Jimmy's Coffee & Kitchen

营业中

休息中

是日晚餐:-燒牛仔骨-法式油封鴨-薄荷茉莉花茶-昆布茶2019年6月罷工餐廳之一, 老細應該係一家三口打理餐廳; 餐廳最出色係熟成魚同肉-燒牛仔骨牛仔骨就係熟成的, 本來以為真係連住嚿骨, 但上枱成嚿都係啖啖肉; 好重牛味, 咬落好似食緊滾左好耐的牛腩, 好軟淑!!老細話每件肉所配的汁都係唔同, 但牛仔肉已經好夠味, 所以個汁都係用黎"點"薯角同菜; 薯角同蔬菜都係烚+少少調味-法式油封鴨油封鴨好香!!!係一上枱已經好香!!老細話鴨脾係慢煮, 肉好嫩滑, 係刀叉唔駛大力切都骨肉分離個種嫩!食完個咀都仲有鴨香味油封鴨配的汁少少酸, 夾埋菜食更開胃-薄荷茉莉花茶好重薄荷味,因為薄荷清涼, 所以消滯一流;茉莉花味俾薄荷遮晒, 唔係幾飲得出 -昆布茶講真, 純粹似普通茶葉味....總結: 肉好有質素!!令我好期待下次去試魚!!老細一家三口睇得出對食物質素好有要求!!

我地一行四個人黎左呢間餐廳，有一種樓上私房菜的感覺，食物方面都係偏向私房菜，老闆會主動問我地食物質素係點，感覺老闆好nice，如果鍾意同餐廳老闆交流的吃貨，可以選擇呢間!我地全部人都係揀左dinner set，因為就咁一個小食加杯野飲都已經係set的價錢，感覺抵D餐湯忌廉蘑菇湯 - 飲得出唔係罐頭開嘅，菇味濃郁，配埋自家製餐包，香草味濃，絕對要試沙津有別普通的餐廳，沙律係小清新的感覺，有火龍果同埋木瓜，睇得出老闆好有心思主菜 (我地去個日冇佢最特別的馬友魚一夜干，好可惜呀)1. 法式封油鴨我地分別叫左兩個，一個係飯，另一個係意粉，油鴨煮得好林，不過鴨味唔係好濃，意粉比想像中多，而且唔係乾爭爭的，個汁竟然係我地個fd叫的意大利煙肉火腿蕃茄銀魚仔意粉一樣，整體都係唔錯的2. 低溫慢煮雞肉配卡邦尼汁雞肉係低溫慢煮下，肉汁鎖住左，好Juicy，卡邦尼汁唔馬虎，建議大家可以試一試佢地的慢煮菜式3. 意大利煙肉火腿蕃茄銀魚仔意粉個名同埋個菜式有D出入，因為見到個名，以為會有煙肉、火腿同埋蕃茄汁，但係上菜時竟然只係普通意粉，有幾條銀魚仔，但煙肉、火腿同埋蕃茄汁欠奉，失望，如果個名改好D就好啦花茶﹕1

想坐得舒服啲同朋友靜靜地談心，見到附近好多選擇，最後揀左呢間，因為係樓上又可以食西餐馬友魚一夜乾套餐好味道.5餐湯係忌廉蘑菇湯，好濃郁菇味，一啲都唔膩，仲好順口，細細杯唔怕會飲飽哂沙律新鮮脆卜卜，仲有溫泉蛋同一啲腌蔬果，酸酸甜甜好開胃馬友魚老闆話係鎮店之寶，真係好好味，魚肉嫩滑，一唔洗哎咬自然散開，好濃魚味，以家睇返相都想再食佢，啖啖肉最後有餐飲同甜品，焦糖燉蛋正正子，仲可以玩個脆脆面，開心作結，如果鐘意慢慢食高質西餐可以揀呢間

On the other day, I stumbled across this cafe and had lunch by myself. The staff was nice and helpful. The food tasted great. The soup was good but more salt and seasoning would be preferred. The spaghetti was cooked with a great texture and the fish fillet was cooked just perfectly to the optimal wellness, as well as being seasoned beautifully with the herbs. One downside was the spaghetti was bland on its own and it heavily relied on the tomato sauce solely, which was not what I had exp

老闆對食物好有執著！自己熟成豬牛羊鴨，自己整一夜干，餐包又自己整，絕對唔落化學膨脹劑，餐湯又自己煲（絕對唔係罐頭開粉嘢），主菜好味唔洗講，只係需要簡單調味就帶著肉嘅美味，就係因為用料靚，用簡單調味就足夠！燒魚非常juicy！一咬走漏汁！乾式熟成羊肩肉冇蘇味肉味香濃！side dish一啲都唔馬虎！清蒸各類蔬菜雖然無咩調味但非常香甜，完全唔需要調味就好好味！係唔平嘅，但質素絕對超過個價錢！我兩次去晚市都冇乜人，可能位置隱蔽，店名望落又唔覺有高質嘢食掛，好野希望多啲人支持吓！

同朋友想揾間良心小店食飯，搵吓搵吓就搵到呢間，鋪頭唔算大，人亦唔多，氣氛好寧靜好舒服，好適合同朋友黎吹水食飯。老闆好細心咁介紹餐牌，主要係食熟成同埋低溫慢煮，dinner set ~$158-2xx，包括餐湯麵包沙律主菜甜品飲品，其實都算好抵食，最後仲食到捧住個肚走💛沙律正正常常冇乜特別，餐湯好飲，最驚喜係麵包，好重香草味，老闆話係自家製，配埋少少牛油，好想再瘋狂食多幾塊💛主菜叫咗低溫慢煮油封鴨髀，低溫慢煮牛面肉，兩個都可以揀配飯、意粉、薯仔，我同朋友都揀咗配薯仔。老實講油封鴨髀唔算大隻，但油味同鴨味好香。牛面肉有少少似牛展，份量比較多，食得好滋味。薯仔都有五六舊，上面配上少少香草，幾好味。食到呢度其實都好飽，但仲有個甜品，係即整嘅焦糖燉蛋，見着老闆即刻燒面頭嘅焦糖好新鮮，係近排食過最好味嘅焦糖燉蛋。仲有可以揀一杯野飲，有好多特色嘅花茶，我同朋友就揀咗黑糖薑茶，個杯好大差唔多成個湯碗咁大。黑糖同薑嘅比例都好多，飲落係結結地身，中間加咗一次熱水，都仲好有薑同糖嘅味，係呢個秋涼嘅季節好適合飲，感覺好暖胃好補身。成餐飯都食得好舒服，食到都唔記得咗影返張相，唯有純文字討論。希望會吸引到大家多啲

今日同老婆去食tea，諗住搵間黃店支持下，上到冇黃店特色，係唔係黃店確認唔到，係度純粹分享食評。一向冇寫開食評，所以冇影到相。一坐低睇到個menu，d野食都偏貴，不過同老婆撐枱腳想食好d，諗住價錢有返咁上下，d野食都唔會難食得去邊。我地叫左兩個tea set，我個餐叫左蜜糖雞翼連一個磨菇湯$88，職員介紹可以轉墨西哥辣汁雞翼。湯：清淡磨茹味，香味唔濃，口感ok，但份量只有1/4-1/3碗雞翼：0辣度，味道奇怪，腐乳味另一set唔記得佢食左咩，但佢食左我3隻雞翼總結：性價比低，味道須改善，whats gap 話係黃，如果真係，建議加個連儂牆。

見係網上講係黃店，就黎支持下la。一入到去係一間好正常的舖頭，唔講真係唔知佢係黃店.....好la，坐低食嘢，揀左慢煮雞同牛肋條意粉晚市套餐。慢煮雞d雞肉幾有彈性。d牛就完全唔得，質地好似煲湯肉咁，真係好奇怪牛可以煮得咁難食。其他湯甜品茶都正常咁la，真係建議將牛剔出餐牌。

我都好一陣無去樓上cafe，搵左一輪餐廳，見呢個近近地，就揀左呢間。係樓下有個㩒可以直接去餐廳，如果唔得，㩒管理處。呢樹要先行半層樓梯，先去搭電梯。另一邊係小朋友教室，出𨋢轉左就係。到埗時已經可以揀午餐或下午茶飲品有呢啲。聽左一輪介紹，都係要啲特別嘅。店鋪近一半位置係座位，U字型係廚房，見到都係乾淨同企理。我就揀左窗邊坐，可以望下景。呢個係低溫慢煮雞肉配卡邦尼汁，96元。同我想像嘅有唔同，雞肉我覺得同平時唔同，係滑啲，完全無「鞋」嘅感覺，而且都幾掛汁。而卡邦尼汁同平時食又有唔同，好似有啲似麻醬，有啲唔同。幾新鮮，有驚喜。又係你啦，肥威，正常，無特別大驚喜。

星期五搵食難免有點困難，不是人多就是限時，朋友推介Jimmy Coffee因為人不多，食物質素亦不錯，可以慢慢坐慢慢傾，絕對適合五個已有大半年沒有齊人坐在一起的密友來一餐難得的晚餐。餐廳位於太子的住宅大廈內，有點私房菜的感覺，單位不大，但都可以坐到廿幾人。由於是開放式廚房，難免有點油煙味。朋友說老闆Jimmy只做晚市，退休後為興趣而開店，真寫意。老闆推崇健康煮食，少油少鹽，伴碟的蔬菜也用烚熟的煮法完成，要以健康為主題。這絕對適合以清淡為主的我們。假如喜歡濃味就未必喜歡。跟餐沙律：蔬菜新鮮，卜卜脆，內有少許水果，增添色彩。難得有一隻水波蛋，不錯。是日餐湯：忌廉磨菇湯，味不濃，比較稠有點似羮，磨菇碎欠奉，並非生磨，似罐頭湯。芝士焗煙肉洋蔥珍寶磨菇 ：焗得不錯，不會乾，被薄薄的芝士覆蓋著的煙肉洋蔥很香，很juicy。馬友魚一夜乾：馬友通常會用作餣鹹魚，因為魚本身已帶有鹹味。Jimmy簡單地將魚煎香，不需作調味，魚肉已帶鹹味，同時帶少許腥味。朋友說馬友便是這樣。甘鯛立鱗燒：這是朋友的至愛，每次都必點。同樣地，Jimmy將甘鯛煎香，魚皮連鱗一起煎，上檯時皮連魚鱗一起吃，脆脆的，魚肉厚實，絕不帶腥

最近某廣告說熟成令味道更出色。我即時想起這店，更不得不提筆讚賞。 其實我多次光顧這咖啡店，老闆Jimmy對食物品質的追求，令人刮目。他為了尋找製造熟成食物，先研究後實行。對食物的熱情付諸行動，先與冷凍櫃製造商接洽，講出熟成的理念是溫度與濕度的控制配合，經過年多的時間把試驗成功的冷藏櫃安裝到店內。令更多人可享到熟成食物的美味。先試熟成甘鲷立鱗燒及馬友一夜乾，之後吃過雪魚西京燒, 28日紐西蘭肉眼扒及熟成牛舌，各款食物味道都很有層次。在幾款熟成菜式，我個人最喜歡立鱗燒。另外還有他自家製的橙皮茶，如果不愛咖啡可試試。

主菜：我試左Jimmy推介嘅熟成魚，試試點樣連魚鱗都食埋。等左20分鐘度，金黃色嘅魚在眼前~入口，好似食薯片咁，得。阿囡話等耐d都值得。甜品加錢轉窩夫，因為I dont like焦糖蛋呢。咖啡，更係得。朋友傾偈環境好合適。Enjoy。每人大概250。

已經數年沒有光顧，今次路經太子，要補充一下咖啡因，記起這小店，於是再去。一進門接持的變成笑容可親的咖啡司，看來店子轉了手。播住無線新聞台的電視沒有了，變成悠掦的英文經典歌，好開始。ice Long Black：鮮，順喉，比一般咖啡店好多了，出色！Cappuccino：咖奶平衡，好味，放涼喝味更徍！芝士煙肉焗薯：薯仔新鮮香甜，粉綿口感，小許洋葱芝士煙肉調味已很好吃！店子打理得好整潔，杯子碟子抺擦得一點水漬也沒有，咖啡司好着重細節，太子區有這店真好!

自從搬入旺角每日兩餐都要在外解決, 嚐遍區內不少食肆, 每間食店都有它們經營手法, 個人就較喜歡有個性及食物有特式的餐廳, 奈何令人滿意的卻廖廖可數, Jimmy’s Coffee 是讓我一再光顧的小店之一, 此店環境設計簡約隨意, 予人隠世的感覺。菜式以慢煮及熟成為主, 需要複雜的烹煮程序, 與家人選了低溫慢煮羊扒及厚切牛舌芯, 慢煮的羊肉沒有腥味, 細細慢嚼能夠吃出羊肉的鮮味, 牛舌芯經過烤焦牛舌獨有的油脂十分香口。老闆很細心為我們解釋食物的製作程序, 是對食物有研究的有心人, 值得支持。

餐廳位於樓上,環境寧靜,坐得舒服. 自家製麵包鬆化可口,蘑菇湯也不俗. 誠意推薦低溫慢煮豬肩肉,肉質嫰滑又不膩. 甜品焦糖燉蛋也是驚喜. 總括而言,這餐質素高,絕對值得再來