Jacomax

营业中

休息中

今晚同朋友來慶祝生日，服務非常好啲order上得好快，好好味我地送上自備生日蛋糕比朋友果時，店員仲主動來幫我地影相，又唔收切餅費而且又有得安排播生日歌，氣氛好好，我地都好開心會再來幫趁

成日都聽朋友講Jacomax既藍芝士蘋果批好好味，唔好睇佢個名以為係伏野，今日終於去試一試佢，真係發現咗一個美食寶藏！🍽️ 藍芝士蘋果批估唔到藍芝士同蘋果係咁絕配架！藍芝士的濃郁與蘋果的清新完美融合，每一口都令人驚喜，甜中帶咸，口感層次豐富。我地仲聽咗店員既介紹加咗意式風乾面豬頰肉喺Pizza，風乾肉的鹹香令成個Pizza既味道顯得更加濃烈，令人回味無窮。🍽️麥啤煮青口呢道菜簡直驚豔到我🤩青口煮得恰到好處，搭配啤酒的香氣，味道清新香甜，海鮮的鮮甜感也完全展現出來。食晒啲青口之後，我連啲啤酒都飲晒添！整體而言，Jacomax的菜式不單止好味，仲有創意，環境舒適，非常適合與朋友聚餐。下次一定會再來嘗試其他菜式！

今日同朋友走左去呢間試新野。入到去環境似西式酒吧，服務唔錯。當時叫左2個pizza1個pasta。青醬pasta同啲芝工一齊夾超級香濃奶油香草味，口感超香，意面比較硬，偏西式口感。pizza餅皮口感唔錯，當時叫左藍芝士蘋果同埋墨西哥辣椒味，两款都超級推薦。藍芝士蘋果味超香藍芝士，食落去咸甜味，有好香蘋果味。墨西哥辣椒勁惹味，辣辣地仲，帶有醃辣椒獨有嘅酸酸的味道。

這餐廳朋友和我各自光顧過，覺得食材新鮮，味道濃淡適宜，且午市套餐款式多，份量十足，性價比高，所以再次去光顧。可以，今次的套餐有些強差人意，選擇少了，份量減少，價錢加了… 😓以前單頭盤就有多款小食及沙律選擇，有意大利肉丸、炸魷魚🦑圈伴他他醬、香酥茄瓜、大蝦🍤沙律等等，現在只剩沙Caesar salad 🥗 或巴拿瑪火腿伴哈蜜瓜揀。主菜Pizza 🍕話有9”，搵online ruler一量，只有7.5”左右，縮水縮到咁，真係好失望。慶幸味道仍能保持水準😋，服務態度好，尚算愉快的一餐。

The BEST Gorgonzola & Apple pizza ever!!My son also loves it 🤤 wanna eat this amazing pizza again 👍🏻This special pizza is very refreshing. My son and I just cannot stop eating. Good!

知有呢間野好耐，不過一直無衝動試，直至最近有晚諗唔到食咩好，就試試佢！上佢官網order左好多人都話好食嘅蘋果藍芝士pizza，準時去到舖頭pick up，入到去同店員講拎外賣，個個你眼望我眼好出奇咁，哈哈！原來成間舖無一個人接單！無人知有客order左！！！！！！！！！自己官網有order都唔知，犀利！咁好啦，佢地話即刻整俾我，我就唯有等～（咁預先官網order有咩用？）講下個好多人吹捧嘅蘋果藍芝士pizza，超級普通，一d都唔特别，唔明有咩咁好食，今次經歷之後，唔會再幫襯！！！

❣️印象中幾年前第一次食呢個PIZZA真係好驚艷，味道好特別‼️排隊都值得食，素食嘅藍芝士蘋果PIZZA非常出色，最近經過銅鑼灣見到冇人排隊，即刻入去食番個PIZZA先🫶🏻水準仍然keep到，但個人覺得上環本店焗得再好食啲😋🌟藍芝士蘋果PIZZA 12’ 🍎🧀 $178 風乾蘋果薄片夠香甜，藍芝士味道唔會太濃搶味，食落仲有啲焦糖香，餅皮薄底煙韌脆邊，食落唔會好漏，食完一塊即刻想食第二塊👅，味道非常特別😋🌟意大利媽媽廚房必備肉醬粗意粉 🇮🇹🍝 $158粗意粉口感一流👍🏻👍🏻，同一般肉醬唔同，肉醬好足料，味道較creamy ，唔會太重香料味🍃

🍕西式 🍕Pizza 🚹1-4人 🐻#炸物控 🐻‍❄️#新奇控——————朋友推薦嘅pizza舖，🐻🐻‍❄️就決定去呢度傾偈搵食😛Set for 2 $428🦑Starter魷魚圈配他他醬 Fried Calamari新鮮炸起嘅魷魚圈，外脆，入面嘅魷魚彈牙😆👍🏽🐻：明明係starter但最後先上～可以當小食😛🍕Pizza9吋藍芝士蘋果薄餅 Gorgonzola and Apple用蘋果做餡料比較特別，食落少少甜，批邊少少脆😜🐻🐻‍❄️：其實似甜品多啲😛🍝Pasta松露油牛肝菌火腿大通粉 Porcini and Ham with Truffle Oil Rigatoni黑松露好香，有少少似黑松露忌廉醬🤤幾好食、而且唔油膩👍🏽👍🏽☕️飲品x2平時西餐嘅熱檸水～🤣兩個人食🫃份量🤰唔算太大，小鳥胃食落7-8分飽結論：幾樣食物都有水準😋甜pizza幾特別，都值得一試嘅～

說起 Jacomax，第一時間必定會想起其藍芝士蘋果薄餅。新鮮焗製的薄餅選用兩款芝士：水牛芝士及意大利藍芝士。薄餅面鋪滿了一片片鮮蘋果片，蘋果的酸甜與濃烈的藍芝士鹹甜交織，產生絕妙的平衡，一試難忘，絕對是讓人上癮的味道。When you think of Jacomax, the first thing that comes to mind is their Gorgonzola & Apple Pizza. Freshly baked with two types of cheese - mozzarella and gorgonzola, this pizza is topped with slices of fresh apples. The sweet apple slices perfectly balance the rich gorgonzola, creating an unforgettable taste that’s absolutely addictive.

無論係堂食定係外賣，試過Jacomax好多好多次，Jacomax絕對係我愛店之一！首先，我本身就好鍾意食芝士🧀Pizza🍕有9吋同12吋選擇呢個組合可以點樣帶來驚喜呢？唔同一般Pizza會加菠蘿佢選擇加入蘋果，感覺一樣咁Match非常推薦唔鍾意食芝士Pizza朋友仔試下呢個，可能會令你改觀！藍芝士係會有少少臭但係鍾意食芝士應該會抗拒不住加入蜜糖🍯再加上蘋果薄片🍎感覺好fresh 絕對係唔會食到好漏好滯呢個配搭實在係太出色

當想吃藍芝士蘋果 Pizza 的時候就要來到 Jacomax。這款 Pizza 是這間店獨創的喔。銅鑼灣店在星期五晚都有不少人在排隊，大概要等20分鐘。藍芝士蘋果 Pizza (HKD 218/ 12吋) 即叫即整，在等位時透過玻璃窗可看到師傅在製作。剛焗起的薄餅十分香，薄餅皮不會太厚身，但我喜歡那煙韌的口感亦充滿了麵粉香。味濃的藍芝士加上清爽的蘋果片，鹹甜交織一個吃兩塊也不覺得膩。炸魷魚圈配他他醬 (HKD 98) 貌相和我上次吃差了點。不過沒有影響味道，外脆內嫩的炸魷魚圈配清爽的他他醬很夾，喜歡再清新點可以再唧點檸檬汁。沙律我們點了兩個 - 車厘茄火箭菜芝士沙律 (HKD 138) & 西柚肉配煙三文魚果仁沙律 (HKD 148)。前者的車厘茄好甜，加上鹹香的芝士，不再加醬汁都很夠味。後者的西柚肉則帶點微酸，吃落很開胃，而且這裡的三文魚還帶少許皮。頂級西西里鯷魚汁蜆肉三色椒粗意粉 (HKD 168) 這個好辣！怕吃辣的不要點這個。能吃到辣的應該會很喜歡。在辣味中帶鹹香是非常惹味的汁。蜆肉亦有不少，粗意粉的口感感覺更彈牙。

之前其實都有幫襯過但冇寫食評事隔一年後再翻兜水準依然keep到咁高質💛必食！藍芝士蘋果pizza蘋果嘅甜味出奇地同咸咸香香既芝士好夾而且清新既蘋果味可以去除芝士本身既油膩同飽滯感所以食落負擔感冇咁重隔離枱嘅外國人見到我哋叫呢個pizza咁特別都專登問我哋食緊咩批添！西柚肉配煙三文魚果仁沙律呢個沙律份量十足，一啲都唔孤寒沙律配埋脆卜卜既果仁口感更加豐富基本上我哋兩個人share一個pizza + salad 已經好夠飽可惜個肚唔夠位，叫唔到小食

【灣仔區】【Jacomax】銅鑼灣渣甸街食肆林立唔係一朝一夕嘅事，我都寫過呢條街好幾間餐廳。不過有一間我食過好耐但係一直都出唔到 post，令我耿耿於懷。原來第一次係喺 24/4/2021 嘅下晝，食咗個十二吋嘅經典薄餅，都成三年前喇喎，好耐。當時係食 $208 嘅「川秀三文魚子遇上西西里檸檬啲皮」薄餅，連加一係 $229 埋單，嗰時覺得個味好特別，想再嚟食先出 post。當時我已經開咗呢個 IG，所以係有圖片記錄。直到有次同道歉哥睇完波搵嘢食，先再食到佢。我哋叫咗 $428 嘅二人套餐，有三樣嘢食，個「炸魷魚圈配他他醬」啲魷魚幾好肉，炸得又香。而個「9吋藍芝士蘋果薄餅」好香藍芝士味，配埋啲蘋果幾得意。仲有個都幾辣嘅「招牌香辣海鮮粗意粉」，海鮮幾足料，算多餸嘅。個餐仲有嘢飲，我係飲「青檸梳打」，道歉哥飲「凍檸茶」，我嗰杯都唔錯嘅。呢餐加一後價錢係 $471，以銅鑼灣食個西餐嚟講一啲都唔貴。而且餐飯仲有彩蛋，就係喺餐廳裡面居然見到香港足球隊主教練安達臣先生，影埋合照先走。。。（地址：銅鑼灣渣甸街50號渣甸中心地舖）#1amfoodie #foodie #hkfoodie #thatfoo

朋友話Jacobmax嘅Pizza好好味，尤其係藍芝士蘋果薄餅，所以今日外賣咗一個返屋企試吓。佢個味又真係幾特別，估唔到又幾夾幾好味，蘋果香氣平衡左芝士既飽滯感，鹹味中帶啲清甜👍。佢個餅底都好出色，咬落脆卜卜，會encore😋藍芝士蘋果薄餅

今日銅鑼灣行街決定同同朋友試下呢間出名藍芝士蘋果pizza周不時都聽過朋友講起/去食但印象中藍芝士好臭不過食完發覺同蘋果好夾聞落去好香，可能係蘋果中和左？食落去鹹甜鹹甜咁幾特別好味👍🏻比平時食開嘅芝士pizza芝士味濃郁少少同比較突出同朋友share食好夠-鹹蛋黃卡邦尼意粉都有驚喜！比起出面平時食嘅卡邦尼多左鹹蛋黃所以食落更加香😻意粉又唔會太淋身汁嘅份量都啱啱好，撈完食之後啖啖都係鹹蛋黃香味唔會過鹹好creamy好正👍🏻👍🏻推薦