每個角落也看到它的蹤影（大型商場的 food court 也可以看到它！）。尖沙咀美麗華廣場裡也有間 Izumi Curry，地方比較隱蔽，有侍應生（非 food court 自助），也有比較舒適的位置，人流也沒很多。就在超多旅客的周末，在這裡就比較容易找到位置。Izumi Curry 主賣咖哩奄列飯，雞蛋是有，不過不是蛋包飯（聽說香港現在有很多蛋包飯專門店？）。吸引我的是餐牌上閃是生光的芝士漢堡扒，那個半溶的狀態是我最喜歡的賣點（後來有點失望就是啦）。點了兩個招牌貨試試，我選的是上面有塊圈圈狀雞蛋的吉列豬扒奄列咖哩飯，yellowbean 就吃那個重型芝士漢堡扒咖哩飯！先說說我的吉列豬扒奄列咖哩飯，鬆軟度不錯，而且奄列做得超好吃！咖哩不是我心目中那款有雜菜蘿蔔的日式咖哩，味道還可以（據說可以選擇辣度？不過店員沒有說啊我們也沒特別點）。yellowbean 的重型芝士漢堡扒咖哩飯，賣相超巨型，漢堡扒超大而且比飯還要多！有點可惜的是漢